Reports, guides, handbooks Policy Handbook 2019-20: Hmong | Page 9

ib tug me nyuam yog ib tug uas tsis mus kawm ntawv tas li thiab yog tias tus me nyuam
tseem tsis mus kawm ntawv mus txuas ntxiv yuav muaj mus hais plaub hauv tsev hais plaub
rau me nyuam yaus. Thaum pom tias ib tug me nyuam yog ib tug uas tsis mus kawm ntawv
tas li, yuav muab sij hawm rau niam txiv thiab cov neeg saib xyuas los piav qhia txog lawv
tus me nyuam cov kev ncua ntawv.
Thaum ib tug tub ntxhais kawm ntawv qib theem pib ncua ntawv xya hnub los sis ntau tshaj
ntawv hauv tsev kawm ntawv hauv tib xyoos kawm ntawv; los sis ib tug tub ntxhais kawm
ntawv hauv qib theem nrab ncua ntawv hauv ib los sis ntau tshaj ib chav kawm tau xya
hnub hauv tib xyoos kawm ntawv uas tsis muaj kev zam, yuav suav tias tus tub ntxhais
kawm ntawv ntawd yog “ib tug uas muaj cuj pwm ncua ntawv,” raws li xeev txoj cai
(ntu 260C.007). Anoka-Hennepin cov tsev kawm ntawv xa cov tub ntxhais kawm ntawv uas
yog cov uas muaj cuj pwm ncua ntawv mus rau tus kws lij choj hauv lub nras (county).
Nyob rau qib theem pib, yuav xa cov ntawv qhia txog kev tuaj kawm ntawv mus tsev thaum
tau ncua ntawv los sis tuaj lig heev dhau lawm kom cov tsev neeg thiaj li pab daws tau thiab
tham txog qhov teeb meem.
Yog hais tias tus tub ntxhais kawm ntawv yuav tsis tuaj kawm ntawv vim muaj huab cua
txias los sis muaj lwm cov kev txhawj xeeb, leej niam leej txiv los sis tus neeg saib xyuas
yuav tsum tau hu qhia rau lub tsev kawm ntawv paub txog qhov kev ncua ntawv tsis li yuav
suav tias ncua ntawv. Ib qho kev ncua ntawv vim muaj huab cua tsis zoo los sis lwm cov
kev txhawj xeeb yuav zam rau yog tias niam txiv los sis tus neeg saib xyuas hu tuaj qhia.
Tso cov tub ntxhais kawm ntawv tawm:
tuaj lig/tawm ntxov
Tsuas yuav tso tau cov tub ntxhais kawm ntawv tawm nrog lwm cov neeg dua li ntawm
niam txiv los sis cov neeg saib xyuas yog tias tau txais ib daim ntawv los ntawm niam
txiv/tus neeg saib xyuas thiab tau muab ib daim ID muaj duab uas siv tau thaum lub sij
hawm ntawd – yuav tsis txais cov kev cia li hais thov thiab hu tuaj. Yog hais tias ib tug
tub ntxhais kawm ntawv tuaj lig los sis tawm ntxov, niam txiv/tus neeg saib xyuas
yuav tsum tau kos npe rau lawv tus tub ntxhais kawm ntawv nkag los los sis tawm
hauv chav fai. Thov mus rau hauv chav fai thaum tuaj tos koj tus me nyuam – tsis txhob cia
li mus ncaj qha rau tom koj tus me nyuam chav kawm.
Saib ntxiv “Tsab cai txog niam txiv tuaj cuag cov tub ntxhais kawm ntawv thaum tseem
kawm ntawv” nyob rau nplooj 46.
Xa khoom tuaj
Yog tias koj xa khoom tuaj xws li su noj, ntawv nqa mus ua tom tsev los sis cov phau ntawv
kawm mus rau hauv chav fai thiab ib tug neeg ua hauj lwm hauv tsev kawm ntawv mam li
nqa qhov khoom ntawd mus rau hauv chav kawm, los sis hu tus me nyuam los nqa hauv
chav fai thaum lub sij hawm tsim nyog.
TEJ YAM TSHWM SIM TXAWV
Kev kaw tsev kawm ntawv
Tsuas kaw tsev kawm ntawv yog tias muaj tej yam teeb meem tshwj xeeb xws li lub caij ntuj
no nws phem heev, twj tsis ua hauj lwm los sis muaj teeb meem loj rau pej xeem. Cov neeg
ua hauj lwm hauv tsev kawm ntawv, cov neeg ua hauj lwm nram hauv pauv hauv cheeb tsam
thiab Pawg Tswj Xyuas Tsev Kawm Ntawv yeej paub zoo txog cov teeb meem nyuaj uas
tshwm sim los ntawm qhov cia li kaw tsev kawm ntawv. Cov kev tshaj tawm tias tsis muaj
kawm ntawv mas muab tso rau hauv cheeb tsam.
• Tsev kawm ntawv lub vas sab (website), tsev kawm ntawv cov vas sab.
• Chaw rau neeg tuaj sib ntsib saum nruab ntug (Facebook/Twitter).
• Cov ntawv xov xwm xa hauv nruab ntug (e-newsletters)
• Sau ntawv ceeb toom hauv xov tooj los ntawm AHlert.
• Hu xov tooj rau tsev kawm ntawv lub hoob kas ntawm 763-506-1000 los yog lwm tus
xov tooj ntawm Anoka-Hennepin mus mloog cov suab kaw cia.
2019-20 Tsev Kawm Ntawv Phau Ntawv Handbook
• Cov qhia xov xwm xws li WCCO, KSTP, Fox 9, Kare 11, Northwest Community TV,
WCCO xov tooj cua thiab Star Tribune ntawv xov xwm.
Cov lus nug thiab lus teb txog huab cua txias
Tau tsim muaj cov nqe lus nug thiab lus teb los ntawm cov nqe lus nug uas nquag muaj hais
txog kev khiav dej num ntawm tsev kawm ntawv rau cov hnub txias.
Yuav tsum tau txias npaum li cas es thiaj li kaw tsev kawm ntawv?
Txoj kev ruaj ntseg ntawm tag nrho peb cov tub ntxhais kawm ntawv yog peb thawj lub
hom phiaj thaum los txiav txim seb puas ruaj ntseg qhib tsev kawm ntawv thaum huab cua
txias heev. Thaum los txiav txim, peb siv National Weather Service daim ntawv teev cov
huab cua txais (wind chill), uas yog siv qhov txias ntawm cov cua thiab qhov ceev ntawm
cov cua los txiav txim seb ib tug neeg yuav nyob tau sab nraum zoov yam nruaj ntseg ntev
npaum li cas. Lub hom phiaj yog kom nyob raws li hauv cov cua ntawj txias uas cov tub
ntxhais kawm ntawv yuav nyob tau sab nraum zoov mus 30 feeb uas yuav tsis muaj kev
raug mob los ntawm kev tiv no ntev heev. Qhov no yuav muab sij hawm txaus rau cov tub
ntxhais kawm ntawv taug kev mus rau tom tsev kawm ntawv los sis tos npav yam ruaj
ntseg. Kev muab cov me nyuam hnav ris tsho kom tuab raws huab cua, cov niam txiv thiab
cov neeg saib xyuas yuav tiv thaiv tau qhov yuav tshwm sim los ntawm cov huab cua txias.
Txawm tias qhov yuav raug mob los ntawm kev tiv no ntev heev nws txias heev los, cov lag
luam thiab nom tswv cov chav fai feem ntau tseem qhib, thiab cov cheeb tsam tsev kawm
ntawv feem ntau hauv Minnesota, nrog rau cov nyob hauv nroog, feem ntau yuav qhib
twj ywm.
Txoj kev txiav txim los kaw tsev kawm ntawv yog ib qho loj heev, thiab nws yuav cuam
tshuam rau cov tsev neeg ua hauj lwm uas yuav tau ncua hauj lwm ib hnub los sis nrhiav
chaw zov me nyuam uas tsis muab sij hawm qhia kom ntxov txaus. Tej co tsev neeg tsis
muaj kev xaiv ntau thiab tej zaum lawv cov me nyuam yuav nyob hauv tsev ib leeg.
Feem ntau, cov me nyuam yuav ntsib teeb meem loj dua thaum peb muab tsev kawm ntawv
kaw. Ua ib cheeb tsam tsev kawm ntawv loj tshaj plaws hauv Minnesota, uas muaj coob
tshaj 240,000 tus neeg nyob hauv thiab 38,000 tus tub ntxhais kawm ntawv, thaum Anoka-
Hennepin kaw tsev kawm ntawv nws raug rau coob cov tsev neeg thiab cov lag luam.
Yuav ua li cas yog tias kuv txhawj xeeb txog huab cua thiab tsev kawm ntawv
ho qhib?
Qee zaus thaum muaj huab cua phem heev, cov niam txiv thiab cov neeg saib xyuas ua tus
txiav txim qhov kawg seb puas yuav tso lawv cov me nyuam mus kawm ntawv. Yog hais
tias tsev kawm ntawv qhib, yeej npaj tias cov tub ntxhais kawm ntawv yuav tuaj kawm
ntawv. Tiam sis, yog tias niam txiv thiab cov neeg saib xyuas xav tias lawv cov me nyuam
yuav ntsib kev phom sij, lawv yuav cia cov me nyuam nyob hauv tsev los tau. Kev ncua
ntawv yuav zam rau yog tias niam txiv los sis tus neeg saib xyuas hu tuaj qhia rau tsev
kawm ntawv paub ua ntej pib kawm ntawv. Yog hais tias tsis hu tuaj qhia rau tsev kawm
ntawv paub, tus tub ntxhais kawm ntawv ntawd yuav tsis tau qhov kev ncua uas muaj kev
zam. Cov tub ntxhais kawm ntawv uas twb nyob hauv tsev kawm ntawv lawm yuav tsis
zam rau mus tsev yog tias lawv xaiv qhov rov mus tsev.
Cheeb tsam puas poob nyiaj yog tias tsev kawm ntawv kaw?
Tsis poob. Cheeb tsam tsis poob cov nyiaj pab los ntawm xeev yog tias tsev kawm ntawv
kaw vim huab cua tsis zoo los sis lwm yam xwm txheej ceev. Xeev cov nyiaj yog raws seb
muaj pes tsawg tus tub ntxhais kawm ntawv rau npe kawm ntawv hauv tsev kawm ntawv,
tsis yog seb muaj pes tsawg hnub kawm ntawv hauv tsev kawm ntawv.
Puas yuav tso cov tub ntxhais kawm ntawv qib pib mus ua si sab nraum zoov
thaum nws txias txog 25 rov hauv ntawm lub ntxaiv (below zero)?
Tsis tso. Kev taw qhia txog kev tso me nyuam ua si sab hauv tsev yog 0 degree los sis
10 degrees qis dua ntawm ntxaiv hauv cov cua ntawj txias. Cov kev pab rau cov me nyuam
uas muaj mob tshwj xeeb yuav ua tau nrog lub chav fai muab Cov Kev Pab Rau Txoj Kev
Noj Qab Haus Huv (Health Services); yuav tsum tau muaj ib daim ntawv sau ua pov thawj
los ntawm tus kws kho mob.
7