Reports, guides, handbooks Policy Handbook 2019-20: Hmong

2. Kev siv Cov Txheej Txheem Tsis Pub Hla Dhau (Conditional Procedures): Cov tub ntxhais kawm ntawv uas muaj kev tsis taus uas coj tau cov xeeb ceem uas cuam tshuam nrog tus tub ntxhais kawm los sis lwm cov neeg txoj kev ruaj ntseg thiab los sis kev kawm ntawv, uas tsis tau kho kom zoo zog qub los ntawm kev siv cov kev pab tiv thaiv kom coj tau xeeb ceem zoo, tej zaum yuav tau muaj kev txiav txim los ntawm Pawg IEP seb puas yuav siv tus txheej txheem tsis pub hla dhau nrog rau kev siv cov kev tiv thaiv kom coj tau xeeb ceem zoo mus txua ntxiv. Cheeb tsam tsev kawm ntawv tswj cov txheej txheem rau kev siv cov txheej txheem tsis pub hla dhau, uas xwm yeem nrog xeev thiab nom tswv teb chaws txoj cai. IV. QHUAB QHIA TUB NTXHAIS KAWM NTAWV: COV CAI A. Tsab Cai Txog Tus Tub Ntxhais Kawm Ntawv Uas Cuam Tshuam 1. Raws li tau hais hauv laj lim ntawm peb Cheeb Tsam Tsab Cai Txog Kev Qhuab Qhia Tub Ntxhais Kawm Ntawv (District Student Discipline Policy) yuav tsum tau muaj ib puag ncig uas yuav muaj kev kawm tau ntawv mas thiaj li yuav muaj kev qhia ntawv sib luag zos rau txhua tus tub ntxhais kawm ntawv. Vim hais tias ib puag ncig mas yog txiav txim tau ib feem los ntawm txoj kev coj cwj pwm ntawm cov tub ntxhais kawm ntawv, txoj kev cov tub ntxhais kawm ntawv qhuab qhia nws tus kheej hais txog cov cai hauv cheeb tsam, lub tuam tsev thiab chav kawm mas yog lub hom phiaj uas xav kom ua tau. 2. Li no, nws yuav, yog tsab cai ntawm Anoka-Hennepin Cheeb Tsam Tsev Kawm Ntawv tias: a. Txhua tus tub ntxhais kawm ntawv ua raws li tag nrho cov cai thiab cov cai tswj kav hauv cheeb tsam no. b. Yuav qhuab qhia tau nrog rau kev ntiab tawm hauv tsev kawm ntawv rau cov kev coj xeeb ceem, uas cuam tshuam los sis ua txhaum cov cai ntawm lwm tus neeg txoj kev kom tau ib qho chaw zoo qhia ntawv thiab kawm ntawv. 3. Xav kom siv cov kev pab tiv thaiv thaum ntxov hauv kev sim txhim kho ib tug tub ntxhais kawm ntawv tus cwj pwm uas coj xeeb ceem cuam tshuam tas li. Qhov no yuav tsum muaj cov niam txiv/cov neeg saib xyuas los raus tes rau hauv thiab siv cov kev pab hauv cheeb tsam tsev kawm ntawv uas muaj rau cov tub ntxhais kawm ntawv, nrog rau kev xa mus rau tus me nyuam pawg kawm me nyuam. 4. Yuav xa ib tug tub ntxhais kawm ntawv mus rau pawg tswj xyuas tsev kawm ntawv ntiab tawm, yog tias tau siv thiab sau tseg ntau cov kev pab tiv thaiv uas tsim nyog thiab tus tub ntxhais kawm ntawv tus xeeb ceem yeej tseem zoo li qub uas: a. ua txhaum Pawg Tswj Xyuas Tsev Kawm Ntawv txoj cai. Txoj cai ntawv yuav tsum tau meej thiab tseeb kom los qhia rau cov me nyuam kawm ntawv tias lawv yuav tsum tau coj xeeb ceem raws li qhov uas yuav tsum tau coj ntawd, los sis b. muaj kev cuam tshuaj loj hauv lwm tus cov cai los kawm ntawv, los sis cuam tshuam lub peev xwm ntawm cov neeg ua hauj lwm hauv tsev kawm ntawv los ua lawv txoj dej num, los sis cov kev ua si uas lub tsev kawm ntawv ua tus txhawb nqa, los sis c. ua kom tsim teeb meem rau tus me nyuam kawm ntawv los sis lwm cov me nyuam kawm ntawv, los sis cov neeg nyob ib puag ncig, nrog rau cov neeg ua hauj lwm hauv cheeb tsam tsev kawm ntawv, los sis tsev kawm ntawv cov khoom. B. Tsab Cai txog Riam Phom 1. Nws yog txoj cai hauv Anoka-Hennepin Cheeb Tsam Tsev Kawm Ntawv los tswj ib qho chaw kawm ntawv thiab chaw ua hauj lwm uas zoo, ruaj ntseg thiab khov kho. Li no, Cheeb Tsam yuav tsis zam cov riam phom raws li tshab txhais hauv tsab cai no txhua lub sij hawm thaum nyob hauv tsev kawm ntawv thaj chaw los sis hauv ib puag ncig ntawm tsev kawm ntawv,* nrog rau cov tuam tsev thiab av uas cheeb tsam yog tswv rau; cov tsev uas xauj; cov kev ua siv uas tsev kawm ntawv ua tus txhawb nqa; cov kev tawm mus ncig ua si sab nraud; cov npav tom tsev kawm ntawv thiab 2019-20 Tsev Kawm Ntawv Phau Ntawv Handbook lwm cov tsheb hauv tsev kawm ntawv; thiab cov cheeb tsam uas npav nres rau me nyuam nce npav los sis nqis npav. Cov tub ntxhais kawm ntawv thiab cov qhua yuav tau, khaws cia, tuav, xa, los sis siv tsis tau cov riam phom hauv ib puag ncig ntawm tsev kawm ntawv raws li tau hais los saud. Tus tub ntxhais kawm ntawv uas pom tias tau, khaws cia, tuav, xa, los sis siv riam phom ua ntej kawm ntawv, thaum lub sij hawm kawm ntawv, los sis tom qab kawm ntawv tas yuav raug qhuab qhia los ntawm tsev kawm ntawv thiab/los sis raws kev cai lij choj. * Ib puag ncig ntawm tsev kawm ntawv: Cheeb tsam ib ncig ntawm tsev kawm ntawv thaj chaw uas deb txog li 300 feet los sis ib nplauv hauv nroog (city block), seb qhov twg deb dua, dhau ntawm tsev kawm ntawv thaj chaw. 2. Cov tub ntxhais kawm ntawv uas paub tias muaj neeg nqa riam phom (uas tsis yog cov nyob hauv qhov uas tsis suav hauv tsab cai no) tuaj rau hauv tsev kawm ntawv los sis nyob hauv tsev kawm ntawv thaj chaw mas yuav tsum tau qhia rau ib tug neeg laus ua hauj lwm tam sim ntawd. Ib tug tub ntxhais kawm ntawv, uas paub tias nws tau riam phom thiab qhia rau ib tug neeg laus ua hauj lwm tam sim ntawd, tej zaum yuav zam tau txoj kev suav tias tau riam phom, nyob ntawm qhov txheej xwm. Cov tub ntxhais kawm ntawv yuav tsum, tsis txhob khaws los sis nqa riam phom kiag li. C. Ntsiab txhais txog Riam Phom: riam phom txhais tias yog riam; phom los sis ib qho khoom uas zoo li ib rab phom, txawm tias muaj los sis tsis muaj mos txwv nyob hauv, txawm ua hauj lwm los sis tsis ua hauj lwm; cov khoom tawg taus, cov twj uas siv los piv hluav taws los sis cov zoo ib yam li cov ntawd thiab/los sis kev hawv yuav npaj los sis npaj ua kom muaj ib qho kev tawg; los sis lwm cov twj uas siv los hawv, hem los sis ua kom raug mob rau lub cev los sis ua kom ntshai. Cov riam phom muaj xws li, tiam sis tsis yog tas rau cov nram qab no: 1. Tag nrho cov phom, uas muaj mos txwv, tsis muaj mos txwv, ua hauj lwm los sis tsis ua hauj lwm 2. Lwm cov phom uas yog txhua hom phom uas siv cov mos txwv me, BB, chauv (stun), txuag kob (splat), me nyuam phom, thiab/los sis cov zoo ib yam, los sis cov phom cuav uas ua tau zoo ib yam li rab tiag tiag los sis cov phom uas yog khoom ua si thiab yuav pom tias zoo nkaus li yog rab yaj phom, yaj phom revolver, phom suab, phom kaw, phom ntev, phom cia li tua cov mos txwv, phom tua cov foob pob hluav taws, los sis lwm hom phom 3. Cov riam nrog rau cov riam cia li qhib los sis cov chais uas cia li qhia, cov riam ntse ob tog, Swiss cov riam siv ua tub rog, cov riam me tso hauv hnab tsos, cov chais hlais thawv ntawv, chais, ntaj, chais hwj txwv 4. Cov khauj tsib (knuckles) los sis cov khoom muaj ntsis zoo li ntawd uas yog cuav uas tsim los coj rau ntawm lub nrig los sis sab hauv lub nrig los sis cov khauj tsib 5. Cov qws muag muag luav uas muab tawv tsiaj qhwv, cov pas ntaus, cov hnub qub uas cuam tau, kev sib ntaus nrig 6. Cov foob pob tawg thiab/los sis cov twj uas muaj ntsis zoo li ntawd thiab/los sis kev hawv tias npaj ua kom tawg 7. Tshuaj lom, tshuaj, cov kua tawg taus los sis txais tau hluav taws, los sis cov tshuaj uas yuav ua tau rau kom lub cev raug mob 8. Kav xus, hneev nti thiab xib xub 9. Cov tshuaj ua kom ntsim piv txwv li cov tshuaj ntsim txuag rau hauv qhov muag, tshuaj ua kom kua muag los (mace) 10. Lwm cov twj los sis khoom uas siv los zes, hawv, los sis a kom lub cev raug mob los sis ua kom ntshai D. Cov uas tsis suav: Tsab cai no, raws li Minnesota txoj cai, muaj cov kev tsis suav nram qab no: 1. Cov tub ceev xwm uas muaj ntawv tso cai, cov tub rog, cov neeg ua hauj lwm saib kev ruaj ntseg uas muaj ntawv tso cai 2. Cov kws qhia ntawv hauv cheeb tsam tsev kawm ntawv chav qhia txog kev ruaj ntseg ntawm phom los sis cov kev ua si uas ua hauv tsev kawm ntawv thaj chaw 29

Reports, guides, handbooks Policy Handbook 2019-20: Hmong | Page 31