Kjo gjë ndodh te disa njerëz , të cilëve Allahu i Madhëruar dëshiron që t ’ ua tregojë disa gjëra para se të ndodhin . Për ta vërtetuar këtë ju mundëson që disa njerëz edhe ta shohin ëndrrën e njëjtë . Ëndrrat janë të vërteta aq sa njeriu është i sinqertë . Ëndrra më të vërteta sheh ai person që është më i drejtë në të folur , në të menduar dhe në të punuar , që ha ushqim hallall , i kryen obligimet fetare , bie në gjumë me abdes i drejtuar kah kibla dhe e përmend Allahun derisa ta zërë gjumi . Omeri r . a . ka thënë : “ A dëshironi t ’ ju njoftoj për ëndërrimin e njeriut kur është duke fjetur ? Në atë kohë shpirti i njeriut ngrihet kah qiejt dhe tërë atë që e sheh para se ajo të arrij deri te qielli , ajo është ëndrra jo e saktë , ndërsa ajo çka sheh me rastin e arritjes në qiell është ëndërr e saktë ”. Muhamedi a . s ., ka thënë : “ Ëndrrat më të vërteta janë ato që shihen para agimit ”. Ibn Kajjimi el-Xhevzije thotë : “ Ëndrrat më të vërteta , janë ëndrrat që shihen para agimit , sepse para agimit është koha kur zbret Allahu , kur afrohet mëshira dhe falja , dhe kur struken djajtë ”. Kjo do të thotë se nga gjurmët e mira që lë kjo kohë e begatshme , janë edhe ëndrrat e pastra dhe të sakta , që njeriu i sheh gjatë saj . E kundërta e kësaj është koha e akshamit , kur shejtanët janë aktivë dhe të shpërndarë , në kohën e perëndimit të diellit dhe në
kohën kur ka bubullima dhe të reshura me vranësira të frikshme . Muhamedi a . s ., ka thënë : “ Ëndrra e bukur është prej Allahut , ndërsa ëndërrimi i keq është prej shejtanit . Prandaj , ai që sheh në ëndërr diçka që nuk i pëlqen , le të fryjë tri herë në të majtë dhe le të kërkojë mbrojtjen e Allahut nga shejtani dhe nuk do t ’ i bëjë dëm asgjë dhe të mos ia tregojë askujt atë . Ndërsa ai që sheh ëndërr të bukur le të gëzohet dhe le t ’ ia tregojë vetëm atij që e do ”. Ëndrra e bukur ndjell gëzim dhe kënaqësi në zemrën e besimtarit dhe i shton shpresat për një të mirë që do të vijë shumë shpejt . Ubade ibn Samiti r . a ., ka thënë : “ Ëndrra e besimtarit është e folur me të cilën Zoti i tij i drejtohet atij derisa ai është në gjumë ”.
Literatura e konsultuar : 1 .“ Komentimi i Ëndrrave ”, Muhamed ibn Sirin . 2 .“ Medarixhu Salikin ”, Ibn Kajjim el- Xhevzije . 3 .“ Enciklopedia e sjelljeve dhe rregullave Islame ”, Abdul- Aziz en- Neda . 4 .“ Kërkimi i begatisë- Llojet dhe dispozitat e tij ”, Nasir ibn Muhamed el- Xhedi . 5 . “ Fjalor i komentimit të ëndrrave ” Husejn es- Serraxh . 6 .“ Jeta dhe Vdekja ”, Muhamed Muteveli esh- Sharavi .
Kastriot BEHRAMI / II
Zgjimi Islam 19