Udhërrëfyes
Kështu u titullua programi fetaro-kulturor i
organizuar nga Unioni Studentor i Fakultetit
të Studimeve Islame. Qëllimi i këtij program
ishte përkujtimi i të Dërguarit Muhamedit a.s.,
duke mos pasur parasysh ndonjë datë apo ditë
të veçantë. Programi u mbajt në amfiteatrin e
Fakultetit të Studimeve Islame me 30.05.2012.
Kishte të ftuar nga institucione të ndryshme
qeveritare dhe jo-qeveritare, profesor e aktorë
të skenës Kosovare. Programi ishte i hapur
andaj me shumë kënaqësi kemi pritur të ftuarit
të cilët me ardhjen e tyre jo vetëm që na nderuan por edhe i dhanë bukuri sallës e cila ishte
e mbushur plot. Nuk munguan edhe media
të ndryshme të cilat iu përgjigjën ftesës sonë.
Programi u hapë me fjalët e Allahut të kënduara nga studenti Kreshnik Abdullahu, i cili me
zërin e tij të bukur kënaqi të pranishmit.
Më pas fjalën mori dekani i Fakultetit të Studimeve Islame, z. prof. dr. Qazim Qazimi, i
cili falënderoi të pranishmit dhe u uroi mirëseardhje. Pastaj fjalën mori kryetari i Unionit
Studentor, Vixhdan Ibrahimi, i cili foli për qëllimin e organizimit të programit dhe gjithashtu
falënderoi të pranishmit për pjesëmarrjen e
tyre si dhe të gjithë studentëve ua uroi përfundimin e vitit akademik 2011/2012.
Programi vazhdoi me pjesën artistike që ishte
e pasur me ilahi të ndryshme që u kënduan
nga kori i Fakultetit të Studimeve Islame dhe
mysafirët e ftuar si Avdush Krosa dhe Sead
Llumnica.
20 Zgjimi Islam