• Email tsis yog ib txoj kev zoo los daws cov teeb meem uas muaj kev tsis haum siab , kev txaus tu siab , los sis cov teeb meem uas tsis pub leej twg paub kiag li . Cov teeb mee no yuav saws tau zoo zog los ntawm kev tham hauv xov tooj los sis sib tham tim ntsej tim muag .
• Cov email xa mus rau cov niam txiv yuav tsum tau xwm yeem nrog cov kev siv rau cov neeg txawj ntse rau lwm cov kev sib teb . Qhov no muaj xws li cov moj kuab lus , txoj kev sau , thiab kev tos txais .
• Cov email xa mus rau cov tub ntxhais kawm ntawv yuav tsum tau xwm yeem nrog cov kev siv rau cov neeg txawj ntse rau lwm cov kev sib teb thiab yuav tsum tsis txhob muaj tej yam uas yuav yog hais txog ntiag tug .
• Tag nrho cov emails uas nyob hauv Cheeb Tsam cov servers mas tsis yog cov uas yuav tsis pub leej twg paub . Cov neeg pej xeem muaj cai thov saib cov email raws li hauv Tsab Cai Muaj Cai Paub ( Right-to-Know Law ) thiab tej zaum , tshwj tsis yog tias muaj kev zam hauv txoj cai , yuav qhib rau pej xeem los soj ntsuam .
• Cov emails yuav tsum tau luv thiab hais kiag lub ntsiab thiab tsuas muaj yam uas muaj tseeb xwb .
• Tsuas sib txuas lus nrog niam txiv ntawm tus email uas nyob hauv Student Information System ( SIS ) nkaus xwb tshwj tsis yog tias tau siv cov kauj ruam los xyuas tias yeej muaj cov kev sib txuas lus nrog niam txiv / tus neeg saib xyuas uas muaj cai rau tus tub ntxhais kawm ntawv txoj cai kawm ntawv .
• Tsuas sib txuas lus nrog cov tub ntxhais kawm ntawv ntawm tus email uas nyob hauv SIS . Tus email ntawd ms yog raws cai , uas yog cheeb tsam ua tus muab tus email as khauj ntawd rau tus tub ntxhais kawm ntawv .
• Luam cov email uas xa rau cov tub ntxhais kawm ntawv mus rau cov niam txiv thiab .
• Yuav tsum tau saib xyuas kom zoo thaum uas siv tus tub ntxhais lub npe . Hu koj cov tub ntxhais kawm ntawv raws nws lub npe , cov ntawv cim npe nrab , los sis “ koj tus tub / tus ntxhais ,” nyob ntawm seb sau txog dab tsi . Tsis txhob tham txog tej yam uas tsis muaj feem rau cov tub ntxhais kawm ntawv .
Cov neeg ua hauj lwm yuav tsum :
• Xyuas tus email yam tsawg txhua hnub .
• Teb rau cov xov xa hauv email kom cuag ncuab , feem ntau yog 2 hnub ua hauj lwm .
• Txhaj tawm cov xov xa ntawd tom nyeem tas . Yog tias koj xa khaws ib qho xov cia tsis hais seb yog rau dab tsi , muab tso rau hauv cov chaw rau cov ntawv rau ntiag tug es tsis txhob muab tso hauv cov chaw tso hauv Exchange server .
• Tsis txhob xa cov ntaub ntawv uas loj tshaj 1 MB . Rau kev xa cov ntaub ntawv uas loj , siv cov chaw sib koom hauv lub tuam tsev cov servers .
• Tsuas tso cai rau cov kev pab uas tseem ceeb rau koj txoj dej num .
• Tsis txhob xa los sis teb rau cov kev sib txuas lus uas “ ib zaug xa rau coob tus neeg ” los sis hu ua “ chainmail ”.
• Tsis txhob teb rau cov xov uas tsis tseem ceeb ( spam ) los sis cov xov uas kom koj nias ib qho kev txuas mus saib tej yam dab tsi ( phishing ) uas xa tuaj rau koj los sis kom muab cov lus qhia txog tus as khauj . Nco ntsoov tias cheeb tsam cov neeg ua hauj lwm hauv network / communications yeej yuav TSIS nug cov lus qhia txog tus as khauj hauv email kiag li .
• Tsis txhob xa cov xov hauv email mus rau tag nrho cov neeg ua hauj lwm . Cov xov uas koj xav xa rau tag nrho cov neeg ua hauj lwm yuav tsum tau xa mus rau Communications and Public Relations Department kom muab tso rau hauv tsab ntawv xov xwm xa raws hluav taws xob ( e-newsletter ) rau cov neeg ua hauj lwm yog tias tsim nyog .
Tus tub ntxhais kawm ntawv tus email : Cheeb tsam yuav muab ib tug email as khauj rau cov tub ntxhais kawm ntawv qib nrab ( qib kawm 6 txog 12 ) los hauv peb qho Anoka-Hennepin Apps system kom los txhawb tau txoj kev sib txuas lus kom zoo . Cov email as khauj uas cheeb tsam muab mas yog ib qho sam xeeb thiab yuav tsum ua raws li cheeb tsam cov kev taw qhia hais txog kev siv tus tub ntxhais kawm ntawv tus email . Tub ntxhais kawm ntawv tus email as khauj mas yuav tsum tau siv rau hauv kev kawm ntawv nkaus xwb . Yog hais tias tus tub ntxhais kawm ntawv tau txais ib qho email uas hais cov lus rhuav lwm tus neeg lub koob meej , rhuav ntsej muag , tsiv heev , ntxug ntxaug haiv , los sis qias neeg , lawv yuav tsum tau ceev tsab email ntawd thiab qhia rau tus kws qhia ntawv tam sim ntawd .
Kev siv tus tub ntxhais kawm ntawv tus email uas siv tau muaj xws li :
• Yuav tsum siv email los sib txuas lus nrog tus kws qhia ntawv hais txog cov ntawv ua , cov tes num ua hauv chav kawm , thiab cov kev ua si hauv chav kawm .
• Yuav tsum siv email los tso cov kab txuas ( links ) kom sib qhia tau txog cov ntawv nqa los ua tom tsev uas tsim hauv Google Docs nrog tus kws qhia ntawv los sis cov tub ntxhais uas kawm ntawv nrog . Tsis xav kom xa cov ntaub ntawv hauv email mus .
• Kev siv email los sib txuas lus ntawm cov tub ntxhais kawm ntawv mas yuav tsum yog siv los pab , koom ua ke , npaj , thiab tshawb fawb rau cov dej num thiab cov kev ua si hais txog tsev kawm ntawv .
• Email mas tsis yog ib qho uas tsis pub neeg paub los sis tsis yog ib qho ywj pheej thiab cov kws qhia ntawv los sis cov neeg ua hauj lwm hauv cheeb tsam yuav nyeem tau .
Cov kev sib txuas lus ntawm cov tub ntxhais kawm ntawv uas siv tsis tau muaj xws li :
• Cov email yuav tsum tsis txhob muaj cov lus rhuav lwm tus neeg lub koob meej , rhuav ntsej muag , hawv , tsiv heev , ntxug ntxaug haiv , los sis qias neeg .
• Yuav tsum tsis txhob xa tsab email mus rau lwm tus neeg yog tias tsis tau kev tso cai los ntawm tus neeg xa .
• Cov tub ntxhais kawm ntawv yuav sim xa tsis tau ib qho email los ntawm lwm tus tub ntxhais kawm ntawv tus as khauj ntawm ntiag tug los sis sim ua tias yog lwm tus tub ntxhais kawm ntawv tus email .
• Cov tub ntxhais kawm ntawv yuav xa tsis tau cov xov uas tsis tseem ceeb ( spam ), cov lus tso dag , cov duab , cov ntawv uas yuav siv tau , los sis cov kab mob ( viruses ) mus rau lwm tus neeg . Yog tias ua li no yuav tsis pub siv internet thiab email lawm .
• Cov tub ntxhais kawm ntawv yuav xa tsis tau cov kab txuas ( links ) uas tsis tsim nyog , cov duab , los sis cov ntawv uas yuav siv tau . Tus ntxhais kawm ntawv cov Google websites : Cia cov tub ntxhais kawm ntawv qib nrab ( qib kawm 6 txog 12 ) siv cov Google Sites los ntawm Anoka-Hennepin Apps system los txhawb cov kev sib txuas lus uas zoo thiab sib koom ua ke . Cov websites rau tub ntxhais kawm ntawv uas cheeb tsam muab mas yog sam xeeb thiab cheeb tsam muaj cov kev taw qhia txog kev siv cov websites uas tus tub ntxhais kawm ntawv tau tsim . Cov websites uas tus tub ntxhais kawm ntawv tau tsim mas yuav tsum tau siv rau kev kawm ntawv nkaus xwb . Cov tub ntxhais kawm ntawv , thaum uas kawm ntawv tiav , yuav xa tau lawv qhov Google Sites ntawm lawv tus AHApps as khaum mus rau lawv tus as khauj ntawm ntiag tug . Nug tau koj tus kws qhia technology txog cov lus qhia seb yuav xa koj cov digital portfolios li cas . Kev siv cov Google Sites uas tus tub ntxhais kawm ntawv tau tsim uas yuav siv tau muaj xws li :
• Siv Google Sites los sib txuas lus nrog ib tug kws qhia ntawv txog cov ntawv ua , cov tes num ua hauv chav kawm , thiab cov kev ua si hauv chav kawm .
• Google Sites ntawm cov tub ntxhais kawm ntawv mas yog siv los pab , koom ua ke , npaj , thiab tshawb fawb rau cov dej num thiab cov kev ua si hais txog tsev kawm ntawv .
• Google Sites tsis yog ib qho uas tsis pub neeg paub los sis tsis yog ib qho ywj pheej thiab cov kws qhia ntawv los sis cov neeg ua hauj lwm hauv cheeb tsam yuav nyeem tau .
Cov Google Sites uas tus tub ntxhais kawm ntawv tau tsim yuav tsum tau tsis txhob muaj cov lus qhia txog ntiag tug rau hauv xws li : chaw nyob , hnub nyog , xov tooj , los sis tej yam uas yuav qhia tau tias nws yog leej twg . Kev siv cov Google Sites uas tus tub ntxhais kawm ntawv tau tsim uas yuav siv tsis tau muaj xws li :
• Google Sites uas muaj cov lus rhuav lwm tus neeg lub koob meej , rhuav ntsej muag , hawv , tsiv heev , ntxug ntxaug haiv , los sis qias neeg .
• Google Sites uas muaj cov kab txuas ( links ) uas tsis tsim nyog , cov duab , los sis cov ntawv uas yuav siv tau .
• Google Sites rau cov kev siv uas tsis yog rau kev kawm ntawv .
2021-22 Tsev Kawm Ntawv Phau Ntawv Qhia ahschools . us / policies 55