Kev ua txhaum thawj zaug yuav raug kawm txog cov lus hauv kev zes , thiab tej zaum yuav muaj ib los sis ntau tshaj ib qho nram qab no : a . Xa mus rau ntawm qhov chaw kawm txog 5 hnub . b . Muab tshem tawm tsis pub mus kawm ntawv mus txog 10 hnub . c . Sib tham nrog niam txiv / tus neeg saib xyuas . d .
Yuav qhia rau cov niam txiv thiab tus tub ntxhais kawm ntawv tias cov kev ua txhaum mus txuas ntxiv yuav raug muab xa mus rau Pawg Tswj Xyuas Tsev Kawm Ntawv kom muab ntiab tawm hauv tsev kawm ntawv mus txog ib xyoos hauv daim ntawv sij hawm ( calendar ). e . Xa mus rau tub ceev xwm . f . Xa mus rau tus Thawj Saib Xyuas Cov Dej Num Ua Si ( Activities Director )
( qib kawm 9-12 ). Kev ua txhaum zaum ob yuav raug kawm txog cov lus hauv kev zes , thiab tej zaum yuav muaj ib los sis ntau tshaj ib qho nram qab no : a .
Muab tshem tawm tsis pub mus kawm ntawv mus txog 10 hnub b . Sib tham nrog niam txiv / tus neeg saib xyuas . c .
Xa mus rau pawg tswj xyuas tsev kawm ntawv kom muab ntiab tawm tsev kawm ntawv mus txog ib xyoos hauv daim ntawv teev sij hawm ( calendar ). d . Xa mus rau tub ceev xwm . e . Xa mus rau tus Thawj Saib Xyuas Cov Dej Num Ua Si ( Activities Director )
( qib kawm 9-12 ). Cov kev ua txhaum mus ntxuas ntxiv yuav raug kawm txog cov lus hauv kev zes , rho tawm los sis tshem tawm , thiab tej zaum yuav muaj ib los sis ntau tshaj ib qho nram qab no : a . Sib tham nrog niam txiv / tus neeg saib xyuas . b .
Xa mus rau pawg tswj xyuas tsev kawm ntawv kom muab ntiab tawm tsev kawm ntawv mus txog ib xyoos hauv daim ntawv teev sij hawm ( calendar ). c . Xa mus rau tub ceev xwm . d . Xa mus rau tus Thawj Saib Xyuas Cov Dej Num Ua Si ( Activities Director )
( qib kawm 9-12 ). Thaum los txiav txim ib qho kev rau txim uas tsim nyog , tus tuav dej num yuav xyuas seb qhov kev cuam tshuam rau kev ruaj ntseg ntawm ib tug neeg los sis ib pab pawg nws loj npaum cas , kev cuam tshuam hauv txoj kev kawm ntawv hauv cov tsev kawm ntawv , thiab seb qhov kev coj xeeb ceem puas tau tsim ib puag ncig uas muaj kev sib ntxub rau ib tug tub ntxhais kawm ntawv los sis ib pawg tub ntxhais kawm ntawv . Yog hais tias tus tub ntxhais kawm ntawv tau ua txhaum ntau zaus thiab / los sis ua txhaum ntau zuj zus hauv tsab cai hais txog Cov Lus hauv Kev Zes , yuav siv kev qhuab qhia siab zog los sis cov kev rau txim siab zog .
Tsab Cai Txwv Tsis Pub Muaj Kev Ua Phem ( Hazing ), Naj Npawb 526.0
Lus Cim : Tsab Cai Qhuab Qhia 506.0 los tseem hais txog kev ua phem kom nkag tau mus ua tswv cuab hauv ib pag pawg thiab . Nws hais tias : “ Cov kev ua txhaum cai rau cov neeg uas tau sib txuas lus nrog los sis npaj sib txuas lus nrog tsis hais siv hom kev dab tsi li . Cov kev ua txhaum cai muaj xws li tiam sis tsis yog tas rau : hais lus thiab / los sis tsis hais lus thab plaub / hawv ; soj caum qab ; kev thaiv ; ua phem rau ; sib ntaus ; kev txhav los ua yug tug ; kev thab plaub , hais lus phem txog haiv neeg ; kev ua phem txog kev tsis taus ; kev hais lus phem txog kev sib deev / ua phem ; hnav khaub ncaws tsis raug chua ; kev ua phem kom nkag tau mus ua tswv cuab hauv ib pag pawg ( hazing ).”
I . LUB HOM PHIAJ Lub hom phiaj ntawm tsab cai no yog los ua kom muaj ib qho chaw kawm ntawv thiab ua hauj lwm uas zoo thiab muaj kev ruaj ntseg rau cov tub ntxhais kawm ntawv thiab cov neeg ua hauj lwm kom tsis txhob muaj kev ua phem kom nkag tau mus ua tswv cuab hauv ib pag pawg . Cov kev ua phem kom
Tsab cai no txwv tsis pub muaj kev ua phem nyob rauv Anoka- Hennepin Cheeb Tsam Tsev Kawm Ntawv , nyob rau ntawm tsev kawm ntawv thaj chaw los sis tsis chaw nyob .
• Nws tshab txhais txog kev ua phem kom nkag tau mus ua tswv cuab hauv ib pag pawg .
• Nws qhia txog cov txheej txheem ntawm kev qhia txog kev ua phem kom nkag tau mus ua tswv cuab hauv ib pag pawg .
• Nws qhia txog cov kev nqis tes uas cheeb tsam yuav ua hais txog kev qhov kev qhia txog kev ua phem kom nkag tau mus ua tswv cuab hauv ib pag pawg . nkag tau mus ua tswv cuab hauv ib pag pawg tsis hais hom twg li uas tsis raws li cov hom phiaj qhia ntawv hauv cheeb tsam tsev kawm ntawv mas yuav txwv tu nrho txhua lub sij hawm . II . NQE LUS TXOG TSAB CAI
A . Tsis pub ib tug tub ntxhais kawm ntawv , kws qhia ntawv , tus tuav dej num , tus neeg ua hauj lwm pab dawb , tus neeg txais sab nraud tuaj ua hauj lwm los sis lwm cov neeg ua hauj lwm hauv cheeb tsam tsev kawm ntawv npaj , taw kev , txhawb , pab los sis koom rau hauv kev ua phem kom nkag tau mus ua tswv cuab hauv ib pag pawg .
B . Tsis pub ib tug kws qhia ntawv , tus tuav dej num , tus neeg ua hauj lwm pab dawb , tus neeg txais sab nraud tuaj ua hauj lwm los sis lwm cov neeg ua hauj lwm hauv Cheeb Tsam Tsev Kawm Ntawv tso cai , zam txim rau los sis zam kev ua phem kom nkag tau mus ua tswv cuab hauv ib pag pawg .
C . Kev zoo li tso cai los sis pom zoo los ntawm tus neeg uas raug ua phem rau kom nkag tau mus ua tswv cuab hauv ib pag pawg yuav tsis txo txoj kev txwv uas nyob hauv tsab cai no .
D . Siv tsab cai no rau cov kev coj xeeb ceem uas tshwm sim rau hauv los sis tsis yog rau hauv tsev kawm ntawv thaj chaw thiab thaum lub sij hawm kawm ntawv thiab tom qab kawm ntawv .
E . Ib tug neeg uas koom rau hauv ib txoj kev ua uas txhaum tsev kawm ntawv tsab cai los sis txoj cai kom pib mus tau los sis koom tau rau hauv ib lub koom haum rau tub ntxhais kawm ntawv yuav raug qhuab qhia rau txoj kev ua ntawd .
F . Cheeb Tsam Tsev Kawm Ntawv yuav los tshawb nrhiav txog tag nrho cov kev tsis txaus siab thiab yuav qhuab qhia los sis nqis tes rau txim rau ib tug tub ntxhais kawm ntawv , kws qhia ntawv , tus tuav dej num , tus neeg ua hauj lwm pab dawb , tus neeg txais sab nraud tuaj ua hauj lwm los sis lwm cov neeg ua hauj lwm hauv cheeb tsam tsev kawm ntawv uas pom tias nws tau ua txhaum hauv tsab cai no .
III . COV NTSIAB TXHAIS
A . “ Kev ua phem kom nkag tau mus ua tswv cuab hauv ib pag pawg ” txhais tias yog ua phem rau ib tug tub ntxhais kawm ntawv , los sis yuam ib tug tub ntxhais kawm ntawv kom ua tej yam phem , uas tej zaum yuav ua kom raug mob loj rau ib tug neeg , mas tus tub ntxhais kawm ntawv ntawd thiaj li pib mus tau los sis koom tau rau hauv ib lub koom haum rau tub ntxhais kawm ntawv , los sis rau lwm yam . Lo lus “ kev ua phem kom nkag tau mus ua tswv cuab hauv ib pag pawg ” muaj xws li tiam sis tsis yog tas rau : 1 . Hom kev ua lim hiam rau lub cev xws li nplawm , muab hlau kub coj mus hlawv , muab hluav taws xob coj mus chauv , los sis tso ib yam tshuaj phem rau lub cev .
2 . Cov kev ua rau lub cev xws li tsis pub pw , ua kom lub cev raug huab cua , kaw rau hauv ib qho chaw txwv tsis pub leej twg mus , cov kev nrhab lub cev kom dav los sis lwm cov dej num uas yuav ua rau tus tub ntxhais kawm ntawv raug mob los sis yuav muaj tej yam tshwm sim tsis zoo rau lub hlwb los sis lub cev txoj kev noj qab haus huv los sis kev ruaj ntseg ntawm tus tub ntxhais kawm ntawv .
3 . Cov kev ua si uas txuam nrog kev haus dej cawv , tshuaj , luam yeeb los iss lwm yam khoom noj , kua , los sis tshuaj uas yuav ua rau tus tub ntxhais kawm ntawv raug mob los sis yuav muaj tej yam tshwm sim tsis zoo rau lub hlwb los sis lub cev txoj kev noj qab haus huv los sis kev ruaj ntseg ntawm tus tub ntxhais kawm ntawv .
4 . Cov kev ua uas ua rau tus tub ntxhais kawm ntawv txaj muag los sis hawv nws uas yuav raug cais tawm , uas yuav ua rau tus tub ntxhais kawm ntawv muaj kev nyuab siab heev , txaj muag heev , poob ntsej muag , los sis rhuav ntsej muag ; los sis ua rau muaj kev puas hlwb los sis puas meej mom ntawm tus tub ntxhais kawm ntawv los sis ua rau tus tub ntxhais kawm ntawv tsis xav nyob hauv tsev kawm ntawv .
5 . Cov kev ua uas ua rau los sis kom tus tub ntxhais kawm ntawv yuav tsum tau ua ib txoj dej num uas txhaum hauv Xeev los sis Nom Tswv Teb Chaws txoj cai los sis hauv Cheeb Tsam Tsev Kawm Ntawv txoj cai los sis tsev kawm ntawv txoj cai tswj kav .
B . “ Lub Koom Haum Rau Tub Ntxhais Kawm Ntawv ” txhais tias yog ib pawg , lub koom haum me , los sis ib lub koom haum uas muaj cov tub ntxhais kawm ntawv ua cov tswv cuab los sis cov neeg koom feem coob . Nws muaj cov qib kawm , cov chav kawm , cov pawg , cov dej num los sis tej co koom txoos hauv tsev kawm ntawv . Ib lub koom haum rau tub ntxhais kawm ntawv tsis tas yuav yog ib lub koom haum hauv tsev kawm ntawv raws cai es thiaj li muaj raws li cov nqe lus hauv lub ntsiab txhais no .
2021-22 Tsev Kawm Ntawv Phau Ntawv Qhia ahschools . us / policies 43