Tambuling Batangas Publication September 19-25, 2018 Issue

BALITA Batangas City Development Council (CDC) sa Full Council Meeting Batangueña na Kinoronahan bilang Miss Tourism World Philippines 2018, Binigyang Pagkilala BILANG pagkilala sa karangalang inihatid sa Lalawigan ng Batangas, ginawaran ng Certificate of Recognition si Kathleen Tagle Gomez mula sa bayan ng Balete matapos makuha nito ang titulong Miss Tourism World Philippines 2018 sa ginanap na koronasyon ng Miss Tourism Philippines 2018 sa Chateau Royale, Nasugbu, Batangas noong ika-25 ng Agosto 2018. Kasabay ng pagsisimula sa pagdiriwang ng Tourism Month ng lalawigan na idinaos sa Batangas Provincial Auditorium noong ika-10 ng Setyembre, personal na iginawad ni Gov. Dodo Mandanas, kasama ang mga miyembro ng Sangguniang Panlalawigan, ang parangal sa Batangueña Beauty Queen para sa kanyang ipinamalas na galing sa larangan ng beauty pageant. Kaugnay nito, hindi lamang ang pagkapanalo sa titulo ang kanyang nakamit, humakot si Gomez ng ilang special awards kagaya ng Miss Jergens, Miss MUD, Miss Chateau Royale, Miss Lady Grace at Miss Photogenic. Ang Miss Tourism Philippines Pageant ay may apat na korona at titulo kung saan ang mananalo ay magiging representate ng bansa sa international pageants, ang Miss Tourism Grand Queen, Miss Tourism Universe, Miss Tourism Ambassador at ang Miss Tourism World. Si Gomez, dalawampu’t apat na taong gulang, ay nagtapos sa kursong Bachelor of Science in Tourism sa First Asia Institute of Technology and Humanities (FAITH) sa Lungsod ng Tanauan. Matatandaan din na noong isang taon ay sumabak na ito bilang isa sa mga kalahok sa Miss World Philippines 2017. Ang sertipiko ng pagkilala na iginawad kay Gomez ay base sa inihaing Resolusyon ni 3rd District Board Member Alfredo C. Corona kung saan nasasaad na makakatanggap ito ng cash incentive mula sa Pamahalaang Panlalawigan ng Batangas alinsunod sa Provincial No. 005 Year 2016 na may titulong Incentive to Batangueño Achievers. Labis naman ang ipinakitang saya at suporta ni Gov. Mandanas kasama ang mga bokal lalo pa at magiging kinatawan si Kathleen Tagle Gomez sa internasyonal na kumpetisyon para maiuwi ang titulong Miss Tourism World. Samantala, kinilala rin si Jan Rose de Castro mula sa Rosario, Batangas na nakuha ang titulo bilang 1st Runner-Up. Hangarin ng Miss Tourism Philippines Pageant na maitaguyod ang turismo sa pamamagitan ng kagandahan, sining at kultura. Sinisikap din ng nasabing pageant ang makipagtulungan sa mga Local Government Units upang mas maipakita pa ang halaga ng pagkaka-isa sa paglikha ng magagandang oportunidad para sa mga lokal na komunidad. ✎ Mark Jonathan M. Macaraig – Batangas Capitol PIO Angat ang galing at ganda ng Batangueña! Muling napatunayan ang husay at kahanga-hangang determinasyon ng Batangueña sa larangan ng beauty pageant sa katauhan ng 24-taong gulang na si Kathleen Tagle Gomez matapos masungkit ang korona at titulong Miss Tourism World Philippines 2018 sa nakaraang Miss Tourism Philippines Pageant noong August 25, 2018 na ginanap sa Chateau Royale, Nasugbu, Batangas. Kasama sa larawan sina Gov. Dodo Mandanas at mga miyembro ng Sangguniang Panlalawigan. ✐Mark Jonathan M. Macaraig/Photo by Eric Arellano – Batangas Capitol PIO September 19-25 2018 Halos 2,000 katao lumahok sa Alay lakad 2018 BATANGAS CITY-Bagamat Typhoon Signal no. 1 sa Batangas City bunga ng malakas na bagyong si Ompong, natuloy ang Alay Lakad ngayong araw na ito, September 14, kung saan halos 2,000 katao ang lumahok at nakalikom ng halagang P814,770. Mula sa Laurel Park na siyang assembly point, ganap na 6:30 ng umaga ng maglakad ang mga city government employees, barangay officials, mga kinatawan ng Batangas City Police, Phil. Coast Guard, Department of Education, business establishments, non-government organizations, mga estudyante at iba pang sektor. Tumuloy siia sa Sports Coliseum kung saan isang programa ang ginanap. Naging panauhin si Gov. Hermilando Mandanas kung saan binati niya ang Batangas City dahilan sa nangunguna ito sa pagpapaaral ng mga kabataang karapatdapat subalit walang kakayahang gastusan ang kanilang pag-aaral.. “Binabati ko ang city government dahil sa binibigyang diin nito ang kinabukasan ng mga kabataan sa lungsod,” sabi niya. Sinabi naman ni Congressman Marvey Mariño na ang Alay Lakad ay pagpapatunay ng pagkakaisa ng mga mamamayan sa pagsuporta sa gawaing ito upang makatulong sa mga out-of-school youth at iba pang kabataang higit na nangangailangan. Para kay Mayor Beverley Rose Dimacuha, malaking tulong ang Alay Lakad sa pag-aaral ng mga matatalino subalit kapospalad na mga kabataan. Ayon kay Mila Espanola, hepe ng City Social Welfare and Development Office (CSWD), kasama rin sa mga scholars ng Alay Lakad ang mga batang may kapansanan at tumutulong sa iba pang youth development projects ng lungsod. Game na game namang nagsayaw ng modern dance sila Congressman Mariño. Mayor Dimacuha, at mga miyembro ng Alay Lakad Executive Committee. Nahirang na Ms. Alay Lakad 2018 si Lea Mhae Tan na kinatawan ng Dep Ed, 1st runner up si Shiela Mae Frago ng University of Batangas at 2nd runner up si May- Ann Magbato na child development worker ng Barangay Dumuclay. Pinasalamatan ni Alan De La Torre, chairman ng Alay Lakad 2018 ang mga sumuporta sa programa ng Alay Lakad lalo na yuong mga naging top contributors noong 2017, na malaki ang naitulong lalo na sa edukasyon. Dumalo rin dito ang Batangas Tanduay Athletic team bilang pagsuporta sa Alay Lakad at nagimbita sa mga taga lungsod na laging subaybayan ang kanilang mga laro. Inaasahang lalaki pa ang halagang malilikom sa mga donors na magbibigay sa fund-raising project na ito. LIZA PEREZ DE (PIO Batangas City) City... mula sa pahina 1 Seguridad ng Urban, Bisikleta Laban sa Kriminalidad at Mabilis na Serbisyo o Project SUBLIAN upang mapalakas ang police visibility sa pamamagitan ng pagpapatrol sa mga kritikal na lugar at mabilis na pagtugon sa insidente ng krimen lalo na sa oras ng heavy traffic. Ito ay proyekto ni dating Batangas City PNP Chief PSPSupt. Nicolas De Torre, na tinawag bilang Project Pedal at ipinagpatuloy ni PSupt. Manuel Castillo bilang best practice ng Batangas City Police Station. Nagkaroon ng symbolic turn-over ng 10 mountain bikes ng Batangas City Police, na ipinagawa at pinaganda ni Pangulong Angelito “Dondon” Dimacuha ng Association of Barangay Captains at apat na bagong mountain bikes mula kay Mayor Dimacuha. Ang mga ito ay gagamitin ng mga kapulisan na nag volunteer ng extra duty hours para sa proyektong ito. Ayon kay ABC President, hindi siya nagdalawang isip sa pagsuporta sa bike patrol sapagkat bukod sa magandang solusyon ito sa traffic, promosyon din aniya ito sa pagiging bike- friendly ng lungsod. Itatalaga ang mga police bikers malapit sa campus areas sapagkat ang mga estudyante ang madalas na nabibiktima ng masasamang loob base sa kanilang na-mo-monitor sa social media. Sa dry run ng Bike Patrol noong August 6, may 120 traffic violators ang na apprehend ng pulis at nakaresponde sa ilang insidente sa Batangas National High School at barangay Kumintang Ibaba. Inilunsad din dito ang Project Blue Box na isang crime- reporting system na inadapt ng Batangas City PNP mula sa Region kung saan maaaring magbigay ng puna, papuri, reklamo, reaksyon, sumbong, mungkahi at mga impormasyon na magtuturo sa mga kriminal partikular sa ilegal na droga. Ito ay ilalagay sa mga strategic places tulad ng malls, simbahan, city hall, palengke at terminal kung saan pwedeng ihulog sa mga boxes ang mga feedback notes ng mga mamamayan. Nagbigay din ng certificates of appreciation ang Batangas City PNP kina Mayor Dimacuha sa pagkakaloob nito ng Hyundai Back- to- Back Mobile at kay District Collector Atty. Edward Ibera ng Bureau of Customs sa Batangas sa ibinigay nitong Toyota Hi lux pick up. Binasbasan ang mga bigay na sasakyan at mga equipment kagaya ng mga bullet proof vests at breath analyzers. Nagkaroon din ng feeding program at free blood pressure check. Nagbigay kasiyahan naman ang presentation ng Batangas Police Provincial Office Band at ang pagkanta ni Mayor Dimacuha ng Huwag ka ng Umiyak na siyang theme song ng sikat ng teleseryeng Probinsiyano. Sumayaw din ang police mascot. Lubos ang pasasalamat ng city police chief na si Pol. Supt. Sancho Celedio sa tagumpay ng naturang okasyon at sa “overwhelming support” hindi lamang ng lokal na pamahalaan gayundin ng ibat-ibang sektor, samahan, institusyon at non- government organizations. Dumalo at nakiisa din sa pagdiriwang sina PCSupt Marcellano Villafranca ng Office of the Presidential Adviser for Sounthern Tagalog, Coun. Armando Lazarte, SK Federation President Marjorie Manalo at ilang mga barangay officials.(PIO Batangas City)

Tambuling Batangas Publication September 19-25, 2018 Issue | Page 2