Xa Cov Ntaub Ntawv Txog Kev Kawm Ntawv Raws Hluav Taws Xob Thaum uas xa cov ntaub ntawv txog kev kawm ntawv los sis cov ntaub ntawv uas tsis pub lwm tus neeg paub ntawd raws hluav taws xob , uas siv email los sis FTP ib qho chaw xa tawm , cov neeg ua hauj lwm yuav tsum tau tiv thaiv qhov uas tsis pub leej twg paub txog cov ntaub ntawv uas yuav tsum tau muaj ib lo lus zais los thaiv cov ntaub ntawv . Cov neeg ua hauj lwm yuav tsum tau xyuas tias cov ntaub ntawv ntawd mas tsuas yog xa mus rau tus neeg uas muaj cai tau cov ntaub ntawv ntawd xwb . Lub See Kev Sib Txuas Lus Cheeb tsam tswj ib qhov system los sib txuas lus uas muaj cov yam ntxwv / cov peev xwm no :
• Ib lub xov tooj rau hauv txhua chav kawm . Yuav kom tsis txhob cuam tshuam cov tub ntxhais kawm ntawv thaum lub sij hawm kawm ntawv , tsuas siv tau lub xov tooj no sab hauv cheeb tsam xwb . Cov neeg hu sab nraud tuaj yuav hut sis tau ncaj qha mus rau chav kawm .
• Cov kws qhia ntawv / cov neeg ua hauj lwm uas tsis muaj ib lub chav fai kiag mas yuav muab ib tug xov tooj “ tsis muaj chav ” rau lawv uas yuav nrog tau mus rau lub xov tooj hauv cheeb tsam twg los tau . Yuav kom tsis txhob cuam tshuam cov tub ntxhais kawm ntawv thaum lub sij hawm kawm ntawv , tus neeg ua hauj lwm uas muaj tus xov tooj tsis muaj chav yuav tsum tau ua kom lawv tus xov tooj nrog rau hauv chav kawm thaum lub sij hawm uas tsis muaj kev sib txuam nrog tub ntxhais kawm ntawv nkaus xwb , xws li thaum lub sij hawm npaj los sis ua ntej / tom qab kawm ntawv tas .
• Chaw kaw suab tso lus cia yog rau tag nrho cov neeg ua hauj lwm .
Cov neeg ua hauj lwm yuav tsum :
• Xyuas txhua hnub seb puas muaj neeg tso lus cia .
• Hu rov qab rau tus neeg ntawd li ntawm 2 hnub ua hauj lwm .
• Muab cov lus tso cia txhaj tawm tom qab mloog tas .
• Kaw ib qho lus txais tos uas muaj qhov hais tias , “ Yog tias koj xav tau kev pab tam sim no , thov nias lub xoom .” Qhov no mas yuav tsum tau ua vim tias qhov “ nias lub xoom kom tawm ” tseem yuav xa cov kev hu rau 911 mus rau hauv chav fai thaum muaj ib qho xwm txheej ceev .
• Hais koj lub npe kom cov neeg hu tuaj paub tias lawv tau hu rau qhov chaw tso lus rau tus neeg yog lawm .
Kev Siv Qhov Cia Li Hu Mus :
• Tsuas yog tus thawj tswj cheeb tsam tsev kawm ntawv los sis tus neeg uas raug xaiv los ua txoj dej num mas thiaj li yuav hu tau rau tag nrho cov neeg hauv Cheeb Tsam .
• Tsuas yog cov tswj fwv tsev kawm ntawv thiaj li tso cai tau los hu rau txhua tus hauv tsev kawm ntawv tshwj tsis yog thaum muaj xwm txheej ceev .
• Cov xov xa rau ib pawg neeg twg hauv tsev kawm ntawv mas yuav tsum tau kev tso cai los ntawm tus tswj fwv tsev kawm ntawv .
• Kev siv qhov cia li hum us heev dhau lawm ( ntau tshaj ib zaug ib as thiv ) mas yuav tsum tau tsis txhob ua tshwj tsis yog tias yuav tau xa cov xov thaum muaj xwm txheej ceev .
• Cov xov xwm hais txog cheeb tsam kaw , nrog rau qhov tsis muaj cov kev ua si tom qab lawb ntawv , los sis cov xwm txheej ceev mas yuav tsum tau kev tso cai los ntawm Ceg Xyuas Txog Kev Sib Txuas Lus thiab Kev Tshaj Tawm Rau Pej Xeem ( Communications and Public Relations Department ) kom thiaj li ua tau xwm yeme li cov xov xwm uas tau xa tawm .
KEV TSWJ HLUAV TAWS XOB ( ENERGY MANAGEMENT )
Feem Tuav Tswj hauv Cheeb tsam sim txo tej yam hauv ib ncig puav vij los ntawm kev sim thiab xyaum txuag hluav taws xob . Cov neeg ua hauj lwm thiab cov tub ntxhais kawm ntawv yuav mus koom chav qhia txog kev txuag hluav taws xob . txoj kev xyaum txuag uas zoo tshaj plaws . Muaj cov kev taw qhia no rau cov computers thiab monitors :
• Yuav tsum tau tua tag nrho cov computers thaum xauv hauv hnub ntawd .
• ov kev tswj hluav taws xob mas muaj nta rau hauv txhua lub computer .
COV CAI / COV KEV TAW QHIA TXOG COV KEV KHIAV DEJ NUM ( LOGISTICS ):
• Txais ntawm : Pawg Neeg Saib Xyuas , Tus Thawj Tswj Cheeb Tsam Tsev Kawm Ntawv , Pawg Tswj Tsev Kawm Ntawv
• Kev yais tawm : Hauv ntawv thiab raws Cheeb Tsam lub website mus rau cov neeg ua hauj lwm ; rau cov tub ntxhais kawm ntawv thiab cov niam txiv / cov neeg saib xyuas hauv Tsev Kawm Ntawv Theem Qis Phau Ntawv Qhia ( Elementary Handbook ) thiab Tsev Kawm Ntawv Theem Nrab Phau Ntawv Qhia ( Secondary Handbook ) thiab hauv cheeb tsam lub website ; xa raws hluav taws xob hauv cheeb tsam qhov Internet Information Server .
• Kho dua : Technology Steering Committee ( Pawg Saib Xyuas Txog Technology ) yuav ib sij saib xyuas thiab soj ntsuam cov kev taw qhia no . Cov kev thov kom hloov cov kev taw qhia mas yuav tsum tau muab xa mus rau Tus Thawj Coj Hauv Technology and Information Officer rau kev txiav txim los ntawm pawg neeg saib xyuas .
Caws Koob Yees Duab ( Video Surveillance ) hauv Tsev Kawm Ntawv Thaj Chaw thiab hauv Tsev Kawm Ntawv Cov Tuam Tsev , Tsab Cai 712.0
I . LUB HOM PHIAJ Kev tswj txoj kev noj qab haus huv , kev noj qab nyob zoo , thiab kev ruaj ntseg ntawm txhua tus tub ntxhais kawm ntawv , cov neeg ua hauj lwm , thiab cov qhuab thaum uas nyob hauv cheeb tsam tsev kawm ntawv thaj chaw nrog rau kev tiv thaiv cheeb tsam tsev kawm ntawv cov khoom mas yog cov dej num tseem ceeb hauv cheeb tsam tsev kawm ntawv . Pawg Tswj Tsev Kawm Ntawv lees paub tias kev caws koob yees duab / twj siv hluav taws xob mas tej zaum yuav los thaiv tau cov kev ua si los sis dej num uas txwv tsis pub ua thiab los pab saib xyuas thiab tshawb xyuas txog cov kev ua si hauv cheeb tsam thaj chaw . II . NQE LUS HAIS DAV DAV TXOG TSAB CAI
A . Chaw tso 1 . Feem saib xyuas tsev kawm ntawv tej vaj tsev thiab tej chaw ua hauj lwm tej zaum yuav caws koob yees duab rau . Tej qhov uas keev muaj koob yees duab mas yog ntawm lub qhov rooj nkag mus hauv tsev kawm
2 . Yog hais tias caws koob yeeb duab rau hauv cheeb tsam tsev kawm ntawv cov tuam tsev thiab cov chaw , yuav lo ib daim ntawv rau ib qho chaw kom neeg pom uas qhia rau cov tub ntxhais kawm ntawv , cov neeg ua hauj lwm thiab pej xeem paub tias tej zaum yees tau lawv lawm .
3 . Kev caws koob yees duab mas yuav tshwm sim tau rau hauv cheeb tsam tsev kawm ntawv lub tuam tsev los sis hauv cheeb tsam tsev kawm ntawv thaj chaw tsis hais lub twg li .
4 . Yuav caws tsis tau koob yees duab rau hauv chav dej los sis chav hloov khaub ncaws , txawm tias tej zaum yuav caws koob yees duab rau sab nraum txoj kev taug uas nyob ib ncig ntawm cov chav dej los sis cov chaw hloov khaub ncaws .
5 . Kev ruab koob yees duab soj ntsuam yuav tsis raug muab teeb siv hauv chav dej los sis chav hloov khaub ncaws , txawm li cas los cov koob kev soj ntsuam yuav raug teeb rau hauv cov kem kev taug ntawm cheeb tsam chav dej los sis chav hloov khaub ncaws .
B . Kev Siv Cov Viv Dis Aus ( Videotape ).
1 . Tsuas yog cov neeg tuav dej num hauv lub tuam tsev ( thiab / los sis cov neeg uas xaiv los tuav txoj dej num ) uas tsim nyog thiaj li yuav saib cov viv dis aus xwb . Tus tswj fwv tsev kawm ntawv yuav siv daim viv dis aus los pab txiav txim seb ib qho xwm txheej puas muaj tiag los sis tsis muaj , thiab yog tias muaj , qhov xwm txheej ntawd nws loj npaum li cas . Cov lus qhia uas tau los ntawm cov kab xev uas qhia txog cov kev ua txhaum cai mas tej zaum yuav coj mus rau tus tub ceev xwm cev ncauj lus hauv tsev kawm ntawv thiab / los sis tub ceev xwm . Cov niam txiv / tus neeg saib xyuas ntawm tus tub ntxhais kawm ntawv uas tau raug yees yees thiab kaw cia lawm , yuav tso cia saib cov yeeb yaj duab raws li txoj cai lij choj thiab txoj cai Tiv Thaiv thiab Ntiag Tug ntawm cov tub ntxhais kawm ntawv .. Thaum ua thov txov , cheeb tsam tsev kawm ntawv yuav sau txog qhov ( cov ) xwm txheej tseem ceeb hauv daim kab xev rau tus