Reports, guides, handbooks Policy Handbook 2019-20: Hmong | Page 30

qhuab qhia los sis yuav tau txais tej yam uas muaj nyob hauv seem C, nrog rau
kev ntiab tawm hauv tsev kawm ntawv. Tiam sis, ib qho kev txhaum hauv nqe
ob hais txog kev xa cov tshuaj lom/yeeb tshuaj, thiab nqe plaub hais txog kev
muaj, siv thiab/los sis xa riam phom, muaj cov khoom tawg taus, los sis kev
hawv tias yuav siv thiab/los sis npaj siv ib qho khoom uas tawg taus yuav ua
rau kom pib txoj kev ntiab tawm hauv tsev kawm ntawv tam sim ntawd.
1. Kev tsis mus kawm ntawv thiab kev ncua ntawv uas tsis tau tso cai.
a. Raws li cov cai tam sim no yuav tsum tau ua, cov cai tswj kav hauv
Department of Education (Tuam Tsev Saib Xyuas Kev Kawm Ntawv)
thiab Pawg Tswj Xyuas Tsev Kawm Ntawv hauv cheeb tsam no, cov
tub ntxhais kawm ntawv yuav tsum tau mus kawm ntawv txhua hnub
uas muaj kawm ntawv. Cov tub ntxhais kawm ntawv uas rov qab mus
kawm ntawv tom qab ncua ntawv mas yuav tsum tau ua kom tag nrho
cov ntawv uas tau ncua ntawd hauv ib lub sij hawm uas tsim nyog.
b. Kev tsis mus kawm ntawv, rau kev siv hauv tsab cai no, yog kev tub
nkeeg tsis mus kawm ntawv los sis tsis mus hauv chav kawm yam
uas tsis tau kev pom zoo. Lub hwj chim los txiav txim seb ib qho kev
ncua yog ib qho uas muaj kev zam los sis tsis muaj kev zam mas yog
nyob ntawm lub tuam tsev tus tswj fwm lub tsev kawm ntawv.
c. Yog hais tias ib tug tub ntxhais kawm ntawv tsim tau ib tug cwj pwm
tuaj kawm ntawv los sis mus rau tom chav kawm lig tas li, yuav
qhuab qhia nws.
2. Muaj, siv (nrog rau kev qaug tshuaj thiab cov tshuaj zoo ib yam) thiab/los
sis xa cov yeeb tshuaj nrog rau tiam sis tsis yog tas rau cov yeeb, cov
tshuaj ua kom feeb tsis meej, cov tshuaj nqus, cov tshuaj lom los sis cov
tshuaj hloov kev xav, cov dej haus uas qaug tau, cov twj siv coj los siv rau
cov yeeb tshuaj, los sis cov yeeb tshuaj los sis kev siv cov tshuaj kws kho
mob sau yuav tsis raug chua.
3. Muaj, siv, thiab/los sis xa cov luam yeeb, cov khoom muaj yeeb hauv, cov
Luam Yeeb Hluav Taws Xob (Electronic Cigarettes), los sis cov uas zoo li
luam yeeb.
4. Muaj, siv, thiab/los sis xa cov riam phom los sis cov khoom uas yuav
suav tau tias yog riam phom: riam phom txhais tias yog riam; phom los
sis ib qho khoom uas zoo li ib rab phom, txawm tias muaj los sis tsis muaj
mos txwv nyob hauv, txawm ua hauj lwm los sis tsis ua hauj lwm; cov
khoom tawg taus, cov twj uas siv los pib hluav taws los sis cov zoo ib
yam li cov ntawd thiab/los sis kev hawv yuav npaj los sis npaj ua kom
muaj ib qho kev tawg; los sis lwm cov twj uas siv los hawv, hem los sis
ua kom raug mob rau lub cev los sis ua kom ntshai.
a. Ib tug tub ntxhais kawm ntawv uas ua txhaum tsab cai txog riam phom
mas yuav muab tshem tawm hauv tsev kawm ntawv tam sim ntawd.
b. Yuav pib tus txheej txheem ntiab tawm tam sim ntawd.
5. Muaj thiab/los sis siv cov twj uas siv hluav taws xob, nrog rau computer,
uas hawv los sis hem lwm tus neeg thiab/los sis cuam tshuam txoj kev
kawm ntawv;
6. Cov kev ua txhaum cov neeg uas sib txuas lus nrog los sis sim sib txuas
lus nrog tsis hais siv txoj kev twg li. Cov kev ua txhaum muaj xws li tiam
sis tsis yog tas rau: cov kev hem/hawv uas hais ntawm ncauj thiab/los sis
tsis hais; taug qab; ua kom puas tsuaj; ua phem rau; sib ntaus; kev txhav
los ua yus tug; kev thab plaub, kev hais lus phem txog haiv neeg; kev hais
lus phem raws kev tsis taus los sis kev sib deev/kev ua phem; kev hnav ris
tsho tsis sawm saib; nrhiav teeb meem;
7. Cov kev ua txhaum rau cov khoom nrog rau kev muab hloov, kev siv yam
tsis tau kev tso cai, kev ua piam, los sis kev ua kom puas ntsoog cov
khoom hauv lub tsev kawm ntawv los sis cov khoom ntawm cov neeg ua
hauj lwm hauv lub tsev kawm ntawv thiab/los sis lwm tus neeg (txawm
tias qhov kev ua ntawd yog ua huam yuaj los sis yog los ntawm kev txiav
txim siab tsis zoo); kev tsoo vaj tse; kev hla mus rau lwm tus neeg qhov
chaw uas tsis tau tso cai; kev txhob txwm hlawv vaj tse; kev nyiag los sis
kev tub sab; tau cov khoom uas yog nyiag los;
28
8. Cov kev ua txhaum tsev kawm ntawv cov txheej txheem los sis cov kev
ua kom muaj kev tsuam tshuam rau txoj kev kawm ntawv, nrog rau cov
xeeb ceem tsis mloog lus, ua kom muaj kev cuam tshuam thiab tsis muaj
kev hwm, tawm tsam cov neeg muaj cai, coj tsis ncaj, tsis paub cai, tsis
mloog lus, tsis qhia tias tus kheej yog leej twg, siv cov lus phem, qhib
kom cov tswb nrov qhia tias muaj hluav taws ua hauj lwm yam tsis raug
cai, qhib cov foob pob uas muaj ib tug ntxhiab tsw phem heev thiab siv
tsev kawm ntawv cov ntaub ntawv yam uas tsis tau kev tso cai;
9. Ua txhaum cov cai hauv npav los sis hauv tsheb thauj mus los;
10. Ua txhaum hauv cov cai thiab cov cai tswj kav hauv chaw nres tsheb los
sis kev mus los hauv tsev kawm ntawv;
11. Muaj, yais, los sis tso tawm cov khoom los sis cov cim uas hais mob lwm
tus, rhuav lwm tus, duab liab qab, saib tsis tau lwm haiv neeg, los sis
muaj feem rau ib pab laib;
12. Tub ntxhais kawm ntawv cov ris tsho thiab/los sis kev tu ib ce uas yuav
ua ib qho kev phom sij rau txoj kev noj qab haus huv los sis kev ruaj
ntseg; ua kom muaj kev cuam tshuam hauv txoj kev kawm ntawv, los sis
ua txhaum cov qauv txog kev hnav kom xws txhua tus thaum hais txog
ib puag ncig hauv lub tsev kawm ntawv, thiab/los sis cov khaub ncaws,
cov khoom coj ntawm cev xws li qhwv ntsej, nplhaib, saw, cov khoom ua
kom zoo nkauj, los sis kev tu ib ce uas ua raws kob, twj cim, los sis lwm
yam (uas ua thawj qhov muaj nqis) uas qhia tau tias yog tswv cuab hauv
ib pawg laib;
13. Cov kev ua txhaum cai;
14. Ua txhaum lwm cov cai tswj kav, cov cai, los sis cov txheej txheej hauv
tsev kawm ntawv.
C. Kev qhuab qhia los sis cov kev yuav tau txais rau cov kev ua txhaum no mas
muaj xws li tiam sis tsis yog tas rau cov nram qab no:
1. Nrog tus tub ntxhais kawm ntawv sib tham
2. Hu rau niam txiv
3. Nrog niam txiv sib tham
4. Saib xyuas hauv tsev kawm ntawv
5. Xa mus rau cov kev pab txhawb hauv tsev kawm ntawv
6. Raug rau txim
7. Tshem tawm hauv chav kawm
8. Mus kawm ntawv hnub Zwj Cag (Saturday)
9. Tshem tawm hauv cov kev ua si sab nraud
10. Tuav lub cev cia
11. Tshem tawm hauv tsev kawm ntawv
12. Xa mus rau Pawg Kawm Txog Me Nyuam (Child Study Team) (saib hauv
phau ntawv qhia txog Kev Hais Plaub/Tag Nrho Cov Kev Kawm Ntawv
Tshwj Xeeb)
13. Xa mus rau cov koom haum hauv zej zos, hauv nras (county) los sis tawm
sab nraud
14. Xa mus rau lwm lub tsev kawm ntawv
15. Ntiab tawm los sis cais tawm hauv tsev kawm ntawv
16. Xa mus rau tub ceev xwm los sis lwm cov koom haum tswj cai
D. Thaum los txiav txim ib txoj kev ua uas tsim nyog, tus neeg tuav txoj hauj
lwm yuav suav qhov yuav cuam tshuam rau txoj kev ruaj ntseg ntawm tus tib
neeg los sis pawg pawg los sis qhov yuav cuam tshuam rau txoj kev kawm
ntawv hauv cov tsev kawm ntawv.
E. Cov Tub Ntxhais Kawm Ntawv uas muaj Cov Kev Tsis Taus:
1. Yog hais tias tus neeg raug iam liam tias tau ua txhaum cai ntawd yog ib
tug tub ntxhais kawm ntawv uas muaj ib qho kev tsis taus nyob hauv
IDEA los sis Section 504 hauv Rehabilitation Act (Tsab Cai Tsis Pub Cais
Tshwj Cov Neeg Muaj Kev Tsis Taus), txoj kev tso npe kawm ntawv thiab
cov kev pab rau tus tub ntxhais kawm ntawv ntawv yuav muaj xwm yeem
nrog xeev thiab nom tswv teb chaw cov uas yuav tsum tau muaj thiab
yuav txiav txim los ntawm tus tub ntxhais kawm ntawv pawg IEP.
2019-20 Tsev Kawm Ntawv Phau Ntawv Handbook