Policy Handbook 2021-22: Hmong | Page 41

Yog hais tias qhov kev tsis txaus siab muaj feem txuam nrog tus tswj cheeb tsam tsev kawm ntawv , yuav teev tau qhov kev tsis txaus siab ncaj qha nrog rau tus pawg tswj xyuas tsev kawm ntawv : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : schoolboard @ ahschools . us If the complaint involves a school board member , the complaint shall be filed directly with the school board chair : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : schoolboard @ ahschools . us Yog hais tias qhov kev tsis txaus siab muaj feem txuam nrog tus thawj coj hauv pawg tswj tsev kawm ntawv , yuav teev tau qhov kev tsis txaus siab ncaj qha nrog rau tus lwm tswj hauv pawg tswj tsev kawm ntawv : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : schoolboard @ ahschools . us
4 . Hauv txhua lub Tuam Tsev Kawm Ntawv . Tus tswj fwv tsev kawm ntawv yog tus neeg uas muaj txoj dej num los txais cov lus hais qhia los sis cov ntawv sau qhia txog kev zes , kev ua phem los sis kev ntxub ntxaug hauv tsev kawm ntawv . Ib tug neeg ua hauj lwm hauv tsev kawm ntawv uas tau txais cov lus qhia txog qhov ntawd yuav tsum tau qhia rau tus tswj fwv tsev kawm ntawv tam sim ntawd . Yog tias tus tswj fwv tsev kawm ntawv tsis khoom nyob rau hnub uas qhia ntawd , ces tus neeg ua hauj lwm yuav tsum tau xa cov lus hais qhia ntawd los sis daim ntawv sau qhia / daim tsis txaus siab ntawd ncaj qha mus rau tus neeg saib xyuas txog neeg cov cai . Yog hais tias qhov kev tsis txaus siab yog hais txog tus tswj fwm tsev kawm ntawv , tus neeg ua hauj lwm yuav qhia txog qhov ntawd ncaj qha mus rau tus thawj tswj cheeb tsam tsev kawm ntawv los sis cheeb tsam tus neeg saib xyuas txog neeg cov cai . Thaum txais tau ib qho kev qhia , tus tswj fwv tsev kawm ntawv yuav tsum tau qhia rau cheeb tsam tus neeg saib xyuas txog neeg cov cai tam sim ntawd , yam uas tsis tas muaj kev soj ntsuam los sis kev tshawb nrhiav seb cov lus qhia ntawd puas muaj tseeb . Tus tswj fwv tsev kawm ntawv yuav thov tau , tiam sis tsis ua los tau , kom sau txog qhov kev tsis txaus siab ntawd rau hauv ntawv . Yog hais tias qhov kev qhia ntawd yog hais qhia , tus tswj fwv tsev kawm ntawv yuav npaj thiab muab ib daim ntawv sau txog cov lus qhia tseeb uas tau iab liam ntawd mus rau tus neeg saib xyuas txog neeg cov cai li ntawm 24 teev tom qab tau txais qhov kev qhia . Yog tias tsis xa cov kev qhia txog kev zes los sis kev ua phem mas tej zaum yuav muaj kev qhuab qhia tus tswj fwv tsev kawm ntawv .
5 . Tsis muaj dab tsi hauv tsab cai no yuav thaiv ib tug neeg ua hauj lwm hauv cheeb tsam los qhia txog kev thab , kev ua phem , los sis kev ntxub ntxaug ncaj qha mus rau tus neeg saib xyuas txog neeg cov cai los sis rau tus thawj tswj cheeb tsam tsev kawm ntawv .
6 . Yuav tsum tau qhia txog qhov kev tsis txaus siab ( hais los sis sau rau hauv ntawv ) tam sim ntawd , los sis sai li sai tau tom qab qhov xwm txheej tshwm sim ; lub sij hawm uas ncua ntawm hnub qhov xwm txheej uas iab liam ntawd tshwm sim mus rau hnub qhia txog qhov xwm txheej mas yuav ua rau qhov kev tshawb xyuas nyuaj .
7 . Txoj kev teev ib qho kev qhia cuav uas yeej paub zoo tias yog cuav mas yuav suav tias yog ib qho kev txhaum cai hauv cheeb tsam tsab cai .
8 . Txawm tias yuav lees tsis tau kiag tias yuav muaj kev tsis pub lwm tus neeg paub los , cheeb tsam yuav hwm txoj kev tsis pub lwm tus paub txog tus neeg uas raug ua phem rau , tus neeg qhia ( yog tias yog lwm tus neeg dua li ntawm tus neeg raug ua phem rau , tus ( cov ) neeg uas daim ntawv tsis txaus siab ntawd hais txog , thiab cov neeg ua pov thawj ntawd kom ntau li ntau tau , xwm yeem nrog cheeb tsam cov dej num ua raws txoj cai los tshawb fawb , los daws , thiab los ua raws li cov dej num txog kev tshawb nrhiav tau los sis kev qhia tawm .
B . Kev Tshawb Nrhiav – Cov Neeg Ua Hauj Lwm Hauv Cheeb Tsam
1 . Tus neeg saib xyuas txog neeg cov cai , thaum uas tau txais cov lus qhia txog los sis ib qho kev tsis txaus siab , yuav pib tam sim ntawd los sis tso cai ua ib qho kev tshawb nrhiav . Qhov kev tshawb nrhiav ntawd yuav ua tau los ntawm cov neeg raug cai tuav txoj dej num hauv cheeb tsam los sis los ntawm ib pawg neeg coj nruab nrab ntug sab nraud uas cheeb tsam xaiv .
2 . Qhov kev tshawb nrhiav yuav ua kom tiav li ntawm 30 hnub hauv daim ntawv teev sij hawm ( calendar ) thaum txais tau cov lus hais txog kev tsis txaus siab , tshwj tsis yog tias yuav ua tsis tau li .
3 . Qhov kev tshawb nrhiav yuav , thaum uas tsim nyog , muaj kev nug tus neeg uas raug ua phem rau , tus neeg qhia ( yog tias yog lwm tus neeg dua li ntawm tus neeg uas raug ua phem rau ), tus ( cov ) neeg uas tsis txaus siab rau uas teev txog , thiab lwm cov neeeg uas tej zaum paub txog qhov ( cov ) xwm txheej uas raug iab liam ntawd los sis cov zwj ceeb uas ua rau muaj qhov kev tsis txaus siab ntawd . Qhov kev tshawb nrhiav yuav tseem yuav muaj lwm txoj kev thiab lwm cov ntaub ntawv uas tus neeg tshawb nrhiav xav tias tseem ceeb .
4 . Thaum los txiav txim seb kev coj tus xeeb ceem uas raug iab liam ntawd puas txhaum cov cai hauv tsab cai no , cheeb tsam yuav xyuas cov uas muaj tseeb thiab cov zwj ceeb ib ncig ntawm qhov xwm txheej , thiab vim li cas ho coj tus xeeb ceem zoo li ntawd , cov xwm txheej yav dhau los los sis cov qauv coj xeeb ceem yav dhau los los sis cov qauv coj xeeb ceem ua ntu zus mus , txoj kev sib txheeb ntawm ob tog uas txuam rau hauv thiab yog vim li cas qhov xwm txheej ho tshwm sim Kev txiav txim seb ib qho kev ua los sis ib qho xwm txheej puas txhaum hauv tsab cai no mas yuav tsum yog xyuas tag nrho cov lus qhia txog yam muaj tseeb thiab cov zwj ceeb ib ncig ntawm qhov xwm txheej .
5 . Cheeb tsam , raws li qhov nws txiav txim , yuav siv tau cov kauj ruam los tiv thaiv cov neeg uas txuam rau hauv tus txheej txheem hais qhov kev tsis txaus siab , raws seb cov kev iab liam loj npaum li cas , thaum tseem tos ua qhov kev tshawb nrhiav kom tiav .
C . Cheeb Tsam Tsev Kawm Ntawv Kev Txiav Txim – Tus Neeg Ua Hauj Lwm Hauv Cheeb Tsam 1 . Thaum ua tiav qhov kev tshawb nrhiav , cheeb tsam los sis pawg neeg coj nruab nrab ntug sab nraud uas nyob nruab nrab tus neeg tshawb nrhiav yuav sau ib tsab ntawv qhia txog qhov kev tshawb nrhiav mus rau tus neeg siab xyuas txog neeg cov cai . Yog hais tias qhov kev tsis txaus siab ntawd yog hais txog tus neeg saib xyuas neeg cov cai , daim ntawv qhia ntawd yuav tsum tau xa ncaj qha mus rau tus thawj tswj cheeb tsam tsev kawm ntawv . Yog hais tias qhov kev tsis txaus siab ntawd yog hais txog tus thawj tswj cheeb tsam tsev kawm ntawv , yuav tau xa daim ntawv qhia ncaj mus rau pawg tswj xyuas tsev kawm ntawv . Daim ntawv qhia yuav muaj cov lus txog yam muaj tseeb , ib qho kev txiav txim seb cov kev iab liam puas muaj pov thawj thiab seb puas tau ua txhaum hauv tsab cai no .
2 . Thaum ua tiav qhov kev tshawb nrhiav , tus neeg xyuas txog neeg cov cai yuav qhia rau tus neeg raug ua phem rau ntawd txog nws cov cai los saib daim ntawv sau qhia ntawm lub tsev kawm ntawv uas tus neeg raug ua phem rau ntawd ua hauj lwm los sis mus kawm ntawv , raws li xeev thiab tsoom fwv teb chaws cov cai hais txog kev tsis pub lwm tus paub txog cov xov los sis cov ntaub ntawv .
3 . Yog thaum uas muaj pov thawj rau qhov kev tsis txaus siab ntawd , cheeb tsam yuav nqis tes uas tej yam uas tsim nyog thiab siv tau nyob ntawm seb cov xwm txheej zoo li cas . Cov kev nqis tes tej zaum yuav muaj xws li , tiam sis tsis yog tas rau , kev cob qhia , kev tawm tswv yim , kev ceeb toom , kev tshem tawm , kev hloov mus rau lwm qhov chaw , kev kho kom rov zoo li qub , los sis kev txiav tsis pub muaj lawm . Cheeb tsam cov kev nqis tes ua rau kev ua txhaum tsab cai no yuav xwm yeem nrog qhov yuav tsum tau muaj hauv cov ntawv cog lus ua ib pab pawg ( collective bargaining ), Minnesota thiab tsoom fwv txoj cai , thiab cheeb tsam cov cai . IV . COV TXHEEJ TXHEEM QHIA RAU COV XWM TXHEEJ NTAWM KEV ZES THIAB / LOS SIS KEV NTXUB NTXAUG COV TUB NTXHAIS KAWM NTAWV
A . Qhia txog Ib Qho Kev Tsis Txaus Siab
1 . Tus tub ntxhais kawm ntawv uas ntseeg tias nws tau ntsib kev zes , kev ua phem los sis kev ntxub ntxaug raws haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , tsev neeg zoo li cas , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , hnub nyoog , kev so hauj lwm mus tu tsev neeg los sis kev yog qub tub rog yuav tsum tau qhia txog cov kev ua uas raug iab liam ntawd tam sim ntawd , los sis sai li sai tau , mus rau tus tuav txoj hauj lwm , tus neeg pab tawm tswv yim , los sis tus neeg tawm suab sawv cev rau cov kev pab tub ntxhais kawm ntawv hauv lub tsev kawm ntawv ntawd .
2021-22 Tsev Kawm Ntawv Phau Ntawv Qhia ahschools . us / policies 39