Reports, guides, handbooks Policy Handbook 2019-20: Hmong | Page 58

tsis tau muaj hnub nyoog cov kev saib cov khoom hauv internet. Cheeb tsam muaj ib
txoj kev los lim cov khoom hauv internet uas nws tau kev tso cai rau uas muaj raws li
los sis tseem tshaj qhov CIPA kom yuav tsum tau muaj rau hauv kev tiv thaiv tub
ntxhais kawm ntawv.
Cov tub ntxhais kawm ntawv uas siv qhov Internet uas cheeb tsam muab yuav tsum
tau kev tso cai thiab yuav tsum tau kev saib xyuas los ntawm cheeb tsam tus neeg ua
hauj lwm. Cov tub ntxhais kawm ntawv uas siv qhov Internet uas cheeb tsam muab
ms yuav tsum tau thaj tsob rau kev coj xeeb ceem kom zoo tib yam nkaus li thaum
lawv nyob hauv chav kawm los sis lwm qhov chaw hauv tsev kawm ntawv. Yog hais
tias cov tub ntxhais kawm ntawv siv lawv lub twj ntawm ntiag tug uas lawv siv lawv
qhov data plan (3G/4G), yuav tsis muaj kev lim los ntawm cheeb tsam qhov kev lim
hauv Internet. Kev siv Internet tsis tsim nyog uas nws siv nws qhov data plan ntawm
ntiag yuav raug qhuab qhia.
Siv tib co cai hais dav dav rau kev coj xeeb ceem thiab kev sib txuas lus thiab.
Yuav tsum tau ceeb toom cov niam txiv txog qhov tub ntxhais kawm ntawv siv
Internet uas sau ntawv qhia, tej zaum nyob hauv tub ntxhais kawm ntawv phau
ntawv qhia los sis daim ntawv muab rau tub ntxhais kawm ntawv kom nqa mus rau
niam txiv.
COV TWJ SIB TXUAS LUS
Cov neeg ua hauj lwm tus email
Cheeb tsam tswj xyuas ib qho email system rau cov neeg ua hauj lwm los siv rau
kev ua lag luam/kev sib txuas lus. Tag nrho cov xov xa hauv email mas yuav ceev cia
rau hauv qhov system kom txog thaum uas tus neeg ua hauj lwm muab txhaj tawm.
Cov neeg ua hauj lwm yuav tsum tau muab cov xov qub tshem tawm kom cuag ncua
cov neeg tuav dej num hauv qhov system yuav tshem tawm tau cov xov ntawv yog
hais tias tus neeg siv tsis xyuas cuag ncua.
Cov xov uas xa raws hluav taws xob uas tso rau hauv cheeb tsam cov servers mas
yuav saib tam li yog lwm cov khoom uas yog tsev kawm ntawv li. Thaum hais li no,
cov neeg tuav dej num hauv qhov system yuav tsis txhob txwm saib cov xov hauv tus
neeg siv tus email as khauj los sis qhia tawm txog cov xov uas nyob hauv dua li
ntawm tus neeg uas xa los sis tus neeg uas xa rau yam uas tsis tau kev tso cai los
ntawm tus neeg xa los sis tus neeg uas xa rau, tshwj tsis yog tias txoj cai los sis Cheeb
Tsam cov cai kom yuav tsum tau ua, los sis los tshawb xyuas cov kev tsis txaus siab
hais txog ib qho email uas raug iab liam tias muaj cov khoom uas tsis sib thooj li qhov
nyob hauv Cheeb Tsam cov cai.
Muab cheeb tsam cov email rau cov neeg ua hauj lwm kom muab kev sib txuas lus tau
yooj yim thiab zoo, hauv lub koom haum thiab nrog cov neeg sab nraud.
Cov neeg ua hauj lwm uas siv email los teb rau cov niam txiv thiab cov tub ntxhais
kawm ntawv yuav tsum tau ua raws li cov nram qab no:
• Tus neeg ua hauj lwm yuav tsum tau siv tus email as khauj uas lub tsev kawm
ntawv muab rau nws rau tag nrho cov kev sib txuas lus nrog niam txiv thiab tus tub
ntxhais kawm ntawv. Tsis pub tus neeg ua hauj lwm siv nws tus email as khauj
ntawm ntiag tug los sib txuas lus nrog niam txiv/tus tub ntxhais kawm ntawv.
• Email tsis yog ib txoj kev zoo los daws cov teeb meem uas muaj kev tsis haum siab,
kev txaus tu siab, los sis cov teeb meem uas tsis pub leej twg paub kiag li. Cov teeb
mee no yuav saws tau zoo zog los ntawm kev tham hauv xov tooj los sis sib tham
tim ntsej tim muag.
• Cov email xa mus rau cov niam txiv yuav tsum tau xwm yeem nrog cov kev siv rau
cov neeg txawj ntse rau lwm cov kev sib teb. Qhov no muaj xws li cov moj kuab
lus, txoj kev sau, thiab kev tos txais.
• Cov email xa mus rau cov tub ntxhais kawm ntawv yuav tsum tau xwm yeem nrog
cov kev siv rau cov neeg txawj ntse rau lwm cov kev sib teb thiab yuav tsum tsis
txhob muaj tej yam uas yuav yog hais txog ntiag tug.
• Tag nrho cov emails uas nyob hauv Cheeb Tsam cov servers mas tsis yog cov uas
yuav tsis pub leej twg paub. Cov neeg pej xeem muaj cai thov saib cov email raws li
hauv Tsab Cai Muaj Cai Paub (Right-to-Know Law) thiab tej zaum, tshwj tsis yog
tias muaj kev zam hauv txoj cai, yuav qhib rau pej xeem los soj ntsuam.
56
• Cov emails yuav tsum tau luv thiab hais kiag lub ntsiab thiab tsuas muaj yam uas
muaj tseeb xwb.
• Tsuas sib txuas lus nrog niam txiv ntawm tus email uas nyob hauv Student
Information System (SIS) nkaus xwb tshwj tsis yog tias tau siv cov kauj ruam los
xyuas tias yeej muaj cov kev sib txuas lus nrog niam txiv/tus neeg saib xyuas uas
muaj cai rau tus tub ntxhais kawm ntawv txoj cai kawm ntawv.
• Tsuas sib txuas lus nrog cov tub ntxhais kawm ntawv ntawm tus email uas nyob
hauv SIS. Tus email ntawd ms yog raws cai, uas yog cheeb tsam ua tus muab tus
email as khauj ntawd rau tus tub ntxhais kawm ntawv.
• Luam cov email uas xa rau cov tub ntxhais kawm ntawv mus rau cov niam txiv thiab.
• Yuav tsum tau saib xyuas kom zoo thaum uas siv tus tub ntxhais lub npe. Hu koj
cov tub ntxhais kawm ntawv raws nws lub npe, cov ntawv cim npe nrab, los sis “koj
tus tub/tus ntxhais,” nyob ntawm seb sau txog dab tsi. Tsis txhob tham txog tej yam
uas tsis muaj feem rau cov tub ntxhais kawm ntawv.
Cov neeg ua hauj lwm yuav tsum:
• Xyuas tus email yam tsawg txhua hnub.
• Teb rau cov xov xa hauv email kom cuag ncuab, feem ntau yog 2 hnub ua hauj lwm.
• Txhaj tawm cov xov xa ntawd tom nyeem tas. Yog tias koj xa khaws ib qho xov cia
tsis hais seb yog rau dab tsi, muab tso rau hauv cov chaw rau cov ntawv rau ntiag
tug es tsis txhob muab tso hauv cov chaw tso hauv Exchange server.
• Tsis txhob xa cov ntaub ntawv uas loj tshaj 1 MB. Rau kev xa cov ntaub ntawv uas
loj, siv cov chaw sib koom hauv lub tuam tsev cov servers.
• Tsuas tso cai rau cov kev pab uas tseem ceeb rau koj txoj dej num.
• Tsis txhob xa los sis teb rau cov kev sib txuas lus uas “ib zaug xa rau coob tus neeg”
los sis hu ua “chainmail”.
• Tsis txhob teb rau cov xov uas tsis tseem ceeb (spam) los sis cov xov uas kom koj
nias ib qho kev txuas mus saib tej yam dab tsi (phishing) uas xa tuaj rau koj los sis
kom muab cov lus qhia txog tus as khauj. Nco ntsoov tias cheeb tsam cov neeg ua
hauj lwm hauv network/communications yeej yuav TSIS nug cov lus qhia txog tus
as khauj hauv email kiag li.
• Tsis txhob xa cov xov hauv email mus rau tag nrho cov neeg ua hauj lwm. Cov xov
uas koj xav xa rau tag nrho cov neeg ua hauj lwm yuav tsum tau xa mus rau
Communications and Public Relations Department kom muab tso rau hauv tsab
ntawv xov xwm xa raws hluav taws xob (e-newsletter) rau cov neeg ua hauj lwm
yog tias tsim nyog.
Tus tub ntxhais kawm ntawv tus email:
Cheeb tsam yuav muab ib tug email as khauj rau cov tub ntxhais kawm ntawv qib nrab
(qib kawm 6 txog 12) los hauv peb qho Anoka-Hennepin Apps system kom los txhawb
tau txoj kev sib txuas lus kom zoo. Cov email as khauj uas cheeb tsam muab mas yog
ib qho sam xeeb thiab yuav tsum ua raws li cheeb tsam cov kev taw qhia hais txog kev
siv tus tub ntxhais kawm ntawv tus email. Tub ntxhais kawm ntawv tus email as khauj
mas yuav tsum tau siv rau hauv kev kawm ntawv nkaus xwb. Yog hais tias tus tub
ntxhais kawm ntawv tau txais ib qho email uas hais cov lus rhuav lwm tus neeg lub
koob meej, rhuav ntsej muag, tsiv heev, ntxug ntxaug haiv, los sis qias neeg, lawv yuav
tsum tau ceev tsab email ntawd thiab qhia rau tus kws qhia ntawv tam sim ntawd.
Kev siv tus tub ntxhais kawm ntawv tus email uas siv tau muaj xws li:
• Yuav tsum siv email los sib txuas lus nrog tus kws qhia ntawv hais txog cov ntawv
ua, cov tes num ua hauv chav kawm, thiab cov kev ua si hauv chav kawm.
• Yuav tsum siv email los tso cov kab txuas (links) kom sib qhia tau txog cov ntawv
nqa los ua tom tsev uas tsim hauv Google Docs nrog tus kws qhia ntawv los sis cov
tub ntxhais uas kawm ntawv nrog. Tsis xav kom xa cov ntaub ntawv hauv email mus.
• Kev siv email los sib txuas lus ntawm cov tub ntxhais kawm ntawv mas yuav tsum
yog siv los pab, koom ua ke, npaj, thiab tshawb fawb rau cov dej num thiab cov kev
ua si hais txog tsev kawm ntawv.
• Email mas tsis yog ib qho uas tsis pub neeg paub los sis tsis yog ib qho ywj pheej
thiab cov kws qhia ntawv los sis cov neeg ua hauj lwm hauv cheeb tsam yuav
nyeem tau.
2019-20 Tsev Kawm Ntawv Phau Ntawv Handbook