Cov Txheej Txheem
1 . Tus tswj fwv tsev kawm ntawv los sis tus neeg sawv cev yuav xaiv tau ib qho chaw sib ntsib thiab yuav txiav txim seb tus tub ntxhais kawm ntawv yuav ncaim ntawm chav kawm mus tau ntev npaum li cas . Yog hais tias tism nyog , tus tswj fwv tsev kawm ntawv los sis tus neeg sawv cev yuav nyob rau ntawd thaum niam txiv / tus neeg saib xyuas ntsib tus me nyuam .
2 . Cov niam txiv / cov neeg saib xyuas yuav mus tsis tau rau hauv cov hav kawm , cov chaw noj mov , los sis lwm qhov chaw hauv lub tsev kawm ntawv mus ntsib lawv cov me nyuam tshwj tsis yog tias lawv tau mus rau tom tus tswj fwv tsev kawm ntawv lub chav fai thiab tau kev tso cai ua tso .
3 . Thaum ib tug niam txiv / neeg saib xyuas uas tsis tau kev saib xyuas me nyuam thov coj nws tus me nyuam tawm hauv tsev kawm ntawv thaj chaw thaum nruab hnub los sis tuaj tos tus me nyuam ntawm tsev kawm ntawv thaum kawm ntawv tiav rau hnub ntawd es yuav coj tawm ntawm lub tsev kawm ntawv thaj chaw mus , yuav tsum tau kev tso cai uas sau rau hauv ntawv los ntawm tus niam txiv uas tus me nyuam nrog nyob thiab lub tsev kawm ntawv yuav hu tau rau tus niam txiv uas tus me nyuam nrog nyob es qhia rau nws paub .
Zaj Cog Lus Rau Tus Chij ( The Pledge of Allegiance ), Tsab Cai 531.0
I . LUB HOM PHIAJ Pawg tswj tsev kawm ntawv lees paub tias yuav tsum tau tsa Teb Chaws Mis Kas tus chij thiab qhia rau cov tub ntxhais txog kev coj zoo , kev tso saib , thiab kev hwm tus chij . Lub hom phiaj ntawm tsab cai no yog rau kev hais Zaj Cog Lus Rau Tus Chij ( Pledge of Allegiance ) thiab cov lus qhia ua hauv tsev kawm ntawv los pab rau qhov ntawd . II . NQE LUS HAIS DAV DAV TXOG TSAB CAI Cov tub ntxhais kaw ntawv hauv cheeb tsam tsev kawm ntawv yuav hais Zaj Cog Lus Rau Tus Chij rau tus chij hauv Teb Chaws Mis Kas no ib los sis ntau tshaj ib zaug txhua as thiv . Txoj kev hais yuav coj los ntawm :
A . Txhua tus kws qhia ntawm hauv chav kawm los sis tus los hloov tus kws qhia ntawv ; los sis
B . Hauv lub tsev kawm ntawv lub paj taub los ntawm tus neeg uas tus tswj hwm tsev kawm ntawv xaiv los sawv cev los sis lwm tus neeg uas muaj cai tswj kev khiav dej num hauv tsev kawm ntawv . III . COV UAS TSIS SUAV ( EXCEPTIONS ) Ib tug neeg uas tsis xav koom hauv kev hais Zaj Cog Lus Rau Tus Chij ( Pledge of Allegiance ) vim muaj qee yam ntawm ntiag tug thiaj li tsis hais mas yuav tsis hais los tau . Cov tub ntxhais kawm ntawv thiab cov neeg ua hauj lwm hauv tsev kawm ntawv yuav tsum tau hwm tus neeg ntawd txoj kev xaiv . IV . COV LUS QHIA UA ( INSTRUCTION ) Yuav qhia rau cov tub ntxhais kawm ntawv txog cov kev coj zoo , kev tso tus chij kom yog , thiab kev hwm tus chij , thiab cov kev ua ib tug pej xeem zoo .
Tsab Cai Tshem Tawm Me Nyuam Kawm Ntawv Kom Ncaj Ncees , Ntu 121A . 46
COV TXHEEJ TXHEEM TSHEM TAWM Minnesota Tsab Cai 121A . 46 Nqe 1 . Cov neeg tuav dej num hauv tsev kawm yuav tsum tsis txhob tshem ib tug me nyuam kawm ntawv tawm yam uas tsis tau muaj ib lub rooj sib tham nrog tus me nyuam kawm ntawv . Yuav tsum tau muaj lub rooj sib tham ua ntej tshem tawm , tshwj tsis yog tias pom tias tus me nyuam yuav yog ib qho phom sij tam sim ntawd thiab phom sij loj rau tus kheej los sis cov neeg nyob ib puag ncig los sis cov khoom , uas yog thaum zoo li yuav tsum tau muaj lub rooj sib tham kom sai li qhov yuav ua tau tom qab muab tshem tawm .
Qhov no yog ib qho me me hauv Pupil Fair Dismissal Act ( Tsab Cai Tshem Tawm Me Nyuam Kawm Ntawv Kom Ncaj Ncees ), xeev ib txoj cai . Anoka-Hennepin caum cov txheej txheem no thaum uas tshem , cais los sis ntiab ib tug tub ntxhais kawm ntawv tawm .
Nqe 2 . Ntawm lub rooj sib tham , tus neeg tuav dej num hauv tsev kawm ntawv yuav qhia rau tus me nyuam kawm ntawv tias yog vim li cas ho muab nws tshem tawm , tshab txhais txog cov pov thawj uas cov neeg muaj cai tau , thiab tus me nyuam kawm ntawv yuav piav tau txog qhov nws pom txog yam muaj tseeb . Nqe 3 . Yuav tsum tau muab ib daim ntawv uas sau txog seb vim li cas ho muab tshem tawm , ib nqe lus qhia luv luv txog yam muaj tseeb , piav qhia txog cov pov thawj , lub hom phiaj yuav rov txais mus kawm ntawv , thiab ib daim qauv ntawm ntu 121A . 40 txog 121A . 56 , nqa ncaj qha rau tus me nyuam kawm ntawv thaum lub sij hawm los sis ua ntej lub sij hawm tshem tawm , thiab xa rau tus me nyuam niam thiab txiv los sis tus neeg saib xyuas hauv kev xa ntawv li ntawm 48 teev tom qab lub rooj sib tham . Cheeb tsam yuav ua li qhov ua tau los hu qhia rau cov niam txiv ntawm tus me nyuam kawm ntawv uas raug tshem tawm tom qab muab tshm tawm . Yog thaum muab tus me nyuam tshem tawm yam uas tsis muaj ib lub rooj sib tham vim pom tias tus me nyuam yuav yog ib qho phom sij tam sim ntawd thiab phom sij loj rau cov neeg nyob ib puag ncig los sis cov khoom , yuav tsum tau nqa tsab ntawv sau qhia ntawd mus rau tus me nyuam kawm ntawv thiab tus me nyuam kawm ntawv niam thiab txiv los sis tus neeg saib xyuas li ntawm 48 teev tom qab tshem tawm . Qhov kev xa hauv kev xa ntawv mas ua tiav rau thaum muab xa tawm lawm . Nqe 4 . Txawm li ntawd los hauv cov nqe subdivisions 1 thiab 3 , yuav tshem tawm tau tus me nyuam kawm ntawv thaum tseem tos pawg tswj tsev kawm ntawv kev txiav txim hauv lub rooj hais plaub seb yuav muab ntiab tawm los sis cais tawm ; tsuav yog tias muab lwm cov kev qhia ntawd rau tsuav qhov kev tshem tawm nws tsis ntev tshaj tsib hnub .
COV TXHEEJ TXHEEM CAIS TAWM THIAB NTIAB TAWM Minnesota Tsab Cai , Ntu 121A . 47 Nqe 1 . Yuav tsis muaj kev cais los sis ntiab tawm yam uas tsis muaj ib lub rooj kho raws kev cai , tshwj tsis yog tias tus me nyuam thiab niam txiv los sis tus neeg saib xyuas sau ntawv kom zam txoj cai muaj ib lub rooj kho raws kev cai . Pawg tswj tsev kawm ntawv los sis nws cov neeg sawv cev yuav pib qhov kev nqis tes ntawd . Nqe 2 . Daim ntawv sau txog cov kev nqis tes uas yuav ua ntawd yuav :
( a ) Muab rau tus me nyuam kawm ntawv thiab tus me nyuam kawm ntawv niam thiab txiv los sis tus neeg saib xyuas uas muab tim ntsej tim muag los sis xa hauv kev xa ntawv mus ;
( b ) Muaj ib nqe lus meej hais txog yam muaj tseeb , cov neeg ua pov thawj thiab seb lawv ua pov thawj txog dab tsi ;
( c ) Qhia txog hnub tim , lub sij hawm , thiab qhov chaw muaj lub rooj kho raws kev cai ; ( d ) Muaj ib daim qauv ntawm cov ntu 121A . 40 txog 121A . 56 nrog ; ( e ) Piav qhia txog lwm cov kev pab qhia ntawv uas tau muab rau tus me nyuam kawm ntawv thaum zam lub rooj plaub ntug txog kev ntiab tawm ; thiab
( f ) Qhia rau tus me nyuam thiab niam txiv los sis tus neeg saib xyuas txog txoj cai :
( 1 ) Muaj ib tug neeg sawv cev tus me nyuam uas nws xaiv , nrog rau tus kws lij choj , hauv lub rooj kho raws kev cai . Cheeb tsam yuav tawm tswv yim rau tus me nyuam niam thiab txiv los sis tus neeg saib xyuas tias tej zaum yuav muaj kev pab hais plaub dawb los sis them nyiaj tsawg thiab muaj ib daim ntawv uas teev cov chaw muab kev pab hais plaub ntug los ntawm lub tuam tsev pab cov me nyuam , cov tsev neeg , thiab kev kawm ntawv ;
( 2 ) Ntsuam xyuas tus me nyuam cov ntaub ntawv ua ntej lub rooj kho raws kev cai ; ( 3 ) Muab pov thawj ; thiab ( 4 ) Mus hais thiab nug cov neeg ua pov thawj . Nqe 3 . Lub rooj kho raws kev cai yuav teem li ntawm kaum hnub ntawm hnub muab daim ntawv sau qhia tawm tshwj tsis yog tias tau thov kom txuas sij hawm ntxiv , tsis pub tshaj tsib hnub , vim muaj ib qho laj thawj zoo ( good cause ) los ntawm pawg tswj tsev kawm ntawv , tus me nyuam kawm ntawv , niam txiv los sis tus neeg saib xyuas . Nqe 4 . Yuav muaj lub rooj kho raws kev cai rau ib lub sij hawm thiab ib qho chaw uas zoo rau tus me nyuam kawm ntawv , niam txiv los sis tus neeg saib xyuas .
2021-22 Tsev Kawm Ntawv Phau Ntawv Qhia ahschools . us / policies 45