Reports, guides, handbooks Policy Handbook 2019-20: Hmong | Page 11

Ib qho kev tswj xyuas tus as khauj them zaub mov noj hauv online cia cov niam txiv thiab cov
neeg saib xyuas los saib seb tshuav nyiaj pes tsawg hauv tus as khauj yuav zaub mov noj, xyuas
seb tau yuav zaub mov noj thaum twg, teeb tsa kom xa ib qho ceeb toom hauv email tuaj thaum
tshuav nyiaj tsawg lawm, teeb tsa ib qho kev cia li rho nyiaj mus them, them nqi online rau
hauv cov as khauj yuav zaub mov noj thiab saib cov zauv as khauj. Qhov kev them hauv online
yuav siv tau credit los sis debit card, los them los sis rho nyiaj ncaj qha tim tuam txhab tso nyiaj.
Anoka-Hennepin qhov system yuav zaub mov noj yog ib qho system uas them ua ntej. Tag nrho
cov zaub mov thiab cov khoom noj uas nyias muaj nyias nqi yog siv cov nyiaj tso rau hauv tus
as khauj los them ua ntej muab zaub mov rau noj. Tsis muaj ib tug nqi uas yuav tau them thaum
them cov nqi online.
Yuav them tau 24 teev hauv ib hnub, xya hnub hauv ib as thiv thiab cov hnub caiv (holiday).
Thaum muaj kawm ntawv, yuav lis cov nyiaj them hnub ntawd. Thaum tsis muaj kawm ntawv,
kev lis cov nyiaj yuav ncua kom txog thaum rov qab kawm ntawv tso thiab yuav siv txog li
36 xob moos mam pom tshwm online hauv cov nyiaj muaj npaum cas (balance). Yuav tso ib
tsab xov tooj hu tuaj qhia thaum ib tug tub ntxhais kawm ntawv tsi tshuav nyiaj hauv tus as
khauj lawm.
Cov tsev neeg uas muaj ib tug A-HConnect as khauj tiam sis tsis nco qab lawv lo
lus zais (password) lawm yuav tsum tau hu rau cheeb tsam lub chav fai ntawm
763-506-HELP (4357) es rov teeb tsa ib tug dua. Cov lus zais (password) rov kho hloov
dua tau los ntawm A-HConnect website, ahconnect.ahschools.us thiab mus nias “forgot my
password.”
Thaum thov ib tug as khauj tshiab, cov niam txiv yuav tsum tau teb ib daim ntawv thov ib
tug as khauj thiab muab xa mus rau lawv tus me nyuam lub tsev kawm ntawv nrog ib daim
ID uas muaj duab rau kev xyuas tias yeej muaj tseeb tiag. Yuav siv tau tib tug as khauj rau
tag nrho cov me nyuam nyob hauv tib tse neeg. Thaum uas teeb tsa tau tus as khauj lawm,
yuav xa ib tsab xov mus rau koj tus email address (los sis chaw nyob tom tsev yog tias koj
tsis muaj ib tug email address).
Thov zaub mov noj dawb los sis txo nqi
Cov tub ntxhias kawm yeej tau tshais thiab su noj dawb yog tias lawd tsev neeg li nyiaj txiag
nyob cuag cov kev coj tswj (guidelines) tau noj dawb los pua them ib nrab los sis txo nqi rau
tsim nyog tau Supplemental Nutrition Assistance Program (SNAP) los sis Minnesota Family
Investment Program (MFIP), tiamsi tsis yog kev pab mes dis khos (medical assistance).
Kev thov rau qhov kev pab no nws tseem ceeb txawm tias koj tsis xav kom koj tus me
nyuam koom rau hauv. Cov tsev kawm ntawv tau nyiaj pab ntxiv rau cov kev qhia ntawv
raws seb muaj pes tsawg tus tub ntxhais kawm ntawv tsim nyog tau zaub mov noj dawb los
sis txo nqi. Cov nyiaj no siv los muab kev pab qhia ntawv ntxiv rau cov tub ntxhais kawm
ntawv hauv txhua lub tsev kawm ntawv.
Kev thov qhov kev pab no mas nws yooj yim, cia li mus rau ntawm
ahschools.us/freereduced. Yuav tsum tau teb ib daim ntawv thov kev pab txhua xyoo kawm
ntawv. Yog koj tau cov pluag mov tsis kom them los sis txo nqi tej zaum koj yuav tau tsis
them los sis them txo nqi rau cov kev kis las thiab lwm yam uas muaj rau ua.Cov lus qhia
uas muab rau hauv daim ntawv thov kev pab mas tsis pub lwm tus paub. Yuav kom xa ib
daim ntawv ua thov tuaj rau koj ces hu rau Child Nutrition office ntawm 763-506-1240. Cov
ntawv thov no, muaj ua lus mev thiab.
Xyoo kawm ntawv no, yog koj tsev neeg ho muaj tej yam hloov los sis koj tuaj nkag tshiab
rau lub chaw kawm ntawv cheeb tsam no (district), koj thov ib daim ntawv ua los tau tsuas
hu rau 763-506-1240. Cov ntawv thov no muaj nyob hauv tsev kawm ntawv chav loj (school
office) los puas koj mus ua daim ntawv thov no online ntawm ahschools.us/freereduced.
Tej yam ua raws kev caiv zaub mov
Hom zaub mov yog tswj los ntawm lub xeev thiab teb chaws meskas cov kev cai. Cov kua
mis uas tsis tshua muaj (lactose) los yog kua taumkuj muaj rau cov tub/ntxhais kawm ntawv
yog muaj ntawv thov los ntawm niam/txiv/ tus neeg tswj. Daim ntawv thov muaj xa mus rau
tus thawj saib kev koj zaub mov tim tus tub/ntxhais lub tsev kawm ntawv. Lwm yam kev noj
zaun mov yuav tsum tau daim ntawv uas tus kws kho mob uas kawm tawm los khij Doctor
of Medicine (M.D.), Clinical Nurse Practitioner, Osteopathic Dr. (D.O.) los yog Physicians
2019-20 Tsev Kawm Ntawv Phau Ntawv Handbook
Assistant (P.A.C.) thiab nian/txiv los yog tus tswj. Daim ntawv no muaj nyob rau ntawm
ahschools.us/dietform. Muab daim ntawv uas khij tag fax mus rau CNP lub hoob kas ntawm
763-506-1253 los yog xa mus rau 2727 N. Ferry St., Anoka, MN 55303. Daim ntawv thov
tuaj yuav tsum tau siv li ntawm 10 hnub mas thiaj li yuav ua tau. Tej zaum tseem yuav siv
sij hawm ntxiv thaum pib kawm ntawv los yog rau cov kev uas yuav tau xaiv zaub xaiv
mov noj.
Cov khoom noj ua tom tsev thiab cov khoom noj txom ncauj
Tej zaum yuav muaj tej lub caij nyoog tshwj xeeb uas cov tub ntxhais kawm ntawv yuav
nqa cov khoom noj txom ncauj tuaj faib rau cov tub ntxhais kawm ntawv hauv chav kawm
noj. Cov khoom noj uas niam txiv los sis cov neeg saib xyuas muab tuaj yuav tsum tau
muaj raws li cheeb tsam tsev kawm ntawv tsab cai hais txog kev noj qab nyob zoo, saib
nplooj 56. Thov tsuas xa cov khoom noj txom ncauj uas twb ntim tas ua ntej lawm thaum
yuav hauv khw xwb tuaj rau tom tsev kawm ntawv rau cov koom txoos hauv chav kawm;
yuav tsum tau muaj daim ntawv teev cov khoom siv ua cov khoom noj ntawd yog thaum
xav tau. Cov khoom noj uas ua tom tsev tuaj yuav faib tsis tau rau cov me nyuam noj.
Cov tsev kawm ntawv tsuas muab tau cov khoom noj uas tau los ntawm cov chaw ua uas
tau kev pom zoo thiab tau soj ntsuam los ntawm chaw tso cai los ntawm nom tswv teb
chaws, xeev los sis hauv zos.
Kev muab cov khoom noj zoo rau cov chav kawm
Cheeb tsam tsev kawm ntawv tsab cai hais txog kev noj qab nyob zoo yog ib feem ntawm
lub dag zog uas nom tswv teb chaws ua los txhawb kom noj kom zoo ntau zog thiab qoj ib
ce kom muaj zog thaum lub sij hawm kawm ntawv. Tsab cai yog tsim los txhawb cov kev
xaiv khoom noj zoo rau cov khoom noj uas cov tub ntxhais kawm ntawv yuav tau xaiv
thaum kawm ntawv, hauv chav noj mov mus rau chav kawm. Yuav kom ua tau raws li cov
hom phiaj ntawm cheeb tsam tsev kawm ntawv tsab cai hais txog kev noj qab nyob zoo, cov
niam txiv thiab cov neeg saib xyuas yuav tsum tau xav txog cov kev xaiv khoom noj uas
zoo thaum lawv nqa khoom noj tuaj rau hauv ib chav kawm. Tej zaum koj yuav nug tias,
yuav muaj dab tsi phem yog ntev ntev mam li noj ib lub cupcake, khuv kim los sis ib qho
khaub noom, lwm yam zoo li no? Cov khoom noj txom ncauj uas nyob nyob mam li noj ib
zaug mas tsis yog qhov teeb meem. Tu siab ntau uas, cov khoom noj uas muaj suab thaj, roj
ntau thiab feem ntau tsis zoo noj mas tau los ua qhov noj tas li es tsis yog ntev ntev mam li
noj ib zaug. Cov khoom noj qab zib mas muaj roj ntau, suab thaj ntau, thiab cov khoom pab
rau lub cev tsawg. Ntxiv thiab, cov khoom noj qab zib uas twb ntim tau ua ntej lawm thaum
yuav tom khw mas nws muaj trans-fats thiab preservatives ntau; muaj coob tus kws qhia noj
haus xav kom noj cov fats thiab additives no kom tsawg. Qhov tseem ceeb tshaj, peb xav
kom peb cov tub ntxhais kawm ntawv muaj cov kev xaiv ntau uas tsis yog khoom qab zib
xwb. Cov kev muab cov khoom noj uas zoo rau lub cev ntawd rau cov me nyuam yuav ua
rau cov me nyuam kawm tau yooj yim seb yuav xaiv yam khoom noj zoo twg. Peb xav qhia
rau cov me nyuam tias qhov kev xaiv uas zoo rau lub cev yog qhov kev xaiv zoo.
Ntawm no yog ib co khoom noj txom ncauj zoo rau lub cev uas yuav muab tau tuaj rau
hauv Anoka-Hennepin cov chav kawm. Xyuas nrog koj tus me nyuam tus kws qhia ntawv
los sis lub tsev kawm ntawv tus kws ntsuam mob ua ntej nqa cov khoom noj uas muaj noob
(nuts) los sis lwm yam uas tej zaum yuav ua rau tsis haum nyob. Cov khoom noj uas ntim
ua ntej lawm thaum yuav tom khw rau ib leeg noj hauv qab no tseem yog ib qho khoom noj
txom ncauj zoo tsis hais rau lub sij hawm twg li.
• Hloov cov dej qab zib mus rau: 100 percent kua txiv, dej dawb uas qab (tsis muaj suab
thaj ntxiv rau), cov mis nyuj uas muaj roj tsawg los sis tsis muaj roj uas tsuag los sis qab.
• Ntau yam txiv hmab txiv ntoo tshiab.
• Txiv hmab txiv ntoo qhuav thiab 100 percent cov txiv hmab txiv ntoo noj txom ncauj
(fruit snacks).
• Zaub nrog cov kua ntsw uas muaj roj tsawg.
• Cov crackers uas yog whole-grain nrog tshij.
• Cov pretzels, cov paj kws uas muaj roj tsawg, khaub cij mov, khaub noom nplev,
graham crackers thiab cov crackers ua tsiaj.
9