Kev zes lwm pawg neeg uas muaj kev tiv thaiv muaj tus xeeb ceem ntawm cev los sis hais lus raws tus neeg ntawd txoj kev xav los sis cov pawg neeg muaj kev tiv thaiv tiag tiag .
J . Kev Ua Phem Txog Kev Sib Deev . Ib qho kev ua phem txog kev sib deev yog kev siv lub cev los thab plaub los sis yuam los sis hawv uas muaj qhov kov lwm tus neeg qhov chaw mos , los sis yuam kom ib tug neeg mus kov lwm tus neeg qhov chaw mos . Cov chaw mos , raws li tshab txhais hauv Minnesota Tsab Cai § 609.341 , suav qhov chaw mos , puab tais , sab hauv sab ncej puab , pob tw los sis lub mis , nrog rau cov khaws ncaws uas npog cov chaw no . Kev ua phem txog kev sib deev tej zaum muaj xws li , tiam sis tsis yog tas rau : 1 . kev kov , npuaj , tuav , los sis de lwm tus neeg qhov chaw mos , txawm tias tus neeg ntawd yog txiv neej los sis poj niam tib yam li tus neeg ua ntawd ;
2 . quab yuam , yuam , los sis sim yuam los sis sim quab yuam kom kov ib tug neeg qhov chaw mos ;
3 . quab yuam los sis sim qhuab yuam kom sib deev los sis ua tej yam ntawm kev sib deev nrog lwm tus neeg ; los sis
4 . hawv yuav quab kom ua tej yam kev sib deev , nrog rau qhov kov qhov chaw mos los sis sib deev , nrog lwm tus neeg .
K . Kev Ua Phem rau Haiv Neeg , Tawv Nqaij , Kev Ntseeg los sis Yug Teb Chaws Twg . Kev ua phem raws haiv neeg yog ib txoj kev uas siv lub cev los thab plaub los sis quab yuam , kev ua phem , los sis hawv txog , uas yog ua rau ib tug tub ntxhais kawm ntawv los sis neeg ua hauj lwm raws lawv txoj kev xav los sis qhov tiag tiag ntawm haiv neeg , tawv nqaij , kev ntseeg , los sis yug teb chaws twg .
L . Kev Ua Phem Txog Kev Dab Qhuas . Kev ua phem txog kev dab qhuas yog ib txoj kev siv lub cev los thab plaub los sis quab yuam , kev ua phem , los sis hawv txog , uas yog ua rau ib tug tub ntxhais kawm ntawv los sis neeg ua hauj lwm raws lawv txoj kev xav los sis qhov tiag tiag ntawm kev dab qhuas .
M . Kev Ua Phem Txog Kev Tsis Taus . Kev ua phem txog kev tsis taus yog siv lub cev los thab plaub los sis quab yuam , kev ua phem , los sis hawv txog , uas yog ua rau ib tug tub ntxhais kawm ntawv los sis neeg ua hauj lwm raws lawv txoj kev xav los sis qhov tiag tiag ntawm kev tsis taus .
N . Kev Ua Phem Txog Lwm Pawg Neeg Uas Muaj Kev Tiv Thaiv . Lwm Pawg Neeg Uas Muaj Kev Tiv Thaiv yog kev siv lub cev los thab plaub los sis quab yuam , kev ua phem , los sis hawv txog , uas yog ua rau ib tug tub ntxhais kawm ntawv los sis neeg ua hauj lwm raws lawv txoj kev xav los sis qhov tiag tiag txog pawg neeg uas muaj kev tiv thaiv .
O . Kev ua phem yog : 1 . ib txoj kev ua nrog kev npaj ua kom lwm tus neeg ntshai txog kev ua kom lub cev raug mob los sis tuag ; 2 . kev txhob txwm ua kom raug mob los sis sim ua kom lwm tus neeg lub cev raug mob ; los sis 3 . txoj kev hawv yuav ua kom lwm tus neeg lub cev raug mob uas muaj peev xwm yuav ua tau raws li txoj kev hawv . II . COV TXHEEJ TXHEEM DAV DAV TXOG KEV QHIA
A . Txoj kev ua raws thiab siv ib tug txheej txheem qhia uas tsim nyog yuav pab cheeb tsam ua raws li Minnesota Human Rights Act ( Minnesota Tsab Cai Txog Neeg Cov Cai ) thiab tsoom fwv teb chaws txoj cai los ntawm kev xyuas kom cheeb tsam yeej hais txog cov kev iab liam tias muaj kev zes thiab kev ua phem .
B . Raws li Title IX , txhua cheeb tsam yuav tsum tau xaiv yam tsawg ib Tus Neeg Saib Xyuas Title IX los saib xyuas kom ua raws li lawv cov dej num nyob hauv cov cai tswj kav , nrog rau cov kev tshawb xyuas txog cov kev tsis txaus siab rau Title IX . 34 C . F . R § 106.8 ( a ).
C . Txhua cheeb tsam yuav tsum tau luam tawm cov txheej txheem hais kev tsis txaus siab uas muab ib txoj kev daws tam sim ntawd thiab sib luag zog txog cov kev tsis txaus siab txog kev ntxub ntxaug raws seb yog poj niam los sis txiv neej , nrog rau cov kev tsis txaus siab txog kev zes deev .. Ntxiv thiab , nyob rau hauv Section 504 thiab Title II , cov cheeb tsam yuav tsum tau muaj cov txheej txheem hais kev tsis txaus siab los hais txog kev zes raws kev tsis taus
D . Minnesota Tsab Cai Ntu 121A . 03 kom cov cheeb tsam yuav tsum tau muaj cov txheej txheem qhia rau cov kev tsis txaus siab txog kev sib deev , kev dab qhuas , thiab kev zes raws haiv neeg thiab / los sis kev ua phem . 1 . Rau kev ua kom muaj raws li qhov xeev hais kom muaj txog kev qhia , yuav muaj cov txheej txheem qhia nram qab no rau cov neeg ua hauj lwm hauv cheeb tsam thiab cov tub ntxhais kawm ntawv uas xa qhia txog ib qho xwm txheej los sis cov xwm txheej uas tej zaum yuav txuam nrog kev zes , kev ua phem los sis kev ntxub ntxaug raws haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , tsev neeg zoo li cas , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , hnub nyoog , kev so hauj lwm mus tu tsev neeg los sis kev yog qub tub rog uas muaj tiag los sis xav tias muaj tiag .
2 . Cheeb tsam tus neeg ua hauj lwm uas xaiv rau hauv tsab cai no yog tus yuav txais cov kev hais tsis txaus siab los sis cov ntawv sau txog kev tsis txaus siab thiab cov kev qhia txog kev zes , kev ua phem los sis kev ntxub ntxaug raws haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , tsev neeg zoo li cas , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , hnub nyoog , kev so hauj lwm mus tu tsev neeg los sis kev yog qub tub rog . III . COV TXHEEJ TXHEEM QHIA RAU COV XWM TXHEEJ TXOG KEV ZES THIAB / LOS SIS KEV NTXUB NTXAUG TXOG COV NEEG UA HAUJ LWM HAUV FEEM UA HAUJ LWM KEV KAWM
A .
Kev Qhia Txog Cov Kev Tsis Txaus Siab
1 . Ib tug neeg ua hauj lwm hauv Cheeb Tsam uas ntseeg tias nws tau ntsib kev zes , kev ua phem los sis kev ntxub ntxaug raws haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , tsev neeg zoo li cas , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , hnub nyoog , kev so hauj lwm mus tu tsev neeg los sis kev yog qub tub rog uas muaj tiag los sis xav tias muaj tiag , los sis ib tug neeg uas paub txog los sis ntseeg tias muaj kev coj xeeb ceem zes , ua phem los sis ntxub ntxaug , yuav tsum tau qhia txog cov kev ua ntawd tam sim ntawd , los sis kom sai li sai tau , mus rau tus neeg uas cheeb tsam xaiv los xyuas txoj dej num uas nyob hauv tsab cai no .
2 . Txawm tias cheeb tsam xav kom cov neeg uas raug ua phem rau los sis lwm cov neeg uas qhia ntawd siv daim ntawv qhia uas nyob hauv tsab cai no los qhia los , tsis tas siv daim ntawv qhia raws cai los tau . Cov kev hais qhia yuav suav tias yog cov kev tsis txaus siab ib yam nkaus . Daim ntawv no muaj los ntawm tus tswv fwv tsev kawm ntawv hauv txhua lub tuam tsev , cheeb tsam lub chav fai , thiab hauv cheeb tsam lub vas sab ( website ). Thaum thov txog rau cov neeg muaj kev tsis taus uas tsim nyog , yuav muaj lwm cov kev los teev daim ntawv tsis txaus siab , xws li los ntawm kev tham nrog tus neeg ntawd kiag los sis kaw rau hauv kab xev .
3 . Nyob hauv Cheeb Tsam . Pawg tswj tsev kawm ntawv xaiv Tus Thawj Coj Hauv Cov Kev Pab Tus Neeg Ua Hauj Lwm ( Director of Employee Services ) los ua cheeb tsam tus neeg saib xyuas txog neeg cov cai uas yuav txais tus neeg ua hauj lwm cov ntawv qhia los sis cov kev tsis txaus siab txog kev zes , kev ua phem thiab kev ntxug ntxaug ntawm : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : humanrightsofficer @ ahschools . us Yog hais tias qhov kev tsis txaus siab muaj feem txuam nrog tus neeg saib xyuas txog neeg cov cai , yuav teev tau qhov kev tsis txaus siab ncaj qha nrog rau tus thawj saib xyuas cheeb tsam tsev kawm ntawv ntawm : Chaw nyob xa ntawv : 2727 North Ferry Street , Anoka , MN 55303 Tus xov tooj : ( 763 ) 506-1000 Email : superintendent @ ahschools . us