да платат . Меѓутоа , се трудам колку што можам да ги игнорирам ваквите клиенти . Моето семејство не знае со што се занимавам . Пријателите знаат , и немаат никаков проблем со тоа . Ме имаат прифатено таков каков што сум и целосно ме поддржуваат .
Дали некогаш си бил жртва на насилство ?
Имав еден немил случај каде закажав средба со еден средновечен маж . Бидејќи средбите ги закажувам преку телефон , навидум ми изгледаше ОК . Откако клиентот се појави на мојата врата , сакаше насилно да влезе во станот во кој работам . Почна да ме турка и да ме удира со клоци и тупаници . Меѓутоа , некако успеав да го истуркам надвор и веднаш му ја затворив вратата . Во тој момент се исплашив многу . Оттогаш кога закажувам состаноци , се трудам што е можно подобро да ги проценам и секако да испитам за каков клиент станува збор . Најчесто клиентите ги прашувам за возраста , брачниот статус , работата , и други приватни работи со цел да проценам каков е клиентот . Морам да бидам претпазлив , бидејќи секојдневно ми се јавуваат и по 20 луѓе , а за нив незнам ништо . Има еден што ми се јавува постојано во изминативе 6 месеци . Преку телефон е навистина пријателски настроен , но мене ми беше сомнителен . Затоа се распрашав за човекот и дознав дека работи како инспектор и мислам дека има задни намери бидејќи постојано ми ги спомнува законите во државата . До сега се немам сретнато со него , а немам ни намера .
Како постапуваш со насилни клиенти ? Имаш ли некаков механизам на одбрана ?
Доколку некој ме удри , ќе му возвратам во иста мера . Не се плашам воопшто . Не сакам да пријавувам насилтво во полиција , бидејќи на крајот на денот јас ќе испаднам крив . Сигурно ќе ме казнат дека работам нешто што е забрането , затоа во вакви ситуации се справувам сам . Еден период работев и надвор од Македонија , поточно во Софија , и сметам дека таму е побезбедно за работа отколку во Скопје . Во Софија има евтини мали мотели / хотели каде што можеш дискретно да се состануваш со клиенти . Навистина , таму се чувствуваш позаштитено , тука не . Во Скопје морам да работам во приватни станови , на улица не излегувам воопшто , бидејќи може да ти се појават поголема група на луѓе и да ти наштетат .
Дали работиш сам или имаш макро ? Работам сам , немам потреба од макро .
Дали имаш некаква заштита од страна на организациите ? Дали имаш бесплатна правна или здравствена помош ?
Секако . Имам заштита од невладините организации како ЛГБТ , СТАР-СТАР од Скопје и ИЗБОР од Струмица . Во овие организации сум активен член и имам добиено правна и здравствена помош .
3