Tambuling Batangas Publication December 19-25, 2018 Issue | Page 2

BALITA December 19-25, 2018 Capability Building Programs para sa Lalawigan ng Batangas, tinalakay Education Fund o SEF. By Mamerta De Castro Tinalakay sa isinagawang joint general assembly meeting ng Provincial Development Council (PDC) at Provincial Disaster Risk Reduction and Management Council (PDRRMC) ang mga Capability Building Programs para sa lalawigan ng Batangas na makakatulong upang mapataas ang antas ng pamumuhay ng mga batangueno. (Photo Courtesy of PIO Province Caption by Bhaby P. De Castro-PIA Batangas) Meat Safety Seminar isinagawa sa Lungsod ng Batangas Nagpaalala si Dr. Macario Hornilla sa lahat ng mga nagtitinda ng karne, stall/shop owners at meat handlers ukol sa proper hygiene on meat handling sa isinagawang Seminar on Meat Safety sa Office of the City Veterinary and Agricultural Services (OCVAS). (Photo courtesy of PIO Batangas City/Caption by Bhaby P. De Castro) By Mamerta De Castro LUNGSOD NG BATANGAS, Disyembre 19 (PIA)- Isang meat safety seminar para sa mga meat handlers sa lungsod ang isinagawa sa Office of the City Veterinary and Agricultural Services (OCVAS) kamakailan. Ito ay bilang bahagi ng pagdiriwang ng Farmers, Cooperators and Fisherfolks Week kung saan nagsilbing resource speaker si Dr. Ma. Fatima Amparo, Meat Control Officer I ng Provincial Veterinary Office. Ibinahagi nito ang mga pamamaraan kung paano mapapanatiling sariwa at ligtas ang mga karneng ibinebenta at binibili sa mga pamilihan. Itinuro din niya ang mga tamang gawi kung paano ang meat handling sa mga manininda ng karne, stall owners at slaughter workers. “Mahalaga po na mayroong health certificate at sumusunod sa Meat Inspection code ang lahat ng magtitinda ng karne upang maiwasan ang anumang sakit o bacteria na maidulot ng hindi maayos na paghawak sa karne,” ani Amparo. Samantala, tinalakay naman ni Teresa Magno, Consumer Protection Officer, National Meat Inspection Service (NMIS) ang IRR o implementing Rules and Regulations para sa Administrative Order No. 5 o Hygienic Handling of Newly Slaughtered Meat. Aniya, may mga tamang pamamaraan sa pagkakatay, paghawak at pagbebenta ng karne upang masiguro na ligtas ito sa anumang kontaminasyon. “Sa pagbili po ng karne, mas mainam na gawin ito sa umaga dahil dito makikitang sariwa ang karne at gamitin ang ating mga senses pantingin, pang- amoy at pakiramdam. Madaling Makita ang sariwang karne dahil kapag hinawakan mo ay hindi lumulubog ang karne at dapat ito ay mapula,” ani Magno. Tinalakay din nito ang Administrative Order No. 6 o Hygienic Handling of Frozen, Thawed and Chilled Meat kung saan dapat panatilihing nasa loob ng freezer ang mga frozen products dahil malaki ang tsansa nitong makakuha ng bacteria sakaling ilabas sa freezer at maiba ang temperature. Ayon kay Dr. Macario Hornilla, pinuno ng OCVAS, hinihikayat nila ang lahat ng meat vendors na magsuot ng uniporme, apron at hair net bilang hygienic practices. Mas presentable din at mas madaling mabenta ang mga tindang karne kapag nakikita ng mga mamimili na maayos ang magtitinda. (Bhaby P. De Castro with reports from PIO Batangas City) LUNGSOD NG BATANGAS, Disyembre 21 (PIA)-Tinalakay ang Capability Building Programs (CBP) para sa lalawigan ng Batangas sa isinagawang Joint General Assembly ng Provincial Development Council (PDC) at Provincial Disaster Risk Reduction and Management Council (PDRRMC) sa Bulwagang Batangan noong ika-13 ng Nobyembre. Pinangunahan ni Governor Hermilando Mandanas ang pagpupulong kasama ang mga opisyal ng pamahalaang panlalawigan at mga alkalde at empleyado ng iba’-ibang lungsod at munisipalidad na layong mas mapalawig pa ang tulong at mga proyektong naka-sentro sa kaunlaran ng lahat ng mga Batangueno. Sa pagpapaliwanag ng gobernador sa mga partisipante, plano ng pamahalaang panlalawigan na humiram ng halagang apat na bilyong piso sa anumang financial institutions para sa Educational Capability Program, Health Capability Program at Capability Development Program for LGUs na nakapaloob Capability Building Program. Aniya, ang CBP ay legal na binalangkas sang-ayon sa Republic Act 7160 o Local Government Code, kung saan nakapaloob ang full autonomy ng Kapitolyo sa pagsasakatuparan ng proprietary functions, kabilang ang magpasok sa loan agreements sa anumang bangko ng pamahalaan at mga institusyong nagpapautang. Sa programang nakatuon sa edukasyon, ilalaan dito ang halagang isang bilyong piso para sa pagpapatayo ng Open Classrooms at Education Buildings with Library Hub. Kasama rin dito ang pagkakaroon ng Service Vehicles, LED screens para sa elementarya at sekondaryang mga paaralan, Instruction Materials, Educational Assistance Program at iba pang proyekto sa labas ng regular Special Isang bilyong piso rin ang ilalaan sa Health Capability Program na nakatuon sa Batangas Provincial Hospital bilang isang Economic Enterprise. Ito ay base sa ilang mga naipasang resolusyon at ordinasa gaya ng Resolution No. 05-2018 o Converting Lipa City District Hospital, Laurel District Hospital, and Apacible Memorial District Hospital as economic enterprise at Provincial Ordinance No. 016-2017 o Batangas Public-Private Joint Venture. Kasama rin sa proyektong pangkalusugan ang pagkakaroon ng Construction of Dialysis and Diagnostic Building at pagbili ng mga kagamitang pang-medikal katulad ng Computed Radiography System, CT Scan Machine with Complete Set-up and accessories, 2D Echo Machine, MRI Machine at Automatic External Defibrillator (AED) for ambulance use. Huling pinagusapan at binigyang diin ni Governor Dodo Mandanas ang Capability Development Programs for LGUs kung saan dalawang bilyong piso ang ilalaan at hihiramin sa bangko na makakapagbigay ng pinakamaliit na interes. Ayon sa gobernador, malaking tulong ito sa mga munisipalidad at lungsod sa probinsya para sa minimithing mayamang Batangas. Ilan sa pre-identified projects ay mga ambulansya, service patrol vehicles, construction of water systems, pagpapagawa ng mga multi-purpose buildings, repair of pathways, generator sets at iba pang mga proyekto. Samantala, inihayag ng gobernador na kabilang sa magiging pambayad sa naturang loan ay ang napipintong pagtaas ng Internal Revenue Allotment (IRA) base sa matagumpay na naging resulta ng inihain niyang petisyon sa Supreme Court. (Bhaby De Castro, PIA BATANGAS with reports from PIO PROVINCE) Sto. Tomas... mula sa pahina 1 Cavite (P1.598-bilyon). Napabilang din ang Lalawigan ng Batangas sa sampung pinakamayayamang probinsiya ng bansa na nasa ikatlong puwesto na may P15.568-bilyon assets. Nanguna pa rin ang Cebu (P34.139- bilyon); Compostela Valley (P18.95- bilyon); Rizal (14.02-bilyon); Negros Occidental (P12.889-bilyon); Zambales (P10.455-bilyon); Bulacan (P10.451-bilyon); Palawan (P10.159- bilyon); Iloilo (P10.045-bilyon); at Pampanga (P9.53-bilyon). Ang naturang Annual Financial Report ay batay sa isinumiteng ulat ng ibat-ibang local government units (LGU) mula sa 80 probinsya, 142 lungsod at 1,440 munisipalidad sa bansa. (Bhaby P. De Castro, PIA BATANGAS with reports from Sto. Tomas MIO) PADAC... ang Munisipalidad ng San Luis ang kauna-unahang bayan sa buong Pilipinas na naideklarang drug free municipality. Sa regular na pagpupulong ng PADAC, sinabi ni Dr. Amante Moog, department head ng Provincial Assistance for Community Development Office at chairperson ng Technical Working Group ng konseho, na magkakaroon lamang ng katuparan ang hangarin ng Mandanas administration nang isang malayang lalawigan sa epekto ng ipinagbabawal na gamot sa taong 2025 kung patuloy na kikilos ang bawat ahensya at mula sa pahina 1 departamentong kasapi ng PADAC at sa tulong na rin ng komunidad. Bukod umano sa patuloy na pakikipag-ugnayan sa mga barangay ng probinsya, Nagkaroon ng sabay-sabay na motorcade sa lahat ng bayan at siyudad ng lalawigan na ginanap noong Nobyembre 29, 2018 upang higit na paipabatid sa publiko ang sama-samang kampanya laban sa salot na droga. Ito ay nilahukan ng PNP, DILG, pamahalaang panlalawigan ng Batangas at iba pang mga stakeholders. (Bhaby De Castro- PIA Batangas with reports from PIO Batangas Province)