Reports, guides, handbooks Policy Handbook 2019-20: Hmong | Page 17

niam txiv txhawb kom lawv cov me nyuam ntoo kaus mom tiv thaiv taub hau thaum caij los
sis rau cov khoom no.
Cov tub ntxhais kawm ntawv uas rau cov khau ntaub muaj log yuav siv tsis tau cov log
thaum lub sij hawm kawm ntawv yav nruab hnub los sis hauv tsev kawm ntawv thaj chaw
vim cov kev phom sij uas yuav raug rau tus neeg rau thiab lwm cov tub ntxhais kawm ntawv.
Lub tsev kawm ntawv yuav tsis thaj tsob rau cov khoom ua xiam, raug nyiag los sis puas
thaum uas rau los sis caij mus rau tom tsev kawm ntawv. Cov khoom uas ua rau muaj kev
xeeb txob rau ib puag ncig hauv tsev kawm ntawv yuav raug txhav mus thiab muab rov qab
rau nws lwm lub sij hawm.
Kev xeeb txob thiab cov khoom phom sij (khoom ua si,
cov khoom siv hluav taws xob, lwm yam zoo li no)
Rau txoj kev noj qab haus huv thiab kev ruaj ntseg, thiab kom los tswj tau ib puag ncig uas
tsim nyog rau kev kawm, txoj kev tau los sis siv cov khoom uas cov neeg ua hauj lwm hauv
lub tsev kawm ntawv pom tias yog ib qho phom sij los sis xeeb txob mas yuav tsis pub nyob
hauv tsev kawm ntawv cheeb tsam thiab hauv cov koom txoos uas tsev kawm ntawv ua tus
txhawb nqa. Ib co piv txwv txog cov khoom no mas nws yuav txawv ntawm ib lub tsev
kawm ntawv rau ib lub tsev kawm ntawv, tiam sis tej zaum yuav muaj xws li, tiam sis tsis
yog tas rau: cov twj uas siv hluav taws xob, cov khoom ua si, cov khaj ua si nrog lwm tus
neeg (trading cards), los sis lwm cov khoom uas cov neeg ua hauj lwm hauv lub tsev kawm
ntawv pom tias yog ib qho khoom cuam tshuam.
Yog tias koj muaj lus nug txog seb puas yuav nqa tau ib qho khoom tuaj rau tom tsev kawm
ntawv, nug tau rau cov neeg ua hauj lwm hauv lub tsev kawm ntawv.
Lub tsev kawm ntawv tsis thaj tsob rau cov khoom uas xiam, pauv, raug nyiag los sis puas
uas yuav tsum tau tsis txhob nqa tuaj rau hauv tsev kawm ntawv raws li cov kev taw qhia
no. Cov khoom uas ua ib qho xeeb txob tej zaum yuav muab txhav mus thiab muab rov qab
rau nws lwm lub sij hawm. Tej zaum yuav qhuab qhia ntxiv raws li pawg tswj lub tsev
kawm ntawv txiav txim.
Cov lus ceeb toom tshwj xeeb txog cov khoom siv hluav taws xob: Vim muaj coob tus
muaj cov xov tooj ntawm tes thiab lwm cov twj uas siv hluav taws xob, cov niam txiv thiab
cov neeg saib xyuas yuav tsum tau ras tias cov tsev kawm ntawv yuav tsis thaj tsob rau cov
khoom uas xiam, raug nyiag los sis puas – tsis hais seb nws kim npaum li cas. Cov tub
ntxhais kawm ntawv uas nqa cov no tuaj rau hauv tsev kawm ntawv nws nqa tuaj raws nws
kev pheej hmoo xwb. Nco ntsoov hais tias cov tsev kawm ntawv qib theem pib tsis muaj
cov chaw rau khoom uas xauv tau, thiab cov khoom uas ua ib qho kev cuam tshuam yuav
raug txhav los ntawm tus kws qhia ntawv (los sis lwm tus neeg ua hauj lwm txoj kev txiav
txim) thiab yuav muab rov qab rau nws lwm lub sij hawm.
Kev tshawb cov chaw rau khoom thiab cov rooj sau ntawv
Tus tub ntxhais kawm ntawv cov chaw rau khoom thiab cov rooj sau ntawv mas yog lub
tsev kawm ntawv thiab cheeb tsam tsev kawm ntawv li thiab li no cov neeg ua hauj lwm
hauv lub tsev kawm ntawv yuav tshawb tau.
Saib ntxiv hauv kev tshawb thiab kev txhav hauv cheeb tsam tsab cai txog kev qhuab qhia
nyob rau nplooj 32.
Kev siv tus dev los tshawb lub tuam tsev thiab
thaj chaw hauv tsev kawm ntawv theem nrab
Yuav kom tag nrho Anoka-Hennepin cov tub ntxhais kawm ntawv thiab cov neeg ua hauj
lwm muaj kev ruaj ntseg, cov neeg saib xyuas lub tuam tsev feem ntau koom tes nrog tub
ceev xwm los ua ib qho kev siv tus dev los tshawb cov chaw nres tsheb thiab cov chaw rau
khoom. Cov kev tshawb no mas yuav cia li tshawb hauv lub xyoo tsis hais lub sij hawm twg
li thiab lawv lub hom phiaj yog los tiv thaiv kom cov neeg tsis txhob nqa tshuaj los sis yeeb
tshuaj rau hauv lub tsev kawm ntawv thaj chaw. Peb xav ua li qhov peb ua tau los xyuas
kom muaj ib puag ncig uas ruaj ntseg thiab zoo rau kev kawm ntawv.
2019-20 Tsev Kawm Ntawv Phau Ntawv Handbook
Kev hnav khaub ncaws
Cov tsev kawm ntawv caum raws li tsab cai txog kev hnav khaub ncaws hauv cov ntu II.B
thiab III.B.12 (nplooj 27 thiab 28). Muab hais luv luv, kev hnav khaub ncaws thiab kev tu
cev yuav tsum tau muaj raws li txoj kev ruaj ntseg, kev noj qab haus huv thiab kev huv siv
uas tau tsim tseg. Khaub ncaws los sis kev tu ib ce uas yuav cuam tshuam kev kawm ntawv
los sis ua txhaum cov cai ntawm kev huv si raws li siv rau hauv tsev kawm ntawv mas yuav
txwv tsis pub muaj.
Thaum tau kev pom zoo los ntawm pawg neeg saib xyuas tsev kawm ntawv, cov phuam
npog taub hau thiab cov kaus mom mas yuav npog los sis ntoo tau rau cov koom txoos
tshwj xeeb, rau kev mob nkeeg los sis kev ntseeg ntuj.
Rau kev kawm txog kev dhia ua si, cov tub ntxhais kawm ntawv hauv qib theem pib yuav
tsum tau rau cov khau ntaub dawb uas cuab nplua. Vim txoj kev txhawj xeeb ntawm kev
ruaj ntseg tsis pub rau cov khau ntaub uas cia li looj rau. Tsis pub rau cov khau ntaub uas
lub luj taws dub. Thiab, tej zaum yuav txwv tsis pub coj tej sawb nyiaj kub, khoom siv los
txuam thiab lwm yam khoom siv vim xav kom muaj kev nyab xeeb nyob rau cov chav qoj
ib ce thiab cov chav xyaum kawm ua.
Cov tub ntxhais kawm ntawv qib theem pib tawm mus ua si sab nraum zoov thaum so, li no
thaum cov caij ntuj no nws yog ib qho tseem ceeb uas yuav tau muab khaub ncaws kom sov
rau koj tus me nyuam hnav, xws li cov tsho loj, kaus mom, phuam vas caj dab, hnab looj tes
uas muaj ntiv tes los sis cov hnab looj tes uas tsis muaj ntiv tes, thiab khau looj plab hlau.
Saib “Cov nqe lus nug thiab lus teb txog huab cua txias” nyob rau nplooj 7.
COV KEV PAB CUAM TSHWJ XEEB
THIAB COV KEV PAB
Lwm cov kev pab cuam rau cov tub ntxhais kawm ntawv
qib theem nrab thiab qib theem siab
Anoka-Hennepin Cheeb Tsam Tsev Kawm Ntawv muaj lwm cov kev kawm rau cov tub
ntxhais kawm ntawv hauv theem siab thiab tsev kawm ntawv theem nrab uas kawm tsis tau
hauv cov tsev kawm ntawv rau sawv daws. Cov tub ntxhais kawm ntawv no raug xa mus
rau cov kev pab cuam no los ntawm lawv lub tsev kawm ntawv theem siab los sis lub tsev
kawm ntawv theem nrab.
Cov kev pab cuam hauv theem nrab muaj:
• Cov chav kawm ntawv theem siab uas siv kev ua tej pawg me, kev kawm ntawm tus
kheej los sis kev siv computer qhia ntawv.
• Cov chav kawm uas xaiv uas yuav siv tau rau qhov yuav tsum tau kawm thiaj li tau credit
rau daim ntawv kawm tiav.
• Kawm txog hauj lwm.
• Txheej txheem kawm ntawv tus kheej uas yuav siv ua ke nrog cov chav kawm uas muaj
hauv qhov kev pab cuam.
Cheeb tsam tsev kawm nawv muaj lwm cov kev qhia ntawv uas muaj cov kev xav tau siab
los ntawm cov tub ntxhais kawm ntawv:
• COMPASS Programs (Cov Kev Pab Cuam COMPASS) pab cov tub ntxhais kawm ntawv
hauv qib kawm tsib txog qib kawm 12, yog xav paub ntxiv hu rau 763-506-1560.
• Anoka-Hennepin Regional High School, 1313 Coon Rapids Blvd. NW, Coon Rapids,
763-506-7400, pab cov tub ntxhais kawm ntawv qib kawm cuaj txog qib kawm 12.
Qhov no yog ib qho kev kawm tas hnub. Muaj cov chav kawm hauj lwm, tsheb thauj
mus los thiab su noj.
• Anoka-Hennepin Technical High School, 1355 W Highway 10, Anoka, MN 55303,
763-576-7960, uas pab cov muaj hnub nyoog 18 xyoo txog 21 xyoos. Lub tsev kawm
ntawv no npaj rau kev mus kawm ntawv qib siab thiab npaj ua hauj lwm thaum uas kawm
kom tiav daim ntawv kawm tiav. Cov sij hawm mas kawm li cas los tau uas muaj kawm
15