Reports, guides, handbooks Policy Handbook 2019-20: Hmong

Puas cia cov tub ntxhais kawm ntawv uas tuav chij rau me nyuam hla kev nyob rau sab nraum zoov thaum huab cua txias heev? Cia. Cov neev ua hauj lwm hauv tsev kawm ntawv xyuas cov tub ntxhais kawm ntawv uas tuav chij rau me nyuam hla kev kom paub tias lawv hnav khaub ncaws sov txaus thiab tsim nyog los nyob rau sab nraum zoov. Ntawm no yog ib co tswv yim txog kev hnav khaub ncaws rau thaum huab cua txias heev: • Hnav ob peb tshooj khaub ncaws, txheej cua ntawm txhua daim khaub ncaws yuav ua tau ib qho kev tiv cua ntxiv. • Hnav cov khaub ncaws uas tiv cua, thaiv thiab tso pa tawm. Cov ntaub plaub thiab polypropylene yog ib co thaiv pa zoo. • Txheej sab nraud yuav tsum tau tiv thaiv tau cua thiab dej. • Rau cov thoom thauj uas yog ntaub plaub thiab cov khau tawv uas haum zoo thiab tiv thaiv tau dej. • Ntoo ib lub kaus mom uas ceev tau kom sov. • Qee lub sij hawm feem ntau, cov hnab looj tes uas tsis muaj ntiv tes nws sov dua cov hnab looj tes uas muaj ntiv tes. • Thaum cov huab cua txias heev, npog tag nrho cov chaw uas yuav pom nqaij. Yuav ua li cas yog tias kuv lub npav tuaj lig? Yog tias lub npav tos me nyuam kawm ntawv nws tuaj lig dua 15 feeb, cov tub ntxhais kawm ntawv yuav tsum tau rov qab mus tsev thiab hu rau qhov chaw saib xyuas npav ntawm 763-506-1125. Thaum tsev kawm ntawv muaj xwm txheej ceev Thaum lub sij hawm muaj teeb meem loj, los sis muaj kev hawv tias yuav muaj teeb meem loj, cov thawj hauv tsev kawm ntawv thiab tub ceev xwm yuav caum raws ib co kauj ruam uas tau npaj tseg lawm, kom los pab cov tub ntxhais kawm ntawv kom muaj kev nruaj ntseg. Tsev kawm ntawv thiab cheeb tsam hauv paus nkag siab tias cov niam txiv thiab cov neeg saib xyuas tej zaum yuav xav tshem lawv tus me nyuam tawm hauv tsev kawm ntawv thaum lub sij hawm zoo li no. Tiam sis tu siab ntau, niam txiv txoj kev xav tshem lawv tus me nyuam tawm tej zaum yuav ua rau qhov teeb meem haj yam nyuab tuaj. Yog tias niam txiv los sis cov neeg saib xyuas tuaj rau ntawm lub tsev kawm ntawv thaum lub sij hawm muaj ib qho xwm txheej ceev, lawv yuav nkag tsis tau mus rau hauv lub tsev kawm ntawv thiab mus rau ntawm lawv cov tub ntxhais kawm ntawv li lawv niaj zaus ua. Cov niam txiv yuav tsum tau paub txog cov ntawm no: • Cov niam txiv yuav tsum tau tsis txhob tuaj rau ntawm tsev kawm ntawv thaum lub sij hawm muaj xwm txheej ceev, tshwj tsis yog tau hais kom tuaj. Tej zaum yuav kaw lub tsev kawm ntawv thiab qhov chaw nres tsheb tsis pub neeg mus kiag li tshwj tsis yog tub ceev xwm, cov neeg ua hauj lwm pab thaum muaj xwm ceev thiab cov neeg ua hauj lwm hauv tsev kawm ntawv. • Qhov muaj neeg ntxiv rau ntawm tsev kawm ntawv los sis ze ntawm tsev kawm ntawv yuav ua ib qho nyuaj rau tub ceev xwm, cov neeg ua hauj lwm pab thaum muaj xwm ceev thiab cov neeg ua hauj lwm hauv tsev kawm ntawv los ua lawv txoj hauj lwm. Cov niam txiv uas tuaj rau ntawm tsev kawm ntawv yuav tau tos kom txog thaum cheeb tsam tsev kawm ntawv thiab tub ceev xwm hais tias qhov teeb meem nws ruaj ntseg lawm tso. • Txog thaum tag nrho cov tub ntxhais kawm ntawv thiab lub tuam tsev kawm ntawv muaj kev ruaj ntseg thiab nyab xeeb lawm tso, cov tsev kawm ntawv feem ntau yuav tsis tso cov tub ntxhais kawm ntawv tawm. • Yog hais tias yuav tau tshem tawm txhua tus neeg hauv tsev kawm ntawv mus, yuav txav tag nrho cov tub ntxhais kawm ntawv mus rau ib qho chaw nyab xeeb thiab ruaj ntseg uas deb ntawm lub tsev kawm ntawv raws kev saib xyuas los ntawm cov kws qhia ntawv thiab cov neeg ua hauj lwm nram hauv paus loj. • Vim hais tias yuav tau tswj cov dej num kom khiav tus yees, cov neeg ua hauj lwm hauv tsev kawm ntawv yuav tsis tso cov tub ntxhais kawm ntawv tawm txawm tias cov niam txiv los sis cov neeg saib xyuas tau hais rau lawv cov me nyuam kom tawm. Cov tub ntxhais kawm ntawv nws muaj kev ruaj ntseg dua thaum muaj cov neeg ua hauj lwm hauv tsev kawm ntawv saib xyuas dua qhov lawv saib xyuas lawv tus kheej. 8 Thaum lub sij hawm muaj kev teeb meem loj, peb cheeb tsam tsev kawm ntawv muab kev qhia tawm cov lus qhia uas yog thiab raws sij hawm thaum paub kiag txog cov lus qhia. Cov lus qhia yuav muab tso rau hauv cheeb tsam tsev kawm ntawv lub vas sab (website), tsev kawm ntawv cov vas sab, chaw rau neeg tuaj sib ntsib saum nruab ntug (Facebook/Twitter), cov ntawv xov xwm xa hauv nruab ntug (e-newsletters), ParentLink cov kev hu xov tooj, thiab chaw muab xov xwm hauv zos. Cov kev tshaj tawm txog qhov kaw tsev kawm ntawv thiab cov lus qhia rau cov niam txiv yuav muab raws cov chaw tshaj tawm no. Cheeb tsam tsev kawm ntawv lub chav fai tus xov tooj ntawm 763-506-1000 los tseem yuav muab cov lus qhia ntau li ntau tau thiab. Cov kev tawm mus ua si sab nraud Cov kws qhia ntawv tej zaum yuav teem sij hawm tawm mus ua si sab nraud kom kawm tau ntau yam dua. Tus kws qhia ntawv hauv chav kawm los sis lub tsev kawm ntawv lub chav fai yuav qhia txog cov kev tawm mus ua si sab nraud uas tau teeb tseg lawm. Yuav tsum tau niam txiv kev tso cai rau tus tub ntxhais kawm ntawv mas thiaj li tawm mus ua si sab nraud tau. Yog hais tias ib tug tub ntxhais kawm ntawv mus tsis tau rau qhov kev tawm mus ua si sab nraud, yuav muab lwm txoj kev kawm rau nws thaum uas tsim nyog. Yog hais tias koj them tsis tau tus nqi ntawm koj tus me nyuam txoj kev tawm mus ua si sab nraud, thov hu rau lub tsev kawm ntawv lub chav fai los tham txog lwm cov kev uas yuav pab tau. SU THIAB KHOOM NOJ TXOM NCAUJ Tshais, su thiab khoom noj txom ncauj tom qab lawb ntawv Khoom noj khoom haus zoo yog ib qho tseem ceeb ntawm kev kawm ntawv zoo. Nws tseem yog ib qho tseem ceeb rau kev loj hlob thaum me nyuam yaus. Nws pib los ntawm kev noj tshais zoo kom cov me nyuam muaj zog thiab tau khoom noj khoom haus zoo rau hnub ntawd. Kev noj tshais thiab su ua rau cov tub ntxhais kawm ntawv feeb meem rau kev kawm, xav meej thiab coj lawv tus xeeb ceem zoo tshaj plaws. Chav noj mov yog ib qho txuas ntawm chav kawm. Cov tub ntxhais kawm ntawv yuav tsum tau coj xeeb ceem kom zoo thiab ua raws li cov neeg ua hauj lwm hauv chav noj mov hais. Child Nutrition Program ua raws li tag nrho USDA cov kev coj tswj (guidelines). Lawd lub chaw nyob ntawm 2727 N Ferry St., Anoka, thiab hu tau rau lawd ntawm 763-506-1240. Cov nqi tam sim no rau tshais, su thiab cov khoom noj txom ncauj tom qab lawb ntawv muaj raws li nram no: Lub xyoo kawm ntawv 2019-20 Tshais Su Khoom Noj Txom Ncauj Menyuam kawm kindergarten $0.00 $2.45 Menyuam kawm qib hauv paus (elementary) tus raug them tag nrho $1.45 $2.45 Menyuam kawm qib nrab (secondary) tus raug them tag nrho $1.60 $2.45 Tub ntxhais kawm ntawv tus nqi txo $0.00 $0.00 Mis $0.50 $0.50 Khoom noj txom ncauj tom qab lawb ntawv $0.00 pem nyias cov chaw Kev tswj xyuas tus as khauj them zaub mov noj Txhua tus tub ntxhais kawm ntawvsiv lawv tus ID tub ntxais kawm ntawv los them cov nqi ntawm lawv pluas tshais thiab pluas su.. Tus no yog tus zauv uas lawv siv los them rau lawv cov tshais thiab cov su. Tus zauv no yuav ua tus tub ntxhais kawm ntawv tus zauv mus tas li rau tus as khauj them zaub mov noj tsuav yog lawv tseem kawm ntawv hauv Anoka- Hennepin ib lub tsev kawm ntawv. Thov muab tus zauv no sau rau cov tshev uas xa tuaj them su noj. 2019-20Tsev Kawm Ntawv Phau Ntawv Handbook

Reports, guides, handbooks Policy Handbook 2019-20: Hmong | Page 10