Reports, guides, handbooks Policy Handbook 2019-20: Hmong | Page 8

NCUA NTAWV, TUAJ LIG THIAB TAWM NTXOV
Kev Mus Kawm Ntawv (Attendance)
Kev mus kawm ntawv tas li hauv tsev kawm ntawv yog ib qho tseem ceeb hauv kev kawm
tau ntawv ntawm peb cov tub ntxhais kawm ntawv. Ua niam ua txiv thiab cov neeg saib
xyuas, koj yog tus cob qhia tseem ceeb tshaj hauv koj tus me nyuam txoj kev kawm ntawv.
Kev xyuas kom koj tus me nyuam so txaus thaum tuaj txog tom tsev kawm ntawv, noj haus
tsau thiab npaj kawm ntawv yog ib txoj kev pab zoo heev rau koj tus me nyuam txoj kev
kawm ntawv.
Cov me nyuam uas xis neej yuav tsum tau tuaj kawm ntawv txhua hnub thaum muaj kawm
ntawv. Cov tub nxhais kawm ntawv uas mob yuav tsum tau tsis txhob tuaj kawm ntawv.
Xyuas hauv nplooj 12 rau “Kuv tus me nyuam puas xis neej txaus mus kawm ntawv.”
Feem ntau, cov me nyuam yeej tsis ncua ntau tshaj rau hnub kawm ntawv hauv ib xyoos
vim muaj mob. Yog tias muaj kev txhawj xeeb txog ib tug mob mus ntev uas yuav ua rau
koj tus me nyuam mus kawm ntawv tsis tau, thov nrog koj lub tsev kawm ntawv tus kws
ntsuam mob tham.
Compulsory education law
(Tsab cai yuav tsum tau kawm ntawv)
Nyob rau hauv tsab cai yuav tsum tau kawm ntawv, cov tub ntxhais kawm ntawv uas muaj
hnub nyoog xya xyoo txog 17 xyoo yuav tsum tau txais kev qhia ntawv txhua xyoo. Cov me
nyuam uas muaj xya xyoo rov hauv uas kawm hauv qib kindergarten los sis qib siab zog los
tseem yuav tau ua raws li tsab cai no thiab.
Minnesota cov cai, ntu 120A.22 – Yuav tsum tau kev qhia ntawv
Nqe 1. Niam txiv txoj dej num. Niam txiv ntawm ib tug me nyuam muaj txoj dej num los
xyuas kom tus me nyuam tau cov kev txawj ntse thiab cov txuj ci uas tseem ceeb los ua ib
tug neeg uas siv tau.
Nqe 5. Hnub nyoog thiab cov lo lus. (a) Txhua tus me nyuam uas muaj xya xyoo txog 17
xyoo yuav tsum tau txais kev qhia ntawv tshwj tsis yog tias tus me nyuam tau kawm tiav
lawm. Txhua tus me nyuam uas muaj hnub nyoog xya xyoo rov hauv uas mus kawm qib
kindergarten ib nrab hnub, los sis kindergarten tas hnub hauv cov hnub txawv, los sis lwm
cov kev kawm kindergarten yuav tau txais kev qhia ntawv. Tshwj tsis yog tias tau muaj
nyob hauv nqe 6, ib tug niam txiv yuav rho tau lawv tus me nyuam uas muaj hnub nyoog
xya xyoo rov hauv tawm tau txhua lub sij hawm.
Nqe 6. Cov me nyuam muaj hnub nyoog xya xyoo rov hauv. (a) Thaum ib tug me nyuam
kawm ntawv muaj hnub nyoog xya xyoo rov hauv mus kawm qib kindergarten los sis qib
kawm siab zog hauv tsoom fwv ib lub tsev kawm ntawv, tus me nyuam kawm ntawv yuav
tsum tau ua raws li cov nqe lus txog kev yuav tsum tau mus kawm ntawv hauv tshooj no thiab
ntu 120A.34, tshwj tsis yog tias pawg tswj xyuas hauv cheeb tsam uas tus me nyuam kawm
ntawv mus kawm ntawv ntawd tau zam cov me nyuam uas muaj xya xyoo rov hauv nqe no.
(b) Hauv cheeb tsam uas cov me nyuam muaj xya xyoo rov hauv uas yuav tsum tau mus
kawm ntawv nyob hauv nqe no, siv cov nqe lus (c) txog (e).
(c) Ib leej niam leej txiv los sis tus neeg saib xyuas yuav rho tau ib tug me nyuam kawm
ntawv tawm hauv kev kawm ntawv hauv ib lub tsev kawm ntawv vim muaj laj thawj
zoo yog tias qhia rau cheeb tsam. Laj thawj zoo mas yuav suav cov no, tiam sis tsis
yog tas rau cov no, kev muab tus me nyuam kawm ntawv mus rau npe kawm lwm lub
tsev kawm ntawv, raws li txhais hauv nqe 4, los sis tus me nyuam tseem tsis tau loj
hlob txaus.
(d) Thaum muab tus me nyuam kawm ntawv rau npe kawm ntawv, tus neeg ua ntaub
ntawv rau me nyuam kawm ntawv ntawd yuav tsum tau muab ib daim ntawv sau
tshab txhais txog cov kev cai hauv nqe no rau leej niam leej txiv los sis tus neeg saib
xyuas uas coj tus me nyuam tuaj rau npe kawm ntawv.
(e) Ib tug me nyuam kawm ntawv uas muaj hnub nyoog xya xyoo rov hauv uas rho npe
tawm hauv tsoom fwv tsev kawm ntawv nyob rau nqe lus (c) mas tsis raug ua raws li
cov cai txog kev yuav tsum tau mus kawm ntawv hauv tshooj no ntxiv lawm.
6
(f)
Hauv cheeb tsam uas siv ib tsab cai los zam cov me nyuam uas muaj xya xyoo rov
hauv ntawm nqe no, cheeb tsam tus thawj xyuas txog kev mus kawm ntawv yuav
tsum tau muab ib daim qauv ntawm pawg tswj xyuas tsab cai tam sim no rau cov
neeg tswj xyuas kev tsis mus kawm ntawv uas tau kev pom zoo los ntawm tus neeg
teev ntaub ntawv hauv pawg tswj xyuas.
Ncua ntawv los sis mus kawm ntawv lig
Yog tias koj tus me nyuam yuav ncua ntawv, tuaj lig los sis tawm ntxov, thov hu rau lub
tsev kawm ntawv tus xov tooj qhia txog kev tuaj kawm ntawv. Koj hu tau 24 teev hauv ib
hnub thiab tso lus cia. Yog hais tias ib tug me nyuam tsis tuaj kawm ntawv, thiab tsev kawm
ntawv tsis tau txais ib tsab ntawv qhia txog qhov kev ncua ntawv, lub tsev kawm ntawv
yuav hu rau leej niam leej txiv los sis tus neeg saib xyuas. Yog hais tias peb tsis hnov koj teb
tuaj, koj tus me nyuam txoj kev ncua ntawv yuav muab sau ua ib qho uas tsis muaj kev zam.
Ib qho kev ncua ntawv vim muaj cov kev txhawj xeeb txog huab cua tsis zoo yuav zam tau
rau yog tias niam txiv los sis tus neeg saib xyuas qhia tuaj xwb.
Cov tub ntxhais kawm ntawv qib kindergarten mus rau qib tsib uas tuaj txog pem tsev
kawm ntawv lig tshaj li rau caum feeb tom qab kev kawm twb pib rau hnub ntawv, thiab
txoj kev tuaj lig tsis raug tus tswj kev kawm ntawv (principal) zam, ces yuav raug muab
ceev cia tias qhaj ntawv.
Cov tub ntxhais kawm ntawv qib rau mus rau qib kaum ob uas tuaj txog pem tsev kawm
ntawv lig tshaj li kaum tsib feeb tom qab kev kawm twb pib rau hnub ntawv, thiab txoj kev
tuaj lig tsis raug tus tswj kev kawm ntawv (principal) zam, ces yuav raug muab ceev cia tias
qhaj ntawv.
Kev qhia txog qhaj ntawv:
• Ib tug tub ntxhais kawm raug muab ua tias tuaj lig yog thaum nws tuaj txog lig
60 feeb (K-5)/15 feeb (6-12) tom qab kev kawm pib rau hnub ntawv.
• Ib tug tub ntxhais kawm raug muab ua tias qhaj ib nrab hnub yog thaum nws tuaj txog
lig tshaj li 60 feeb (K-5)/15 feeb (6-12) ) tom qab kev kawm pib los puas twb yuav
xaus rau hnub ntawv
• Yuav suav tias ib tug tub ntxhais kawm ntawv ncua ib hnub ntawv yog tias nws ncua
plaub los sis ntev tshaj ntawd teev hauv hnub kawm ntawv.
• Yuav suav tias ib tug tub ntxhais kawm ntawv ncua ib hnub ntawv yog tias nws tuaj
txog tom tsev kawm ntawv, tiam sis rov qab tuaj tos nws li ntawm 90 feeb lawm.
Tawm ntxov
Tsis xav kom tawm ntxov. Cov tub ntxhais kawm ntawv uas tawm ntxov li ntawm ob peb
feeb mas feem ntau tsis hnov cov lus qhia tseem ceeb thiab/los sis cov lus hais kom nco qab
uas tseem ceeb uas hais tam sim ntawd. Kev cuam tshuam hauv cov chav kawm es hu cov
tub ntxhais kawm ntawv mus rau tom chav fai los tseem tab kaum lwm cov tub ntxhais
kawm ntawv thiab cuam tshuam qhov uas niaj hnub ua hauv chav kawm thaum yuav xaus
rau hnub ntawd. Kev tawm ntxov yuav tsum tau muaj tsawg tsawg zaus xwb thiab cov
kev thov yuav tsum tau hais rau lub tsev kawm ntawv lub chav fai. Thov ua txhua yam
kom teem tau cov sij hawm teem tseg ntawd rau thaum lub sij hawm tsis kawm ntawv.
• Cov tub ntxhais kawm ntawv uas tawm ntxov yuav muab suav tias tawm ntxov.
Qhov no yuav suav tib yam li tias yog tuaj lig.
Cov kev ncua ntawv uas tsis muaj kev zam
thiab cov kev tuaj lig
Kev tuaj kawm ntawv tas li yog ib qho tseem ceeb hauv txoj kev kawm tau ntawv hauv tsev
kawm ntawv. Muaj cov kev rau txim thaum cov tub ntxhais kawm ntawv ncua ntawv mus
tas li hauv tsev kawm ntawv uas tsis muaj ib qho kev zam uas raug cai. Yog tias ib tug me
nyuam kawm ntawv hauv qib theem qis ncua ntawv peb hnub hauv ib xyoos kawm ntawv;
los sis ib tug me nyuam kawm ntawv qib theem nrab ncua peb los sis ntau tshaj chav kawm
hauv peb hnub hauv ib xyoos kawm ntawv uas tsis muaj kev zam yuav suav tias tus tub
ntxhais kawm ntawv ntawd yog “ib tug uas ncua ntawv tas li,” raws li hauv xeev txoj cai
(ntu 260A.02). Txoj cai kom lub tsev kawm ntawv yuav tsum tau qhia rau niam txiv thaum
2019-20 Tsev Kawm Ntawv Phau Ntawv Handbook