Reports, guides, handbooks Policy Handbook 2019-20: Hmong

Cov Lus Taw Qhia rau Kev Siv Tsab Cai Txog Kev Siv Cov Ntaub Ntawv Raws Hluav Taws Xob, Kev Sib Txuas Lus thiab Technology Resources Uas Siv Tau COV LUS QHIA DAV DAV TXOG TSAB CAI RAU KEV UAS SIV TAU THIAB COV KEV TAW QHIA Kev tswj tsab cai • Employee Services Department muaj txoj dej num los saib dua txhua xyoo nrog Cov Thawj Coj Hauv Tuam Tsev (Department Directors), Cov Neeg Saib Xyuas, thiab Cov Tswj Fwv Tsev Kawm Ntawv cov ntaub ntawv txog Tsab Cai Rau Cov Kev Uas Siv Tau (Acceptable Use Policy) (AUP) thiab Cov Qauv Taw Qhia Txog Cov Kev Uas Siv Tau (Acceptable Use Guidelines) (AUG). • Cov Kev Pab Tus Neeg Ua Hauj Lwm muab tus AUP/AUG qhia rau tag nrho cov neeg ua hauj lwm tshiab thaum lawv tuaj koom hauv chav qhia rau cov neeg tuaj ua hauj lwm tshiab. • Cov neeg ua hauj lwm yuav tsum tau saib thiab lees paub txog, los ntawm kev kos npe rau ib nqe lus los sis siv kev lees paub hauv web los txais, cov ntaub ntawv AUP/AUG txhua xyoo. Cov kev rau txim thaum ua txhaum tsab cai Kev siv Information, Communication, and Technology (Cov Ntaub Ntawv, Kev Sib Txuas Lus, thiab Technology) (ICT) cov kev pab yog ib qho sam xeeb, tsis yog ib txoj cai. Cheeb Tsam lees paub txog kev siv rau tus kheej cheeb tsam tus email, suab kaw lus tseg, thiab computer systems – nrog rau kev siv thaum lub sij hawm tsis ua hauj lwm ntawd yog ib qho uas ua tau; tiam sis, kev siv tshaj heev lawm los sis saib tsis taus cov sam xeeb no (raws li tau hais hauv AUP uas muab lub ntsiab los ntawm pawg tswj tsev kawm ntawv) mas yuav siv tsis tau. Cov kev saib tsis taus cov sam xeeb no tej zaum yuav rau txim raws li ib los sis ntau tshaj ib qho nram qab: • Tshem tawm los sis tsis pub siv tej yam uas yuav tau muaj sam xeeb siv; • Them rau cov kev puas tsuaj los sis cov nqi kho; • Qhuab qhia raws li hauv cheeb tsam tsev kawm ntawv cov cai nrog rau kev tshem tawm, kev ntiab tawm, kev cais tawm los sis kev rho tawm hauj lwm, los sis kev thaj tsob rau neeg los sis kev ua txhaum cov cai raws li cov cai uas raug. Kev Tsis Pub Leej Twg Paub Txog Cov Data (Data Privacy) • Thaum tso cai siv ICT cov kev pab, Cheeb Tsam tsis rhuav tshem txoj kev tswj cov khoom hauv cov systems los sis cov files hauv cov systems. Cov files uas tso rau hauv cov computers hauv tsev kawm ntawv thiab cov kev sib txuas lus raws email, Internet browsers, los sis lub twj kaw lus cia mas tsis yog ib qho uas tsis pub neeg paub. • Cov xov xa raws hluav taws xob thiab cov files uas tso rau hauv cov computers hauv tsev kawm ntawv yuav saib tib yam li yog lwm cov khoom uas yog tsev kawm ntawv li. Cov neeg tuav dej num, cov neeg ua hauj lwm, los sis cov neeg ua hauj lwm hauv network yuav saib tau cov files thiab cov xov xa kom tswj tau lub meej mom ntawm qhov system thiab, yog tias tsim nyog, los xyuas tias cov neeg siv yeej siv raws cai. • Cov neeg ua hauj lwm hauv cheeb tsam tsev kawm ntawv thiab cov tub ntxhais kawm ntawv yuav tsum tau ceev faj tias cov data thiab lwm cov khoom thiab cov files uas nyob hauv cheeb tsam tsev kawm ntawv lub system tej zaum yuav raug soj ntsuam, qhia tawm, los sis tshawb xyuas tau. Cheeb tsam tsev kawm ntawv yuav koom tes nrog cov tub ceev xwm hauv zos, xeev, thiab nom tswv teb chaws hauv cov kev tshawb nrhiav hais txog los sis muaj feem rau cov kev ua uas tsis raug cai los sis cov kev ua uas tsis ua raws li hauv cheeb tsam tsev kawm ntawv cov cai uas yuav tshawb xyuas los ntawm cheeb tsam tsev kawm ntawv qhov system. • Tag nrho cov data txog cov tub ntxhais kawm ntawv uas tswj los ntawm lub tsev kawm ntawv, cheeb tsam tsev kawm ntawv, los sis tus neeg uas sawv cev rau cheeb tsam tsev kawm ntawv mas yuav tsis pub rau lwm tus neeg saib thiab yuav saib tau los sis qhia tawm tau rau lwm tus neeg uas yuav tsum tau paub hauv txoj kev kawm ntawv xwb. Tib qho uas tsis suav rau hauv yog “cov lus qhia rau hauv phau ntawv teev npe thiab xov tooj,” uas tau xaiv los ntawm cheeb tsam tias yog cov lus qhia rau sawv daws tshwj tsis yog tias tus neeg ntawd ho tau txwv kom tsis txhob qhia tawm. Cov lus qhia rau hauv phau ntawv teev npe thiab xov tooj yuav muaj: 2019-20 Tsev Kawm Ntawv Phau Ntawv Handbook • • • • • • • Npe thiab duab Tsev kawm ntawv npe uas mus kawm Hnub yug Qib kawm hauv tsev kawm ntawv Kev koom hauv cov kev ua si thiab cov kev ntaus pob ncaws pob Cov khoom plig thiab cov kev kawm ntawv tau zoo (honors) Qhov hnyav thiab qhov siab ntawm cov neeg koom hauv cov pawg ntaus pob ncaws pob • Cov hnub kawm ntawv (lub sij hawm kawm ntawv) • Qib kawm tiav zaum tas los • Hnub kawm ntawv tiav • Cov kev txhaj tshuaj tiv thaiv kab mob yav tas los • Niam txiv los sis tus saib xyuas cov kev xaiv yuav raug teev cia hauv tus me nyuam cov ntaub ntawv teev. Cov niam txiv los sis cov neeg saib xyuas tuaj yeem hloov kho lawv daim duab xaiv tau nyob rau txhua lub sij hawm los ntawm kev hloov kho feem tiv thaiv 'Cov Ntaub Ntawv Nthuav Tawm' nyob rau hauv Kev Rau Npe ntawm Cov Tub Ntxhais Kawm Online. *Kev Siv Cov Ntaub Ntawv Uas Muaj Tswv Cai (Copyrighted): *tau luam tawm uas tau kev tso cai los ntawm University of North Carolina ntawm Chapel Hill Kev ua raws li nom tswv teb chaws txoj cai hais txog tswv cai mas tag nrho cov tub ntxhais kawm ntawv, cov kws qhia ntawv, thiab cov neeg ua hauj lwm hauv Anoka-Hennepin cov tsev kawm ntawv yuav tsum tau ua raws. “Tswv cai” yog kev tiv thaiv raws txoj cai rau cov ntaub ntawv uas tau tsim tawm, uas thaum muab txhais dav dav ces yog cov kev hais txog lub tswv yim. Cov ntawv (nrog rau cov email thiab cov lus qhia hauv web), cov duab graphics, cov duab kos (art), cov duab yees, suab paj nruag, thiab software yog ib co piv txwv ntawm cov khoom uas muaj kev tiv thaiv los ntawm tswv cai. Tus neeg tsim qhov khoom ntawd, los sis qee zaus tus neeg uas ntiav tus neeg tsim ntawd, yog thawj tus tswv ntawm qhov tswv cai. Tag nrho los sis ib feem ntawm cov khoom uas muaj tswv cai tsuas yuav siv tau yog tias (a) koj tau kev tso cai los ntawm tus tswv cai, los sis (b) koj tsim nyog rau qhov uas tsis suav raws txoj cai (qhov uas tsis suav uas muaj heev tshaj yog hu ua “siv ncaj ncees”). “Siv” ib qho khoom yog txhais los siv rau tswv cai xws li kev luam, yais tawm, ua cov khoom uas yog muab los ntawm tus qauv zoo li ntawd, tso rau pej xeem sawv daws saib, los sis ua yam khoom ntawm rau sawv daws saib. Kev luam, yais tawm, rub los, thiab tso cov lus qhia ntawd rau hauv Internet mas tej zaum yuav hla qhov cai tswv rau cov lus qhia ntawd. Ib qho kev dawb huv, uas tsis yog txhob txwm hla qhov cai tswv los yuav txhaum cai. Cov kev txhaum ntawm txoj cai ua cai tswv uas tshwm sim los sis kev siv Cheeb Tsam cov networks los sis lwm cov kev pab (tshuab luam ntawv, computers, lwm yam zoo li no) tej zaum yuav ua rau kom cheeb tsam tsev kawm ntawv thaj tsob rau nrog rau tus neeg siv thiab. Li no, cov neeg uas pheej hla cov cai tas li yuav tsis pub siv mus ntxiv lawm. CHEEB TSAM COV KEV TAW QHIA TXOG NETWORK HARDWARE THIAB SOFTWARE Network Electronics Cheeb Tsam lub hauv paus ntawm Wide Area Network (WAN), nrog qhov Local Area Networks (LANs) nyob hauv lub tuam tsev tau siv kev npaj kom ua hauj lwm thiab kev ruaj ntseg uas tsim nyog los ua qhov tseem ceeb hauv txoj kev ua no. Kev lees tias qhov network yuav ua hauj lwm tau zoo, tso siab tau rau, thiab tswj tau, nrog rau kev siv yam raug cai thiab siv tau cov kev pab yam zoo kawg nkaus yog cov uas tseem ceeb tshaj hauv Technology Steering Committee (Pawg Saib Xyuas Txog Technology). Cov kev kho kom haum lub tuam tsev lub hauv paus network thiab kev siv mas yuav cuam tshuam rau txoj kev LAN ua hauj lwm tas li thiab feem ntau yuav muaj feem txuam rau hauv qhov WAN ua hauj lwm tau zoo. Vim li no, cov network electronics uas tshaj sab nraud nrog rau, tiam sis tsis yog tas rau, cov switches, routers, thiab wireless access points mas yuav tsum tau yuav, nruab rau, thiab tau cais los ntawm Network Services nkaus xwb. 53

Reports, guides, handbooks Policy Handbook 2019-20: Hmong | Page 55