Reports, guides, handbooks Policy Handbook 2019-20: Hmong | Page 34

3. Cheeb tsam tsev kawm ntawv pom zoo tau thiab siv riam phom los ntawm cov
neeg zov uas nqa cov kob thaum muaj koom txoos (color guards)
4. Cheeb tsam tsev kawm ntawv pom zoo tau thiab siv cov phom tua kom pib rau
cov kev sib ntaus pob ncaws los sis dhia ua si
5. Cheeb tsam tsev kawm ntawv pom zoo rau cov khoom thiab cov twj uas siv
thiab khaws tseg tsim nyog rau hauv tsev kawm ntawv thaj chaw coj los siv rau
hauv kev qhia ntawv los sis kev ua hauj lwm los ntawm cov neeg ua hauj lwm
thiab cov tub ntxhais kawm ntawv
6. Lwm yam uas tsis suav uas tau kev tso cai los ntawm tus thawj tswj cheeb tsam
tsev kawm ntawv
E. Txoj Kev Siv Tsab Cai txog Riam Phom
1. Kev ua txhaum cov cai txog riam phom, Nom Tswv Teb Chaws txoj cai: Raws
li hauv Nom Tswv Teb Chaws “Gun Free Schools Act of 1994 (Tsab Cai Tsis
Pub Muaj Phom Hauv Tsev Kawm Ntawv thaum 1994)” tus tub ntxhais kawm
ntawv twg uas nqa riam phom (phom thiab/los sis cov twj ua kom puas tsuaj
raws li tshab txhais nyob hauv Nom Tswv Teb Chaws txoj cai) yuav raug ntiab
tawm hauv tsev kawm ntawv mus tsis tsawg tshaj ib xyoos.
2. Cov tub ntxhais kawm ntawv hauv tsev kawm ntawv theem nrab (Middle
school): Tau riam phom, raws li tshab txhais hauv tsab cai no, los ntawm cov
tub ntxhais kawm ntawv hauv tsev kawm ntawv theem nrab, qib kawm rau txog
yim, yuav cia li pib kev ntiab tawm tsev kawm ntawv tam sim ntawd thiab tej
zaum yuav xa mus rau tub ceev xwm. Pawg Tswj Xyuas Tsev Kawm Ntawv
yuav ntiab tawm cov tub ntxhais kawm ntawv hauv tsev kawm ntawv theem
nrab mus ib ncua sij hawm uas tsis tsawg dua tib yam li ib ntu kawm ntawv
(trimester) ntawm tus tub ntxhais kawm ntawv cov hnub kawm ntawv (contact),
thiab tsis ntev tshaj 12 lub hlis. Yuav muab lwm txoj kev kawm ntawv rau tus
tub ntxhais kawm ntawv thaum lub sij hawm raug ntiab tawm ntawd. Ib tug tub
ntxhais kawm ntawv hauv tsev kawm ntawv theem nrab yuav rov qab mus rau
hauv lub tsev kawm ntawv hnub uas nyob tiav txoj kev ntiab tawm ntawd.
3. Cov tub ntxhais kawm ntawv hauv tsev kawm ntawv theem siab: Tau riam
phom, raws li tshab txhais hauv tsab cai no, los ntawm cov tub ntxhais kawm
ntawv hauv tsev kawm ntawv theem siab, qib kawm cuaj txog thaum kawm
tiav, yuav cia li pib kev ntiab tawm tsev kawm ntawv tam sim ntawd thiab tej
zaum yuav xa mus rau tub ceev xwm. Pawg Tswj Xyuas Tsev Kawm Ntawv
yuav ntiab tawm cov tub ntxhais kawm ntawv hauv tsev kawm ntawv theem
siab mus ib ncua sij hawm uas tsis tsawg dua tib yam li ib trimester ntawm tus
tub ntxhais kawm ntawv cov hnub kawm ntawv (contact), thiab tsis ntev tshaj
12 lub hlis. Yuav muab lwm txoj kev kawm ntawv rau tus tub ntxhais kawm
ntawv thaum lub sij hawm raug ntiab tawm ntawd. Ib tug tub ntxhais kawm
ntawv hauv tsev kawm ntawv theem siab yuav rov qab mus rau hauv lub tsev
kawm ntawv thawj hnub hauv lub ntu kawm ntawv (term) tshiab uas ze tshaj
rau thaum yuav nyob tiav txoj kev ntiab tawm ntawd.
4. Kev Txiav Txim Siab Raws Tus Thawj Tswj Tuav Dej Num: Thaum uas
Anoka-Hennepin Cheeb Tsam Tsev Kawm Ntawv txwv tsis pub muaj, siv los
sis yais tam cov riam phom los ntawm cov tub ntxhais kawm ntawv los, tus
neeg uas tus thawj tswj cheeb tsam tsev kawm ntawv xaiv ntawd yuav siv tau
nws txoj kev txiav txim siab los txiav txim seb, nyob ntawm qhov xwm txheej
raws li tau teeb tsa los ntawm cheeb tsam pawg neeg khiav dej num thiab pawg
tswj xyuas tsev kawm ntawv, ib txoj kev ua dua li kev xa mus rau pawg tswj
xyuas tsev kawm ntawv kom muab ntiab tawm puas yuav tsim nyog. Yog tias
tsim nyog, yuav ua tau lwm txoj kev, nrog rau kev txiav txim los siv txoj kev
qhuab qhia uas tsawg zog.
5. Cov tub ntxhais kawm ntawv hauv tsev kawm ntawv qib pib: Cov thawj tswj
xyuas hauv tsev kawm ntawv, thaum uas qhuab qhia cov tub ntxhais kawm
ntawv qib K-5 rau kev tau riam phom, raws li tshab txhais nyob hauv tsab cai
no, yuav raug tshem tau thiab txiav txim txog qhov yuav phom sij rau lwm cov
tub ntxhais kawm ntawv thiab cov neeg ua hauj lwm. (Lus cim tej zaum yuav
hais kom muab Ntiab Tawm.) Tus thawj tswj hauv tsev kawm ntawv yuav qhia
rau tus tub ntxhais kawm ntawv niam thiab txiv txog txoj kev qhuab qhia.
Hauv tag nrho cov xwm txheej tus tub ntxhais kawm ntawv yuav tau txais cov
lus qhia txog kev phom sij ntawm cov riam phom.
32
6. Cov Tub Ntxhais Kawm Ntawv uas muaj Kev Tsis Taus:
a. Cov tub ntxhais kawm ntawv uas muaj kev tsis taus tej zaum yuav raug
tshem tawm rau kev ua txhaum cov cai hauv tsev kawm ntawv raws li
xeev thiab nom tsev teb chaw txoj cai.
b. Yog hais tias tus tub ntxhais kawm ntawv yog ua txhaum hauv cheeb tsam
txoj cai hais txog tshuaj, dej caw los sis muaj riam phom raws li tshab
txhais hauv nom tswv teb chaws txoj cai yog ib tug tub ntxhais kawm
ntawv uas muaj kev tsis taus raws li hauv IDEA los sis Section 504 hauv
Rehabilitation Act (Tsab Cai Tsis Pub Cais Tshwj Cov Neeg Muaj Kev
Tsis Taus), tej zaum yuav muab tus tub ntxhais kawm ntawv tso mus
kawm ntawv rau hauv lwm qhov chaw mus 45 hnub kawm ntawv, qhov
chaw tso kawm ntawv thiab cov kev pab rau tus tub ntxhais kawm ntawv
yuav muaj xwm yeem nrog rau xeev thiab nom tswv teb chaws cov uas
yuav tsum tau ua thiab yuav yog txiav txim los ntawm tus tub ntxhais
kawm ntawv Pawg IEP.
c. Kev siv lub sij hawm muab cais mus rau ib qho los sis tuav tus tub ntxhais
kawm ntawv uas muaj kev tsis taus lub cev cia mas yuav tsum tau tsim ib
lub hom phiaj rau kev coj xeeb ceem uas muaj raws li cov ntsiab lus hauv
xeev thiab nom tswv teb chaws txoj cai thiab txoj cai tswj kav.
F. Kev Tshawb Nrhiav thiab Kev Txhav
1. Tsev Kawm Ntawv Cov Tuam Tsev/Cov Chaw Rau Khoom Uas Muab Xauv
Cia Hauv Tsev Kawm Ntawv: Thaum uas tus tub ntxhais kawm ntawv muaj cai
tswj xyuas nws qhov chaw rau khoom uas muab xauv cia, lub rooj saib ntawv,
qhov chaw ua hauj lwm, thiab lwm cov chaw uas muab rau nws hauv tsev
kawm ntawv los ntawm lwm cov tub ntxhais kawm ntawv li los, txoj kev tau
no mas tsis suav lub tsev kawm ntawv thiab nws cov neeg khiav dej num.
Chov chaw rau khoom uas muab xauv cia, cov rooj saib ntawv, cov chaw ua
hauj lwm, thiab lwm cov chaw uas muab rau nws ntawd yuav yog tsev kawm
ntawv li thiab, tsis hais lub sij hawm twg li tsuas yog tsim nyog, tus thawj tswj
xyuas tsev kawm ntawv los sis tus neeg uas nws xaiv tseg ntawd muaj cai los
tshawb nrhiav thiab txhav cov khoom uas pom tias yog khoom tsis raug cai, los
sis yog cov khoom cuam tshuam hauv txoj kev kawm ntawv los sis yog pov
thawj rau hauv ib qho kev ua txhaum cai los sis txhaum txoj cai hauv Cheeb
Tsam Tsev Kawm Ntawv.
2. Cov tub ntxhais kawm ntawv thiab Lawv Cov Khoom Ntawm Ntiag Tug:
Thaum uas tus tub ntxhais kawm ntawv muaj cai tswj xyuas nws cov khoom
uas nws tau ntawm nws cev los ntawm lwm cov tub ntxhais kawm ntawv li los,
txoj kev tau no mas tsis suav lub tsev kawm ntawv thiab nws cov neeeg khiav
dej num. Thaum uas muaj kev poob siab tsim nyog tias kev siv los sis kev tau
tus tub ntxhais kawm ntawv qhov khoom yam tsis raug cai, txhaum cai, ib txoj
kev cuam tshuam, los sis ib qho phom sij rau tus tub ntxhais ntawd los sis lwm
tus, yuav tshawb nrhiav ntawm tus tub ntxhais kawm ntawv lub cev thiab/los
sis cov khoom ntawm ntiag tug; nrog rau cov tsheb thiab.
3. Ua ib qho kev tshawb nrhiav
a. Ua ntej pib ua ib qho kev tshawb nrahiv, tus tswj fwm lub tsev kawm
ntawv los sis tus neeg nws xaiv los sawv cev yuav txiav txim seb puas
muaj ib qho kev poob siab tsim nyog tias kev tshawb nrhiav tus tub
ntxhais kawm ntawv los sis tus tub ntxhais kawm ntawv cov khoom
ntawm ntiag tug yuav nrhiav tau pov thawj tias tus tub ntxhais kawm
ntawv tau ua txhaum los sis ua txaum txoj cai los sis cov cai hauv Cheeb
Tsam Tsev Kawm Ntawv.
b. Yuav tshawb nrhiav kom raug cai, uas tsim nyog rau lub hom phiaj ntawm
qhov kev tshawb thiab yuav tsis cuam tshuam tus tub ntxhais kawm ntawv
feem xyuam hais txog hnub nyoog thiab zeej xeeb thiab qhov seb ua
txhaum dab tsi. Cov khoom uas pom tias tsis raug cai, txhaum cai, cuam
tshuam rau txoj kev kawm, los sis cov pov thawj uas yuav ua tau pov
thawj tias ua txhaum cai los sis txoj cai hauv Cheeb Tsam Tsev Kawm
Ntawv yuav txhav tau.
2019-20 Tsev Kawm Ntawv Phau Ntawv Handbook