E . hnub uas teev daim ntawv qhia , tshwj tsis yog tub ceev xwm ho hais kom ua lwm yam los sis txoj cai kom yuav tsum tau ua , los sis yog tias tus neeg tshaj li xav tias yuav tsis tso cai rau Cheeb Tsam qhia . Yuav qhia rau niam txiv / cov neeg saib xyuas ntawm tus neeg raug ua phem rau thiab tus ua phem yog tias muaj kev sib ntaus , tshwj tsis yog tub ceev xwm ho hais kom ua lwm yam los sis txoj cai kom yuav tsum tau ua .
2 . Tom qab qhov kev tshawb nrhiav , tus neeg uas saib xyuas qhov kev tsis txaus siab los sis tus neeg sawv cev hauv Cheeb Tsam yuav sib txuas lus nrog tus neeg raug ua phem rau hais txog qhov tshawb nrhiav tau hauv txoj kev tshawb nrhiav . a . Txoj kev sib txuas lus no yuav suav niam txiv / cov neeg saib xyuas ntawm tus tub ntxhais kawm ntawv thaum niam txiv / tus neeg saib xyuas thov txog yog tias tus tub ntxhais kawm ntawv muaj 18 xyoo rov hauv , los sis thaum tus tub ntxhais kawm ntawv thov txog yog tias muaj 18 xyoo rov saud . b . Yog hais tias ua qhov kev tshawb nrhiav tsis tiav li ntawm peb hnub kawm ntawv , yuav hais qhia rau tus neeg raug ua phem rau seb ua qhov kev tshawb nrhiav txog twg lawm thaum lub sij hawm ntawd .
3 . Tus neeg raug ua phem rau thiab / los sis niam txiv / tus neeg saib xyuas ntawm tus neeg raug ua phem rau yuav soj ntsuam tau cov ntaub ntawv uas muaj feem hauv tus neeg ua hauj lwm uas ua daim ntawv qhia lub chav fai yog tias thov txog . a . Yuav tsis muab cov qauv ntawm cov ntaub ntawv tso tawm rau tus tub ntxhais kawm ntawv tiam sis yuav muab tso tawm tau rau niam txiv / tus neeg saib xyuas ntawm tus neeg raug ua phem rau thaum niam txiv / tus neeg saib xyuas thov txog . b . Tus neeg raug iab liam tias ua phem los sis nws niam nws txiv / tus neeg saib xyuas yuav soj ntsuam los sis saib xyuas tsis tau cov ntaub ntawv tshwj tsis yog tias Cheeb Tsam tau txais daim ntawv txib kom ua los ntawm tsev hais plaub . Cov neeg ua hauj lwm uas tshawb nrhiav txog qhov kev tsis txaus siab yuav qhia tsis tau rau tus neeg raug iab liam tias ua phem los sis nws niam nws txiv / tus neeg saib xyuas tias tus neeg qhia ntawd yog leej twg .
4 . Yuav tsum tau hwm qhov tsis pub lwm tus neeg paub txog thiab qhov tsis pub lwm tus neeg paub txog cov ntaub ntawv ntawm tag nrho cov neeg uas muaj feem rau hauv raws li xeev thiab nom tswv teb chaws cov cai tam sim no . Leej Twg Muaj Txoj Dej Num Los Lis Tus Txheej Txheem Qhia No 1 . Thaum muaj ib qho kev qhia mus rau los sis xa mus rau tus tuav dej num , tus neeg ntawd los sis tus neeg nws xaiv muaj txoj dej num los lis thiab sau txog tus txheej txheem qhia no .
2 . Thaum muaj ib qho kev qhia mus rau los sis xa mus rau Title IX Tus Neeg Saib Xyuas / Tus Neeg Saib Xyuas Kev Ncaj Ncees , tus neeg ntawd los sis tus neeg nws xaiv , muaj txoj dej num los lis thiab sau txog tus txheej txheem qhia no .
3 . Thaum muaj ib qho kev qhia mus rau thawj tswj cheeb tsam tsev kawm ntawv , tus neeg ntawd los sis tus neeg nws xaiv muaj txoj dej num los lis thiab sau txog tus txheej txheem qhia no .
4 . Cheeb tsam tus 504 Tus Neeg Saib Xyuas los sis tus neeg nws xaiv , muaj txoj dej num los lis thiab sau txog tus txheej txheem qhia no hais txog cov kev tsis txaus siab txog kev zes , kev ua phem los sis kev ntxub ntxaug txog kev tsis taus .
5 . Cov xwm txheej uas muaj kev ua phem raws li txhais hauv tus txheej txheem no yuav tsum tau xa mus rau tus tub ceev xwm cev ncauj lus hauv lub tuam tsev ntawd seb puas yuav ua tau ib qho kev tshawb nrhiav txog kev ua txhaum cai uas nws muaj nws ib qho .
6 . Thaum qhov kev qhia muaj feem rau ib qho kev iab liam tias muaj kev zes , kev ua phem los sis kev ntxub ntxaug los ntawm cheeb tsam tus neeg ua hauj lwm los sis tus neeg ua hauj lwm hauv ib lub koom haum uas muaj ntawv cog lus nrog Cheeb Tsam uas ua rau ib tug tub ntxhais kawm ntawv , qhov kev tshawb nrhiav yuav ua los ntawm Title IX Tus Neeg Saib Xyuas / Tus Neeg Saib Xyuas Kev Ncaj Ncees .
F .
Kev Zes los sis Kev Ua Phem ua Kev Tsim Tsis Raws Cai
1 . Nyob rau qee lub zwj ceeb , ib qho kev zes los sis kev ua phem tej zaum tseem yuav ua tau ib qho kev tsim tsis raws cai nyob hauv Minnesota txoj cai . Yog li no , tej zaum yuav siv cov dej num ntawm txoj kev yuav tsum tau qhia nyob hauv Minnesota Tsab Cai Seem 626.556 .
2 . Tsis muaj dab tsi hauv tsab cai no yuav tiv thaiv los sis txwv cheeb tsam los ntawm qhov qis tes ua ib yam dab tsi tam sim ntawd los tiv thaiv cov neeg raug kev thab , kev ua phem , los sis kev ntxub ntxaug uas iab liam ntawd .
V . TSIS MUAJ KEV UA PAUJ Yuav tsis muaj kev ua pauj rau tus neeg raug ua phem rau los sis tus neeg qhia txog qhov kev zes , kev ua phem los sis kev ntxub ntxaug nyob hauv tsab cai no , los sis rau ib tug neeg uas koom rau hauv txoj kev tshawb nrhiav . Cheeb tsam nqis tes raws li tsim nyog rau tus tub ntxhais kawm ntawv , tus kws qhia ntawv , tus tuav txoj dej num los sis lwm tus neeg ua hauj lwm hauv cheeb tsam uas ua pauj rau tus neeg uas qhia raws kev ntseeg siab , ib tug neeg uas ua pov thawj , pab , los sis koom tes rau hauv txoj kev tshawb xyuas , los sis rau ib tug neeg uas ua pov thawj , pab , los sis koom tes rau hauv ib rooj plaub los sis lub rooj mloog plaub hais txog qhov kev qhia txog ntawd . Kev ua pauj muaj xws li , tiam sis tsis yog tas rau , kev hais lus saib tsis taus , kev pauj kua zaub ntsuab , los sis kev zes .
VI . THOV KOM ROV HAIS DUA ( APPEAL ) Yog hais tias daws tsis tau qhov kev qhia los sis qhov kev tsis txaus siab raws li tus neeg uas raug zes , ua phem los sis ntxub ntxaug ntawd lub siab xav , nws yuav thov tau kom rov hais dua mus rau tus neeg saib xyuas neeg cov cai yog hais tias ib tug neeg ua hauj lwm hauv cheeb tsam , los sis Title IX Tus Neeg Saib Xyuas / Tus Neeg Saib Xyuas Kev Ncaj Ncees yog tias ib tug tub ntxhais kawm ntawv , li ntawm kaum ( 10 ) hnub kawm ntawv thaum txais tau cov kev tshawb nrhiav tau hauv cheeb tsam txoj kev tshawb xyuas . Cheeb tsam tus neeg tshawb nrhiav yuav soj ntsuam qhov kev thov kom rov hais dua thiab , li ntawm kaum ( 10 ) hnub kawm ntawv thaum tau txais qhov kev thov kom rov hais dua , yuav pom zoo , thim rov qab , los sis hloov cov kev tshawb nrhiav tau hauv daim ntawv qhia . Qhov kev txiav xim ntawm cheeb tsam tus neeg tshawb nrhiav yog qhov kawg .
VII . KEV MUAJ FEEM RAU HAUV ( CONFLICT OF INTEREST ) Yog tias muaj muaj feem rau hauv ib tog uas raug hauv tsab cai no , yuav muab cov kev pab uas tsim nyog , xws li , tiam sis tsis yog tas rau , nrhiav ib tug los sis muab kev cog lus nrog ib tug neeg tshawb nrhiav sab nraud uas nyob nruab nrab ntug los ua qhov kev tshawb nrhiav , los sis tus neeg uas muaj feem rau hauv los sis tej zaum yuav muaj feem rau hauv qhov tshwm sim ntawd nws tshem nws tus kheej tawm ntawm tus txheej txheem ua .
VIII . MUAJ CAI SIV LWM COV TXHEEJ TXHEEM LOS HAIS KEV TSIS TXAUS SIAB Cov txheej txheem no yuav tsis muaj qhov tias tsis pom zoo rau cov cai ntawm ib tug tib neeg los nrhiav lwm cov kev los daws teeb meem uas muaj xws li teev cov kev ua txhaum cai nrog cov koom haum nram qab no , los sis ib pib qho kev hais plaub hauv xeev los sis nom tswv teb chaws lub tsev hais plaub . Minnesota Department of Human Rights Freeman Building 625 Robert Street North St . Paul , MN 55155 tus xov tooj hu kev deb : 800.657.3704 tty : 651.296.1283 Fev : 651.296.9042 www . humanrights . state . mn . us U . S . Department of Education Office for Civil Rights , Region V 500 W . Madison Street - Suite 1475 Chicago IL 60661 Xov tooj : 312.730.1560 TDD : 312.730.1609
IX . KEV SAIB XYUAS COV XWM TXHEEJ Title IX Tus Neeg Saib Xyuas / Tus Neeg Saib Xyuas Kev Ncaj Ncees yuav saib xyuas qhov kev zes seb uia heev npaum li cas , vim li cas ho ua , thiab nws loj npaum li cas , thiab cheeb tsam txoj kev teb rau cov xwm txheej txog kev zes ntev mus , kom thiaj li hais tau txog qhov siv tau zoo ntawm cheeb tsam cov kev tiv thiav thiab kev ua raws li tsab cai no .
2021-22 Tsev Kawm Ntawv Phau Ntawv Qhia ahschools . us / policies 41