Policy Handbook 2021-22: Hmong | Page 42

2 . Tus neeg ua hauj lwm hauv cheeb tsam uas pom ib qho kev zes , kev ua phem los sis kev ntxub ntxaug ib tug tub ntxhais kawm ntawv twg yuav tsum tau sim thaiv txoj kev ua ntawd thiab qhia txog qhov ntawd mus rau tus neeg tsim nyog tam sim ntawd , los sis sai li sai tau .
3 . Tus neeg ua hauj lwm hauv Cheeb Tsam los sis tus tub ntxhais kawm ntawv uas pom los sis paub txog los sis ntseeg tias qhov kev coj xeeb ceem ntawd yog ib qho kev zes , kev ua phem los sis kev ntxub ntxaug ib tug tub ntxhais kawm ntawv yuav tsum tau qhia rau tus tuav txoj hauj lwm , tus neeg pab tawm tswv yim , los sis tus neeg tawm suab sawv cev rau cov kev pab tub ntxhais kawm ntawv tam sim ntawd , los sis sai li sai tau tom qab qhov xwm txheej . Ib tug neeg pab tawm tswv yim los sis tus neeg tawm suab sawv cev rau cov kev pab tub ntxhais kawm ntawv yuav tsum tau qhia txog cov lus qhia no mus rau tus neeg tuav txoj hauj lwm kom sai .
4 . Yuav tsum tau qhia txog qhov kev tsis txaus siab ( hais los sis sau rau hauv ntawv ) tam sim ntawd , los sis sai li sai tau tom qab qhov xwm txheej tshwm sim ; lub sij hawm uas ncua ntawm hnub qhov xwm txheej uas iab liam ntawd tshwm sim mus rau hnub qhia txog qhov xwm txheej mas yuav ua rau qhov kev tshawb xyuas nyuaj .
5 . Pawg tswj xyuas tsev kawm ntawv xaiv Title IX Tus Neeg Saib Xyuas / Tus Neeg Saib Xyuas Kev Ncaj Ncees los saib xyuas thiab txais cov lus qhia los sis cov kev tsis txaus siab los ntawm cov tub ntxhais kawm ntawv txog kev zes , kev ua phem thiab kev ntxub ntxaug cov tub ntxhais kawm ntawv : Title IX Tus Neeg Saib Xyuas / Tus Neeg Saib Xyuas Kev Ncaj Ncees Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : titleIXcoordinator @ ahschools . us
6 . Pawg tswj xyuas tsev kawm ntawv xaiv tus 504 Tus Neeg Saib Xyuas los saib xyuas thiab txais cov lus qhia los sis cov kev tsis txaus siab los ntawm cov tub ntxhais kawm ntawv txog kev zes , kev ua phem thiab kev ntxub ntxaug txog kev tsis taus : 504 Tus Neeg Saib Xyuas Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : 504coordinator @ ahschools . us
7 . Yog hais tias qhov kev tsis txaus siab muaj feem txuam nrog tus tuav txoj hauj lwm , yuav teev tau qhov kev tsis txaus siab ncaj qha nrog rau Title IX Tus Neeg Saib Xyuas / Tus Neeg Saib Xyuas Kev Ncaj Ncees , uas nws yuav qhia rau Tus Tswj Xyuas Cheeb Tsam Tsev Kawm Ntawv . Yog hais tias qhov kev tsis txaus siab muaj feem txuam nrog Title IX Tus Neeg Saib Xyuas / Tus Neeg Saib Xyuas Kev Ncaj Ncees , yuav teev tau qhov kev tsis txaus siab ncaj qha nrog rau tus thawj tswj cheeb tsam tsev kawm ntawv . Yog hais tias qhov kev tsis txaus siab muaj feem txuam nrog tus tswj cheeb tsam tsev kawm ntawv , yuav teev tau qhov kev tsis txaus siab ncaj qha nrog rau tus pawg tswj xyuas tsev kawm ntawv : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : schoolboard @ ahschools . us
8 . Yog hais tias qhov kev tsis txaus siab muaj feem txuam nrog ib tug tswv cuab hauv pawg tswj tsev kawm ntawv , yuav teev tau qhov kev tsis txaus siab ncaj qha nrog rau tus thawj coj hauv pawg tswj tsev kawm ntawv : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : schoolboard @ ahschools . us
9 . Yog hais tias qhov kev tsis txaus siab muaj feem txuam nrog tus thawj coj hauv pawg tswj tsev kawm ntawv , yuav teev tau qhov kev tsis txaus siab ncaj qha nrog rau tus lwm tswj hauv pawg tswj tsev kawm ntawv : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : schoolboard @ ahschools . us
10 . Tsis muaj dab tsi hauv tsab cai no yuav tiv thaiv ib tug neeg los ntawm kev qhia txog kev thab , kev ua phem , los sis kev ntxub ntxaug ncaj qha mus rau Title IX Tus Neeg Saib Xyuas / Tus Neeg Saib Xyuas Kev Ncaj Ncees los sis mus rau tus thawj tswj cheeb tsam tsev kawm ntawv : Tus Thawj Saib Xyuas Cheeb Tsam Tsev Kawm Ntawv , Anoka Hennepin School District Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : superintendent @ ahschools . us
B .
C .
11 . Txawm tias cheeb tsam xav kom tus tub ntxhais kawm ntawv uas raug ua phem rau ntawd siv daim ntawv qhia uas nyob hauv tsab cai no los qhia los , tsis tas siv daim ntawv qhia raws cai los tau . Cov kev hais qhia yuav suav tias yog cov kev tsis txaus siab ib yam nkaus . Daim ntawv no muaj nyob hauv tus neeg pab tawm tswv yim thiab chaw khiav dej num lub chav fai hauv txhua lub tsev kawm ntawv , cheeb tsam lub chav fai , thiab hauv cheeb tsam lub vas sab ( website ) ntawm : http :// www . ahschools . us / complaintform Yuav muaj lwm txoj kev los teev qhov kev tsis txaus siab , xws li los ntawm kev tham nrog tus neeg ntawd kiag los sis kaw rau hauv kab xev , rau cov neeg muaj kev tsis taus . Kev Tshawb Nrhiav – Cov Tub Ntxhais Kawm Ntawv 1 . Thaum uas tau txais tau cov lus qhia txog los sis ib qho kev tsis txaus siab , cheeb tsam yuav pib tam sim ntawd los sis tso cai ua ib qho kev tshawb nrhiav . Qhov kev tshawb nrhiav yuav ua kom tiav li ntawm peb caug hnub thaum txais tau cov lus hais txog kev tsis txaus siab , tshwj tsis yog tias yuav ua tsis tau li .
2 . Qhov kev tshawb nrhiav yuav , thaum uas tsim nyog , muaj kev nug tus neeg uas raug ua phem rau , tus neeg qhia ( yog tias yog lwm tus neeg dua li ntawm tus neeg uas raug ua phem rau ), tus ( cov ) neeg uas tsis txaus siab rau uas teev txog , thiab lwm cov neeeg uas tej zaum paub txog qhov ( cov ) xwm txheej uas raug iab liam ntawd los sis cov zwj ceeb uas ua rau muaj qhov kev tsis txaus siab ntawd . Qhov kev tshawb nrhiav yuav tseem yuav muaj lwm txoj kev thiab lwm cov ntaub ntawv uas tus neeg tshawb nrhiav xav tias tseem ceeb .
3 . Thaum los txiav txim seb kev coj tus xeeb ceem uas raug iab liam ntawd puas txhaum cov cai hauv tsab cai no , cheeb tsam yuav xyuas txog tus ( cov ) tub ntxhais kawm ntawv lub hnub nyoog thiab seb nkag siab txog qib twg , cov lus qhia txog yam muaj tseeb thiab cov zwj ceeb ib ncig ntawm qhov xwm txheej , vim li cas ho coj tus xeeb ceem zoo li ntawd , cov xwm txheej yav dhau los los sis cov qauv coj xeeb ceem yav dhau los los sis cov qauv coj xeeb ceem ua ntu zus mus , txoj kev sib txheeb ntawm ob tog uas txuam rau hauv thiab yog vim li cas qhov xwm txheej ho tshwm sim . Kev txiav txim seb ib qho kev ua los sis ib qho xwm txheej puas txhaum hauv tsab cai no mas yuav tsum yog xyuas tag nrho cov lus qhia txog yam muaj tseeb thiab cov zwj ceeb ib ncig ntawm qhov xwm txheej .
4 . Cheeb tsam , raws li qhov nws txiav txim , yuav siv tau cov kauj ruam los tiv thaiv cov neeg uas txuam rau hauv tus txheej txheem hais qhov kev tsis txaus siab , raws seb cov kev iab liam loj npaum li cas , thaum tseem tos ua qhov kev tshawb nrhiav kom tiav .
5 . Kev txhob txwm teev ib daim ntawv qhia cuav yuav suav tias yog kev ua txhaum hauv tsab cai txog kev qhuab qhia tus tub ntxhais kawm ntawv . Cheeb Tsam Tsev Kawm Ntawv Kev Txiav Txim – Cov Tub Ntxhais Kawm Ntawv 1 . Tus neeg tshawb nrhiav yuav sau txog qhov nws tshawb pom li ntawm tsib hnub kawm ntawv uas xaus qhov kev tshawb nrhiav .
2 . Thaum ua tiav qhov kev tshawb nrhiav thiab tau txais cov kev tshawb nrhiav tau , thiab yog tias pom tias tau muaj kev zes , cheeb tsam yuav nqis tes uas tej yam uas tsim nyog thiab siv tau hais txog tus neeg raug ua phem rau thiab tus neeg ua phem , thiab sau txog qhov kev nqis tes ua ntawd . Yog tus neeg tshawb nrhiav txiav txim tias tau muaj kev ua txhaum hauv tsab cai no , cov kev nqis tes tej zaum yuav muaj xws li , tiam sis tsis yog tas rau , ib feem ntawm kev kawm ntawv , lwm txoj kev daws teeb meem , kev cob qhia , kev tawm tswv yim , kev ceeb toom , hloov chav kawm mus rau lwm qhov , kev tshem tawm , kev ntiab tawm , los sis kev hloov mus rau lwm qhov . Yog tias tus neeg raug ua phem rau thiab tus neeg ua phem pom zoo los sib kho qhov tsis txaus siab ntawd ua siv tsev kawm ntawv tus txheej txheem los kho ob tog kom sib haum , yuav xav kom ua qhov no .
D . Cov Sij Hawm thiab Kev Qhia Rau Niam Txiv / Cov Neeg Saib Xyuas
1 . Yuav qhia rau niam txiv / cov neeg saib xyuas ntawm tus neeg raug ua phem rau thiab / los sis tus ua phem txog qhov kev thab plaub , kev zes , kev ua phem los sis kev ntxub ntxaug ua ntej hnub kawm ntawv tam sim ntawd xaus , tiam sis tsis pub lig tshaj ob hnub kawm ntawv ntawm
40 ahschools . us / policies 2021-22 Tsev Kawm Ntawv Phau Ntawv Qhia