X . KEV NTHUAV TSAB CAI TAWM
1 . Txhua lub tsev kawm ntawv yuav xyuas kom tham txog tsab cai no thaum pib xyoo kawm ntawv nrog tag nrho cov neeg ua hauj lwm thiab nrog txhua tus tub ntxhais kawm ntawv uas kom tsim nyog raws nws hnub nyoog thiab nws qib theem nkag siab thiab tus tswj fwm tsev kawm ntawv los sis tus neeg uas xaiv los sawv cev ntawd yuav sau tseg hnub tim uas tau tham txog qhov no hauv txhua chav kawm .
2 . Yuav muab tsab cai no , nrog rau cov kev uas tej zaum yuav tau txais yog ua txhaum cai , tso rau hauv phau ntawv qhia rau tus tub ntxhais kawm ntawv hauv txhua lub tsev kawm ntawv .
3 . Yuav muab tsab cai no lo thoob plaws hauv lub tsev kawm ntawv ntawm qhov chaw uas sawv daws pom thiab lwm cov tuam tsev hauv Cheeb Tsam uas cov tub ntxhais kawm ntawv thiab cov neeg ua hauj lwm yuav pom tau . Yuav muaj cov ntawv loj ( posters ) rau txhua lub tsev kawm ntawv coj mus luam tau .
4 . Yuav muab tsab cai no xa rau txhua lub tsev hauv kev xa ntawv thaum pib xyoo kawm ntawv txhua xyoo ua ib feem ntawm cheeb tsam daim ntawv xov xwm luam tawm , hu ua Back to School News . Yog hais tias xa ib tsab ntawv xov xwm mus rau cov tub ntxhais kawm ntawv lub tsev , yuav sau cov ntsiab hauv tsab cai / tus txheej txheem no rau hauv tsab ntawv xov xwm yam tsawg ib zaug ib xyoo .
5 . Yuav muab tsab cai no rau txhua tus neeg ua hauj lwm hauv cheeb tsam thiab cov neeg txais sab nraud tuaj ua hauj lwm thaum tus neeg ntawd pib cog lus ua hauj lwm .
XI . SAIB XYUAS TSAB CAI DUA Tsab cai no yuav raug saib xyuas dua raws xyoos los ntawm Pawg Tswj Xyuas los sis cov neeg nws xaiv thiab , yog tias tsim nyog , yuav muab kho kom ua raws li xeev thiab nom tswv teb chaws txoj cai uas tsim nyog .
Siv Tsab Cai : Cov Lus txog Kev Zes
Cheeb tsam muaj kev ruaj siab los tsim ib qho chaw zoo rau hauv tag nrho peb cov tsev kawm ntawv kom tag nrho cov tub ntxhais kawm ntawv xis nyob , muaj kev ruaj ntseg thiab npaj kawm ntawv . Tsis muaj chaw hauv peb cov tsev kawm ntawv rau cov lus txog kev zes . Tau hais txog cov lus txog kev zes hauv Ntu III B , nqe rau hauv Anoka-Hennepin Cheeb Tsam Tsev Kawm Ntawv tsab cai txog kev qhuab qhia . Nws yog cov lus uas tsim ib qho chaw kawm ntawv uas muaj kev sib ntxub , kev tsiv heev los sis kev ua kom txaj muag . Nws yog kev sib txuas lus tsis hais hom twg li ( lus , ntawv , twj cim ) uas npaj rau los sis muaj kev ua rau kom raug mob , saib qes , ua kom poob ntsej muag , tsim txom , thuam thiab / los sis ua kom txaj muag ntawm lwm tus neeg los sis lwm pab pawg neeg , hais txog tus neeg ntawd haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , hnub nyoog , kev so hauj lwm mus tu tsev neeg los sis kev yog qub tub rog . Cov kev sib txuas lus li no , txawm tias yog ib qho xwm txheej xwb los , yuav suav tias yog ua txhaum cai . Ib co piv txwv txog ntau hom kev zes hauv cov tsev kawm ntawv muaj xws li : Kev Zes Txog Haiv Neeg , Kob Ntawm Cev Nqaij Daim Tawv , Dab Qhuas Los Sis Yug Lub Teb Chaws Twg
• Cov tub ntxhais kawm ntawv ntsaws cov ntawv hais tsiv heev rau cov tub ntxhais kawm ntawv uas yog neeg Dub Mis Kas qhov chaw xauv khoom tseg thiab hauv lawv cov phau ntawv , siv cov lus phem hais txog haiv neeg , thiab hawv cov tub ntxhais kawm ntawv uas yog neeg Dub Mis uas los zaum ze lawv hauv chav noj mov .
• Ib tug tub ntxhais kawm ntawv tso rau hauv Facebook tias “ Cov neeg Mev hauv peb lub tsev kawm ntawv yuav tsum tau rov qab mus tsev tag nrho .” Hnub tom qab muaj ib qho kev sib ceg nrog nrov ntawm ob tug tub ntxhais kawm ntawv tham txog “ cov lus sau thuam haiv hauv Facebook ” uas tshwm sim sab nraud qhov chaw neeg taug kev hauv tsev kawm ntawv .
Kev Zes Txog Kev Sib Deev
• Tsis ntev tom qab rau npe koom rau hauv ib lub tsev kawm ntawv theem siab tshiab , ib tug ntxhais kawm ntawv tau hlub lwm tus tub kawm ntawv mus ib ntus . Tom qab khub ntawd sib tso , lwm cov tub ntxhais kawm ntawv pib hu tus ntxhais kawm ntawv ntawd ib co npe phem txog kev sib deev , taug xaiv txog nws tus xeeb ceem txog kev sib deev , thiab xa cov lus hawv hauv xov tooj thiab e-mails . Kev Zes Txog Qhov Yog Poj Niam Nyiam Poj Niam los sis Txiv Neej Nyiam Txiv Neej / Qhov Nws Yog Poj Niam Los Sis Txiv Neej
• Hauv lub xyoo kawm ntawv , tau hu cov npe phem rau ib tug tub ntxhais kawm ntawv theem siab ( nrog rau cov lus hais phem tawm tsam cov txiv neej uas nyiam txiv neej thiab cov lus txog kev sib deev ) rau nws lub ntsej muag thiab hauv cov chaw saum huab cuab uas neeg tuaj saib coob coob . Nws raug hawv thiab thuam tom tsev kawm ntawv vim tias nws tsis coj raws li qhov uas neeg xav tias cov tub hluas yuav tau coj thiab hnav ( piv txwv li , coj li ib tug poj niam , xaiv cov kev ua si , tsoos , thiab tu ib ce tsis phim li rau ib tug txiv neej ).
Kev Zes Txog Kev Tsis Taus
• Coob tus tub ntxhais kawm ntawv pheej hu ib tug tub ntxhais kawm ntawv uas muaj kev tsis taus hauv tsev kawm thiab nyob hauv tsheb npav . Kev zes mas tsis yog txwv thaum lub sij hawm kawm ntawv xwb , tiam sis ua ntej thiab tom qab lub sij hawm kawm ntawv hauv tag nrho tsev kawm ntawv cov chaw , nrog rau hauv cov npav thauj me nyuam mus kawm ntawv , tsev kawm ntawv cov kev ua si , los sis tsev kawm ntawv cov koom txoos uas ua rau lwm qhov chaw . Tsab cai no tseem siv rau cov kev coj xeeb ceem uas tsis yog ua rau ntawm tsev kawm ntawv thaj chaw uas ua rau muaj los sis hawv kom muaj kev cuam tshuam loj thiab kev cuam tshuam tej khoom ntawm tsev kawm ntawv , los sis cuam tshuam rau cov tub ntxhais kawm ntawv los sis cov neeg ua hauj lwm txoj cai uas tsis pub muaj kev sib ntxub hauv ib puag ncig ntawm tsev kawm ntawv thaum tsis muaj ib yam dab tsi yuav los txiav txim tau rau cov xwm txheej uas tshwm sim hauv tsev kawm ntawv thaj chaw thiab tsis yog tshwm sim hauv tsev kawm ntawv thaj chaw . Ib co piv txwv ntawm cov kev coj xeeb ceem thaum tsis nyob hauv tsev kawm ntawv uas nthuav mus rau hauv tsev kawm ntawv muaj xws li cov nram qab no :
• Ib tug tub ntxhais kawm ntawv iab liam tias nws tau raug mos los ntawm lwm tus tub ntxhais kawm ntawv thaum tsis nyob hauv tsev kawm ntawv thaj chaw thiab , thaum rov qab tuaj rau hauv tsev kawm ntawv , nws raug thuam thiab zes los ntawm tus neeg tau ua phem ntawd cov phooj ywg .
• Thaum nyob tom tsev , ib tug tub ntxhais kawm ntawv tso ib zaj yas suab uas muaj cov nqe lus txog ib tug tub ntxhais kawm ntawv qhov yog poj niam nyiam poj niam los sis txiv neej nyiam txiv neej rau hauv Facebook rau nws 1,000 “ tus phooj ywg ,” uas coob tus yog cov tub ntxhais kawm ntawv hauv nws lub tsev kawm ntawv . Zaj nkauj cia li “ nthuav mus rau coob tus neeg ” thiab yog lub ntsiab lus tham hauv tsev kawm ntawv mus ob peb av thiv , thiab thaum kawg tus tub ntxhais kawm ntawv ntawd nyob hauv tsev thiab ncua tsis mus kawm ntawv .
Ib qho piv txwv ntawm kev coj xeeb ceem thaum tsis nyob hauv tsev kawm ntawv thaj chaw uas tsis muaj feem txuam mus txuas ntxiv rau hauv tsev kawm ntawv ( kom lub tsev kawm ntawv tsis txhob nyob rau lub hwj tsam los muab txim rau ):
• Hauv ib lub koom txoos hauv cov neeg zej zos nyob hmo Zwj Cag ( Saturday ), ob tug tub ntxhais kawm ntawv tau sib hu npe phem txog haiv neeg thiab sib ntaus . Tsis muaj qhov tshwm sim los ntawm qhov nkawv ua no hauv tsev kawm ntawv tom qab qhov xwm txheej .
Cheeb tsam tsab cai txog kev qhuab qhia hais txog thiab muab txim rau cov lus zoo li no , tiam sis peb ua ib zej zos yuav tsum tau los sib koom tes ua hauj lwm ua ke los cheem hom kev zes no . Cov niam txiv thiab cov neeg ua hauj lwm hauv cheeb tsam yuav tsum tau qhia rau peb cov tub ntxhais kawm ntawv paub tias cov lus no mas nws tsis yog lawm thiab yuav tsis zam rau . Yuav kom tsim tau ib qho chaw uas suav sawv daws thiab zoo kawm ntawv , cov niam txiv thiab cov neeg ua hauj lwm hauv cheeb tsam yuav tsum tau ua hauj lwm ua ke los xaus cov lus zes los ntawm kev qhia thiab rau txim rau kom tsim nyog . Tom qab ib qho kev tshawb nrhiav tus tuav txoj dej num yuav siv nws txoj kev paub los ntaus nqe yog lawv tau ua txhaum hauv tsab cai hais txog cov lus hauv kev zes . Yog pom tias muaj kev ua txhaum , yuav caum raws cov kev qhuab qhia los sis cov kev rau txim , hauv qab no . Tus tuav dej num , nrog tus neeg uas thawj tswj cheeb tsam tsev kawm ntawv tau xaiv , yuav siv tau nws txoj kev txiav txim siab los siv cov kev rau txim uas tsim nyog ntxiv rau thaum yuav tau ua kom muab tau kev ruaj ntseg rau tag nrho cov tub ntxhais kawm ntawv . Yuav siv tag nrho nom tswv teb chaws thiab xeev cov cai hais txog cov tub ntxhais kawm ntawv tshwj xeeb rau cov txheej txheem hauv tsab cai no .