Tambuling Batangas Publication March 13-19, 2019 Issue

BALITA March 13-19, 2019 Batangas City Health Office, nalampasan ang target sa paghahanap ng TB cases DOH Region 1V-A, kasunod ng 2017-2022 Strategic TB Elimination Plan of Region IV Pagsasanay... Aktibong nilahukan ang Climate and Disaster Risk Assessment ng mga miyembro ng Provincial Land Use Committee (PLUC), na binubuo ng mga kawani ng Pamahalaang Panlalawigan ng Batangas mula sa tanggapan ng PPDO, Office of the Provincial Agriculturist (OPAg), Provincial Disaster Risk Reduction and Management Office (PDRRMO), Provincial Government – Environment and Natural Resources Office (PG- ENRO) at Provincial Social Welfare and Development Office (PSWDO). mula sa pahina 1 Dumalo at nakiisa rin, bilang bahagi ng PLUC, ang mga kinatawan ng ilang bayan at lungsod, kabilang ang mga Munisipalidad ng Bauan, Calatagan, Ibaan, Malvar, Mataas na Kahoy, San Luis, at Tingloy, at mga Lungsod ng Lipa at Tanauan. Sa tatlong araw na seminar-workshop, isa-isang ipinaliwanag ng mga taga- HLURB, sa pangunguna ni Ms. Lilia Lumbera, Head of Town Planning and Zoning Unit, ang bawat detalye sa pangakahalatang-ideya na nakapalaoob sa CDRA. Ilan sa mga naging tampok na paksang tinalakay ang Projected Changes in Climate Variables, Ridge to Reef Ecosystem Based Adaptation, Climate Change Vulnerability at Disaster Risk Assessment. Dito ay nagkaroon ng katumbas na pagsasanay o aktuwal na presentasyon ang mga partisipante, na higit na nakatulong sa paglinang ng kanilang mga kaalaman at kakayahan patungkol sa mga paksang nabanggit. Mark Jonathan M. Macaraig – Batangas Capitol PIO Kababaihan binigyang pugay sa kanilang papel sa pamilya at komunidad BATANGAS CITY-Mahigit sa 3,000 kababaihan ang nakiisa at lumahok sa pagdiriwang ng Buwan ng mga Kababaiahan sa Batangas City Coliseum ngayong March 8 kung saan sila ay binigyang pugay sa kanilang galing at kakayahan. Sa kanyang mensahe, sinabi ni Mayor Beverley Rose Dimacuha na “hindi matatawaran ang husay sa paglilingkod ng mga kababaihan sa bayan at komunidad.” Ibinigay niyang halimbawa ang kanya ina na si dating Mayor Vilma na naglingkod ng tapat at ang mga babaeng konsehal na patuloy na nag lilingkod sa lungsod. Binigyang diin ni Mila Espanola, hepe ng City Social Welfare and Development Office, ang mahalagang papel na ginagampanan ng mga kababaihan hindi lamang sa kanilang pamilya kundi sa kaunlaran ng kanilang bayan at kapakanan ng kanilang komunidad. Iba’t ibang gawain ang tampok sa okasyong kung saan ipinakita ang ganda, talento at sipag ng mgakababaihan. Nahirang bilang Babaeng Makakalikasan 2019 at Most Simple si Lucena Mandigma ng Barangay Conde Labac. Ang barangay Conde Labac ang 1st place bilang may Pinakamahusay sa Pamamahala ng Materials Recovery Facility (MRF) para sa Rural Category habang ang Poblacion 2 ang first sa Urban Category. Ang may Pinakamahusay na Pamamahala ng Mini Nursery, rural category, ay ang barangay Malalim, habang sa urban category ay 1st ang Poblacion 2. Tampok din sa pagdiriwang ang Barangay Cluster Presentation kung saan nagwagi ng first place ang Cluster 5. Mayor’s Night muling idinaos sa hosting ng Batangas City ng PAGSO convention IPINAKITA ng pamahalaang lungsod ng Batangas ang mainit na pagtanggap sa may 200 delegasyon ng Philippine Association of General Services Officers (PAGSO) sa idinaos na Mayor’s Night, March 14, sa Batangas City Convention Center bilang host ng 13th PAGSO CALABARZON Regional Convention. Naging tampok sa Mayor’s Night ang cultural show, kung saan sa pamamagitan ng mga sayaw ay ipinakita ang mga tradisyon at kultura hindi lamang ng mga Batangueño kundi ng iba’t ibang rehiyon sa bansa kagaya ng Igorot, Maria Clara, Tinikling at iba pa. Isinagawa ito ng Likhang Sining Dance Company ng Marian Learning Center at Science High School. Naging bahagi din nito ang skit ukol sa punto ng mga Batangueño kung saan gumanap ang mga piling empleyado ng pamahalaang lungsod. Ipinakita rin sa pagtatanghal ang talento sa pag- awit ng mga mag-aaral ng Special Program for the Arts (SPA) ng Batangas National High School at sa makabagong sayaw ng mga kawani ng pamahalaang lungsod. Nagpakita ng espesyal na pagtatanghal ang mga empleyado ng General Services Department (GSD) at nagpa raffle din sa gabing ito. Naging highlight din ng gabi ang fashion show ni Bb. Lungsod ng Batangas 2019 Jeannette Reyes at kanyang mga runners up kung saan isinuot nila ang mga gowns na creation ng local designer na si Arian Gamboa. Ang programa ay pinamahalaan ng Batangas City Cultural Affairs Committee at ng GSD na siya ring namahala sa tatlong araw na convention katuwang ng Provincial GSD. BINIGYAN ng komendasyon ng Department of Health (DOH) Region 4A ang Batangas City Health Office (CHO) sa 18% increase sa target Case Notification Rate (CNR) nito ng mga taong may tuberculosis noong 2018. Mula sa CNR na 317 per 100,000 population noong 2017, tumaas ito sa 385 per 100,000 population o pagtaas ng 18% sa 2018 performance indicator ng National TB Control Program. Ayon sa DOH Region 1V-A, kasunod ng 2017-2022 Strategic TB Elimination Plan of Region IV, ang gradual increase ng CNR ay tinatarget upang makamtan ang layuning mahanap ang mga nawawalang taong may TB. Ang layunin ng region ay magkaroon ng at least 10% increase sa 2017 CNR. Ayon kay Vicky Atienza, nurse III at coordinator ng National TB Program ng CHO, sa ilalim ng CNR, kinakailangang ma- notify ang kanilang tanggapan at dapat mairehistro ang mga TB patients. “Kailangang tutukan ang mga pasyente, mabigyan ng de kalidad na serbisyo at maibigay ng tuloy tuloy ang pangangailangang medikal ng mga TB patients, aniya. Dapat mabantayan o sumailalim sa case holding ang isang pasyente upang hindi na lumala o humantong sa multi -drug resistant TB sapagkat ayon sa tala, ang isang TB patient na hindi magagamot ay maaaring makahawa ng 10-12 katao sa loob ng isang taon. Lubos ang pasasalamat ni Atienza sa kanilang mga doctor, midwives at barangay health workers na katulong nila sa implementasyon ng kanilang mga programa na isa sa mga dahilan kung bakit nila nakamit ang kanilang target. Ang TB ay dala ng isang bacteria na may scientific name na Mycobacterium Tuberculosis at kung ang isang tao ay mahilig manigarilyo, uminom at exposed sa maduming kapaligiran, madali siyang tatamaan ng sakit na ito. Ilan sa mga palatandaan ng TB ay ang lagnat, ubo na hindi gumagaling ng mahigit sa dalawang lingo, panghihina at pamamayat. Upang makaiwas sa sakit na ito , kailangang kumain ng mga masusustansyang pagkain, iwasan ang stress,pagpupuyat at panatilihing malinis ang katawan at ang kapaligiran. Madaling kapitan ng sakit ng TB ang mga kalalkihan kaysa sa mga kababaihan dahil sa mga bisyo tulad ng pag- inom ng alak at paninigarilyo. Sa ilalim ng TB Directly Observed Treatment Short course (DOTS) program ng CHO, ang pasyente ay kailangang sumailalim sa anim na buwang gamutan. “Tutok Gamutan” ang tawag sa unang dalawang buwan kung saan kinakailangan na pumunta araw araw sa Health Center upang uminom ng gamot ang TB patient. Ito ay pinangangasiwaan ng midwife o health worker. Kada linggo naman ang pagpapainom ng gamot sa susunod na apat na buwan. Kada dalawang buwan ay ineeksamin ang pasyente upang malaman kung positibo pa din o negatibo na ito sa TB. Ganap nang magaling sa TB ang pasyente pagkatapos ng anim na buwan. May 1,225 kaso ng TB ang naitala sa Batangas City noong 2018 kung saan ang target CNR ay 1,218. Mula sa 90% na success treatment rate, nakakuha ang CHO ng 93%. Ipinabatid din ni Atienza na sa pakikipagtulungan sa DOH Region IVA, isang TB mass screening ang isasagawa sa Teachers Conference Center sa March 27 kung saan 200 ang target nila. Aanyayahan nila ang mga diabetic at hypertensive patients gayundin ang mga tricycle drivers at mga kasama sa bahay ng mga TB patients na itinuturing na kabilang sa high -risk group upang dumalo dito. Bibigyan sila ng libreng chest xray. Patuloy din sila sa pagsasagawa ng lecture sa mga barangay para sa awareness sa naturang sakit at upang hikayatin ang mga pasyente na lumantad upang magpagamot. Payo ng CHO sa mga TB patients na nagpapagamot sa mga private doctors na hindi na kayang isustain ang pagbili ng gamot, makipag ugnayan lamang sa CHO upang masiguro ang kanilang paggaling. Huwag ding itago at ikahiya ang sakit na TB at sa halip ay agad ipagamot. (PIO Batangas City)

Tambuling Batangas Publication March 13-19, 2019 Issue | Page 3