Дали некогаш си се соочил со некаква дискриминација надвор од твојата работа , поради тоа што си сексуален работник ?
Секојдневно се соочувам со навреди во мојот роден град – Струмица . Ми се има случувано на улица или по кафулињата да ми довикуваат со : „ Еј види го овој , знаеш што работи “ или „ Види го педер “. Но јас не подлегнувам на тие провокации . Јас сум веќе изградена личност , самостојна и знам што сакам во животот .
За какви права се залагаш ? Што би сакале да ви обезбеди државата ?
Сакам целосно да бидам заштитен од државата , да можам слободно да се движам и секако да имам еднакви права и можности како и секој друг граѓанин на Р . М . без разлика на мојата професија . Сакам да функционирам нормално . Сметам дека не треба да постои никаков вид на дискриминација ниту говор на омраза , туку напротив треба да постојат закони кои ќе не заштитуваат од секаков вид на насилство .
Дали сметаш дека поголемите права ќе донесат поголемо охрабрување за сите оние кои се занимаваат со оваа професија ?
Апсолутно . Ние , сексуалните работници доколку би уживале поголеми права , би живееле слободно и нормално . Не сакаме да живееме во страв , едноставно сакаме да бидеме прифатени такви какви што сме .
Дали заработуваш доволно за удобен живот ?
Па не можам да кажам дека заработувам за удобен живот , тоа би значело дека ништо не ми недостасува , а сепак ми недостасуваат многу работи . Но , воопшто не се жалам во однос на тоа колку заработувам , за мене има доволно .
Дали некогаш си размислувал да се преселиш во некоја од Европските држави каде сексуалната работа е декриминализирана ?
Да , сум размислувал , но во моментов не можам зошто не ми дозволуваат условите .
Дали некогаш чувствуваш страв во однос на она каде ќе се движи твојата иднина ? Дали се каеш за некоја твоја постапка или одлука ?
Да , се плашам за мојата иднина , затоа што не знам што ме чека , но сум доволно храбар да продолжам понатаму . Во однос на тоа дали сум се покајал некогаш во животот за некоја моја постапка или одлука , секако имало такви периоди . Тука можам да го издвојам периодот кога примав секакви клиенти и воопшто не бев внимателен . Тоа веќе не го правам , затоа што сум свесен дека е ризично .
Како ја гарантираш дискрецијата на клиентите , дали ти веруваат и дали некогаш си бил во ситуација да ја злоупотребуваш истата ?
Никогаш не сум ја злоупотребувал , бидејќи на тој начин само јас можам да загубам пари , клиенти и време . Се трудам колку што можам да се придружувам строго кон правилата кои си ги имам поставено и се грижам строго за дискрецијата на моите клиенти .
4