EMILIA PARDO BAZÁN E O ATENEO MADRILEÑO
CASA MUSEO EMILIA PARDO BAZÁN O
museo está emprazado na antiga residencia na Coruña da Condesa Emilia Pardo Bazán ( 1851 A Coruña – 1921 Madrid ) e que hoxe comparte espazo coa sede da Real Academia Galega , institución creada en 1905 co fin de velar polo desenvolvemento da Lingua Galega .
Emilia Pardo Bazán é unha grande figura das letras , tanto como escritora como precursora ou colaboradora de numerosas iniciativas a prol da cultura Galega . Cabe destacar o seu espírito independente e protofeminista .
O museo presenta a súa figura , inmersa no seu tempo e no seu espazo íntimo , cunha reprodución dalgunha das estancias orixinais do pazo . Supón unha visita a un pazo típico urbano do século XIX , no que se poden ver mobiliario e enseres orixinais así como unha exposición da produción artística e outras obras de arte que rodearon á Condesa .
O museo pretende que a visita sexa dinámica e propón distintas actividades en función das características dos seus visitantes co fin de achegar a obra e a figura de Emilia Pardo Bazán ós visitantes .
EMILIA PARDO BAZÁN E O ATENEO MADRILEÑO
1905 . EMILIA PARDO BAZÁN , PRIMEIRA MULLER SOCIA DO ATENEO DE MADRID
ecorte de prensa do diario A Época ( 15-02-1905 ), que destaca a noticia da súa admisión como primeira muller socia de número .
R
Conseguiuno o 9 de febreiro de 1905 , día en que ingresou como socia número 7.925 . Emilia Pardo Bazán era xa unha recoñecida escritora e dera conferencias no Ateneo , pero non podía entrar na casa como socia de pleno dereito .
« Son a primeira muller que pisa oficialmente o Ateneo e isto é para min una das maiores satisfaccións que recibín », comentaba uns días despois . Enseguida solicitaron o seu ingreso outras dúas destacadas feministas : Branca dos Ríos e Carmen de Burgos , que foron admitidas o 10 de marzo .
En realidade os estatutos non contiñan prohibición algunha respecto das señoras . Falan xenéricamente de socios , como a Constitución política de España fala de españois . Con todo a práctica social fixo que se interpretasen de modo que non fose admitida ningunha señora ata o comezo do século XX no que ingresa dona Emilia .
Pero o que resulta moito máis increíble é que ata o ano 1978 , despois da chegada da democracia , non ingresou a primeira muller na Real Academia da Língua .
E milia Pardo Bazán naceu na Coruña no ano 1852 , filla dunha familia aristocrática . Viaxou moito por Europa e en 1881 foi a primeira que divulgou e defendeu o Naturalismo francés en España nunha serie de artigos recolleitos despois en libro co título de La Cuestión palpitante . Sostivo unha relación con Galdós , da que se conservou a correspondencia amorosa . Foi unha muller independente , excepcional na España da súa época e precursora das ideas feministas actuais . A escritora sempre atopou serios obstáculos para lograr o recoñecemento dos ambientes intelectuais , reacios a admitir mulleres . Tivo que esperar ata 1916 para ser nomeada catedrática de Literatura , non logrou , con todo , ser admitida na Real Academia Española . Morreu en 1921 .
4