Reports, guides, handbooks Policy Handbook 2019-20: Hmong | Page 12

• Cov pudding muaj roj tsawg, cov yogurt muaj roj tsawg.
• Cov khaub noom noj ua tsais los sis granola uas muaj roj tsawg (saib cov uas muaj suab
thaj tsawg thiab).
• Trail mix los sis cov khaub noom ntse mis sib tov (whole-grain, cov khaub noom ntse mis
uas muaj suab thaj tsawg nrog cov txiv hmab txiv ntoo qhuav, lwm yam zoo li no).
Mua cov khoom noj txom ncauj uas zoo rau lub cev rau chav kawm noj los ntawm Child
Nutrition program (kev pab cuam Zaub Mov Rau Me Nyuam Noj). Peb muab lom zem thiab
zoo rau lub cev xws li txiv hmab txiv ntoo, zaub, cov khoom siv mis ua uas muaj roj
tsawg/tsis muaj roj thiab whole grains. Nws yog ib txoj kev yooj yim los yuav cov khoom noj
txom ncauj uas tshiab thiab zoo rau lub cev rau koj tus me nyuam chav kawm – tsis tas txhawj
txog kev yuav mus yuav khoom tom khw tam sim ntawd li! Hu rau Child Nutrition program
(kev pab cuam Zaub Mov Rau Me Nyuam Noj) tus neeg saib xyuas qhov chaw hauv koj tus
me nyuam lub tsev kawm ntawv.
NYOB KOM MUAJ KEV NOJ QAB NYOB ZOO
THIAB KEV RUAJ NTSEG
Xyuas kom koj tus me nyuam txhaj tshuaj tiv thaiv kab mob
Minnesota School Immunization Law (Tsev Kawm Ntawv Hauv Minnesota Txoj Cai Txog
Kev Txhaj Tshuaj Tiv Thaiv Kab Mob) (MN Statute 121A.15)) hais tias tag nrho cov tub
ntxhais kawm ntawv yuav tsum tau muab pov thawj tias lawv tau txhaj tshuaj tiv thaiv kab
mob thaum me nyuam yaus. Cov cai kom yuav tsum tau muab pov thawj tias tau txhaj
tshuaj tiv thaiv kev ua qoob los sis ua qoob hlwv dej. Pov thawj txog tus kab mob yuav
tsum tau muaj cov lus qhia los ntawm tus kws kho mob uas qhia seb ua qoob xyoo twg.
Kev txhaj tshuaj tiv thaiv tus kab mob ua qoob hlwv dej mas muaj ob koob. Koob ob uas tiv
thaiv kab mob qhua pias, ua qog, qhua taum (measles, mumps, rubella) (MMR) mas yuav
tsum tau txhaj ua ntej pib mus kawm kindergarten.
Yuav tsum tau txhaj koob tshuaj los tiv thaiv kab mob daig puab tsaig, mob txhaws caj pas
thiab hnoos qhuj qhem (tetanus, diphtheria and pertussis) (Tdap) rau tag nrho cov tub
ntxhais kawm ntawv uas kawm qib xya thiab siab dua ntawd. Cov kawm qib xya hauv
Minnesota hauv online mas yuav tsum tau txhaj koob tshuaj tiv thaiv Kab Mob Siab B uas
yog ob los sis peb koob mus txuas ntxiv. Muaj ib koob tshuaj uas tiv thaiv kab mob rau
ntawm lub hlwb los sis ntawm tus txhab nrab qaum (meningitis) uas yuav tsum tau txhaj rau
cov kawm qib xya. Thaum xyoo 2020-21, yuav tau txhaj koob tshuaj tiv thaiv mob
meningitis nyob rau qib 12. Thov sab laj nrog koj tus kws kho mob tham hais txog cov kev
txhaj tshuaj tiv thaiv kab mob ua ntej pib kawm kindergarten. Cov kws kho mob sab nraud
(private) yuav txhaj tau cov tshuaj no. Yog tias koj tsis muaj ntawv kho mob uas them rau
cov kev txhaj tshuaj tiv thaiv kab mob koj tus tub ntxhais kawm ntawv yuav mus txhaj
tshuaj tau hauv Anoka los sis Hennepin County cov chaw kho mob rau pej xeem. Rau cov
hnub, sij hawm thiab qhov chaw nyob ntawm cov chaw kho mob hu rau Anoka County
ntawm 763-324-4210 los sis Hennepin County ntawm 612-348-2884.
Kev Pab Txoj Kev Noj Qab Haus Huv lub chav fai hauv koj tus tub ntxhais kawm ntawv
lub tsev kawm ntawv yuav tsum tau pov thawj tias koj tus tub ntxhais kawm ntawv tau txhaj
tshuaj tiv thaiv kab mob lub hlis twg, hnub twg thiab xyoo twg. Yog hais tias lub tsev kawm
ntawv tsis tau cov ntaub ntawv pov thawj txog cov kev txhaj tshuaj uas yuav tsum tau txhaj
no, yuav tsis suav koj tus tub ntxhais kawm ntawv rau hauv tsev kawm ntawv. Xeev txoj cai
cia cov niam txiv los sis cov neeg saib xyuas los teev ib daim ntawv raws kev cai uas zam
cov kev tshaj tshuaj tiv thaiv kab mob vim muaj mob los sis vim muaj kev ntseeg ntawm tus
kheej li cas. Daim ntawv zam yuav tsum tau kos npe ua ntej ntawm ib tug neeg ua pov
thawj rau kev kos npe thiab muab xa mus rau tus tub ntxhais kawm ntawv lub chav fai
muab Kev Pab Txoj Kev Noj Qab Haus Huv hauv nws lub tsev kawm ntawv. Thov nug tau
Kev Pab Txoj Kev Noj Qab Haus Huv ntawm koj tus tub ntxhais kawm ntawv lub tsev
kawm ntawv yog tias koj xav tau kev pab txog tus txheej txheem zam.
Kev soj ntsuam me nyuam thaum ntxov
Hauv Minnesota, tag nrho cov me nyuam yuav tsum tau ua ib qho kev soj ntsuam me
10
nyuam thaum ntxov ua ntej lawv mus kawm kindergarten. Qhov zoo tshaj, qhov kev soj
ntsuam yuav tsum tau ua kom tiav ua ntej tus me nyuam muaj plaub xyoos, thiab yuav tsum
ua kom tiav ua ntej tus me nyuam pib mus kawm tsoom fwv qib kindergarten. Kev soj
ntsuam yog DAWB xwb, soj ntsuam yooj yim txog tus me nyuam txoj kev noj qab haus huv
thiab kev loj hlob. Nws tsis yog los txiav txim seb tus me nyuam puas tau npaj tau mus
kawm kindergarten.
Kev soj ntsuam muaj xws li:
• Soj ntsuam txog kev loj hlob.
• Soj ntsuam qhov pom kev thiab kev hnov lus.
• Ntsuas qhov siab thiab hnyav.
• Soj ntsuam cov kev txhaj tshuaj tiv thaiv kab mob thiab keeb kwm txog txoj kev noj qab
haus huv.
Hu rau 763-433-4833 rau cov lus qhia ntxiv yog tias:
• Koj yog ib tug neeg tshiab hauv cheeb tsam.
• Koj tus me nyuam muaj 4 xyoos rov saud thiab TSIS tau ua ntawv tuaj qhia.
• Koj tus me nyuam sam sim yuav mus kawm qib kindergarten thaum lub caij nplooj ntoos
zeeg thiab tsis tau mus soj ntsuam.
• Xav teem ib lub sij hawm mus soj tnsuam.
Yog tias koj siv ib tug xov tooj TTY, thov hu uas siv Minnesota Relay ntawm
1-800-627-3529, los sis 711.
Kev soj ntsuam muaj txhua hnub hauv xyoo kawm ntawv ntawm Sorteberg Early Childhood
Center (SECC), 11400 Magnolia St. NW, hauv Coon Rapids.
Cov kev soj ntsuam qhov pom kev thiab kev hnov lus
Cov kev soj ntsuam qhov pom kev thiab kev hnov lus mas yog ua raws li State Health
Department (Xeev Lub Tuam Tsev Xyuas Txog Kev Noj Qab Haus Huv) cov kev taw qhia
thiab raws li qhov muaj neeg ua hauj lwm los ua cov kev soj ntsuam ntawd. Yuav tsis ua
qhov kev soj ntsuam koj tus me nyuam hauv txhua xyoo kawm ntawv. Cov kev soj ntsuam
nws tsis yog ib qho kev soj ntsuam ntxaws. Thov kom koj tus kws kho mob soj ntsuam koj
tus tub ntxhais kawm ntawv yog tias koj muaj lus nug txog koj tus tub ntxhais kawm ntawv
qhov pom kev los sis kev hnov lus. Yog tias koj xav tau kev pab nyiaj kom mus muab tau
cov kev pab, muaj ntau cov chaw muab kev pab zoo raws li nram no: Anoka County Child
and Teen (Anoka County Tus Me Nyuam thiab Tus Hluas) (763-324-4280) thiab First Call
for Help (Hu Ntej rau Kev Pab) (211 los sis 651-291-0211).
Kuv tus me nyuam puas zoo txaus mus kawm ntawv?
Cov niam txiv mas nquag txhawj xeeb txog seb thaum twg lawv cov tub ntxhais kawm
ntawv yuav tsum tau nyob hauv tsev tsis txhob mus kawm ntawv vim muaj mob. Nws yog
ib qho tseem ceeb uas yuav tsum tau npaj seb yuav nrhiav neeg zov me nyuam li cas yog
thaum koj tus me nyuam muaj mob es yuav tsum tau nyob hauv tsev tsis mus kawm ntawv.
Ntawm no yog ib co lus qhia uas yuav pab koj txiav txim seb koj tus me nyuam puas yuav
tsum tau nyob hauv tsev:
• Yog hais tias tus tub ntxhais kawm ntawv kub txog 100 degrees los sis siab tshaj ntawd,
tus tub ntxhais kawm ntawv yuav tsum tau nyob hauv tsev mus 24 teev tom qab qhov kub
ntawd rov qab mus nyob li qub lawm.
• Yog hais tias tus tub ntxhais kawm ntawv tau ntuav los sis raws plab, tus tub ntxhais
kawm ntawv yuav tsum tau nyob hauv tsev mus 24 teev tom qab ntuav los sis raws plab
zaum kawg.
• Yog hais tias tus tub ntxhais kawm ntawv tawm pob uas tej zaum yuav yog los ntawm kab
mob los sis tsis paub seb yog ua cas ho tawm pob, mus soj ntsuam nrog tsev neeg tus kws
kho mob ua ntej xa tus tub ntxhais kawm ntawv rov qab tuaj kawm ntawv.
• Yog hais tias tus tub ntxhais kawm ntawv mob, thov hu rau lub tsev kawm ntawv txhua
hnub es qhia txog qhov mob ntawd.
• Yog hais tias tus tub ntxhais kawm ntawv muaj ib tug mob mus ntev uas ua rau muaj cov
tsos mob kub taub hau, ntuav, raws plab thiab/los sis tawm pob thov nrog tus kws ntsuam
mob hauv lub tsev kawm ntawv tham es nrhiav cov kev yuav ua tau txij twg xwb txog
2019-20 Tsev Kawm Ntawv Phau Ntawv Handbook