Reports, guides, handbooks Policy Handbook 2019-20: Hmong | Page 18

tas hnub, ib nrab hnub thiab kawm online. Cov kev pab ntxiv muaj los ntawm cov rooj cob
qhia txog hauj lwm nrog rau kev koom tes nrog STEP, Anoka-Ramsey Community College,
University of Minnesota thiab lwm cov tsev kawm ntawv qib siab hauv cheeb tsam. Muaj
tshais thiab su noj nrog rau tsheb thauj mus los ntawm txhua lub tsev kawm ntawv theem
siab hauv cheeb tsam.
Cov tub ntxhais kawm ntawv yuav cia li mus rau cov tsev kawm ntawv sab nraud los sis xa
los ntawm lawv tus thawj saib xyuas hauv tsev kawm ntawv los sis tus neeg pab tawm tswv
yim rau lawv. Qhov kev pab cuam yog tsim rau cov tub ntxhais kawm ntawv uas xav tau ib
chav qhia uas muaj neeg tsawg, muaj kev kawm li cas los tau los sis rau cov uas kawm tsis
tau hauv cov tsev kawm ntawv rau sawv daws. Yog xav paub ntxiv txog lwm cov kev pab
cuam hauv Anoka-Hennepin nug tau rau tus thawj saib xyuas tsev kawm ntawv ntawm
Anoka-Hennepin Regional High School, 763-506-7400.
Cov tub ntxhais kawm ntawv uas tsim nyog rau lwm cov kev kawm ntawv sab nraud yuav
tsum tau kev xa mus rau los ntawm lawv lub tsev kawm ntawv theem siab ua ntej ntawd los
sis yuav rov xa tau lawv tus kheej mus kom txais lawv rau hauv qhov kev pab cuam.
Cov cai kev kawm dawb kom txog thaum
hnub nyoog 21 xyoo
Cov tub ntxais kawm tus uas kawm tsis tiav thiab ua tsis tiav raws cov kev kawm ua tsum
tsum tau ua los yog lossis ua tau raws cov qauv hauv xeev raws li raug ntsuam xyuas los
ntawm kev kawm hauv chav kawm, thiab/lossis Cov Kev Ntsuam Xyuas Kev Nkag Siab
Hauv Xeev Minnesota (the Minnesota Comprehensive Assessments, MCA's), yog muaj
cai tau txais kev kawm dawb nyob rau thaum ncua sij hawm hnub nyoog 21 xyoos.
Cov kev xaiv kom kawm tiav hauv tsev kawm
ntawv theem siab los sis rov qab mus kawm
kom tau daim ntawv kawm tiav
Txoj kev pab cuam Graduation Incentives (Cov Kev Mob Siab Kawm Kom Tiav) yog tsim
los txhawb cov tub ntxhais kawm ntawv theem siab uas kawm tsis tau hauv ib lub tsev kawm
ntawv rau sawv daws los sis tau tsum tsis kawm ntawv lawm kom xaiv tau ntau hom kev
kawm ntawv kom muaj kev kawm tiav hauv tsev kawm ntawv.
Graduation Incentives, tau tsim los ntawm lub xeev, cia cov tub ntxhais kawm ntawv mus
rau npe koom rau hauv:
• Lwm cov kev pab cuam kawm ntawv.
• Cov chaw kawm hauv cheeb tsam.
• Kawm ntawv qib siab hauv ib lub tsev kawm ntawv qib siab, ib lub tsev kawm ntawv qib
siab ob xyoos los sis ib lub tsev kawm ntawv uas kawm hauj lwm, yog tias tsim nyog.
• Tsoom fwv ib lub tsev kawm ntawv.
• Cov chav kawm Adult Basic Education (Kawm Ntawv Laus) uas khiav dej num los ntawm
Community Education (Kev Kawm Ntawv Hauv Zej Zos).
Ib tug tub ntxhais kawm ntawv uas muaj hnub nyoog 15-20 xyoo uas muaj raws li ib qho
nram qab no mas tsim nyog los xaiv qhov kev pab cuam ntawm kev kawm ntawv uas tsis
yog rau txhua tus:
• Paub lus Asnkiv tsawg los sis hais lus Asnkiv uas hom lus ob.
• Xeem tau qis hauv tus xeem ntawv.
• Poob qab yam tsawg ib xyoos hauv kev kawm kom tiav hauv cov chav kawm.
• Cev xeeb tub los sis yog leej niam los sis leej txiv.
• Pom tias yog ib tug neeg siv tshuaj.
• Tau raug tsim txom ntawm cev los sis kev sib deev.
• Tau muaj teeb meem txog kev puas siab ntsws.
• Tsis muaj tsev nyob li ntawm rau lub hlis tas los.
• Raug xa los ntawm ib cheeb tsam tsev kawm ntawv kom rau npe koom rau hauv ib qho
kev pab cuam qhia ntawv uas tsis yog rau txhua tus uas tsim nyog.
• Raug tshem tawm los sis ntiab tawm hauv tsev kawm ntawv.
• Tau rho tawm los sis yog ib tug neeg ncua tsis mus kawm ntawv mus ntev.
Yog xav paub ntxiv nug tau rau tus thawj saib xyuas hauv Anoka-Hennepin Regional
High School ntawm 763-506-7400.
16
Cov kev kawm ntawv tshwj xeeb rau me nyuam yaus
thaum ntxov
Cov me nyuam thaum yug txog thaum muaj tsib xyoos uas muaj tej yam teeb meem uas xav
tau kev pab tshwj xeeb tej zaum yuav tsim nyog rau kev pab los ntawm Anoka-Hennepin
Early Childhood Special Education (Anoka-Hennepin Kev Qhia Ntawv Tshwj Xeeb Rau
Me Nyuam Yaus Thaum Ntxov) (ECSE) cov kev pab cuam. Cov tub ntxhais kawm ntawv
yuav muaj raws li ib qho ntawm 13 qho kev tsis taus. Tag nrho cov cheeb tsam tsev kawm
ntawv hauv xeev yuav tsum tau muaj cov kev pab qhia ntawv rau cov me nyuam muaj hnub
nyoog pib kawm ntawv (yug txog tsib xyoos) uas ua qhia tau tias muaj kev loj hlob qeeb.
Cov me nyuam uas zoo nkaus li muaj teeb meem hauv cov kev loj hlob xws li kev hais lus,
kev xav, kev siv tes taw ua ub no, los sis kev sib raug zoo nrog lwm tus neeg thiab kev
txawj pab tus kheej tej zaum yuav tsim nyog rau cov kev pab. Kev tsim nyog yog txiav tixm
los ntawm ib qho kev soj ntsuam uas txiav txim seb tus me nyuam txawj li cas. Yog pom
tias tus me nyuam tsim nyog, yuav npaj ib qho Kev Pab Kev Kawm Ntawv rau Ib Tug
Kheej (Individualized Educational Program - IEP) los sis Kev Npaj Pab rau Ib Tsev Neeg
(Individualized Family Service Plan - IFSP) uas cia tsev neeg tawm tswv yim los pab.
Cov kev pab rau cov me nyuam thaum yug txog hnub nyoog ob xyoos:
Cov me nyuam uas muaj peb xyoos rov hauv mas feem ntau tau txais cov kev pab hauv
lawv lub tsev los sis hauv qhov chaw zov me nyuam los ntawm ib tug kws qhia ntawv, ib
tug kws qhia lus, ib tug kws pab kom lub cev ua tau hauj lwm. Yuav tsim ib daim Individual
Family Service Plan (Tsab Ntawv Teev Kev Pab Rau Ib Tse Neeg) (IFSP) uas muab los
ntawm cov kev soj ntsuam tau ntawd thiab cov tswv yim los ntawm tus me nyuam tsev
neeg. Qhov yuav muab kev pab heev npaum cas thiab ntau npaum cas mas nws nyob ntawm
seb tus me nyuam xav tau kev pab npaum cas thiab tsev neeg lub sij hawm.
Cov kev pab rau cov me nyuam muaj peb xyoos txog tsib xyoos:
Rau cov me nyuam muaj peb xyoos rov saud lawm, feem ntau yuav xav kom muab kev pab
hauv chav qhia ntawv tshwj xeeb los sis hauv ib qho kev pab cuam qhia ntawv rau cov me
nyuam pib mus kawm ntawv hauv lub zej zos.
Nug tau rau
Help Me Grow (Thaum Yug txog rau Hnub Nyoog Tsib Xyoos Nkag Los) – 763-433-4888
Anoka-Hennepin ECSE Lub Chav Fai – 763-433-4800
Rooj Saib Xyuas Kev Kawm Ntawv Tshwj Xeeb (Special Education Advisory
Committee - SEAC) – 763-506-1362
Cov kev pab qhia ntawv tshwj xeeb rau qib kawm
kindergarten txog 21 xyoos
Cov kev pab qhia ntawv tshwj xeeb yog muab rau cov tub ntxhais kawm ntawv thaum yug
txog thaum muaj hnub nyoog 21 xyoos uas tau soj ntsuam thiab pom tias muaj raws li ib
qho ntawm 13 pawg kev tsis taus raws li txheeb los ntawm nom tswv teb chaws txoj cai.
• Loj hlob qeeb (yug txog hnub nyoog xya xyoo).
• Ib qho kev tsis taus uas puas rau phab nrog lwm tus tham thiab koom nrog lwm tus.
• Dig muag/tsis pom kev.
• Tsis hnov lus-dig muag.
• Tsis hnov lus thiab hnov lus tsis zoo.
• Cov kev xav qeeb me me-hauj sim.
• Cov kev xav qeeb hauj sim-loj.
• Kev ntsawv siab los sis kev tsiv siab.
• Lwm cov kev tsis tau ntawm txoj kev noj qab haus huv.
• Lub cev tsis taus.
• Kev kawm tsis tau ib qho ntawv twg.
• Kev hais lus tsis meej.
• Kev raug mob loj rau lub hlwb.
Cheeb tsam tsev kawm ntawv muaj cov kev pab puv ntoob rau cov tub ntxhais kawm ntawv
uas pom tias xav tau cov kev pab qhia ntawv tshwj xeeb. Yuav muaj ib lub rooj sib tham
txog Individual Education Planning (Kev Kawm Ntawv Tus Kheej) (IEP) tom qab ib qho
kev soj ntsuam txog kev kawm ntawv tshwj xeeb. Cov neeg ua hauj lwm hauv cheeb tsam
tsev kawm ntawv ua hauj lwm nrog tus tub ntxhais kawm ntawv niam thiab txiv/tsev neeg
los txiav txim seb cov hom phiaj thiab qhov uas xav kom tau twg yog cov tsim nyog kom
pab tau tus me nyuam cov kev xav tau. Pawg neeg txiav txim seb yuav tsum tau muaj cov
2019-20 Tsev Kawm Ntawv Phau Ntawv Handbook