Në lidhje me këtë grup të formuar , El-Muvaffak bin Ahmed el-Mekkiu ( vdiq në vitin 568 / 1172 ) shkruante : “ Ebu Hanife e ka rrumbullakuar sistemin e tij legjislativ në marrëveshje me nxënësit e tij të ditur . Dëshira e tij për të bërë gjithçka që është e mundur në dobi të fesë , dashuria e tij ndaj Zotit , Pejgamberit dhe ndaj besimtarëve , nuk e lejonte të ndërmerrte veprime të njëanshme , duke injoruar kolegët-nxënësit e tij . Çdo problem e shtronte para tyre . Hidhte dritë në aspekte të ndryshme të tij . Dëgjonte me vëmendje çfarë deklaronte secili prej tyre dhe shfaqte qëndrimin e tij për ta shqyrtuar . Këto shqyrtime dhe diskutime kanë qenë aq të hollësishme saqë për disa vendime nevojitej një muaj ose më shumë . Në fund , kur arrihej zgjidhja e duhur , atë e shënonte Ebu Jusufi në përmbledhjet e shkollës Hanefite ”
Ebu Hanifeja ishte shumë i hapur dhe transparent me nxënësit e tij . Një ditë , ndërkohë që po jepte komentet dhe mendimet e tij , ndërhyri dikush dhe i tha : “ Ke gabuar , o Ebu Hanife !” Ebu Hanifeja nuk i ktheu përgjigje dhe vazhdoi , por dikush tjetër e ndërpreu dhe i tha : “ Ke gabuar , o Ebu Hanife !” Mes nxënësve ndodhej dhe një burrë që ishte hera e parë që merrte pjesë në mësimet e Ebu Hanifes . Ai u shtang nga ajo që dëgjoi , ku dy nxënës e ndërprisnin mësuesin e tyre , imamin më të madh të kohës . Ai u ngrit dhe u tha nxënësve të tjerë : “ A kështu e respektoni mësuesin tuaj ?! Dy nga nxënësit e tij i thonë që ke gabuar dhe asnjëri prej jush nuk flet ?! Ebu Hanifeja , duke buzëqeshur , iu drejtua burrit dhe i tha : “ Lëri , pasi unë vetë i kam mësuar dhe edukuar në këtë formë !”
12
Zgjimi Islam
Burri , i befasuar , e pyeti : “ I ke mësuar ti që të të thonë “ Gabove ?!” Ebu Hanifeja i tha : “ Ne nuk mund t ’ i shërbejmë fikhut veçse në këtë mënyrë ”. Pra , shohim se Ebu Hanifeja nuk e impononte mendimin e tij në çështjet e jurisprudencës islame . Kjo ngase ai donte që t ’ i mësonte nxënësit e tij mbi formën e debatit dhe arritjes së mendimit më të drejtë . Për fund , Ebu Hanifeja ishte themeluesi i shkollës së parë dhe më të madhe juridike , së cilës i përkasin një numër i madh i muslimanëve në të katër anët e botës islame , në mesin e të cilëve edhe muslimanët e Ballkanit , ku shqiptarët përbëjnë pjesën më të madhe dërrmuese . Ai konsiderohet dijetari i parë i cili ka shënuar fikhun dhe e ka sistemuar në kaptina e në tërësi të mëdha tematike , siç bëhet edhe sot .
Literatura e konsultuar : 1 .“ Historia e së drejtës së Sheriatit ”, Mr . Fikret Karçiq , Prizren 1994 . 2 .“ Shkolla juridike hanefite dhe karakteristikat themelore të doktrinës së saj ”, Nexhat Ibrahimi , Shkup 1998 . 3 .“ Ftesë për bashkëjetesë ”, Amër Halid , Shkup 2008 . 4 .“ Pesë kryeveprat e Ebu Hanifes ”, përktheu nga arabishtja : Mustafë Jetish Bajrami , Prishtinë 2000 . 5 .“ Musnedi i Imam Ebu Hanifes ”, Dr . Fuad Sediç , Prishtinë 2009 .
Bardha KQIKU / I