Reports, guides, handbooks Policy Handbook 2019-20: Hmong | Page 49

nyob ib puag ncig los sis cov khoom, uas yog thaum zoo li yuav tsum tau muaj lub
rooj sib tham kom sai li qhov yuav ua tau tom qab muab tshem tawm.
Nqe 2. Ntawm lub rooj sib tham, tus neeg tuav dej num hauv tsev kawm ntawv yuav
qhia rau tus me nyuam kawm ntawv tias yog vim li cas ho muab nws tshem tawm,
tshab txhais txog cov pov thawj uas cov neeg muaj cai tau, thiab tus me nyuam kawm
ntawv yuav piav tau txog qhov nws pom txog yam muaj tseeb.
Nqe 3. Yuav tsum tau muab ib daim ntawv uas sau txog seb vim li cas ho muab tshem
tawm, ib nqe lus qhia luv luv txog yam muaj tseeb, piav qhia txog cov pov thawj,
lub hom phiaj yuav rov txais mus kawm ntawv, thiab ib daim qauv ntawm ntu
121A.40 txog 121A.56, nqa ncaj qha rau tus me nyuam kawm ntawv thaum lub sij
hawm los sis ua ntej lub sij hawm tshem tawm, thiab xa rau tus me nyuam niam thiab
txiv los sis tus neeg saib xyuas hauv kev xa ntawv li ntawm 48 teev tom qab lub rooj
sib tham. Cheeb tsam yuav ua li qhov ua tau los hu qhia rau cov niam txiv ntawm tus
me nyuam kawm ntawv uas raug tshem tawm tom qab muab tshm tawm. Yog thaum
muab tus me nyuam tshem tawm yam uas tsis muaj ib lub rooj sib tham vim pom tias
tus me nyuam yuav yog ib qho phom sij tam sim ntawd thiab phom sij loj rau cov
neeg nyob ib puag ncig los sis cov khoom, yuav tsum tau nqa tsab ntawv sau qhia
ntawd mus rau tus me nyuam kawm ntawv thiab tus me nyuam kawm ntawv niam
thiab txiv los sis tus neeg saib xyuas li ntawm 48 teev tom qab tshem tawm. Qhov kev
xa hauv kev xa ntawv mas ua tiav rau thaum muab xa tawm lawm.
Nqe 4. Txawm li ntawd los hauv cov nqe subdivisions 1 thiab 3, yuav tshem tawm tau
tus me nyuam kawm ntawv thaum tseem tos pawg tswj tsev kawm ntawv kev txiav
txim hauv lub rooj hais plaub seb yuav muab ntiab tawm los sis cais tawm; tsuav yog
tias muab lwm cov kev qhia ntawd rau tsuav qhov kev tshem tawm nws tsis ntev tshaj
tsib hnub.
COV TXHEEJ TXHEEM CAIS TAWM THIAB NTIAB TAWM
Minnesota Tsab Cai, Ntu 121A.47
Nqe 1. Yuav tsis muaj kev cais los sis ntiab tawm yam uas tsis muaj ib lub rooj kho
raws kev cai, tshwj tsis yog tias tus me nyuam thiab niam txiv los sis tus neeg saib
xyuas sau ntawv kom zam txoj cai muaj ib lub rooj kho raws kev cai. Pawg tswj tsev
kawm ntawv los sis nws cov neeg sawv cev yuav pib qhov kev nqis tes ntawd.
Nqe 2. Daim ntawv sau txog cov kev nqis tes uas yuav ua ntawd yuav:
(a) Muab rau tus me nyuam kawm ntawv thiab tus me nyuam kawm ntawv niam
thiab txiv los sis tus neeg saib xyuas uas muab tim ntsej tim muag los sis xa
hauv kev xa ntawv mus;
(b) Muaj ib nqe lus meej hais txog yam muaj tseeb, cov neeg ua pov thawj thiab
seb lawv ua pov thawj txog dab tsi;
(c) Qhia txog hnub tim, lub sij hawm, thiab qhov chaw muaj lub rooj kho raws
kev cai;
(d) Muaj ib daim qauv ntawm cov ntu 121A.40 txog 121A.56 nrog;
(e) Piav qhia txog lwm cov kev pab qhia ntawv uas tau muab rau tus me nyuam
kawm ntawv thaum zam lub rooj plaub ntug txog kev ntiab tawm; thiab
(f) Qhia rau tus me nyuam thiab niam txiv los sis tus neeg saib xyuas txog txoj cai:
(1) Muaj ib tug neeg sawv cev tus me nyuam uas nws xaiv, nrog rau tus kws
lij choj, hauv lub rooj kho raws kev cai. Cheeb tsam yuav tawm tswv yim
rau tus me nyuam niam thiab txiv los sis tus neeg saib xyuas tias tej zaum
yuav muaj kev pab hais plaub dawb los sis them nyiaj tsawg thiab muaj ib
daim ntawv uas teev cov chaw muab kev pab hais plaub ntug los ntawm
lub tuam tsev pab cov me nyuam, cov tsev neeg, thiab kev kawm ntawv;
(2) Ntsuam xyuas tus me nyuam cov ntaub ntawv ua ntej lub rooj kho raws
kev cai;
(3) Muab pov thawj; thiab
(4) Mus hais thiab nug cov neeg ua pov thawj.
Nqe 3. Lub rooj kho raws kev cai yuav teem li ntawm kaum hnub ntawm hnub muab
daim ntawv sau qhia tawm tshwj tsis yog tias tau thov kom txuas sij hawm ntxiv, tsis
pub tshaj tsib hnub, vim muaj ib qho laj thawj zoo (good cause) los ntawm pawg tswj
tsev kawm ntawv, tus me nyuam kawm ntawv, niam txiv los sis tus neeg saib xyuas.
Nqe 4. Yuav muaj lub rooj kho raws kev cai rau ib lub sij hawm thiab ib qho chaw uas
zoo rau tus me nyuam kawm ntawv, niam txiv los sis tus neeg saib xyuas.
2019-20 Tsev Kawm Ntawv Phau Ntawv Handbook
Nqe 5. Yuav kaw lub rooj kho raws kev cai tshwj tsis yog hais tias tus me nyuam
kawm ntawv, niam txiv los sis tus neeg saib xyuas thov kom yog ib lub rooj kho raws
kev cai uas qhib rau neeg tuaj mloog.
Nqe 6. Lub rooj kho raws kev cai yuav muaj tim ntsej tim muag ntawm:
(1) Ib tug neeg ua qhov kev tshawb nrhiav uas tuaj sab nraud tuaj (independent
hearing officer);
(2) Ib tug tswv cuab hauv pawg tswj tsev kawm ntawv;
(3) Ib pawg neeg tsa los xyuas dej num hauv pawg tswj tsev kawm ntawv; los sis
(4) Tag nrho cov neeg hauv pawg tswj tsev kawm ntawv; raws li kev txiav txim los
ntawm pawg tswj tsev kawm ntawv. Lub rooj kho raws kev cai yuav ua yam
ncaj ncees thiab coj ncaj nruab nrab.
Nqe 7. Pawg tswj tsev kawm ntawv yuav kaw cov lus hauv lub rooj kho raws txoj cai
uas cheeb tsam yuav ua tus them rau, thiab ib tog twg yuav mus muab tau daim ntawv
uas theej cov lus hais ntawd uas nws yuav tau them rau. Yuav hais cov lus teev ua pov
thawj yam uas cog lus tias yeej muaj tseeb tiag. Tus neeg ua qhov kev tshawb nrhiav
yuav muaj cai yuam tau kom tuaj hais plaub thiab ua cov kev cog lus.
Nqe 8. Hauv ib lub sij hawm uas tsim nyog ua ntej lub rooj kho raws kev cai, tus me
nyuam kawm ntawv, niam txiv los sis tus neeg saib xyuas, los sis tus neeg sawv cev
yuav saib tau tag nrho cov ntaub ntawv hauav lub tsev kawm ntawv hais txog tus me
nyuam kawm ntawv, nrog rau cov kev xeem los sis cov lus qhia tuaj uas tau yuav siv
rau hauv kev txiav txim seb yuav npaj nqis tes li cas.
Nqe 9. Tus me nyuam kawm ntawv, niam txiv los sis tus neeg saib xyuas, los sis tus
neeg sawv cev muaj cai yuam kom ib tug neeg ua hauj lwm uas muaj cai los sis ib tug
neeg sawv cev hauv tsev kawm ntawv dawb los sis ib tug neeg ua hauj lwm rau pej
xeem los sis lwm tus neeg uas tej zaum muaj pov thawj rau hauv kev txiav txim seb
yuav npaj nqis tes li cas, thiab los mus hais thiab nug cov neeg ua pov thawj uas hais
lus hauv tsev hais plaub rau lub tsev kawm ntawv.
Nqe 10. Tus me nyuam kawm ntawv, niam txiv los sis tus neeg saib xyuas muaj cai
muab pov thawj thiab hais lus hauv tsev hais plaub, nrog rau kom ib tug kws tshaj
lij txog kev xav ntawm tib neeg los sis kev kawm ntawv tuaj hais lus hauv tsev
hais plaub.
Nqe 11. Yuav yuam tsis tau ib tug me nyuam kawm ntawv tuaj hais lus hauv tsev hais
plaub hauv lub rooj hais kev rho tawm.
Nqe 12. Cov kev taw qhia los ntawm tus neeg ua qhov kev tshawb nrhiav los sis tus
tswv cuab hauv pawg tswj tsev kawm ntawv yuav yog raws cov pov thawj uas muaj
tseeb nkaus xwb thiab muab rau ob tog li ntawm ob hnub thaum lub rooj kho raws kev
cai xaus.
Nqe 13. Pawg tswj tsev kawm ntawv txiav txim raws cov kev taw qhia los ntawm tus
neeg ua qhov kev tshawb nrhiav los sis tus tswv cuab hauv pawg tswj tsev kawm
ntawv los sis pawg neeg tsa los xyuas dej num thiab yuav qhia txog nws txoj kev txiav
txim hauv lub rooj sib tham li ntawm tsib hnub tom qab tau txais cov kev taw qhia.
Pawg tswj tsev kawm ntawv yuav muab tau sij hawm rau ob tog los hais txog cov kev
uas tsis suav thiab cov lus xav hais txog tus neeg tshawb nrhiav cov kev taw qhia
tsuav yog tias ob tog tsis txhob muab cov pov thawj uas tsis tau muab qhia hauv lub
rooj kho raws kev cai. Qhov kev txiav txim los ntawm pawg tswj tsev kawm ntawv
yuav tsum yog raws pov thawj, yuav tsum tau sau rau hauv ntawv thiab yuav tsum
muaj cov lus qhia tseeb uas tau siv rau hauv kev txiav txim uas qhia kom ntxaws rau
ob tog thiab tus thawj saib xyuas hauv tuam tsev xyuas cov me nyuam, cov tsev neeg,
thiab kev kawm ntawv txog lub hauv paus thiab vim li cas ho txiav txim li ntawd.
Nqe 14. Tus tuav dej num hauv tsev kawm ntawv yuav npaj thiab tswj lub hom phiaj
yuav txais los sis rov txais ib tug me nyuam kawm ntawv uas tau raug cais los sis
ntiab tawm hauv tsev kawm ntawv rov qab tuaj kawm ntawv. Lub hom phiaj tej zaum
yuav muaj cov kev uas yuav siv los txhim kho tus me nyuam tus xeeb ceem thiab
yuav tsum tau muaj kev koom tes los ntawm niam txiv hauv txoj kev yuav txais kawm
ntawv los sis rov txais kawm ntawv, thiab yuav qhia rau tus me nyuam kawm ntawv
txog cov kev rau txim rau tus me nyuam kawm ntawv yog tias tsis txhim kho tus me
nyuam kawm ntawv tus xeeb ceem kom zoo.
Txoj cai tseem muaj tus txheej txheem los thov kom rov saib xyuas cov kev txiav txim
dua. Yog xav paub ntxiv nug tau Ray Brodeur, [phone].
47