IV . TUS TXHEEJ TXHEEM QHIAS
A . Ib tug neeg uas ntseeg tias nws yog ib tug neeg raug ua phem rau los ntawm kev ua phem kom nkag tau mus ua tswv cuab hauv ib pag pawg , los sis ib tug neeg uas paub txog los sis ntseeg tias muaj kev coj xeeb ceem uas muaj kev ua phem kom nkag tau mus ua tswv cuab hauv ib pag pawg , yuav tsum tau qhia txog cov kev ua ntawd tam sim ntawd mus rau tus neeg uas Cheeb Tsam Tsev Kawm Ntawv xaiv los xyuas txoj dej num uas nyob rau hauv tsab cai no .
B . Tus Tswj Fwm Tsev Kawm Ntawv hauv lub tuam tsev yog tus neeg uas muaj txoj dej num los txais cov lus qhia txog kev ua phem kom nkag tau mus ua tswv cuab hauv ib pag pawg hauv lub tuam tsev . Ib tug neeg twg yuav qhia tau txog kev ua phem kom nkag tau mus ua tswv cuab hauv ib pag pawg ncaj qha mus rau Tus Xyuas Txog Cov Kev Pab Tus Tub Ntxhais Kawm Ntawv los sis tus Pab Tus Thawj Tswj Cheeb Tsam Tsev Kawm Ntawv .
C . Cov kws qhia ntawv , cov neeg tuav dej num , cov neeg ua hauj lwm pab dawb , cov neeg txais sab nraud tuaj ua hauj lwm , thiab lwm cov neeg ua hauj lwm hauv cheeb tsam tsev kawm ntawv yuav tsum tau ceev faj txog tej lub hwv tsam , zwj ceeb , los sis koom txoos uas tej zaum yuav muaj kev ua phem kom nkag tau mus ua tswv cuab hauv ib pag pawg . Ib tug neeg twg uas tau txais cov lus qhia txog , pom , los sis paub txog los sis ntseeg tias muaj kev coj xeeb ceem uas muaj kev ua phem kom nkag tau mus ua tswv cuab hauv ib pag pawg yuav tsum tau qhia rau Tus Tswj Fwm Tsev Kawm Ntawv hauv lub tuam tsev tam sim ntawd .
D . Kev xa ib qho kev tsis txaus siab raws kev ntseeg siab los sis kev qhia txog kev ua phem kom nkag tau mus ua tswv cuab hauv ib pag pawg yuav tsis muaj feem cuam tshuam dab tsi rau tus neeg tsis txaus siab los sis tus neeg qhia ntawd txoj hauj lwm yav tom ntej no , cov kev kawm ntawv seb tau li cas , los sis txoj hauj lwm .
V . CHEEB TSAM TSEV KAWM NTAWV KEV NQIS TES
A . Thaum txais tau daim ntawv tsis txaus siab los sis lus qhia txog kev ua phem kom nkag tau mus ua tswv cuab hauv ib pag pawg , Cheeb Tsam Tsev Kawm Ntawv yuav tsum tau ua los sis tso cai ua ib qho kev tshawb xyuas los ntawm peb Cheeb Tsam Tsev Kawm Ntawv cov neeg tuav dej num los sis ib pawg neeg coj nruab nrab ntug sab nraud uas Cheeb Tsam Tsev Kawm Ntawv xaiv .
B . Cheeb Tsam Tsev Kawm Ntawv yuav ua ib co kauj ruam tam sim ntawd , raws li nws txoj kev txiav txim , los tiv thaiv tus neeg uas hais qhov kev tsis txaus siab , tus neeg qhia , cov tub ntxhais kawm ntawv , los sis lwm cov neeg raws li tsim nyog thaum tos kom ua tiav qhov kev tshawb xyuas txog kev ua phem kom nkag tau mus ua tswv cuab hauv ib pag pawg .
C . Thaum ua tiav qhov kev tshawb xyuas , Cheeb Tsam Tsev Kawm Ntawv yuav nqis tes kom tsim nyog . Cov kev nqis tes tej zaum yuav muaj xws li , tiam sis tsis yog tas rau , kev ceeb toom , kev tshem tawm , kev cais tawm , txo sam xeeb , kev ntiab tawm , kev pauv mus rau lwm qhov , kev kho kom zoo , kev rho tawm , los sis kev tshem tawm . Cov kev qhuab qhia yuav tsim nyog txaus kom tsis txhob ua txhaum ntxiv lawm thiab qhuab qhia txoj kev coj tus xeeb ceem uas txwv tsis pub muaj ntawd . Cheeb Tsam Tsev Kawm Ntawv kev qhuab qhia rau kev ua txhaum tsab cai no mas nws yuav xwm yeem nrog cov uas yuav tsum tau muaj hauv cov ntawv sau cog lus uas tsim nyog , cov neeg tswj cai uas tsim nyog , uas suav Minnesota Pupil Fair Dismissal Act ( Minnesota Tsab Cai Tshem Tawm Me Nyuam Kawm Ntawv Kom Ncaj Ncees ), thiab lwm cov cai thiab cov cai tswj kav hauv Cheeb Tsam Tsev Kawm Ntawv . VI . KEV UA PAUJ Cheeb Tsam Tsev Kawm Ntawv yuav qhuab qhia los sis nqis tes raws li tsim nyog rau ib tug tub ntxhais kawm ntawv , kws qhia ntawv , tus tuav dej num , tus neeg ua hauj lwm pab dawb , tus neeg txais sab nraud tuaj ua hauj lwm los sis lwm cov neeg ua hauj lwm hauv Cheeb Tsam Tsev Kawm Ntawv uas ua pauj rau tus neeg uas qhia raws kev ntseeg siab txog ib qho kev iab liam tias muaj kev ua phem kom nkag tau mus ua tswv cuab hauv ib pag pawg los sis rau ib tug neeg uas ua pov thawj , pab , los sis koom tes rau hauv txoj kev tshawb xyuas , los sis hauv ib rooj plaub los sis lub rooj mloog plaub hais txog qhov kev ua phem kom nkag tau mus ua tswv cuab hauv ib pag pawg ntawd . Kev ua pauj muaj xws li , tiam sis tsis yog tas rau , kev hais lus saib tsis taus , kev pauj kua zaub ntsuab , los sis kev zes . VII . KEV NTHUAV TSAB CAI TAWM Yuav muab tsab cai no tso rau hauv txhua lub tuam tsev phau ntawv qhia rau tub ntxhais kawm ntawv thiab cov neeg ua hauj lwm thiab hauv Cheeb Tsam Tsev Kawm Ntawv Phau Ntawv Qhia Txog Tsab Cai Qhuab Qhia Tub Ntxhais Kawm Ntawv ( School District ' s Student Discipline Policy Manual ), thiab hauv Phau Ntawv Qhia Txog Tus Tuav Dej Num Tsab Cai ( Administrative Policy Manual ). Nws yuav tsum muab tso tawm txhua xyoo ua hom ntawv uas cov neeg hauv zej zog tuaj yeem nkag tau mus saib nrog rau tsev kawm ntawv thiab feem ua hauj lwm kev kawm .
Tsab cai tsis pub muaj kev ntxub ntxaug txog cov neeg uas muaj kev tsis taus , Tsab Cai 402.0
Nws yog tsab cai hauv Anoka-Hennepin Cheeb Tsam Tsev Kawm Ntawv Tus Zauv 11 los muab txoj kev kawm ntawv uas dawb thiab tsim nyog rau tag nrho cov tub ntxhais kawm ntawv uas muaj kev tsis taus hauv nws ciaj ciam , tsis hais seb hom kev tsis tau ntawd yog dab tsi los sis loj npaum cas . Cov tub ntxhais kawm ntawv uas muaj kev tsis taus raws li cov ntsiab txhais nyob hauv Section 504 hauv Rehabilitation Act ( Tsab Cai Tsis Pub Cais Tshwj Cov Neeg Muaj Kev Tsis Taus ) thaum 1973 yuav txheeb , soj ntsuam , thiab muab kev qhia ntawv thiab cov kev pab qhia ntawv uas tsim nyog . Cov neeg uas xav tias muaj kev tsis taus yuav muaj cov cai nram qab no raws li hauv Section 504 :
1 . Muaj cai teev ib daim ntawv tsis txaus siab nrog cheeb tsam hais txog cov kev iab liam tias muaj kev ua txhaum hauv Section 504 cov cai . 2 . Muaj cai kom muaj kev soj ntsuam los ntawm cov chaw sib txawv . 3 . Muaj cai kom qhia txog cov kev nqis tes ua hais txog kev tsim nyog thiab cov hom phiaj npaj muab kev pab . 4 . Muaj cai los saib cov lus qhia txog tus kheej uas siv hom kev ua kom nkag siab . 5 . Muaj cai kom ib sij ib zaug muaj kev soj ntsuam . 6 . Muaj cai kom muaj kev soj ntsuam ua ntej yuav muaj cov kev hloov loj hauv cov kev pab .
7 . Muaj cai los tawm tsam rau cheeb tsam cov kev nqis tes uas npaj ua los ntawm qhov muaj ib lub rooj mloog ob tog lus los ntawm ib tus neeg nyob nruab nrab .
8 . Muaj cai muaj ib tug kws lij choj sawv cev rau nws hauv lub rooj mloog ob tog lus los ntawm ib tus neeg nyob nruab nrab .
9 . Muaj cai thov kom rov hais dua cov kev txiav txim ntawm ib lub rooj hais plaub .
Tsab cai txog niam txiv tuaj cuag cov tub ntxhais kawm ntawv thaum tseem kawm ntawv , Tsab Cai 903.2
Anoka-Hennepin Cheeb Tsam Tsev Kawm Ntawv lees paub tias cov niam txiv uas yug tus tub ntxhais kawm ntawv muaj cai los sib txuas lus nrog lawv tus me nyuam thaum lub sij hawm tseem kawm ntawv . Txawm li ntawd los Cheeb Tsam pom qhov tseem ceeb ntawm qhov uas muab ib qho chaw kawm ntawv uas tsis txhob muaj kev tab kaum thiab kev cuam tshuam rau tag nrho cov tub ntxhais kawm ntawv . Thaum
Tsab cai no qhia txog cov txheej txheem uas cov niam txiv caum yog tias lawv xav ntsib lawv tus me nyuam thaum lub sij hawm tseem kawm ntawv vim muaj xwm txheej ceev .
twg ua tau cov niam txiv / cov neeg siab xyuas yuav tsum tau npaj ib lub sij hawm ntsib thiab / los sis tham nrog lawv cov me nyuam tawm sab nraum lub sij hawm tseem kawm ntawv .
Yog thaum muaj ib qho xwm txheej ceev uas niam txiv yuav tsum tau tiv tauj tus me nyuam thaum tseem kawm ntawv , tus niam txiv / tus neeg saib xyuas yuav tsum tau hu xov tooj los sis mus rau ntawm tus tswj fwv tsev kawm ntawv lub chav fai mus :
1 . Thov kom hu tus me nyuam los rau hauv chav fai los ntsib niam txiv / tus neeg saib xyuas thiab / los sis nrog tus me nyuam tham hauv xov tooj .
2 . Tus tswj fwv tsev kawm ntawv los sis tus neeg sawv cev yuav txiav txim tau seb puas kam cia tus me nyuam tawm hauv chav kawm los ntsib los sis nrog niam txiv / tus neeg saib xyuas tham .
3 . Tsab cai thiab cov txheej txheem no yuav siv kom sib npaug zos nrog rau tag nrog cov niam txiv / cov neeg saib xyuas txawm tias yog cov uas tau kev saib xyuas tus me nyuam los sis tsis tau kev saib xyuas tus me nyuam . Cheeb Tsam Tsev Kawm Ntawv lees paub tias teeb meem nquag tshwm sim ntawm cov niam txiv uas sib nrauj lawm los sis cov niam txiv uas tsim kev yeeb ncuab ; tiam sis , nws tsis yog tus neeg los tu plaub thiab yuav tsis los ua txoj dej num ntawd . Li no , Anoka-Hennepin Cheeb Tsam Tsev Kawm Ntawv yuav tsis tswj cov kev txib txog kev xyuas me nyuam ntawm tus neeg uas tau kev saib xyuas me nyuam los sis niam txiv kev saib xyuas uas tsis hais ntsees txog .