Reports, guides, handbooks Policy Handbook 2019-20: Hmong

kawm ntawv thaum uas tsis nyob hauv tsev kawm ntawv thaj chaw. Yuav tsum tau tswj kom muaj ib puag ncig uas zoo kawm ntawv kom thiaj li muab tau ib txoj kev kawm ntawv sib luag rau tag nrho cov tub ntxhais kawm ntawv. Vim hais tias ib puag ncig mas yog txiav txim tau ib feem los ntawm txoj kev coj cwj pwm ntawm cov tub ntxhais kawm ntawv, tub ntxhais kawm ntawv txoj kev rov qhuab qhia nws kheej hais txog cov cai thiab cov cai tswj kav mas yog lub hom phiaj uas ntshaw txog. Cov cai thiab cov cai tswj kav mas yog tsim los txhawb nqa kom tau ib puag ncig uas zoo rau kev kawm ntawv. Li no, nws yuav, yog tsab cai ntawm Anoka-Hennepin Cheeb Tsam Tsev Kawm Ntawv Tus Zauv 11 tias txhua tus tub ntxhais kawm ntawv ua raws li tag nrho cov cai thiab cov cai tswj kav hauv cheeb tsam. C. Ua ntej yuav piv kawm ntawv kom tau zoo, yuav tsum tau muaj kev teeb kom muaj quag uas tsim nyog los sis kev qhuab qhia. Hais yooj yim, txoj dej num los qhuab qhia hauv chav kawm mas yog poob rau cov kws qhia ntawv; tiam sis, tus tswj fwm lub tsev kawm ntawv muaj txoj dej num los muab kev saib xyuas, kev taw qhia, thiab kev pab cov kws qhia ntawv xyuas cov teeb meem txog kev qhuab qhia. Yav dhau los pom tias kev siv txoj kev zoo los qhuab qhia yog ib qho uas siv tau mus zoo. Xav kom siv cov kev pab tiv thaiv thaum ntxov hauv kev sim txhim kho ib tug tub ntxhais kawm ntawv tus xeeb ceem. Qhov no tej zaum yuav muaj xws li tiam sis tsis yog tas rau kev rub cov niam txiv los sis cov neeg saib xyuas los raus tes rau hauv thiab siv cov kev pab uas muaj, nrog rau kev xa mus rau tus me nyuam pawg neeg kawm thiab se cov kev pab txhawb nqa. D. Anoka-Hennepin Cheeb Tsam Tsev Kawm Ntawv lees paub tias nws muaj lub luag hauj lwm los ua raws li cov kev cai hauv Pupil Fair Dismissal Act (Tsab Cai Tshem Tawm Me Nyuam Kawm Ntawv Kom Ncaj Ncees) thiab MS 121A.61 (thiab txoj cai tshem cov tub ntxhais kawm ntawv tawm hauv chav kawm). Hauv zos, xeev, thiab Nom Tswv Teb Chaws cov ntaub ntawv teev tseg, nqe lus nug tseem ceeb tau yog thiab yog txog kev ncaj ncees rau cov tub ntxhais kawm ntawv. Cov tswv yim hauv txoj kev hais plaub yog tsim los kom mus txog lub hom phiaj no. Kev hais plaub yog txoj kev siv tus txheej txheem uas, yog thaum ua raws, lees tias muaj kev tiv thaiv tus tib neeg ntawd cov cai. II. QHUAB QHIA TUB NTXHAIS KAWM NTAWV: TUB NTXHAIS KAWM NTAWV COV CAI THIAB COV DEJ NUM A. Nqe lus hais txog cov cai no tsis yog tias yuav npog tag nrho cov teeb meem uas tej zaum yuav tshwm sim. Cov cai ntawm ib tug tib neeg tsuas yog txuag cia los ntawm kev tiv thaiv thiab kev txuag cia lwm tus neeg cov cai. Tag nrho cov tub ntxhais kawm ntawv hauv Anoka-Hennepin Cheeb Tsam Tus Zauv 11 cov tsev kawm ntawv muaj cai rau: 1. Ib txoj kev kawm ntawv dawb thiab tsim nyog raws li tshab txhais los ntawm xeev thiab Nom Tswv Teb Chaw cov cai 2. Kev kawm ntawv sib luag thiab kev ywj pheem los ntawm kev ntxub ntxaug 3. Kev hais plaub raws li tshab txhais los ntawm xeev thiab Nom Tswv Teb Chaw cov cai thiab cai tswj kav 4. Kev ywj pheej ntawm kev xav paub txog thiab kev hais tawm 5. Ceev cov ntaub ntawv kom tsis pub neeg paub thiab pom 6. Qhia txog cov cai hauv tsev kawm ntawv B. Thaum muaj cai yuav muaj cov dej num thiab tus tub ntxhais kawm ntawv muaj txoj dej num rau qhov uas nws siv nws cov cai. Nqe lus hais txog cov dej num no tsis yog yuav npog txhua qhov teeb meem uas tej zaum yuav tshwm sim. Tag nrho cov tub ntxhais kawm ntawv hauv Anoka-Hennepin Cheeb Tsam Tus Zauv 11 cov tsev kawm ntawv muaj txoj dej num rau: 1. Tuaj mus kawm ntawv txhua hnub, tshwj tsis yog thaum muaj kev zam, thiab mus kom ncav sij hawm rau tag nrho cov chav kawm thiab lwm cov hauj lwm hauv tsev kawm ntawv thaum kawm ntawv, 2. Caum thiab sim kawm kom tiav cov chav qhia ntawv uas tau pom zoo los ntawm cov neeg muaj cai xyuas txog tsev kawm ntawv hauv xeev thiab hauv zos, 3. Xyuas thiab npaj ua kom tiav cov ntawv ua hauv tsev kawm ntawv thaum ncua tsis muaj kawm ntawv, 2019-20 Tsev Kawm Ntawv Phau Ntawv Handbook 4. Pab cov neeg ua hauj lwm hauv tsev kawm ntawv tswj kom muaj ib lub tsev kawm ntawv ruaj ntseg rau tag nrho cov tub ntxhais kawm ntawv uas tuaj kawm hauv, 5. Ras txog tag nrho cov cai thiab cov cai tswj kav hauv tsev kawm ntawv thiab coj xeeb ceem kom raws li cov ntawd, 6. Xav tias tshwj tsis yog txog thaum tau zam, hloov, los sis tso tseg ib txoj cai lawm, ces yeej tseem siv cov cai kawg, 7. Ras txog thiab ua raws li xeev thiab zos txoj cai, 8. Ras txog thiab ua raws li State High School League (Koom Haum Txhawb Xeev Lub Tsev Kawm Ntawv Theem Siab Cov Kev Ua Si) thiab cov cai tswj kav thiab Pawg Tswj Xyuas Tsev Kawm Ntawv tsab cai thaum koom rau hauv cov kev ua si sab nraud, 9. Kam thiab yeem los muab cov lus qhia rau hauv cov kev qhuab qhia thiab koom tes nrog cov neeg ua hauj lwm hauv tsev kawm ntawv yog tias lawv paub txog tej yam tseem ceeb hais txog cov xwm txheej ntawd, 10. Tiv thaiv thiab saib xyuas lub tsev kawm ntawv cov khoom thiab lwm cov neeg cov khoom, 11. Hnav khaub ncaws thiab tu ib ce kom zoo phim cov qauv hais txog kev ruaj ntseg, kev noj qab haus huv, thiab cov qauv txog kev xws li lwm leej lwm tus, 12. Zam kom tsis txhob muaj qhov uas tsis yog los sis tsis raug hauv tub ntxhais kawm ntawv cov ntawv xov xwm los sis cov ntawv luam tawm thiab cov lus tsis sawm mloog los sis cov lus phem, hauv kev sau ntawv thiab kev hais lus, 13. Hais txog cov tswv yim yam uas kom tsis txhob muaj kev saib tsis taus los sis hais mob lwm tus neeg. III. KEV CAI TUB NTXHAIS KAWM NTAWV COJ XEEB CEEM A. Yuav qhuab qhia tau rau cov kev coj xeeb ceem tsis hais zoo li cas, uas cuam tshuam txoj kev coj zoo ntawm lwm tus los sis ua txhaum lwm tus neeg cov cai. Lub tsev kawm ntawv muaj cai thiab lub luag hauj lwm los tsim thiab tswj cov kev cai coj xeeb ceem uas tsim nyog. Raws li hauv Pupil Fair Dismissal Act (Tsab Cai Tshem Tawm Me Nyuam Kawm Ntawv Kom Ncaj Ncees) thiab MS121A.61 Kev qhuab qhia thiab tshem cov tub ntxhais kawm ntawv tawm hauv chav kawm, raug tshem tawm, raug cais tawm, los sis raug ntiab tawm hauv tsev kawm ntawv rau: 1. Npaj siab ua txhaum Pawg Tswj Xyuas Tsev Kawm Ntawv txoj cai. Txoj cai ntawv yuav tsum tau meej thiab tseeb kom los qhia rau cov me nyuam kawm ntawv tias lawv yuav tsum tau coj xeeb ceem raws li qhov uas yuav tsum tau coj ntawd. 2. Npaj siab coj xeeb ceem uas muaj kev cuam tshuaj loj hauv lwm tus tub ntxhais kawm ntawv cov cai los kawm ntawv, los sis cuam tshuam lub peev xwm ntawm cov neeg ua hauj lwm hauv tsev kawm ntawv los ua lawv txoj dej num, los sis cov kev ua si uas lub tsev kawm ntawv ua tus txhawb nqa, los sis 3. Npaj siab coj xeeb ceem uas ua kom tsim teeb meem rau tus me nyuam kawm ntawv los sis lwm cov me nyuam kawm ntawv, los sis cov neeg nyob ib puag ncig, nrog rau cov neeg ua hauj lwm hauv cheeb tsam tsev kawm ntawv, los sis tsev kawm ntawv cov khoom. B. Cov nram qab no qhia txog cov kev ua uas yuav tsis taus uas yuav raug qhuab qhia hauv cheeb tsam tsev kawm ntawv no. Cov kev ua txhaum ua ntej pib kawm ntawv, thaum lub sij hawm kawm ntawv los sis tom qab swj ntawv thaum nyob hauv tsev kawm ntawv thaj chaw, hauv npav, los sis hauv lwm cov tsheb uas tau kev pom zoo mus thauj cov tub ntxhais kawm ntawv; los sis tom tsev kawm ntawv cov kev ua si los sis cov koom txoos uas muaj rau ntawm lwm qhov chaw los sis tsis nyob hauv tsev kawm ntawv thaj chaw yog tias qhov kev ua ntawd nws cuam tshuam nrog los sis tiv lub hom phiaj los sis cov kev khiav hauj lwm hauv tsev kawm ntawv los sis kev ruaj ntseg ntawm tus tub ntxhais kawm ntawv, lwm cov tub ntxhais kawm ntawv thiab cov neeg ua hauj lwm los sis kev pab ua cov kev ua ntawd mas tej zaum yuav ua rau muaj kev 27

Reports, guides, handbooks Policy Handbook 2019-20: Hmong | Page 29