tub ntxhais kawm ntawv uas tau yees nws rau hauv daim kab xev los sis rau tus tub ntxhais kawm ntawv niam thiab txiv / tus neeg saib xyuas . 2 . Txhua lub tsev uas tus tuam thawj ua hauj lwm ( thiab / los sis tus neeg uas nws xaiv los tuav txoj dej num ) yuav muaj txoj dej num los saib xyuas lub twj yees duab thiab cov yeeb yaj duab ntawd kom zoo raws li Lub Caij Nyoog Yuav Tau Khaws Tseg .
3 . Txhua cov txheej xwm yuav tso tawm tsuas yog raug raws li Txoj Cai Minnesota Government Data Practices Act , Minn . Stat . Ch . 13 thiab Tsev Neeg Txoj Kev Muaj Cai rau Fab Kev Kawm thiab Tsab Cai Ntiag Tug , 20 U . S . C . ยง 1232g thiab txoj cai thiab / los sis cov kev cai .
Tsab Cai Txog Tsev Kawm Ntawv Anoka-Hennepin Cov Qhua Cheeb Tsam Tsev Kawm Ntawv Cov Tuam Tsev thiab Cov Chaw , Tsab Cai 903.1
I . LUB HOM PHIAJ Lub hom phiaj ntawm tsab cai no yog los qhia rau cov neeg hauv lub tsev kawm ntawv thiab cov pej xeem sawv daws txog seb Pawg Tswj Tsev Kawm Ntawv xav li cas txog cov qhua uas tuaj rau hauv tsev kawm ntawv cov tuam tsev thiab lwm cov chaw uas yog tsev kawm ntawv li thiab cov chaw uas xauj . II . NQE LUS HAIS DAV DAV TXOG TSAB CAI
A . Pawg Tswj Tsev Kawm Ntawv xav txhawb kom cov niam txiv thiab cov tswv cuab hauv lub zej zos muaj kev txaus siab txog cov kev pab cuam hauv tsev kawm ntawv thiab cov kev ua si rau tub ntxhais kawm ntawv . Pawg Tswj Tsev Kawm Ntawv zoo siab txais tos cov niam txiv thiab cov tswv cuab hauv lub zej zos tuaj rau hauv lub tsev kawm ntawv cov tuam tsev thiab cov chaw , tsuav yog tias cov kev tuaj xyuas ntawd nws xwm yeem nrog txoj kev noj qab haus huv , kev kawm ntawv , thiab kev ruaj ntseg ntawm txhua tus tub ntxhais kawm ntawv thiab cov neeg ua hauj lwm thiab coj raws li hauv cov txheej txheem thiab cov uas yuav tsum tau muaj raws li tau tsim los ntawm Anoka- Hennepin Cheeb Tsam Tsev Kawm Ntawv .
B . Pawg Tswj Tsev Kawm Ntawv rov qab hais txog nws txoj dej num ntawm qhov tseem ceeb uas yuav tau tswj ib qho chaw kawm ntawv uas muaj kev ruaj ntseg rau tub ntxhais kawm ntawv thiab cov neeg ua hauj lwm thiab kom tsis txhob muaj cov kev ua si uas yuav cuam tshuam rau tus tub ntxhais kawm ntawv txoj kev kawm los sis tus neeg ua hauj lwm qho chaw ua hauj lwm .
C . Pawg Tswj Tsev Kawm Ntawv mob siab ua kom cov tsev kawm ntawv yog qhov chaw tos txais zoo rau peb lub zej zog los sib qhia kev kawm paub txhawm rau muab kev nyab xeeb kom siab rau cov tub ntxhais kawm thiab cov neeg ua hauj lwm nyob rau thaum lub sij hawm qhia ntawv nruab hnub .
III . COV KEV TXWV TUS QHUA
Zoo siab txais tos cov niam txiv thiab lwm cov neeg tuaj xyuas cov tsev kawm ntawv . Tiam sis , yuav kom muaj kev ruaj ntseg , tag nrho cov qhua yuav tsum tau mus rau hauv tsev kawm ntawv lub chav fai . Tsab cai no qhia txog cov txheej txheem rau cov qhua uas tuaj hnub kawm ntawv .
A . Tag nrho cov qhua tuaj rau hauv Anoka-Hennepin cov tuam tsev thiab cov chaw mas yuav tsum tau sau npe rau hauv chav fai khiav dej num thaum tuaj txog thiab tawm mus . Cov qhov rooj yuav raug xauv thiab cov qhua yuav tau muab nej daim npav los saib ntawm qhov rooj .
B . Cov qhua tuaj rau hauv Anoka-Henepin cov tuam tsev thiab cov chaw mas yuav tau txais thiab yuav tsum tau coj ib daim ntawv qhia tias yog ib tug qhua uas leej twg ntsiab los yuav pom kom qhia tau tias lawv yog leej twg thiab kom paub tseeb tias tsev kawm ntawv yeej tso cai rau lawv nyob hauv lub tuam tsev .
C . Cov qhua uas xav ntsib nrog los sis xav saib cov kws qhia ntawv yuav tsum tau teem ib lub sij hawm ua ntej thiab sau npe rau hauv chav fai khiav dej num thaum tuaj txog .
D . Yog tias cov neeg ua hauj lwm hauv cheeb tsam tsev kawm ntawv los sis cov neeg ua hauj lwm pab dawb pom ib tug qhua hauv lub tuam tsev es tsis coj daim ntawv qhia tias lawv yog qhua , lawv yuav pab coj tus qhua mus rau hauv chav fai khiav dej num los sis yuav qhia rau chav fai khiav dej num txog tus qhua ntawd tam sim ntawd .
E . Raws li hauv tsab cai no , yuav tsis muab kev pom zoo rau ib tug neeg los sis ib pawg neeg tuaj xyuas lub tsev kawm ntawv los sis lub tsev kawm ntawv qhov chaw los tau ; los sis yuav tshem tawm tau qhov kev tso cai yog tias tus qhua tsis ua raws li cheeb tsam tsev kawm ntawv cov txheej txheem thiab cov cai tswj kav , los sis yog tias pom ib tug neeg los sis ib pawg neeg uas tsis xav tias yuav zoo rau cov tub ntxhais kawm ntawv , cov neeg ua hauj lwm , los sis cheeb tsam tsev kawm ntawv .
F . Raws li hauv xeev txoj cai , ib tug neeg uas nkag mus rau hauv tsev kawm ntawv qhov chaw thiab tsis ua raws li tsab cai thiab qhov uas yuav tsum tau ua ntawd yuav rub txim rau tias tau hla qhov chaw yam tsis raug cai thiab tej zaum yuav muab lub txim ua txhaum cai rau nws .
G . Cov Niam Txiv / Cov Neeg Saib Xyuas ntawm cov tub ntxhais kawm hauv Adventures Plus ua ntej thiab / los sis tom qab tsev kawm ntawv yuav tshaj tawm cov cuab yeej los pub lawv nkag mus rau hauv thaj chaw siv rau qhov phiaj xwm pab cuam .
H . Cov Kev Xaiv Kev Rau Npe ntawm Cov Tub Ntxhais Kawm Tom Qab-Tsev Kawm Secondary : Ib tug tub ntxhais kawm uas rau npe rau cov kev xaiv kev rau npe ntawm cov tub ntxhais kawm tom qab-tsev kawm secondary yuav mus kawm tau rau hauv lub tsev kawm ntawv tau nyob rau thaum cov teev sij hawm kawm ntawv raws li txoj cai ntawm tsev kawm ntawv ; thiab yuav tau txais kev nkag kom tsim nyog , nyob rau lub cov teev sij hawm kawm ntawv li ib txwm , rau kev kawm khoos phis tawj thiab lwm yam cuab yeej technology uas tus tub ntxhais kawm xav tau ua tiav cov qhab nias kawm rau kev rau npe ntawm cov tub ntxhais kawm tom qabtsev kawm secondary uas ua raws li cov txheej txheem tsim .
Tsab Cai Txog Kev Noj Qab Nyob Zoo , Tsab Cai . 533.5
I . LUB HOM PHIAJ Anoka-Hennepin Cheeb Tsam Tsev Kawm Ntawv muaj kev ruaj siab los txhawb nqa thiab tiv thaiv cov tub ntxhais kawm ntawv txoj kev noj qab haus huv , kev noj qab nyob zoo thiab tsab peev xwm los kawm ntawv . Li no , Anoka-Hennepin Cheeb Tsam Tsev Kawm Ntawv txhawb txoj kev noj haus uas zoo rau lub cev thiab cov kev ua si uas zoo rau lub cev . Nws siv zog muab ib qho chaw uas muaj khoom noj zoo rau lub cev hauv tsev kawm ntawv uas yuav pab kom kawm tau ntawv zoo . Cov kev siv zog ua no tseem pab txo kev rog heev thaum me nyuam yaus thiab kev noj haus uas muaj feem rau cov kab mob uas mob mus ntev . II . NQE LUS HAIS DAV DAV TXOG TSAB CAI Thaum ua hauj lwm ua ke kom mus cuag cov hom phiaj nram qab no , Anoka- Hennepin Cheeb Tsam Tsev Kawm Ntawv txhawb nqa pov thawj los ntawm kev tshawb fawb txog kev noj qab nyob zoo thiab kev kawm tau ntawv zoo hauv Anoka-Hennepin Cheeb Tsam Tsev Kawm Ntawv cov tub ntxhais kawm ntawv . A .
B .
C .
Tsab cai no tsab txhais cov ntawv qhia uas feem saib xyuas tsev kawm ua raws kom tau cov khoom noj zoo thiab muaj txiaj ntsim rau cov tub ntxhais kawm . Thiab nrog rau cov ntawv qhia cov ntsiab lus txog lub machines uas ntsawv nyiaj rau es khoom tawm los thiab cov ntsiab lus hauv txoj kev kawm .
Cov khoom noj thiab cov dej haus uas muag los sis muab hauv tsev kawm ntawv yuav muaj raws li cov kev noj haus uas xav kom noj hauv U . S . Dietary Guidelines for Americans ( Teb Chaws Mis Kas Cov Kev Taw Qhia Noj Haus rau Cov Neeg Mis Kas ). Cov tub ntxhais kawm ntawv yuav muaj ntau hom khoom noj uas pheej yig , zoo rau lub cev , thiab qab kom los pab tau qhov kev xav tau ntawm cov tub ntxhais kawm ntawv txoj kev noj qab haus huv thiab kev noj haus ; pab hauv kev npaj khoom noj rau cov ntseeg ntuj , lwm haiv neeg , thiab ntau hom neeg ntawm cov tub ntxhais kawm ntawv ; thiab yuav muab ib qho chaw noj mov uas huv si , nyab xeeb thiab kaj siab uas muab sij hawm kom txaus rau cov tub ntxhais kawm ntawv los noj mov . Cov khw hauv tsev kawm ntawv thiab cov tshuab muag khoom noj txom ncauj yuav muaj cov khoom noj txom ncauj uas caum raws xeev thiab nom tswv teb chaws cov cai tswj kav uas ua qhov Child Nutrition Program ( Txoj Kev Pab Khoom Noj Rau Me Nyuam ) txog cov khoom noj uas zoo rau lub cev . Thaum uas ua tau , tag nrho cov tsev kawm ntawv yuav koom rau hauv nom tswv teb chaws cov kev pab khoom noj ( nrog rau School Breakfast Program ( Kev Pab Tshais Noj Hauv Tsev Kawm Ntawv ), National School Lunch Program ( Kev Pab Su Noj Hauv Cov Tsev Kawm Ntawv Thoob Plaws Teb
2021-22 Tsev Kawm Ntawv Phau Ntawv Qhia ahschools . us / policies 57