Nqe 5 . Yuav kaw lub rooj kho raws kev cai tshwj tsis yog hais tias tus me nyuam kawm ntawv , niam txiv los sis tus neeg saib xyuas thov kom yog ib lub rooj kho raws kev cai uas qhib rau neeg tuaj mloog . Nqe 6 . Lub rooj kho raws kev cai yuav muaj tim ntsej tim muag ntawm :
( 1 ) Ib tug neeg ua qhov kev tshawb nrhiav uas tuaj sab nraud tuaj ( independent hearing officer ); ( 2 ) Ib tug tswv cuab hauv pawg tswj tsev kawm ntawv ; ( 3 ) Ib pawg neeg tsa los xyuas dej num hauv pawg tswj tsev kawm ntawv ; los sis
( 4 ) Tag nrho cov neeg hauv pawg tswj tsev kawm ntawv ; raws li kev txiav txim los ntawm pawg tswj tsev kawm ntawv . Lub rooj kho raws kev cai yuav ua yam ncaj ncees thiab coj ncaj nruab nrab . Nqe 7 . Pawg tswj tsev kawm ntawv yuav kaw cov lus hauv lub rooj kho raws txoj cai uas cheeb tsam yuav ua tus them rau , thiab ib tog twg yuav mus muab tau daim ntawv uas theej cov lus hais ntawd uas nws yuav tau them rau . Yuav hais cov lus teev ua pov thawj yam uas cog lus tias yeej muaj tseeb tiag . Tus neeg ua qhov kev tshawb nrhiav yuav muaj cai yuam tau kom tuaj hais plaub thiab ua cov kev cog lus . Nqe 8 . Hauv ib lub sij hawm uas tsim nyog ua ntej lub rooj kho raws kev cai , tus me nyuam kawm ntawv , niam txiv los sis tus neeg saib xyuas , los sis tus neeg sawv cev yuav saib tau tag nrho cov ntaub ntawv hauav lub tsev kawm ntawv hais txog tus me nyuam kawm ntawv , nrog rau cov kev xeem los sis cov lus qhia tuaj uas tau yuav siv rau hauv kev txiav txim seb yuav npaj nqis tes li cas . Nqe 9 . Tus me nyuam kawm ntawv , niam txiv los sis tus neeg saib xyuas , los sis tus neeg sawv cev muaj cai yuam kom ib tug neeg ua hauj lwm uas muaj cai los sis ib tug neeg sawv cev hauv tsev kawm ntawv dawb los sis ib tug neeg ua hauj lwm rau pej xeem los sis lwm tus neeg uas tej zaum muaj pov thawj rau hauv kev txiav txim seb yuav npaj nqis tes li cas , thiab los mus hais thiab nug cov neeg ua pov thawj uas hais lus hauv tsev hais plaub rau lub tsev kawm ntawv . Nqe 10 . Tus me nyuam kawm ntawv , niam txiv los sis tus neeg saib xyuas muaj cai muab pov thawj thiab hais lus hauv tsev hais plaub , nrog rau kom ib tug kws tshaj lij txog kev xav ntawm tib neeg los sis kev kawm ntawv tuaj hais lus hauv tsev hais plaub . Nqe 11 . Yuav yuam tsis tau ib tug me nyuam kawm ntawv tuaj hais lus hauv tsev hais plaub hauv lub rooj hais kev rho tawm . Nqe 12 . Cov kev taw qhia los ntawm tus neeg ua qhov kev tshawb nrhiav los sis tus tswv cuab hauv pawg tswj tsev kawm ntawv yuav yog raws cov pov thawj uas muaj tseeb nkaus xwb thiab muab rau ob tog li ntawm ob hnub thaum lub rooj kho raws kev cai xaus . Nqe 13 . Pawg tswj tsev kawm ntawv txiav txim raws cov kev taw qhia los ntawm tus neeg ua qhov kev tshawb nrhiav los sis tus tswv cuab hauv pawg tswj tsev kawm ntawv los sis pawg neeg tsa los xyuas dej num thiab yuav qhia txog nws txoj kev txiav txim hauv lub rooj sib tham li ntawm tsib hnub tom qab tau txais cov kev taw qhia . Pawg tswj tsev kawm ntawv yuav muab tau sij hawm rau ob tog los hais txog cov kev uas tsis suav thiab cov lus xav hais txog tus neeg tshawb nrhiav cov kev taw qhia tsuav yog tias ob tog tsis txhob muab cov pov thawj uas tsis tau muab qhia hauv lub rooj kho raws kev cai . Qhov kev txiav txim los ntawm pawg tswj tsev kawm ntawv yuav tsum yog raws pov thawj , yuav tsum tau sau rau hauv ntawv thiab yuav tsum muaj cov lus qhia tseeb uas tau siv rau hauv kev txiav txim uas qhia kom ntxaws rau ob tog thiab tus thawj saib xyuas hauv tuam tsev xyuas cov me nyuam , cov tsev neeg , thiab kev kawm ntawv txog lub hauv paus thiab vim li cas ho txiav txim li ntawd . Nqe 14 .
( a ) Tus tuav dej num hauv tsev kawm ntawv yuav npaj thiab tswj lub hom phiaj yuav txais los sis rov txais ib tug me nyuam kawm ntawv uas tau raug cais los sis ntiab tawm hauv tsev kawm ntawv rov qab tuaj kawm ntawv . Lub hom phiaj tej zaum yuav muaj cov kev uas yuav siv los txhim kho tus me nyuam tus xeeb ceem thiab yuav tsum tau muaj kev koom tes los ntawm niam txiv hauv txoj kev yuav txais kawm ntawv los sis rov txais kawm ntawv , thiab yuav qhia rau tus me nyuam kawm ntawv txog cov kev rau txim rau tus me nyuam kawm ntawv yog tias tsis txhim kho tus me nyuam kawm ntawv tus xeeb ceem kom zoo .
( b ) Ntsiab lus so nyob rau tshooj 121A . 41 , nqe me thib 10 , nws tsis siv rau cov tub ntxhais kawm uas ua txhaum hauv tsev kawm tsawg tshaj ib hnub kawm ntawv , tshwj tsis yog tias txib los ntawm tsoom fwv tsab cai lij choj hais txog cov neeg xiam oob qhab . Txhua qhov kev rau txim muab so tej zaum yuav muaj qhov phiaj xwm tias rov pib dua li cas . Yuav tsum muaj qhov phiaj xwm rov pib mus kawm dua , yam tsim nyog , lwm txoj hau kev xaiv pab kev kawm , uas tsis txhob tias yuav tau ncua tus tub ntxhais kawm lub hnub nyoog so mus ntxiv . Raug raws li txoj cai tshooj 125A . 091 , nqi me thib 5 , phiaj xwm kev rov mus kawm yuav tsum tsis quab yuam niam txiv los sis tus tsom kwm muab tshuaj kho hlub rau lawv cov tub ntxhais kawm thaum cia rov mus kawm ntawv . Tsev kawm ntawv yuav tsum siv kev pom zoo los ntawm niam txiv los sis tus tsom kwm txog kev siv tshuaj ua kom tus tub ntxhais kawm lub siab tus los sis tso cai soj ntsuam xyuas txoj kev xav , xeem thiab kuaj tus tub ntxhais kawm , los ntawm nws tus kheej , uas txwv tus tub ntxhais kawm mus koom kev kawm ntawv thiab tej hauj lwm , los sis them nyiaj kev ua phem rau me nyuam yaus , muab me nyuam pov tseg los sis kev kho thiab qhia txog kev raug tso tseg . Txoj cai tseem muaj tus txheej txheem los thov kom rov saib xyuas cov kev txiav txim dua . Yog xav paub ntxiv nug tau Ray Brodeur , ( 763 ) 506-1650 .
Tus Qauv Txog Kev Siv Lub Zog Tsim Nyog , Ntu 121A . 582
( Saib hauv Minnesota Tsab Cai 121A . 582 thiab ) 1 . Hauv qee lub sij hawm , tej zaum yuav tsim nyog rau tus neeg ua hauj lwm los siv lub zog tsim nyog kom muaj kev ruaj ntseg hauv ib puag ncig rau cov tub ntxhais kawm ntawv . Yuav siv tau lub zog tsim nyog rau ib tug tub ntxhais kawm ntawv yam uas nws tsis tau tso cai rau thaum uas siv los ntawm tus tuav dej num , tus kws qhia ntawv , tus neeg tsav lub npav thauj me nyuam mus kawm ntawv los sis lwm tus neeg sawv cev hauv lub tsev kawm ntawv uas siv kev muaj cai ua thiab thaum uas tsim nyog raws lub sij hawm los kho los sis tuav ib tug tub ntxhais kawm ntawv , los sis los tiv thaiv kom tsis txhob raug mob rau lub cev los sis ploj tuag ntawm lwm tus neeg .
2 . Lub zog tsim nyog yog txhais tias kev siv lub zog ntawm cev thaum tsim nyog , tiam sis tsis tshaj qhov uas tsim nyog los tiv thaiv cov kev ua phem ntawm ib tug los sis ntau tshaj ib tug tub ntxhais kawm ntawv los ntawm qhov yuav raug rau lwm cov tub ntxhais kawm ntawv los sis cov neeg ua hauj lwm .
3 . Cov neeg ua hauj lwm yuav siv tau lub zog tsim nyog : ( a ) los nias ib qho teeb meem uas yuav hawv kom lwm tus neeg raug mob ; ( b ) los txeeb kom tau cov riam phom los sis lwm cov khoom phom sij ntawm tus neeg los sis ntawm qhov tus me nyuam kawm ntawv tswj qhov khoom ntawd ; ( c ) los tiv thaiv tus kheej ; ( d ) rau kev tiv thaiv lawm tsu neeg thiab / los sis khoom ; thiab ( e ) los taw cov kev txav los sis kev ua ntawm tus tub ntxhais kawm ntawv kom thiaj li tsis txhob muaj kev cuam tshuam hauv chav kawm los sis lwm qhov chaw hauv lub tsev kawm ntawv uas tsis raug cai . Cov kev ua no , los sis ib qho ntawm cov kev ua no , yuav tsis suav tias yog kev rau txim kom lub cev raug mob raws li hauv lub ntsiab txhais thiab lub hom phiaj ntawm tsab cai no .
4 . Muaj kev cob qhia txog Kev Tiv Thaiv Thaum Muaj Xwm Txheej Ceev ( Crisis Prevention Intervention ) ( CPI ) rau cov neeg ua hauj lwm thawm niaj thawm xyoo . Xav kom cov neeg ua hauj lwm siv cov tswv yim txo teeb meem kom thiaj li txo tau zoo qhov uas yuav tau muab tuav tseg .
5 . Yog hais tias yuav tsum tau muab ib tug tub ntxhais kawm ntawv tshwj xeeb tuav tseg , yuav tsum tau teb Daim Ntawv Qhia Txog Ib Qho Xwm Txheej Tseem Ceeb Heev ( Critical Incident Report ).