Tempo Edisi Khusus Wiji Thukul, 13 - 19 Mei 2013 | Page 70
Reco Ngglandag
reco nggladag
coba takona
bocah-bocah kuwi anake sapa
apa kupingmu ora risi
krungu cekikikane bocah-bocah kuwi
coba takonana omahe ngendi
iki wis bengi
coba tamatna sopir-sopir becak kae
turu angler ora sarungan
apa sing dienteni? rejeki?
reco nggladag
tulung
jawilna sutinah
sing rambute dawa diklebang loro
kuwi
mengko esuk arep turu ngendhi?
solo, 4.8.87
7 Agustus 1987
isih turu aku digugah adhiku
dheweke mbengak: aku klebu
sipenmaru!
maca koran sing didudahake
”Endi?”
adhiku nggregeli
drijine nduding jenenge
”Iki lho…….”
adhiku bungahe ora karuan
(sida dadi mahasiswa!)
simbok melu bingung
pamer tangga kiwo tengen
”Mbayar pira?”
”Satus telung puluh lima ewu!”
simbok ndomblang
nyawang isen-isen omahe.
sorogenen, solo
-24-