Reports, guides, handbooks Policy Handbook 2019-20: Hmong | 页面 35

4. Cov txheej txheem los Siv Cov Cai txog Kev Tshawb Nrhiav thiab Kev Txhav
a. Tsuas yog tus tswj fwm lub tsev kawm ntawv los sis tus neeg raug xaiv los
sawv cev thiaj li muaj txoj dej num los xyuas seb puas yuav ua qhov kev
tshawb nrhiav.
b. Tus tswj fwm lub tsev kawm ntawv los sis tus neeg raug xaiv los sawv cev
yuav ceev daim ntawv uas siv los sau txog txhua qhov kev tshawb nrhiav;
nrog rau cov lus qhia tseeb seb vim li cas ho muaj qhov kev poob siab,
qhov chaw, lub sij hawm, vim li cas ho tshwb nrhiav thiab/los sis txhav,
cov neeg uas nyob rau ntawd lub sij hawm ntawd, thiab cov khoom uas tau
muab pov tseg.
c. Txoj kev tshawb nrhiav ntawm tus tub ntxhais kawm ntawv lub cev los sis
cov khoom ntawm ntiag tug mas yuav ua zais npog thiab tsis pub lwm tus
paub li qhov ua tau kom tsis txhob puas txoj kev ruaj ntseg.
d. Cov khoom uas pom tias yog tsis raug cai, txhaum cai, cuam tshuam, thaiv
txoj kev kawm ntawv, los sis ua pov thawj tias yuav ua txhaum cai, los sis
txoj cai hauv Cheeb Tsam mas yuav muab txhav tau. Qhov yuav muab
qhov khoom uas txhav ntawd khaws tseg, muab rov qab, los sis muab pov
tseg mas yog nyob ntawm kev txiav txim siab ntawm tus tswj fwm tsev
kawm ntwav, ntshe ho yog raug muab xauv cia lawm xwb.
e. Kev rov qab muab cov khoom uas yog tsev kawm ntawv li mas yuav tsis
suav tias yog txhav.
f. Cheeb Tsam Tsev Kawm Ntawv muaj cai saib xyuas tsev kawm ntawv cov
chaw nres tsheb thiab soj ntsuam sab nraum cov tsheb los sis lwm cov
tsheb uas nyob hauv tsev kawm ntawv thaj chaw. Tej zaum yuav soj ntsuam
thiab tshawb sab hauv cov tsheb uas nyob rau ntawm tsev kawm ntawv thaj
chaw thaum uas tus tswj fwm tsev kawm ntawv los sis tus neeg raug xaiv
los sawv cev muaj kev poob siab los ntseeg tias muaj cov khoom uas
txhaum cai, tsis raug cai, los sis cuam tshuam rau txoj kev kawm ntawv
nyob rau sab hauv lub tsheb ntawd.
V. KEV TSHEM COV TUB NTXHAIS KAWM NTAWV TAWM HAUV CHAV KAWM
A. Cov kws qhia ntawv muaj txoj dej num los sim kho tus xeeb ceem cuam tshuam
ntawm tus tub ntxhais kawm ntawv los ntawm kev tham nrog tus tub ntxhais kawm
ntawv, siv cov kev txhawb uas zoo, coj mus rau txim los sis lwm yam kev qhuab
qhia, los sis hu rau tus tub ntxhais kawm ntawv niam thiab txiv. Thaum uas tag nrho
cov no pab tsis tau lawm, los sis thaum tus kws qhia ntawv txiav txim tias tsim nyog
lawm raws li tus tub ntxhais kawm ntawv kev coj xeeb ceem, tus kws qhia ntawv
muaj cai tshem tus tub ntxhais kawm ntawv tawm hauv chav kawm.
B. Cov chaw pib txoj kev tshem tawm hauv chav kawm yuav muaj cov nram qab no:
1. Coj tus xeeb ceem uas cuam tshuaj loj rau lwm tus cov cai kawm ntawv, nrog
rau cov xeeb ceem uas cuam tshuam tus kws qhia ntawv lub peev xwm los qhia
ntawv los sis sib txuas lus kom tau zoo nrog cov tub ntxhais kawm ntawv haus
chav kawm los sis lub peev xwm ntawm lwm cov tub ntxhais kawm ntawv los
kawm ntawv;
2. Coj tus xeeb ceem uas phom sij rau cov neeg nyob ib ncig, nrog rau cov neeg ua
hauj lwm hauv cheeb tsam tsev kawm ntawv, tus tub ntxhais kawm ntawv los
sis lwm cov tub ntxhais kawm ntawv, los sis lub tsev kawm ntawv cov khoom;
3. Kev ua txhaum cov cai, cov cai tswj kav los sis cov txheej txheem hauv tsev
kawm ntawv, nrog rau Code of Student Conduct (Tsab Cai Txog Tub Ntxhais
Kev Coj Xeeb Ceem) hauv tsab cai no; los sis
4. Lwm txoj kev coj xeeb ceem, uas raws li tus kws qhia ntawv los sis tus coj
hauv txoj dej num kev txiav txim, yuav tsum tau muab tus tub ntxhais kawm
ntawv tshem tawm hauv chav kawm.
C. Kev tshem tawm hauv chav kawm yog muab cais mus ib ntus hauv chav kawm
thaum lub tsev kawm ntawv tseem ceev tus me nyuam. Cov tub ntxhais kawm
ntawv uas ua txhaum hauv tsab cai txog tub ntxhais kev coj xeeb ceem yuav raug
tshem tawm hauv chav kawm raws kev txiav txim siab los ntawm tus kws qhia
ntawv rau lub sij hawm qhia ntawv hauv chav ntawd los sis lub sij hawm ua
si ntawd. Yog tias tus tub ntxhais kawm ntawv raug tshem tawm mus ib zaug ntxiv,
qhov no thiab cov kev yuav rov qab mus rau hauv chav kawm yuav yog raws kev
txiav txim thaum tus tswj fwm tsev kawm ntawv thiab tus kws qhia ntawv sib tham.
2019-20 Tsev Kawm Ntawv Phau Ntawv Handbook
D.
E.
F.
G.
H.
VI.
A.
Cov tub ntxhais kawm ntawv uas raug tshem tawm hauv chav kawm yuav yog txoj
hauj lwm ntawm tus tswj fwm tsev kawm ntawv los sis tus neeg raug xaiv los sawv
cev li hauj lwm los saib xyuas cov me nyuam. Tus tswj fwm tsev kawm ntawv los
sis tus neeg raug xaiv los sawv cev yuav qhia rau tus tub ntxhais kawm ntawv thiab
tus tub ntxhais kawm ntawv niam thiab txiv/tus neeg saib xyuas seb yuav ua li cas
thiaj li rov qab mus tau rau hauv chav kawm.
Yog hais tias tus tub ntxhais kawm ntawv cov hnub tshem tawm hauv chav kawm tag
nrho nws tshaj kaum (10) hnub ua ke hauv xyoo kawm ntawv, tus tswj fwm tsev
kawm ntawv los sis tus neeg raug xaiv los sawv cev yuav sim npaj ib lub rooj sib
tham nrog tus tub ntxhais kawm ntawv thiab tus tub ntxhais kawm ntawv niam thiab
txiv los sis tus neeg saib xyuas ua ntej yuav tshem tus tub ntxhais kawm ntawv ntawd
tawm hauv chav kawm. Lub hom phiaj ntawm lub rooj sib tham no yog los xyuas seb
tus me nyuam puas yuav tsum tau muaj kev ntsuam xyuas los sis lwm cov kev pab.
Qhia rau niam txiv: Yuav qhia rau cov niam txiv txog kev ua txhaum hauv cov cai
thiab txoj kev qhuab qhia. Nyob rau qee lub sij hawm, cov tswj fwm tsev kawm
ntawv yuav txiav txim tias tsis tsim nyog qhia rau niam txiv/tus neeg saib xyuas.
Modified Learning Program (Hloov Txoj Kev Kawm Ntawv): Txoj kev hloov mus
luv luv hauv tus tub ntxhais kawm ntawv txoj kev kawm ntawv, tsis pub tshaj tsib
hnub ib zaug twg, thaum lub sij hawm uas cheeb tsam tsev kawm ntawv uas tus saib
xyuas tus tub ntxhais kawm ntawv.
Raug Tshem Tawm Hauv Tsev Kawm Ntawv (Out of School Suspension):
1. Kev raug tshem tawm yog ib txoj kev cais mus luv luv, tsis pub tshaj tsib hnub
(tshwj tsis yog tias tus tub ntxhais kawm ntawv yog ib qho phom sij rau lawv tus
kheej los sis rau lwm tus) rau ib zaug twg ntawm tus tub ntxhais kawm ntawv
ntawm lub tsev kawm ntawv thaum uas lub tsev kawm ntawv tsis yog tus saib
xyuas tus me nyuam lawm. Yog tias raug tshem tawm hauv tsev kawm ntawv
mus ntev tshaj tsib hnub, tus neeg saib xyuas txoj dej num tshem tawm yuav
tsum tau qhia rau tus thawj saib xyuas cheeb tsam tsev kawm ntawv los sis tus
neeg raug xaiv los sawv cev ntawd seb yog vim li cas ho tshem tawm mus ntev
zog. Ib qho kev tshem tawm yuav tsis pub ntev tshaj kaum tsib hnub. Nyob rau
hnub rau hauv kev tshem tawm yuav tsum tau muaj lwm txoj kev qhia ntawv rau
tus me nyuam, piv txwv li, cov ntawv ua tom tsev uas muaj neeg saib xyuas.
2. Yuav siv cov kev tshem tawm raws li hauv Pupil Fair Dismissal Act (Tsab Cai
Tshem Tawm Me Nyuam Kawm Ntawv Kom Ncaj Ncees) thiab nrog rau
Anoka-Hennepin Cheeb Tsam Tsev Kawm Ntawv tsab cai.
Kev Cais Tawm thiab Kev Ntiab Tawm
1. Kev cais tawm yog ib txoj kev ua los ntawm Pawg Tswj Xyuas Tsev Kawm
Ntawv los tiv thaiv kev muab ib tug tub ntxhais kawm ntawv rau npe kawm
ntawv los sis rov muab ib tug tub ntxhais kawm ntawv rau npe kawm ntawv
mus ib ntus uas tsis pub txuas ntxiv dhau xyoo kawm ntawv.
2. Kev ntiab tawm yog ib txoj kev ua los ntawm Pawg Tswj Xyuas Tsev Kawm
Ntawv los txwv ib tug tub ntxhais kawm ntawv uas twb rau npe kawm ntawv
lawm tsis pub tuaj kawm ntawv mus ib ntus uas tsis pub txuas ntxiv dhau xyoo
kawm ntawv pib ntawm hnub uas tus tub ntxhais kawm ntawv raug tshem tawm
rau txoj kev ua txhaum uas yuav ntiab tawm tau.
3. Yuav siv kev cais tawm thiab kev ntiab tawm raws li hauv Pupil Fair Dismissal
Act (Tsab Cai Tshem Tawm Me Nyuam Kawm Ntawv Kom Ncaj Ncees) thiab
Anoka-Hennepin Cheeb Tsam Tsev Kawm Ntawv txoj cai.
KEV KAWM NTAWV THAUM LUB CAIJ NTUJ SOV
Kev kawm ntawv thaum lub caij ntuj sov mas tsis yog xeev los sis nom tswv teb
chaws txoj kev pab uas yuav tsum tau muaj, thiab cov tub ntxhais kawm ntawv tsis
tas yuav tsum tau mus kawm. Anoka-Hennepin Cheeb Tsam Tsev Kawm Ntawv Tus
Zauv 11 muaj cov cai thiab cov cai tswj kav hais txog kev muab qhab nias (credit)
rau cov chav kawm hauv kev kawm ntawv thaum lub caij ntuj sov; qhov tseem ceeb
cov cai tswj kav no hais tias cov neeg koom yuav tsum tau kawm mus pauj txhua
hnub ncua hauv kev kawm ntawv thaum lub caij ntuj sov mas thiaj li yuav kawm tiav
cov teev uas yam tsawg yuav tau kawm thiaj li tau qhab nias rau chav kawm ntawd.
Cov kev ncua heev dhau lawm mas tej zaum yuav tau muab tus tub ntxhais kawm
ntawv tshem tawm hauv chav kawm thaum lub caij ntuj sov uas tau qhab nias.
33