qhov cia koj tus tub ntxhais kawm ntawv nyob tom tsev.
Nco ntsoov tias ib tug me nyuam uas mob uas muaj ib tug kab mob uas kis tau yuav kis tau
tus kab mob thaum nrog lwm tus hauv tsev neeg thiab lub zej zos. Kev nquag ntxuav tes
yog ib txoj kev zoo los txo cov kev kis kab mob. Ua ib tug qauv zoo los ntawm kev nquag
ntxuav koj txhais tes thiab pab kom koj tus me nyuam ua tau ib tug cuj pwm ntxuav tes zoo.
Yog tias koj muaj lus nug txog cov kev taw qhia no los sis koj tus me nyuam tus mob, thov
hu rau koj lub tsev kawm ntawv tus kws ntsuam mob los sis tsev neeg tus kws kho mob.
Saib daim duab qhia txog kev mob/kab mob nyob rau nplooj 12 thiab 13.
Tshuaj
Qhov cov neeg ua hauj lwm hauv Anoka-Hennepin Kev Pab Txoj Kev Noj Qab Haus Huv
yuav tau muab tshuaj rau me nyuam noj mas tau nce lawm ntau heev ob peb xyoos tas los no.
Vim muaj cov tub ntxhais kawm ntawv coob leej yuav tsum tau noj tshuaj thaum lub sij
hawm kawm ntawv, tau tsim ib co txheej txheem los xyuas kom cov tub ntxhais kawm
ntawv muaj kev ruaj ntseg. Peb cov neeg ua hauj lwm hauv qhov chaw muab Kev Pab Txoj
Kev Noj Qab Haus Huv thov kom niam txiv los sis tus neeg saib xyuas muab kev koom tes
nrog cov txheej txheem uas tau kev pom zoo los ntawm Pawg Tswj Xyuas Tsev Kawm
Ntawv. Yuav muab tau cov tshuaj kws kho mob sau yuav rau me nyuam noj yog tau kev tso
cai los ntawm tus kws kho mob thiab niam txiv.
Qhov chaw muab Kev Pab Txoj Kev Noj Qab Haus Huv tsuas muab tau cov tshuaj uas tau
kev pom zoo los ntawm FDA rau cov tub ntxhais kawm ntawv noj xwb. Cov tshuaj ntsuab,
tshuaj pab, tshuaj tsw qab thiab lwm yam tshuaj mas yuav tsum tau muab rau cov tub
ntxhais noj tom tsev rau thaum lub sij hawm tsis kawm ntawv. Tag nrho cov tshuaj uas
muab rau noj hauv tsev kawm ntawv yuav tsum yog niam txiv los sis tus neeg saib xyuas
muab tuaj.
1. Niam txiv los sis tus neeg saib xyuas yuav tsum tau nqa tag nrho cov tshuaj tuaj mus rau
ntawm lub tsev kawm ntawv qhov chaw muab Kev Pab Txoj Kev Noj Qab Haus Huv.
2. Yog hais tias ua tsis tau li no, yuav tsum tau caum tus txheej txheem nram qab no:
a. Niam txiv los sis tus neeg saib xyuas yuav tsum tau suav seb muaj pes tsawg lub
tshuaj hauv lub raj tshuaj uas muaj ntawv lo rau.
b. Niam txiv los sis tus neeg saib xyuas yuav tsum muab ntaub nplaum los rau lub raj
tshuaj kom qhib tsis tau thiab sau seb muaj pes tsawg lub tshuaj rau ntawm daim
ntaub nplaum, los sis
c. Tom qab suav cov tshuaj tas, niam txiv los sis tus neeg saib xyuas yuav tsum tau
muab daim ntawv lo rau ntawm lub raj tshuaj uas kws kho mob sau yuav ntawd tso
rau hauv ib lub hnab ntawv, muab lo rau, thiab sau seb muaj pes tsawg lub tshuaj
rau ntawm lub hnab ntawv.
d. Yog hais tias cov tshuaj ua kua, niam txiv los sis tus neeg saib xyuas yuav tsum tau kos
ib txoj kab qhia seb tshuav cov kua tshuaj ntau npaum li cas nyob hauv lub raj tshuaj.
e. Niam txiv los sis tus neeg saib xyuas yuav muab cov tshuaj rau tus tub ntxhais
kawm ntawv nqa tuaj rau tom tsev kawm ntawv, qhia kom nws nqa cov tshuaj mus
rau ntawm qhov chaw muab Kev Pab Txoj Kev Noj Qab Haus Huv thaum tuaj
txog hauv tsev kawm ntawv.
f. Tus kws ntsuam mob/tus neeg ua hauj lwm hauv kev kho mob yuav suav cov tshuaj
thaum tuaj txog hauv qhov chaw muab Kev Pab Txoj Kev Noj Qab Haus Huv lub chav
fai; yog hais tias muaj lus nug, yuav hu rau tus niam txiv los sis tus neeg saib xyuas.
3. Niam txiv los sis tus neeg saib xyuas yuav tsum tau tuaj nqa tag nrho cov tshuaj uas tsis
noj lawm hauv qhov chaw muab Kev Pab Txoj Kev Noj Qab Haus Huv tsis li yuav muab
pov tseg raws kev tsim nyog.
Cov txheej txeem muab tshuaj thaum tawm mus ua si sab nraum lub tsev kawm ntawv
Cov tsev kawm ntawv tseem caum raws cheeb tsam tsev kawm ntawv cov txheej txheem
txog kev muab tshuaj rau cov tub ntxhais kawm ntawv thaum lawv tawm mus ua si sab
nraum lub tsev kawm ntawv. Cov neeg ua hauj lwm hauv qhov chaw muab Kev Pab Txoj
Kev Noj Qab Haus Huv thiab cov kws qhia ntawv ua hauj lwm ua ke los xyuas kom cov tub
ntxhais kawm ntawv tau lawv cov tshuaj uas lawv niaj hnub noj nrog rau cov tshuaj noj
thaum muaj xwm ceev thaum lub sij hawm lawv tawm mus ua si sab nraum lub tsev kawm
ntawv. Yog xav paub ntxiv txog qhov no, thov hu rau koj lub tsev kawm ntawv qhov chaw
2019-20 Tsev Kawm Ntawv Phau Ntawv Handbook
muab Kev Pab Txoj Kev Noj Qab Haus Huv lub chav fai.
Kuv tus tub ntxhais kawm ntawv noj puas tau tshuaj thaum lub sij hawm ua si tom
qab lawb ntawv?
Tsis muaj Anoka-Hennepin qhov chaw muab Kev Pab Txoj Kev Noj Qab Haus Huv cov
neeg ua hauj lwm los muab tshuaj rau noj tom qab lub sij hawm lawb ntawv thaum lub sij
hawm ua si. Li no, cov tshuaj noj, nrog rau cov twj nqus tshuaj, mas yuav muab tsis tau rau
cov tub ntxhais kawm ntawv los sis cov neeg ua hauj lwm tom qab lub sij hawm lawb
ntawv lawm.
Yog hais tias cov tub ntxhais kawm ntawv koom rau hauv cov kev ua si tom qab lawb
ntawv xav tias yuav tsum tau siv cov tshuaj hauv lub twj nqus tshuaj ua ntej, thaum lub sij
hawm ua si los sis tom qab lub sij hawm ua si, lawv yuav nqa tau lawv lub twj nqus tshuaj
ntawm qhov chaw muab Kev Pab Txoj Kev Noj Qab Haus Huv tom qab tsis kawm ntawv
lawm thiab xa rov qab tuaj hnub tom qab ntawd.
Cov tub ntxhais kawm ntawv yuav nqa tau lawv cov twj nqus tshuaj tom tsev tuaj thaum
lawv rov qab tuaj rau tom tsev kawm ntawv tuaj ua si rau yav tsaus ntuj.
Minnesota Health Care Programs
(Minnesota Cov Kev Pab Them Nqi Kho Mob)
Minnesota Health Care Programs (Minnesota Cov Kev Pab Them Nqi Kho Mob) muaj cov
kev pab them nqi kho mob dawb thiab pheej yig rau cov me nyuam thiab cov tsev neeg uas
tsim nyog. (Kev pab them nqi kho mob Medical Assistance tsis muaj tus nqi muas
(premium) uas them txhua hli. MinnesotaCare muaj tus nqi muas uas them txhua hli raws
tsev neeg cov nyiaj tau.)
Koj tus me nyuam yuav tsim nyog yog tias koj tsev neeg cov nyiaj tau nws qis dua:
Pes tsawg leej hauv tsev neeg Nyiaj tau txhua hli
Nyiaj tau txhua xyoo
2
$3,772
$45,265
3
$4,762
$57,145
4
$5,752
$69,025
5
$6,742
$80,905
Nyiaj tau yog ib qho uas siv rau hauv kev tsim nyog. Muaj lwm cov cai thiab kev txwv uas
siv thiab. Yog xav paub ntxiv, hu rau koj lub nras (county) lub chav fai los sis mus xyuas
Yog xav tau Minnesota Health Care Programs (Minnesota Cov Kev Pab Them Nqi
Kho Mob) (MHCP) daim ntawv thov kev pab:
• Mus saib ntawm:www.mnsure.org/shop-compare/financial-help/
income-guidelines/index.jsp
Cov kev tsis haum cov kua roj hmab (latex) thiab cov zais
Vim tias muaj tej co neeg tsis haum cov kua roj hmab (latex), Anoka-Hennepin Cheeb Tsam
Tsev Kawm Ntawv yuav ua kom txo tau kev siv cov khoom kua roj hmab (latex) uas nquag
ua rau muaj kev tsis haum nyob.
Kua roj hmab (latex), uas yog ib hom kua mis los ntawm cov ntoo yas, mas siv ua rau hauv
ntau yam khoom, nrog rau cov zais uas siv kua roj hmab (latext) ua. Cov zais yog ib qho uas
nquag ua rau muaj kev tsis haum nyob hauv cov neeg uas tsis haum cov kua roj hmab (latex)
yooj yim. Qhov tsis haum nyob loj thiab me ntawd mas nyob ntawm seb tus neeg nws tsis
haum npaum li cas. Hauv qee lub sij hawm uas tsis tshua muaj ntawd, kev raug rau cov kua
roj hmab (latex) me me uas tso tawm thaum lub zais tawg yuav ua muaj cov tsos mob uas
yuav txov tau txoj sia, xws li chauv (shock), ua pa nyuaj los sis cov ntshav cia li poob qis.
Vim tias tej zaum yuav muaj kev tsis haum rau cov kua roj hmab (latex), tsis pub nqa cov zais
feem ntau tuaj rau hauv tsev kawm ntawv. Tiam sis, yuav pub nqa cov zais Mylar, uas yuav
cim tau los ntawm qhov cov ntawv ci ci, tuaj rau hauv tsev kawm ntawv. Yog tias koj tsis paub
tseeb txog cov khoom hauv ib lub zais twg, tsis txhob nqa tuaj rau hauv tsev kawm ntawv.
Thov qhia rau ib tug neeg khiav dej num los sis ib tug neeg ua hauj lwm hauv qhov chaw
muab Kev Pab Txoj Kev Noj Qab Haus Huv yog tias koj tus me nyuam tsis haum rau cov
kua roj hmab (latex).
11