Sex Workers' Lifestyle Sex Workers' Lifestyle_Final (1)

Најголем дел од сексуалните работници се невработени, односно 70%, дел од испитаниците работат непријавени, односно 20 %, а само еден испитаник е редовно вработен - 10% (види Анекс 2). Во однос на брачниот статус 70% се сами, потоа следуваат поединечни случаи, односно еден испитаник во брак, еден испитаник во партнерство и еден испитаник е вдовица (види Анекс 2). Од вкупниот број сексуални работници кои беа испитани, 60% живеат сами, 20 % живеат со семејство, а останатите 20% живеат со родинини. Само еден од сексуалните работници има повеќе од 3 деца, 20% од испитаниците имаат 1 или 2 деца, а останатиот дел, односно 70%, немаат деца. Најголем дел од сексуалните работници имаат здравствено осигурување, односно 70%, но постојат и сексуални работници кои сеуште го немаат регулирано истото, односно 30% од вкупниот број. 5.2. Животен стил Најголем дел од сексуалните работници имаат започнато со сексуалната работа од 16-та до 18-та година, а постојат и поединечни случаи кои започнале да се занимаваат во 12-та година и во 36-та година од нивниот живот. Сите сексуални работници кои беа опфатени со ова истражувањето изјавија дека доброволно и самостојно се вклучиле во сексуалната работа. Во поединечен случај е наведно дека: Л: „На почетокот несвесно нудев сексуални услуги, за материјални добра, за пари, за замена за нешто друго; тоа било несвесно, но од 19 години, сето тоа било свесно и сум си го прифатила такво какво што е“. Трансродов сексуален работник Постојат различни причини поради кои сексуалните работници започнуваат да се занимаваат со сексуалната работа. Сепак, недостатокот на финансии е една од поглавните причини наведена од страна на поголемиот дел од испитаниците. Љ: „Беспарицата. Финансиски. Немавме од нигде приходи и преостануваше да се бавам со сексуалната работа. За брза пара можам да кажам. Имав само едно дете, и знаете како е со дете, памперси, млеко и немавме од каде и од тука почнува мојата приказна како сексуален работник“. Жена сексуална работничка 10

Sex Workers' Lifestyle Sex Workers' Lifestyle_Final (1) | Page 13