Проценка на клиентите
„Нудењето на услуги преку Интернет ми овозможува пред да закажам состанок со некој клиент
да им испратам упатство за етика. Ова упатство вклучува правила и мерки за здравје, безбедност,
заштита од СПИ и сл., се со цел да се заштитам. Поточно, ова значи информирање на клиентите
на што треба да внимаваат пред да дојдат кај мене, при тоа имајќи предвид дека здравјето и
безбедноста ми се на прво место”.
Безбедност
Продавањето сексуални услуги не е нелегално, но поседувањето и управувањето со бордел е
спротивно на законот. „Законите за управување на бордели се строги, на пример, ако работам
од дома како сексуален работник, при тоа имам цимерка која има дечко, и ако тие имаат секс во
станот, тогаш тоа се смета за поседување на бордел”, објаснува Харпер.
Харпер само еднаш се почуствувала несигурно откако го напуштила борделот, а тоа било кога во
нејзиното маало била убиена сексуална работничка која работела самостојно. „Ти само си мислиш
дека е безбедно да нудиш услуги на Интернет, а сепак на нејзино место би можело да бидам и јас”.
„Оваа држава ги прифаќа даноците што ги плаќам, но не прават ништо за да го заштитат моето
здравје и безбедност”.
11