Tambuling Batangas Publication March 13-19, 2019 Issue

BALITA award- winning hair and makeup artist na si Ariane Gamboa Dep Ed Batangas City nag-advance celebration ng golden anniversary NAGDAOS ng dalawang araw na advance celebration ang Department of Education Batangas City ng kanilang 50th anniversary na sinimulan ngayon, March 7, sa Batangas City Coliseum. Sampung grupo ng mag-aaral mula sa pampublikong elementarya at sekondarya ang nagpakitang gilas sa kanilang field demonstration gamit ang makukulay na costumes at props at sinaksihan ng libo-libong guro at estudyante. Ayon kay Dr. Donato Bueno, city schools division superintendent, napaka- makasaysayan ng selebrasyon ngayong taong ito sapagkat bukod aniya sa golden anniversary, naging ISO certified na rin ang dibisyon noong nakaraang Disyembre. “Double celebration ito para sa atin, dahil alam naman natin kung gaano kahirap magkaroon ng ISO certification ang isang entity. Ibig sabhin lamang nasa tamang landas tayo at sana magtuloy-tuloy ito sa susunod pang limampung taon,” sabi ni Bueno. Sinabi rin ng Dep Ed head na sinadya nilang agahan ang pagdiriwang ng kanilang anniversary upang hindi magkaroon ng ‘conflict’ sa pagdiriwang din ng golden anniversary ng lungsod ng Batangas sa July. “Ang eksaktong date po ng ating founding anniversary ay sa Agosto, subalit pinili po natin na gawin ng mas maaga sapagkat alam nyo naman na 50th anniversary din ng lungsod sa July at sigurado pong napakarami din nating activities doon,” dagdag pa ni Bueno. Bukod sa field demonstration ng mga estudyante, may inihanda ding rigodon sa gabi ng unang araw na lalahukan naman ng mga teachers, principals, at mga district supervisors. Sa ikalawang araw ng selebrasyon, 37 pares na mga teachers mula sa ibat-ibang paaralan sa lungsod ang maglalaban-laban para tanghaling Mr. And Miss Deped Batangas City 2019. Ito ay gaganapin sa Batangas City Convention Center sa March 8, 7:00 ng gabi. Ang naturang pageant ay inilunsad bilang isang income- generating project kung saan ang malilikom na pondo ay gagamitin para sa mga improvements na gagawin sa division office.(PIO Batangas City) March 13-19, 2019 Latest sa hair and makeup nakita sa LGBTQIA- SILBI’s Aura-Ala-Eh ANG lahat ng mga hair at makeup artists na nabibilang sa LGBTQIA-SILBI community sa Batangas ay nagkatipon tipon at nagpagalingan sa kanilang larangan kahapon, March 4 sa tinaguriang Aura-Ala-Eh! sa Batangas City Sports Coliseum Ayon sa award- winning hair and makeup artist na si Ariane Gamboa at tumatayong pangulo ng samahan, layunin ng kanilang proyekto na mabigyan ng pagkakataong makilala at maishowcase ang husay at galing ng kanilang mga myembro at maitaas ang antas ng pagtingin sa kanila sa lipunang kanilang ginagalawan. Apat na categories ang pinaglabanan ng mga participants kung saan nagwagi sa Ladies Haircut and Blowdry category si Raymart Bagtas mula sa Batangas City. Nanalo naman sa Commercial make-up category si Alberto Aguila ng Batangas City.. Mula naman sa bayan ng Bauan si Kenny Aquino na nagkamit ng unang gantimpala sa Men’s Haircut and Blowdry habang si Raul Medrano ang kampeon sa Bridal makeup. Lahat ng nagwagi ay tumanggap ng P 10,000 cash at trophy. Tinanghal na overall champion si Raul Medrano kung saan siya ay nagkamit ng P 15,000 na cash prize at trip for two to Thailand. Siya rin ang magiging kinatawan ng samahan sa mga national competition. Naging batayan sa pagpili ng mga nagwagi sa commercial at bridal make up ay ang make up techniques at color blending, hairstyling creativity at total look habang sa Men and Ladies Haircut and Blowdry naman ay creativity, technical mastery at total look. Nagsilbing hurado dito sina Edwin Samot, Andy Pasion, Jackie Rivera, Vianney Guese, Dennis Santos at Hanz Olivar, pawang mga batikan at award winning hairstylists sa bansa. Nagbigay ng tips at advice ang mga hurado sa tamang paraan ng paggupit at pagmamake up partikular sa blending, contouring at highlighting. Mahalaga anila na malinis at pulido ang pagkakagawa. Ang Aura Ala-Eh! Ay isang fund -raising project ng samahan kung saan ang kikitain mula dito ay gagamitin nilang pondo bilang pang ayuda sa kanilang mga myembro gayundin sa mga susunod nilang proyekto. Isang fashion show din ang isinagawa kinagabihan kung saan tampok ang mga bridal gowns, evening gowns at Filipiniana gowns na likha ng mga pamosong designers sa lalawigan sa pangunguna ni Renee Salud. Nagsilbing mga modelo ang ilang mga beauty queens gayundin ang ilang myembro ng Team EBD na sina Coun. Aileen Montalbo, Coun. Alyssa Cruz at Boardmember Claudette Ambid gayudin ang mga tatakbong konsehal sa sina Aleth Lazarte at Ched Atienza. Lubos ang pasasalamat ng LGBTQIA-SILBI na may halos 400 miyembro kay Mayor Beverley Rose Dimacuha at sa pamahalaang lungsod ng Batangas sa suportang ipinagkaloob upang maisakatuparan at maging matagumpay ang kanilang proyekto. (Ronna Endaya Contreras) Paaralan lumahok sa pagdiriwang ng National Arts Month dalawang araw na advance celebration ang Department of Education Batangas City ng kanilang 50th anniversary na sinimulan ngayon, March 7, sa Batangas City Coliseum (PIO Batangas City) Mga estudyante tinuruan tungkol sa pagpatay sa sunog OPEN House ngayong Fire Protection Month ang Batangas City Bureau of Fire Protection (BFP) upang maipakita sa publiko partikular sa mga kabataan ang kanilang mga kagamitan at mabigyan sila ng kaalaman tungkol sa sunog. May 30 grade 9 students ng Balete Integrated Shool ang sumailalim sa fire safety lecture. Naranasan nila ang scenario ng sunog at kung ano ang mga dapat gawin sa Fire Suppression Simulation corner at Smoke Evacuation Simulation corner. Tinuruan din sila sa first aid treatment tulad ng cardio pulmonary resuscitation o CPR sa Emergency Simulation corner. Tampok sa isang exhibit ang display ng fire at disaster rescue equipment habang mayroon ding Kiddie Fire Marshal corner para sa mga pre-schoolers. Ayon kay Princess Aldovino, natutunan niya sa gawaing nabanggit ang ibat-ibang klase ng sunog at kung ano ang mga dapat gawin kapag nangyari ito. Dapat aniyang balanse ang pagbibigay prayoridad sa safety at security sa tahanan. Binigyang diin din niya na huwag magpanic o maging kalmado kapag may insidente ng sunog. Bukod sa pasasalamat, binati naman ni Danson Lagar, Senior HS teacher ng Balete Integrated School ang BFP Batangas City sa proyektong ito na nagbibigay kaalaman at kamalayan sa mga kabataan sa kahandaan sa sunog. Ang BFP Batangas City Open House ay bukas sa publiko at kailangan lamang na magpa schedule ang mga paaralan ng pagbisita dito. (PIO Batangas City) ITINANGHAL ng mga dance groups mula sa iba’t ibang paaralan sa lungsod ang makulay na sining at kultura ng iba’t ibang rehiyon sa bansa, maging ang mga maka-kanlurang impluwensya dito sa pamamagitan ng mga sayaw sa pagdiriwang ng National Arts Month 2019 sa lungsod ng Batangas. Ang selebrasyon na may temang Puso… Sining.. Kalinga Caring for the Arts, Caring for the Artist ay idinaos noong March 2 sa Batangas City Sports Coliseum. Ipinamalas ng Likhang Batangan Dance Troupe ng Lyceum of the Philippines University Batangas ang mga sayaw mula sa Kabundukan ng Cordillera sa kanilang Igorot dances. Hango naman sa mga likhang sayaw ng National Artist na si Lucrecia Reyes Urtula ang itinanghal ng Likhang Sining Dance Company ng Marian Learning Center and Science High School. Kabilang sa kanilang mga sinayaw ang Danza, Pasadoble, Pitik Mingaw at Jota Intramurenia. Kulay Sining Mindanao o Muslim dances ang itinanghal ng Indak Bambino ng Casa del Bambino Emmanuel Montessori. Ipinakita ng Diwanis Dance Theater ng Batangas State University sa kanilang rural dances ang masayang pagdiriwang ng Pista ng mga Pilipino. Kasama sa kanilang mga sinayaw ang tinikling, modern subli at iba pa. Ang mga nagtanghal na grupo ay pawang mga kinikilala na sa larangan ng sining. Ilan dito ay nakapagtanghal at nanalo na rin sa national at international dance competitions. Ang taunang pakikiisa ng Batangas City sa pagdiriwang National Arts Month ay bahagi pa rin ng layunin nitong mapanatiling buhay ang sining at kulturang Filipino at malinang ang talento ng mga kabataang Batangueño sa anumang uri ng sining. Bilang Center of the Culture and Arts sa rehiyon, kaisa ang lungsod ng Batangas ng National Commission for Culture and the Arts (NCCA), Cultural Center of the Philippines at iba pang ahensya sa pagsusulong at pagpapaunlad ng kulturang sariling atin.

Tambuling Batangas Publication March 13-19, 2019 Issue | Page 2