Reports, guides, handbooks Policy Handbook 2019-20: Hmong | Page 36

B. Cov niam txiv thiab cov tub ntxhais kawm ntawv yuav tsum tau ceev faj tias kev
kawm ntawv thaum lub caij ntuj sov mas nws txawv kev kawm ntawv hauv xyoo
kawm ntawv li niaj zaus vim tias tsis muaj cov kev pab qhia ntawv sab nraud rau
cov tub ntxhais kawm ntawv uas muaj teeb meem txog kev ncua ntawv thiab/los sis
kev coj cwj pwm. Yuav tshem cov tub ntxhais kawm ntawv tawm hauv kev kawm
ntawv thaum lub caij ntuj sov rau cov kev ua txhaum hauv tus cai coj xeeb cwm.
C. Anoka-Hennepin Cheeb Tsam Tsev Kawm Ntawv Tus Zauv 11 lees paub tias nws
muaj txoj luag hauj lwm los qhia rau cov tub ntxhais kawm ntawv txog cov tswv
yim hauv kev taug li txoj cai. Kev taug li txoj cai yog kev siv cov txheej txheem uas
yog thaum ua raws li txoj cai ces lees tias yuav muaj kev tiv thaiv cov cai sib npaug.
Ua ntej yuav tshem ib tug tub ntxhais kawm ntawv tawm hauv kev kawm ntawv
thaum lub caij ntuj sov, yuav ua raws li cov feem hauv kev taug li txoj cai.
D. Yuav siv Anoka-Hennepin Cheeb Tsam Tsev Kawm Ntawv tsab cai txog kev qhuab
qhia rau kev kawm ntawv thaum lub caij ntuj sov.
VII. TSAB CAI TXOG KEV SIB TXUAS LUS/KEV YAIS TAWM
A. Cov kev luam ntawv tawm: Yuav luam thiab yais tsab cai no tawm txhua xyoo rau
tag nrho cov tub ntxhais kawm ntawv uas siv ib los sis ntau tshaj ib txoj kev nram
qab no: luam rau hauv tub ntxhais kawm ntawv phau ntawv qhia; luam rau hauv tus
tswj fwm tsev kawm ntawv tsab ntawv xov xwm rau cov niam txiv uas yuav thov
kom cov niam txiv tham txog tsab cai nrog tus tub ntxhais kawm ntawv; luam rau
hauv cov phau ntawv me me uas muab yais tawm; thiab/los sis luam rau hauv cov
ntawv uas xa rau cov niam txiv thoob plaws hauv cheeb tsam.
B. Kev Txhawb Ntxiv Raws Lub Tuam Tsev Theem (Building-level Supplement): Tus
tswj fwv lub tsev kawm ntawv hauv lub tuam tsev yuav muab kev txhawb ntxiv rau
tsab cai no uas muaj cov cai thiab cov cai tswj kav rau ib lub tuam tsev twg. Tiam
sis, tsis muaj ib txoj cai los sis txoj cai tswj kav twg uas yuav tsis yoog raws li tsab
cai hauv Pawg Tswj Tsev Kawm Ntawv.
C. Nthuav Tawm rau Cov Tub Ntxhais Kawm Ntawv: Tsab cai no thiab cov cai thiab
cai tswj kav hauv lub tuam tsev uas txhawb ntxiv ntawd yuav muab los saib xyuas
dua nrog cov tub ntxhais kawm ntawv hauv cov chav kawm thaum pib hauv txhua
xyoo kawm ntawv.
D. Saib Xyuas Dua Txhua Xyoo: Tus tswj fwm tsev kawm ntawv thiab cov neeg ua
hauj lwm sawv cev thiab cov tub ntxhais kawm ntawv hauv txhua lub tuam tsev
kawm ntawv yuav los sib tawm tswv yim yam tsawg ib zaug ib xyoos twg los saib
xyuas cov cai qhuab qhia thiab los xyuas seb tsab cai puas tsim nyog thiab puas coj
yoog. Cov kev xav kom hloov yuav mus xa mus rau Tus Thawj Tswj Cheeb Tsam
Tsev Kawm Ntawv soj ntsuam.
Siv Tsab Cai:
Tau hais txog kev siv lub cev thab plaub/sib ntaus hauv seem B nqe rau hauv
Anoka-Hennepin Cheeb Tsam Tsev Kawm Ntawv tsab cai qhuab qhia. Cov kev cov
nyom ntawm cov tub ntxhais kawm ntawv mas yuav tsum tau qhia rau cov neeg ua
hauj lwm hauv lub tsev kawm ntawv thiab tom qab ntawd siv tus txheej txheem sib
kho kom haum xeeb thiab kev daws teeb meem, uas muaj hauv koj lub tsev kawm
ntawv. Anoka-Hennepin Cheeb Tsam 11 muaj kev ruaj siab los tsim ib qho chaw zoo
rau hauv tag nrho peb cov tsev kawm ntawv, uas tag nrho cov tub ntxhais kawm
ntawv yuav xis nyob, muaj kev ruaj ntseg thiab npaj kawm ntawv, li no tsis muaj
chaw hauv peb cov tsev kawm ntawv rau kev siv lub cev los thab plaub/kev sib ntaus.
Kev siv lub cev los thab plaub/kev sib ntaus mas yog ib tug xeeb ceem uas cuam
tshuam loj kawg nkaus hauv lub tsev kawm ntawv, li no Anoka-Hennepin cov kev
yuav txais tau los ntawm kev coj cov xeeb ceem zoo li no mas nws phem heev.
Yuav siv cov kev yuav tau txais nram qab no yog pom tias ib tug tub ntxhais kawm ntawv
tau siv lub cev mus thab plaub rau lwm tus tub ntxhais kawm ntawv los sis yog tias yuav
tau tuav ib tug tub ntxhais kawm ntawv kom thiaj li tiv thaiv tau kev ua phem rau
lwm tus tub ntxhais kawm ntawv. Kev siv lub cev mus thab plaub yuav txhais tau tias
yog: kev siv lub cev mus ua phem rau lwm tus tub ntxhais kawm ntawv los sis lwm pawg
tub ntxhais kawm ntawv tsis hais seb leej twg yog tus xub pib, uas tus tub ntxhais
kawm ntawv txhob txwm ua kom raug mob los sis sim ua kom raug mob rau lwm tus
neeg lub cev. Yuav siv cov kev yuav tau txais tsis hais seb qhov teeb meem ntawd tshwm
Kev Siv Lub Cev Thab Plaub/Sib Ntaus
34
sim hauv tsev kawm ntawv, hauv cheeb tsam thaj chaw, hauv cheeb tsam lub tsheb, los
sis hauv lub tsev kawm ntawv/cheeb tsam cov kev ua si. Tej zaum tseem yuav siv cov
kev yuav tau txais rau cov kev ua txhaum hauv lwm qhov chaw, tiam sis muaj feem ncaj
qha rau lub tsev kawm ntawv cov kev pab cuam los sis cov kev ua si.
Lus Cim: Kev siv lub cev los thab plaub rau ib tug neeg ua hauj lwm yuav raug
muab tshem tawm mus kaum hnub tam sim ntawd thiab xa mus rau pawg tswj
xyuas tsev kawm ntawv kom muab ntiab tawm hauv tsev kawm ntawv mus txog
ib xyoos hauv daim ntawv teev sij hawm (calendar). Yog hais tias ib tug neeg ua
hauj lwm raug mob thaum sim los thaiv kom lwm tus neeg txhob raug mob, tus
tub ntxhais kawm ntawv uas tau ua rau raug mob ntawd los ntawm qhov nws ua
ntawd los sis qhov tsis ua raws li tus neeg ua hauj lwm cov lus txib, tej zaum
yuav raug muab tshem tawm thiab xa mus rau pawg tswj tsev kawm ntawv kom
muab ntiab tawm hauv tsev kawm ntawv mus txog ib xyoos hauv daim ntawv
teev sij hawm (calendar).
Qib Kawm 6-8 (cov kev ua txhaum ua ke tag nrho hauv cov xyoo kawm hauv
tsev kawm ntawv theem nrab)
Ua txhaum thawj zaug:
a. tej zaum muab tshem tawm,
b. nrog niam txiv sib tham,
c. kev pab tawm tswv yim nrog lub tsev kawm ntawv/cov neeg uas yog ib phaum li
yus pawg neeg sib kho kom haum xeeb los sis nrog ib lub koom haum sab nraud,
d. yuav qhia rau cov niam txiv thiab tus tub ntxhais kawm ntawv tias cov kev ua
txhaum mus txuas ntxiv yuav raug muab xa mus rau Pawg Tswj Xyuas Tsev
Kawm Ntawv kom muab ntiab tawm hauv tsev kawm ntawv mus txog ib xyoos
hauv daim ntawv sij hawm (calendar),
e. xa mus rau cov tub ceev xwm.
Ua txhaum zaum ob:
a. muab tshem tawm tsib mus rau 10 hnub,
b. nrog niam txiv sib tham,
c. kev pab tawm tswv yim nrog lub tsev kawm ntawv/cov neeg uas yog ib phaum li
yus pawg neeg sib kho kom haum xeeb los sis nrog ib lub koom haum sab nraud,
d. tej zaum xa mus rau pawg tswj xyuas tsev kawm ntawv kom muab ntiab tawm
tsev kawm ntawv,
e. xa mus rau cov tub ceev xwm.
Cov kev ua txhaum mus ntxiv:
a. tshem tawm mus kaum hnub,
b. xa mus rau Pawg Tswj Xyuas Tsev Kawm Ntawv kom muab ntiab tawm tsev
kawm ntawv mus txog ib xyoos hauv daim ntawv teev sij hawm (calendar),
c. xa mus rau cov tub ceev xwm.
Qib Kawm 9-12 (cov kev ua txhaum ua ke tag nrho hauv cov xyoo kawm hauv
tsev kawm ntawv theem siab)
Tus neeg tuav txoj dej num yuav siv nws txoj kev txiav txim siab los xyuas seb puas
muaj kev ua txhaum hauv tsab cai txog kev siv lub cev los thab plaub.
Tus neeg tuav txoj dej num, nrog kev pom zoo los ntawm tus neeg pab tus thawj tswj
cheeb tsam tsev kawm ntawv, yuav siv tau nws txoj kev txiav txim siab los siv cov
kev yuav tau txais uas tsim nyog ntxiv thaum uas tsim nyog kom muaj kev ruaj ntseg
rau tag nrho cov tub ntxhais kawm ntawv.
Yuav siv tag nrho nom tswv teb chaws thiab xeev cov cai hais txog cov tub ntxhais
kawm ntawv tshwj xeeb rau cov txheej txheem hauv tsab cai no.
Ua txhaum thawj zaug:
a. tshem tawm mus tsib hnub,
b. nrog niam txiv sib tham,
c. yuav qhia rau cov niam txiv thiab tus tub ntxhais kawm ntawv tias cov kev ua
txhaum mus txuas ntxiv yuav raug muab xa mus rau Pawg Tswj Xyuas Tsev
Kawm Ntawv kom muab ntiab tawm hauv tsev kawm ntawv mus txog ib xyoos
hauv daim ntawv sij hawm (calendar),
d. xa mus rau tub ceev xwm,
e. xa mus rau tus Thawj Saib Xyuas Cov Dej Num Ua Si (Activities Director).
2019-20 Tsev Kawm Ntawv Phau Ntawv Handbook