Reports, guides, handbooks Policy Handbook 2019-20: Hmong | Page 57

rau hauv lawv lub twj yuav tsum tau hu rau lawv qhov chaw muab lub twj ntawd.
Hauv txhua lub sij hawm uas cov neeg ua hauj lwm siv nws lub twj siv hluav taws
xob coj los nkag rau hauv Cheeb Tsam cov kev pab, nrog rau email, cov neeg ua hauj
lwm muaj txoj dej num los tiv thaiv cov data uas tsis txhob qhia lawv lub npe nkag
thiab lo lus zais rau lwm tus neeg thiab sau npe tawm hauv cheeb tsam cov kev pab
thaum uas lawv tsis siv cov ntawd lawm.
Kev Siv Tub Ntxhais Kawm Ntawv Cov Twj Siv Hluav Taws Xob
Cheeb Tsam muaj txoj kev ruaj siab los muab ib qho chaw kawm ntawv thiab chaw ua
hauj lwm uas muaj kev ruaj ntseg, nyab xeeb, thiab zoo rau cov tub ntxhais kawm
ntawv. Kev siv cov twj siv hluav taws xob hauv tsev kawm ntawv thaj chaw yuav ua
teeb meem los sis cuam tshuam rau lub hom phiaj no; li no, kev siv thiab kev tau cov
twj zoo li no mas yuav tsum tau muaj cai tswj. Vim tias muaj cov twj uas siv hluav
taws xob no thoob qhov txhia chaw thiab ntau heev, Cheeb Tsam, pawg tuav txoj dej
num hauv lub tuam tsev, thiab kws kws qhia ntawv muaj cai los tswj seb yuav siv tau
cov twj siv hluav taws xob thaum twg, qhov twg, thiab siv li cas.
Xav qhia rau cov niam txiv/cov neeg siab xyuas tias txoj kev zoo tshaj uas yuav tiv
tauj tau lawv tus me nyuam thaum lub sij hawm tseem kawm ntawv yog hu rau tsev
kawm ntawv lub chav fai.
Kev tau, siv, los sis sib koom cov twj uas siv hluav taws xob hauv cov chaw xauv
khoom, chav dej, los sis lwm qhov chaw uas yuav ua rau muaj kev cuam tshuam lwm
tus neeg txoj kev ywj pheej mas txwv tsis pub ua kiag li. Lub twj uas siv los ua tej
ntawd mas yuav muab txhav thiab tshawb nrhiav los ntawm tus neeg ua hauj lwm
hauv tsev kawm ntawv. Cov tub ntxhais kawm ntawv yuav tsum tau muab cov twj uas
siv hluav taws xob rau lub tsev kawm ntawv tus neeg ua hauj lwm thaum uas hais
kom muab rau. Txoj kev tsis kam ua raws yuav suav tias yog kev tawv ncauj thiab
yuav raug qhuab qhia tus tub ntxhais kawm ntawv.
Kev siv Internet hauv tus kheej lub twj siv hluav taws xob
Tag nrho cov tuam tsev muaj ib qho Guest wireless network. Qhov “ISD11” wireless
network yog tseg rau cheeb tsam cov twj siv hluav taws xob nkaus xwb, thiab yuav
tsum tsis txhob siv los ntawm cov twj siv hluav taws xob uas tsis yog cheeb tsam li.
Cov neeg ua hauj lwm thiab cov tub ntxhais kawm ntawv uas lawv siv lawv lub twj
siv hluav taws xob yuav siv tau Guest wireless network rau kev qhia ntawv thiab kev
khiav dej num. Pub siv Cheeb Tsam Guest wireless network rau tus kheej me ntsis
yog tias qhov kev siv:
• Tsis tsub nqi dab tsi rau Cheeb Tsam
• Tsis yog ib qho tab kaum Cheeb Tsam lub computer los sis network resources
• Tsis muaj qhov yuav los thaiv tus neeg ua hauj lwm txoj kev ua num los sis hauv tu
tub ntxhais kawm ntawv txoj kev kawm ntawv
Kev siv Cheeb Tsam qhov kev sib txuas lus raws hluav taws xob (electronic
communications system) yog ib qho sam xeeb, tsis yog ib txoj cai. Thaum txais Cov
Nqe Lus Siv (Terms of Service), tus neeg siv yuav ua raws li cov cai tswj kav thiab
cov kev taw qhia.
Hauv qab no yog cov kev taw qhia rau txhua qib kawm thiab Kev Kawm Ntawv
Tshwj Xeeb.
Tsev Kawm Ntawv Theem Pib (Elementary School) – Cov Kev Taw Qhia Tus Tub
Ntxhais Kawm Ntawv
Nyob rau hauv cov tsev kawm ntawv theem pib, cov twj uas siv hluav taws xob yuav
tsum tau muab khaws cia thiab tsis txhob muab taws los sis siv thaum lub sij hawm
kawm ntawv hauv hnub kawm ntawv, thaum ua muaj cov kev ua siv uas tsev kawm
ntawv ua tus txhawb nqa thiab hauv cov kev ua si ua pib pab uas muaj kev saib xyuas
hauv hnub kawm ntawv (piv txwv li, thaum lub sij hawm muaj lub rooj sib tham rau
cov tub ntxhais kawm ntawv, cov kev tawm hauv tsev kawm ntawv mus ncig sab
nraud, cov koom txoos, los sis lwm cov koom txoos ua kev zoo siab, lwm yam zoo li
no), los sis thaum uas tus neeg ua hauj lwm hauv tsev kawm ntawv txwv tsis pub siv.
Tsev Kawm Ntawv Theem Nrab (Middle School) – Cov Kev Taw Qhia Tus Tub Ntxhais
Kawm Ntawv
Yuav siv tau cov twj siv hluav taws xob hauv chav kawm yog tias tus kws qhia ntawv
los sis tus neeg tuav dej num pom zoo. Yuav siv tsis tau ib lub twj siv hluav taws xob
uas nqa tau los hu xov tooj los sis xa ntawv hauv hnub kawm ntawv. Cov tub ntxhais
2019-20 Tsev Kawm Ntawv Phau Ntawv Handbook
kawm ntawv uas xav siv cov twj siv hluawv taws xob uas nqa tau rau kev kawm
ntawv uas tawm sab nraum chav kawm yuav tsum tau kev tso cai los ntawm tus kws
qhia ntawv thiab/los sis tus tuav dej num. Txwv tsis pub yees duab los sis yees yeeb
yaj kiab ntawm lwm cov tub ntxhais kawm ntawv los sis cov neeg ua hauj lwm yam
uas tsis tau kev tso cai los ntawm tus kws qhia ntawv los sis tus tuav neeg dej num
raws li cheeb tsam cov kev taw qhia. Kev siv cov twj siv hluav taws xob uas nqa tau
yam uas tsis tau kev tso cai mas tej zaum yuav raug qhuab qhia. Qhov tus tub ntxhais
kawm ntawv muab daim memory chip los sis lub roj teeb tshem tawm ntawm lub xov
tooj thaum uas txhav lub xov tooj mus mas yuav raug qhuab qhia los ntawm pawg
neeg tuav dej num hauv tsev kawm ntawv.
Tsev Kawm Ntawv Theem Siab (High School) – Cov Kev Taw Qhia Tus Tub Ntxhais
Kawm Ntawv
Yuav siv tau cov twj siv hluav taws xob hauv chav kawm yog tias tus kws qhia ntawv
los sis tus neeg tuav dej num pom zoo. Yuav siv tau ib lub twj siv hluav taws xob los
hu xov tooj ua ntej los sis tom qab kawm ntawv tas, tham lub sij hawm tus tub ntxhais
kawm ntawv noj sus, los sis thaum lub sij hawm hloov chav kawm. Txwv tsis pub
yees duab los sis yees yeeb yaj kiab ntawm lwm cov tub ntxhais kawm ntawv los sis
cov neeg ua hauj lwm yam uas tsis tau kev tso cai los ntawm tus kws qhia ntawv los
sis tus tuav neeg dej num raws li cheeb tsam cov kev taw qhia. Kev siv cov twj siv
hluav taws xob yam uas tsis tau kev tso cai mas tej zaum yuav raug qhuab qhia. Qhov
tus tub ntxhais kawm ntawv muab daim memory chip los sis lub roj teeb tshem tawm
ntawm lub xov tooj thaum uas txhav lub xov tooj mus mas yuav raug qhuab qhia los
ntawm pawg neeg tuav dej num hauv tsev kawm ntawv.
Kev Kawm Ntawv Tshwj Xeeb
Kev siv tau yog nyob raws tus tub ntxhais kawm ntawv txoj kev xav tau. Yog hais tias
yuav tsum tau siv ib lub twj siv hluav taws xob uas nqa tau kom los pab tau tus tub
ntxhais kawm ntawv kawm ntawv, ua ib feem hauv tus tub ntxhais kawm ntawv qhov
Individual Education Plan (IEP), los sis ua ib feem hauv lub hom phiaj 504, yuav
tsum tau sau txog kev siv yam twj ntawd rau hauv tus tub ntxhais kawm ntawv daim
IEP los sis lub hom phiaj 504 thiab qhia txog qhov no rau pawg tuav dej num hauv lub
tuam tsev thiab cov neeg ua hauj lwm.
Nqe Lus Hais Txog Kev Thaj Tsob
Cheeb tsam yuav tsis thaj tsob dab tsi rau lub twj siv hluav taws xob ntawm ntiag tug
uas xiam lawm los sis puas lawm, txawm tias yog cov neeg ua hauj lwm ua tus tau los
sis cov tub ntxhais kawm ntawv ua tus tau. Cov neeg ua hauj lwm yuav tsum tau siv
muab cov khoom uas txhav ntwad coj mus tso rau hauv ib qho chaw uas muaj kev
ruaj ntseg. Anoka-Hennepin Cheeb Tsam Tsev Kawm Ntawv tsis thaj tsob rau, los sis
nw cov neeg ua hauj lwm tsis tas yuav tshawb nrhiav, txog cov twj siv hluav taws xob
ntawm ntiag tug uas raug nyiag lawm.
COV KEV TAW QHIA TXOG KEV SIV INTERNET
Kev siv cov twj hauv Web:
• Xav kom tag nrho Anoka-Hennepin cov kws qhia ntawv tsim thiab tswj cov websites
rau chav kawm los ua ib txoj kev sib txuas lus nrog cov tub ntxhais kawm ntawv
thiab cov niam txiv/cov neeg saib xyuas mus tas li. Cov kws qhia ntawv yuav tsum
taus siv cov Web software uas cheeb tsam muab rau cov websites rau cov chav kawm
ntawv kom txo tau qhov tej zaum cov tub ntxhais kawm ntawv yuav saib tau tej yam
tsis tsim nyog hauv Internet thiab los xyuas kom ua raws li Pawg Tswj Tsev Kawm
Ntawv tsab cai hais txog qhov thov kev pab los ntawm cov tub ntxhais kawm ntawv.
• Xav kom tag nrho Anoka-Hennepin cov cag hauv paus tsim thiab tswj cov websites
rau cov ceg ntawm tuam tsev kawm ntawv (department). Cov websites yuav tsum
tau muaj raws li cheeb tsam tus qauv thiab kho kom yog qhov tshiab tshaj rau tam
sim ntawd.
• Txwv tsis pub tshaj tawm ib lub lag luam rau hauv Web raws li hauv cheeb tsam Tsab
Cai Txog Thov Kev Pab Cuam. Tus Thawj Tswj Cheeb Tsam Tsev Kawm Ntawv/Tus
Neeg Pab Tus Thawj Tswj Cheeb Tsam Tsev Kawm Ntawv yuav zam tau qee yam
yog tias pom tias cov kev pab ntawd nws tsim nyog txaus los muab kev zam rau.
Tub Ntxhais Kawm Ntawv Kev Siv Internet:
Nyob rau hauv Children’s Internet Protection Act (Tsab Cai Tiv Thaiv Me Nyuam
Kev Siv Internet) (CIPA), cov cheeb tsam yuav tsum tau saib xyuas cov me nyuam
55