Reports, guides, handbooks Policy Handbook 2019-20: Hmong | Page 53

2. Kom ua tau cov dej num saib xyuas los yog qhia ntaub ntawv es muaj feem
xyuam ncaj qha rau cov tub ntxhais txoj kev kawm ntawv;
3. Kom ua tau cov dej num los yog pab rau cov tub ntxhais kawm los yog cov
tub ntxhais kawm tsev neeg xws li kev kho mob, kev sib tham daws kev
nyuaj siab, pab nrhiav hauj lwm, los yog pab nyiaj txiag financial aid;
4. Kom ua tau cov dej num tsi ntsees uas muaj feem xyuam txog kev txais
thiab teb cov lus thov thaum muaj kev nrhiav cov ntaub ntawv kom raws
nraim li lub hom phiaj uas ceev cov ntaub ntawv no;
5. Tswj kom muaj kev nyab xeeb hauv tsev kawm ntawv rau cov neeg ua hauj
lwm thiab cov tub ntxhais kawm ntawv.
F. Cov Neeg Sawv Cev Hauv Tsev Kawm Ntawv (tshab txhais los ntawm tsab
cai 515.2) nrog rau: (ib) ib tug neeg uas raug xaiv tsa los ntawm cov school
board; (b) ib tug neeg ua hauj lwm rau school board uas yog tuav ntaub ntawv,
thawj tswj, qhia ntawv los yog lwm txoj dej num uas kawm tawm los; (c) ib
tug neeg ua hauj lwm rau school board uas yog ua ib ntus temporary los hloov
ib txoj hauj lwm ib ntus xwb los yog nws txoj hauj lwm yog los sawv cev qhia
ntawv ib ntus thaum tus xib fwb qhaj lawm; thiab (d) ib tug neeg ua hauj
lawm, los yog muaj ntaub ntawv cog lus contract ua hauj lwm, nrog rau school
board los leg cov dej num xws li teb phone, tshawb ntaub tshawb ntawv, kws
lij choj, tus neeg soj ntsuam xyuas, tub ceev xwm liaison officer rau lub sij
hawm thaum nws uas nws txoj hauj lwm los yog li ib tug neeg contractor.
II. TXHEEJ TXHEEM RAU COV NEEG UA HAUJ LWM CEEB TOOM TXOG
COV TUB NTXHAIS KAWM NTAWV UAS MUAJ TUS CWJ PWM HEEV NEEG
A. Qhia Kom Paub txog Tus Cwj Pwm Heev Neeg
Txhua tus neeg ua hauj lwm los yog lwm cov neeg ua hauj lwm hauv tsev
kawm ntawv uas paub txog qee yam txog tus cwj pwm heev neeg ntawm tus
tub ntxhais kawm uas tseem yuav tuas cuv npe los yog twb cuv npe rau hauv
lub tsev kawm ntawv lawm yuav tsum qhia cov xov ntawd mus rau tus thawj
tswj ntawm lub tsev kawm ntawv uas tus tub ntxhais kawm ntawv yuav mus
cuv npe rau.
B. Cov Tau Txais Kev Ceeb Toom
Txhua tus xib fwb qhia ntawv uas muaj tus tub ntxhais kawm uas muaj keeb
kwm txog muaj tus cwj pwm ua heev neeg (mus saib Ntu Section I.C., saum
toj) yuav tau txais kev ceeb toom yav sau ntawv tuaj qhia los ntawm cov neeg
tswj ua ntej muab tus tub ntxhais kawm mus rau tus xib fwb ntawd hoob.
Txuas ntxiv, yuav muaj kev sau ntawv ceeb toom los ntawm cov neeg tswj xa
mus rau lwm cov neeg ua hauj lwm uas muaj kev mob siab txog ntawm cov
ntaub ntawv teev tseg, raws li nyob rau tsab cai no, thaum twg tus tub ntxhais
kawm uas muaj keeb kwm ua heev neeg muab rau tus xib fwb qhia ntawv
hauv hoob. Cov neeg tswj yuav ceeb toom rau txhua tus uas yuav tuaj hloov
qhia ntawv nyob rau hoob ntawd los yog cov neeg ua hauj lwm hauv tsev
kawm ntawv los yog leej twg uas tau txais kev ceeb toom nyob rau tsab cai no,
hais tias tus xib fwb tuaj hloov yuav muaj kev tsom kwv tus tub ntxhais kawm
uas muaj keeb kwm muaj tus cwj pwm ua heev neeg. Cov neeg tswj yuav
qhia rau lwm cov tsev kawm ntawv cov neeg ua hauj lwm los yog lwm lub
tsev kawm ntawv hauv paus loj txog tus tub ntxhais kawm ntawv no, uas muaj
cov ntaub ntawv qhia txog tus tub ntxhais qhov keeb kwm muaj tus cwj pwm
ua heev neeg, raws li tsab cai 515.2, Protection and Privacy of Pupil Records.
C. Txiav Txim Seb Leej Twg Tau Txais Kev Ceeb Toom
Kev qhia saib tus xib fwb twg thiab cov neeg ua hauj lwm hauv lub tsev kawm
ntawv twg thiaj li tsim nyog ntaub ntawv qhia txog tus tub ntxhais kawm
ntawv uas muaj keeb kwm ua heev neeg yuav los txiav txim los ntawm: (1)
lub tsev kawm ntawv hauv paus loj district tus neeg raug xaiv tsa thiab/los yog
xaiv los ntawm school board los ntawm tsab cai Minnesota Government Data
Practices Act los yog (2) lub tsev kawm ntawv tus thawj tswj. Yog hais tias
tus thawj tswj txiav txim li no lawm, tus neeg muaj cai thiab los yog tus neeg
rau xaiv tsa yuav pab qhia rau cov neeg tswj seb cov ntaub ntawv twg thiaj li
yuav muab nthuav tawm qhia tau.
2019-20 Tsev Kawm Ntawv Phau Ntawv Handbook
Cov neeg ua hauj lwm hauv tsev kawm ntawv ua tau txais kev ceeb toom nyob
rau tsab cai no kuj muaj cai qhia tau rau tus neeg tuaj hloov lawv los yog tus
neeg ua hauj lwm ua tau txais kev ceeb toom zaum no.
D. Txoj Kev Xa Ntawv Tuaj Ceeg Toom
Daim ntawv ceeb toom uas muab rau cov xib fwb qhia ntawv thiab cov neeg
ua hauj lwm hauv tsev kawm ntawv yuav muaj raws li nram qab no:
1. Tus tub ntxhais kawm ntawv lub npe
2. Hnub uas ceeb toom
3. Kev ceeb toom txog tus tub ntxhais kawm yeej rau cim tias nws yog ib tug
tub ntxhais kawm uas muaj keeb kwm coj tus cwj pwm ua heev neeg raws li
tau hais rau ntu I sab sauv; thiab
4. Rov qab qhia txog hais tias cov ntaub ntawv no tsis pub lwm tus pom.
E. Ceev Tseg txog Tsab Ntawv Ceeb Toom
1. Cov thawj tswj yuav ceev ib daim qauv ceeb toom los yog lwm cov ntaub
ntawv muab rau cov xib fwb qhia ntawv thiab cov neeg ua hauj lwm hauv
tsev kawm ntawv uas tau txais kev ceeb toom nyob rau ntu no.
2. Kev khaws cov ntawv ceeb toom los yog lwm yam ntaub ntawv uas muab
rau cov xib fwb qhia ntawv thiab cov neeg ua hauj lwm tom tsev kawm
ntawv uas raug tswj los ntawm cov tso pom zoo Ceev Ntaub Ntawv.
F. Kev Sab Laj Txog Cov Tub/Ntxhais Kawm Ntawv uas muaj Keeb Kwm Ua
Heev Neeg
1. Yog hais tias pawg neeg tswj txiav txim hais tias, raws li nws txoj kev xav,
hais tias tus xib fwb thiab/los yog cov neeg ua hauj lwm tom tsev kawm
ntawv yeej muaj kev mob siab txog cov ntaub ntawv teev tseg uas tsim
nyog mus saib txog tus tub/ntxhais li keeb kwm txog kev ua heev neeg vim
tiv thaiv lub tsev kawm ntawv kom nyab xeeb thiab/los yog kev pab los
cuam tshuam rau tus tub/ntxhais kawm ntawv, cov neeg tswj kuj teem ib
rooj sab laj los qhia thiab sab laj txog cov ntawv teev tseg.
2. Cov neeg uas tuaj ntawm rooj sab laj muaj cai mus saib cov ntaub ntawv
teev tseg uas piav nyob rau Ntu II.D., saum toj.
G. Tub Ceev Xwm Cov Ntawv Sau Qhia
Cov neeg ua hauj lwm yuav tau txais cov ntawv ceeb toom txog kev phua txim
los yog tub ceev xwm cov ntawv qhia uas lub tsev kawm ntawv tau txais raws
li Tsab Cai 515.2, Protection and Privacy of Pupil Records. Thaum twg tsim
nyog, cov ntaub ntawb muab los ntawm txoj kev phua txim los yog cov ntawv
tub ceev xwm sau kuj yuav muav tso nrog Daim Ntawv Ceeb Toom Txog Cwj
Pwm Heev Neeg.
III. CEEV THIAB XA NTAUB NTAWV.
Daim ntawv qhia, daim ntawv ceeb toom, los yog lwm cov ntaub ntawv txog tus
tub/ntxhais kawm ntawv uas muaj keeb kwm ua heev neeg yog cov ntawv ceev tseg
tim tsev kawm ntawv rau tus tub/ntxhais ntawv thiab yuav muab ceeb tseg, khaws,
thiab xa mus rau tsev kawm ntawv los yog cov tsev kawm ntawv uas tus tub/ntxhais
kawm ntawv xav mus cuv npe kawm raws li Tsab Cai 515.2 Protection and Privacy of
Pupil Records.
IV. CEEB TOOM RAU NIAM/TXIV
A. Cov neeg tswj yuav ceeb toom rau niam/txiv txhua xyoo hais tias lub tsev
kawm ntawv muaj tus tub/ntxhais cov ntaub ntawv qhia txog keeb kwm kev
ua heev neeg rau cov xib fwb qhia ntawv thiab lwm cov neeg ua hauj lwm.
Cov neeg tswj mam qhia rau [niam/txiv los yog cov neeg tswj] txhua daim
ntawv ceeb toom rau cov xib fwb los yog cov neeg ua hauj lwm.
B. Niam/txiv yuav tau txais kev ceeb toom uas lawv muaj cai los soj ntsuam
xyuas thiab tawm tsam cov ntaub ntawv ceev tseg, nrog rau cov ntaub ntawv
qhia txog keeb kwm ua heev neeg, raws li Tsab Cai 515.2, Protection and
Privacy of Pupil Records.
51