Kev siv Cheeb Tsam qhov kev sib txuas lus raws hluav taws xob ( electronic communications system ) yog ib qho sam xeeb , tsis yog ib txoj cai . Thaum txais Cov Nqe Lus Siv ( Terms of Service ), tus neeg siv yuav ua raws li cov cai tswj kav thiab cov kev taw qhia . Hauv qab no yog cov kev taw qhia rau txhua qib kawm thiab Kev Kawm Ntawv Tshwj Xeeb .
Tsev Kawm Ntawv Theem Pib ( Elementary School ) – Cov Kev Taw Qhia Tus Tub Ntxhais Kawm Ntawv Nyob rau hauv cov tsev kawm ntawv theem pib , cov twj uas siv hluav taws xob yuav tsum tau muab khaws cia thiab tsis txhob muab taws los sis siv thaum lub sij hawm kawm ntawv hauv hnub kawm ntawv , thaum ua muaj cov kev ua siv uas tsev kawm ntawv ua tus txhawb nqa thiab hauv cov kev ua si ua pib pab uas muaj kev saib xyuas hauv hnub kawm ntawv ( piv txwv li , thaum lub sij hawm muaj lub rooj sib tham rau cov tub ntxhais kawm ntawv , cov kev tawm hauv tsev kawm ntawv mus ncig sab nraud , cov koom txoos , los sis lwm cov koom txoos ua kev zoo siab , lwm yam zoo li no ), los sis thaum uas tus neeg ua hauj lwm hauv tsev kawm ntawv txwv tsis pub siv . Tsev Kawm Ntawv Theem Nrab ( Middle School ) – Cov Kev Taw Qhia Tus Tub Ntxhais Kawm Ntawv Yuav siv tau cov twj siv hluav taws xob hauv chav kawm yog tias tus kws qhia ntawv los sis tus neeg tuav dej num pom zoo . Yuav siv tsis tau ib lub twj siv hluav taws xob uas nqa tau los hu xov tooj los sis xa ntawv hauv hnub kawm ntawv . Cov tub ntxhais kawm ntawv uas xav siv cov twj siv hluawv taws xob uas nqa tau rau kev kawm ntawv uas tawm sab nraum chav kawm yuav tsum tau kev tso cai los ntawm tus kws qhia ntawv thiab / los sis tus tuav dej num . Txwv tsis pub yees duab los sis yees yeeb yaj kiab ntawm lwm cov tub ntxhais kawm ntawv los sis cov neeg ua hauj lwm yam uas tsis tau kev tso cai los ntawm tus kws qhia ntawv los sis tus tuav neeg dej num raws li cheeb tsam cov kev taw qhia . Kev siv cov twj siv hluav taws xob uas nqa tau yam uas tsis tau kev tso cai mas tej zaum yuav raug qhuab qhia . Qhov tus tub ntxhais kawm ntawv muab daim memory chip los sis lub roj teeb tshem tawm ntawm lub xov tooj thaum uas txhav lub xov tooj mus mas yuav raug qhuab qhia los ntawm pawg neeg tuav dej num hauv tsev kawm ntawv . Tsev Kawm Ntawv Theem Siab ( High School ) – Cov Kev Taw Qhia Tus Tub Ntxhais Kawm Ntawv Yuav siv tau cov twj siv hluav taws xob hauv chav kawm yog tias tus kws qhia ntawv los sis tus neeg tuav dej num pom zoo . Yuav siv tau ib lub twj siv hluav taws xob los hu xov tooj ua ntej los sis tom qab kawm ntawv tas , tham lub sij hawm tus tub ntxhais kawm ntawv noj sus , los sis thaum lub sij hawm hloov chav kawm . Txwv tsis pub yees duab los sis yees yeeb yaj kiab ntawm lwm cov tub ntxhais kawm ntawv los sis cov neeg ua hauj lwm yam uas tsis tau kev tso cai los ntawm tus kws qhia ntawv los sis tus tuav neeg dej num raws li cheeb tsam cov kev taw qhia . Kev siv cov twj siv hluav taws xob yam uas tsis tau kev tso cai mas tej zaum yuav raug qhuab qhia . Qhov tus tub ntxhais kawm ntawv muab daim memory chip los sis lub roj teeb tshem tawm ntawm lub xov tooj thaum uas txhav lub xov tooj mus mas yuav raug qhuab qhia los ntawm pawg neeg tuav dej num hauv tsev kawm ntawv . Kev Kawm Ntawv Tshwj Xeeb Access is based on individual student needs . Kev siv tau yog nyob raws tus tub ntxhais kawm ntawv txoj kev xav tau . Yog hais tias yuav tsum tau siv ib lub twj siv hluav taws xob uas nqa tau kom los pab tau tus tub ntxhais kawm ntawv kawm ntawv , ua ib feem hauv tus tub ntxhais kawm ntawv qhov Individual Education Plan ( IEP ), los sis ua ib feem hauv lub hom phiaj 504 , yuav tsum tau sau txog kev siv yam twj ntawd rau hauv tus tub ntxhais kawm ntawv daim IEP los sis lub hom phiaj 504 thiab qhia txog qhov no rau pawg tuav dej num hauv lub tuam tsev thiab cov neeg ua hauj lwm . Nqe Lus Hais Txog Kev Thaj Tsob Cheeb tsam yuav tsis thaj tsob dab tsi rau lub twj siv hluav taws xob ntawm ntiag tug uas xiam lawm los sis puas lawm , txawm tias yog cov neeg ua hauj lwm ua tus tau los sis cov tub ntxhais kawm ntawv ua tus tau . Cov neeg ua hauj lwm yuav tsum tau siv muab cov khoom uas txhav ntwad coj mus tso rau hauv ib qho chaw uas muaj kev ruaj ntseg . Anoka-Hennepin Cheeb Tsam Tsev Kawm Ntawv tsis thaj tsob rau , los sis nw cov neeg ua hauj lwm tsis tas yuav tshawb nrhiav , txog cov twj siv hluav taws xob ntawm ntiag tug uas raug nyiag lawm .
COV KEV TAW QHIA TXOG KEV SIV INTERNET
Kev siv cov twj hauv Web :
• Xav kom tag nrho Anoka-Hennepin cov kws qhia ntawv tsim thiab tswj cov websites rau chav kawm los ua ib txoj kev sib txuas lus nrog cov tub ntxhais kawm ntawv thiab cov niam txiv / cov neeg saib xyuas mus tas li . Cov kws qhia ntawv yuav tsum taus siv cov Web software uas cheeb tsam muab rau cov websites rau cov chav kawm ntawv kom txo tau qhov tej zaum cov tub ntxhais kawm ntawv yuav saib tau tej yam tsis tsim nyog hauv Internet thiab los xyuas kom ua raws li Pawg Tswj Tsev Kawm Ntawv tsab cai hais txog qhov thov kev pab los ntawm cov tub ntxhais kawm ntawv .
• Xav kom tag nrho Anoka-Hennepin cov cag hauv paus tsim thiab tswj cov websites rau cov ceg ntawm feem ua hauj lwm kev kawm ntawv ( department ). Cov websites yuav tsum tau muaj raws li cheeb tsam tus qauv thiab kho kom yog qhov tshiab tshaj rau tam sim ntawd .
• Txwv tsis pub tshaj tawm ib lub lag luam rau hauv Web raws li hauv cheeb tsam Tsab Cai Txog Thov Kev Pab Cuam . Tus Thawj Tswj Cheeb Tsam Tsev Kawm Ntawv / Tus Neeg Pab Tus Thawj Tswj Cheeb Tsam Tsev Kawm Ntawv yuav zam tau qee yam yog tias pom tias cov kev pab ntawd nws tsim nyog txaus los muab kev zam rau .
Tub Ntxhais Kawm Ntawv Kev Siv Internet : Nyob rau hauv Children ’ s Internet Protection Act ( Tsab Cai Tiv Thaiv Me Nyuam Kev Siv Internet ) ( CIPA ), cov cheeb tsam yuav tsum tau los txwv cov me nyuam tsis tau muaj hnub nyoog txoj kev saib cov khoom hauv internet . Cheeb tsam muaj ib txoj kev los lim cov khoom hauv internet uas nws tau kev tso cai rau uas muaj raws li los sis tseem tshaj qhov CIPA kom yuav tsum tau muaj rau hauv kev tiv thaiv tub ntxhais kawm ntawv . Cov tub ntxhais kawm ntawv uas siv qhov Internet uas cheeb tsam muab yuav tsum tau kev tso cai thiab yuav tsum tau kev saib xyuas los ntawm cheeb tsam tus neeg ua hauj lwm . Cov tub ntxhais kawm ntawv uas siv qhov Internet uas cheeb tsam muab ms yuav tsum tau thaj tsob rau kev coj xeeb ceem kom zoo tib yam nkaus li thaum lawv nyob hauv chav kawm los sis lwm qhov chaw hauv tsev kawm ntawv . Yog hais tias cov tub ntxhais kawm ntawv siv lawv lub twj ntawm ntiag tug uas lawv siv lawv qhov data plan ( 3G / 4G ), yuav tsis muaj kev lim los ntawm cheeb tsam qhov kev lim hauv Internet . Kev siv Internet tsis tsim nyog uas nws siv nws qhov data plan ntawm ntiag yuav raug qhuab qhia . Siv tib co cai hais dav dav rau kev coj xeeb ceem thiab kev sib txuas lus thiab .
COV TWJ SIB TXUAS LUS
Cov neeg ua hauj lwm tus email Cheeb tsam tswj xyuas ib qho email system rau cov neeg ua hauj lwm los siv rau kev ua lag luam / kev sib txuas lus . Tag nrho cov xov xa hauv email mas yuav ceev cia rau hauv qhov system kom txog thaum uas tus neeg ua hauj lwm muab txhaj tawm . Cov neeg ua hauj lwm yuav tsum tau muab cov xov qub tshem tawm kom cuag ncua cov neeg tuav dej num hauv qhov system yuav tshem tawm tau cov xov ntawv yog hais tias tus neeg siv tsis xyuas cuag ncua . Cov xov uas xa raws hluav taws xob uas tso rau hauv cheeb tsam cov servers mas yuav saib tam li yog lwm cov khoom uas yog tsev kawm ntawv li . Thaum hais li no , cov neeg tuav dej num hauv qhov system yuav tsis txhob txwm saib cov xov hauv tus neeg siv tus email as khauj los sis qhia tawm txog cov xov uas nyob hauv dua li ntawm tus neeg uas xa los sis tus neeg uas xa rau yam uas tsis tau kev tso cai los ntawm tus neeg xa los sis tus neeg uas xa rau , tshwj tsis yog tias txoj cai los sis Cheeb Tsam cov cai kom yuav tsum tau ua , los sis los tshawb xyuas cov kev tsis txaus siab hais txog ib qho email uas raug iab liam tias muaj cov khoom uas tsis sib thooj li qhov nyob hauv Cheeb Tsam cov cai . Muab cheeb tsam cov email rau cov neeg ua hauj lwm kom muab kev sib txuas lus tau yooj yim thiab zoo , hauv lub koom haum thiab nrog cov neeg sab nraud . Cov neeg ua hauj lwm uas siv email los teb rau cov niam txiv thiab cov tub ntxhais kawm ntawv yuav tsum tau ua raws li cov nram qab no :
• Tus neeg ua hauj lwm yuav tsum tau siv tus email as khauj uas lub tsev kawm ntawv muab rau nws rau tag nrho cov kev sib txuas lus nrog niam txiv thiab tus tub ntxhais kawm ntawv . Tsis pub tus neeg ua hauj lwm siv nws tus email as khauj ntawm ntiag tug los sib txuas lus nrog niam txiv / tus tub ntxhais kawm ntawv .