Njeriu i fundit DHE FUNDI I HISTORISË !
Kohët e fundit janë përhapur lajme të ndryshme në medie se bota në vitin 2012 do të shkatërrohet dhe se do të marrë fund çdo gjë , se do të ndodhin katastrofa të mëdha . Më së fundmi çdo njeri e ka marrë vesh këtë paralajmërim me daljen e filmit Hollywoodian me titull “ 2012 ”, në të cilin bëhet fjalë mbi përmbysjen e civilizimit siç e njohin , dhe pothuajse gjithë njerëzimit . Shumë njerëz kanë rënë në mëdyshje , të tjerë besojnë plotësisht dhe fillojnë të përgatiten për kohën e trazimit të planetit . Si bazë e këtyre hipotezave shërbejnë kalendari i popullit të lashtë “ Maya ”, për të cilin thuhet se ai mbaron me datë 21.12.2012 , si edhe parashikimet e Nostradamusit . Njeriu nga vetë natyra e tij është i prirë që të dijë për të ardhmen , për këtë siç tregon historia janë pyetur më te diturit në kohërat e vjetra , ku kanë folur për një fund të historisë , e cila siç e pamë më lart ka një gjenezë të vjetër dhe ka vazhduar deri në ditët tona . “ Fundi i historisë ” nuk është lënë pa u folur e debatuar nga filozofë të ndryshëm si : Hobsit , Lokut , Niçe , Samuel Huntigtoni dhe Francis Fukuyama , i cili botoi librin mbi Fundin e Historisë . Temat e kësaj natyre janë përcjellë me reagime të shumta nga studiues të ndryshëm në botë dhe ato teori janë kritikuar nga disiplina të ndryshe , si historia , antropologjia , shkencat politike , sociologjia dhe filozofia . Të gjithë ata që flasin mbi fundin e historisë , e kanë trajtuar atë në bazë të ideologjisë së tyre të cilat ata i kanë paraparë si më të mira për njerëzimin apo të kundërtën e kësaj se “ Njeriu i Fundit është pa gjoks , pa zemër dhe pa pjesën zemërake të shpirtit , ose thymos siç e quan Platoni ”. Fundi i Historisë është përmendur nga religjionet , si nga ato fetë qiellore që njihen sot : hebraizmi , krishterimi dhe islami , ku secila nga këto tregojnë për ngjarjet dhe ndodhitë që do të ndodhin gjatë asaj kohe dhe në atë kohë . Ndryshe nga religjionet , sektet fetare , apo individ religjioz , ë siç ishte “ Harold Camping ”, filozofët kanë folur nga një aspekt tjetër për Fundin e Historisë . “ Sipas filozofisë së historisë së Hegelit , kuptimi i historisë , domethënia e saj dhe drejtimi i saj , qëndrojnë te progresi i shpirtit që gjithnjë e më tepër fiton ndërgjegjen e lirisë së tij , nëpërmjet organizimit të një shteti të mbështetur te pjesëmarrja e qytetarëve ”. “ Njeriu i fundit ”, nocion i Niçes që emërton një tip njeriu i cili shfaqet në Fundin e Historisë . Jeta e
22 Zgjimi Islam
Njeriut të Fundit është e zbrazët dhe pa kuptim , duke qenë se të gjithë njerëzit e pranojnë njëri-tjetrin si të barabartë dhe nuk luftojnë mes vete , andaj u mbetet vetëm të punojnë për arritje të pafund të të mirave materiale ”. “ Sipas Marksit , gjithë historia e njerëzimit është histori e zotërisë dhe skllavit : zotërinjtë gëzonin lirinë , ndërsa skllevërit vazhdimisht luftonin për të . Meqenëse historia ka fillim , ajo ka edhe fund . Historia mbaron atëherë kur skllevërit , pas luftërave të mëdha për pranim , arrijnë të barazohen me zotërinjtë ”. Ndërsa Fukuyama pohon se demokracia liberale gjeneron paqe në botë , pasi që ( sipas Kantit ) shtetet demokratike , në saje të lidhjeve të tyre ekonomike dhe ideologjike , nuk luftojnë mes vete . Të gjithë këta filozofë dhe mendimtarë Fundin e Historisë e shohin në bazë të ideologjisë që i kanë takuar në atë kohë , përndryshe nga Fukuyama i cili mendon se në të ardhmen njerëzimi do ta përkrahë demokracinë liberale ku të gjithë do të jenë në paqe .