Tsab Cai Txog Kev Kawm Ntawv Kom Sib Luag , Tsab Cai 102.0
I . LUB HOM PHIAJ Lub hom phiaj ntawm tsab cai no yog los xyuas kom muaj kev kawm ntawv sib luag rau tag nrho cov tub ntxhais kawm ntawv hauv Anoka Hennepin Cheeb Tsam Tsev Kawm Ntawv . II . NQE LUS HAIS DAV DAV TXOG TSAB CAI A .
B .
C .
D .
E .
F .
Nws yog cheeb tsam tsab cai los muab kev kawm ntawm kom sib luag rau tag nrho cov tub ntxhais kawm ntawv . Yuav tsis ntxub ntxaug ib tug tub ntxhais kawm ntawv twg raws haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , tsev neeg zoo li cas , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , los sis hnub nyoog . Feem saib xyuas tsev kawm tsis tau txwv kev nkag mus rau cov txiaj ntsim ntawm lawv cov tes dej num kev kawm . Cheeb tsam tseem yuav muab kev pab uas tsim nyog rau cov tub ntxhais kawm ntawv uas muaj kev tsis taus . Cheeb tsam txwv txoj kev zes ib tug neeg twg raws li cov uas tau hais los saud . Rau cov ntsiab txhais thiab cov lus qhia txog hom kev coj uas yuav txhaum cheeb tsam tsab cai txog kev zes thiab kev ua phem thiab cheeb tsam cov txheej txheem txog kev hais cov kev tsis txaus siab , mus xyuas hauv cheeb tsam Tsab Cai Txog Kev Zes , Kev Ua Phem , thiab Kev Ntxub Ntxaug ( Harassment , Violence , and Discrimination Policy ). Cheeb tsam txwv tsis pub muaj kev ua pauj rau ib tug neeg twg uas tau hais ib qho kev tsis txaus siab los sis koom rau hauv txoj kev tshawb nrhiav . Ua raws li Minnesota txoj cai lij choj , txhua tus tub ntxhais kawm , nrog rau cov hloov pauv meej mom thiab cov tub ntxhais kawm uas tsis cais lub meej mom , yuav tsum raug tso cai siv ib qho thiab txhua qhov chaw xwm yeem nrog lawv lub meej mom ntawm tus tub los ntxhais . Cov tub ntxhais kawm uas hloov meej mom thiab tsis cais lub meej mom uas tsis ua raws li txoj cai yauv tsum tsuas yog siv tus kheej thiab / lossis lwm qhov chaw sib txawv yog tias txhua tus tub ntxhais kawm yuav tsum ua li ntawd . Thaum lawv thov ua hauj lwm pub dawb , tus tub ntxhais twg uas xav txuag nws tus kheej yuav tau hloov qhov chaw los sis hloov lub sij hawm kawm . Txoj cai no siv tau tag nrho rau cov tes dej num kawm uas yog fab txuj ci thiab fab tsis yog txuj ci , nrog rau piv txwv , cov txuj ci kawm ua ntu , cov hauj lwm sib koom txuj ci kawm , thiab lwm yam kev muaj cai los sis cai tshwj xeeb lwm yam rau kev sau npe kawm . Tsab cai no yuav tau siv ua ntej , thaum lub sij hawm , thiab tom qab sij hawm kawm ntawv rau tag nrho tsev kawm ntawv cov khoom muaj nqis , nrog rau tsev kawm ntawv cov tsheb thauj neeg , tsev kawm ntawv tej koob tsheej uas teeb tsa nyob rau lwm thaj chaw . Tsab cai no tseem siv rau cov kev coj xeeb ceem uas tsis yog ua rau ntawm tsev kawm ntawv thaj chaw uas ua rau muaj los sis hawv kom muaj kev cuam tshuam loj thiab kev cuam tshuam tej khoom ntawm tsev kawm ntawv , los sis cuam tshuam rau cov tub ntxhais kawm ntawv los sis cov neeg ua hauj lwm txoj cai uas tsis pub muaj kev sib ntxub hauv ib puag ncig ntawm tsev kawm ntawv thaum tsis muaj ib yam dab tsi yuav los txiav txim tau rau cov xwm txheej uas tshwm sim hauv tsev kawm ntawv thaj chaw thiab tsis yog tshwm sim hauv tsev kawm ntawv thaj chaw . Nws yog cov neeg ua hauj lwm rau Feem saib xyuas tsev kawm tag nrho ua raws tsab cai no , los cheem , qhia kev ua txhaum txoj cai no , thiab qhia tag nrho tej kev ua txhaum txoj cai no . Tus tub ntxhais kawm ntawv , niam txiv los sis neeg saib xyuas twg uas muaj lus nug txog tsab cai no yuav tsum tau nrog tus tswj hwm lub tsev kawm ntawv los sis Title IX Tus Neeg Saib Xyuas / Tus Neeg Saib Xyuas Kev Ncaj Ncees tham : Title IX Tus Neeg Saib Xyuas / Tus Neeg Saib Xyuas Kev Ncaj Ncees Chaw nyob xa ntawv : 2727 N Ferry St ., Anoka , MN 55303 Tus Xov Tooj : 763-506-1000 Email : titleIXcoordinator @ ahschools . us
G . Yuav siv cov txheej txheem qhia uas nyob hauv Tsab Cai Txog Kev Zes , Kev Ua Phem thiab Kev Ntxub Ntxaug los qhia txog cov kev ua txhaum hauv tsab cai no .
Siv Tsab Cai : Tsab Cai Kev Muaj Vaj Huam Sib Luag – Ntawv Qhia
Cov Tsev Kawm Ntawv Anoka-Hennepin muaj cov tub ntxhais kawm coob zuj zus txog cov hloov meej mom thiab cov tsis muaj meej mom . Feem saib xyuas tsev kawm cog lus yuav muab kev kawm uas muaj kev nyab xeeb thiab sib raug zoo thiab muab txoj kev kawm uas muaj kev sib hlub ntawm cov tub ntxhais kawm thiab cov tsev neeg . Tag nrho txhua cov tub ntxhais kawm tsis hais koj yuav yog lub meej mom twg los peb zoo siab tos txais koj . Muaj ntau lo lus nug txog tias peb ua tau zoo npaum cas rau peb cov tub ntxhais kawm uas muaj meej mom sib txawv uas yog saib siab lawv lub koob npe , chav dej ,/ chav rau khoom , thiab cov ntawv khaws npe .
Npe thiab Lub Npe Puas : Kev hu npe thiab teev cov tub ntxhais kawm uas hloov lawv lub meej mom yog thawj txoj hauj lwm rau tsev kawm yuav tsum daws thiab tsim ib ncig puav vij koj cov tub ntxhais kawm hnov tias muaj kev nyab xeeb thiab pab txhawb . Cov tub ntxhais hloov meej mom feem ntau lawv yuav hloov lawv lub npe uas niam txiv tis thaum yug los kom phim rau lawv lub meej mom . Cov tub ntxhais kawm muaj cai los hais lawv cov npe thiab lub npe puas uas raws li lawv lub meej mom . Tom qab tham nrog niam txiv thiab tus tub ntxhais kawm tag lawm , cov neeg ua hauj lwm hauv tsev kawm yuav tsum siv lub npe puas thiab lub npe uas tus tub ntxhais kawm qhia . Li cas los xij , Feem saib xyuas tsev kawm cov npe khaws tseg yuav tau khaws lub npe thiab lub meej mom uas raug txoj cai ( feem ntau yog lub meej mom uas tis rau thaum yug los ). Tus tub ntxhais kawm cov ntawv khaws tseg yuav hloov mas yuav tsum yog muaj ntaub ntawv hloov raug raws kev cai lij choj xwb . Vim feem saib xyuas tsev kawm mas khaws cov tub ntxhais kawm cov npe thiab meej mom uas raug raws txoj cai lij choj xwb , cov ntawv pov thawj kawm tiav thiab tej ntaub ntawv ua kam tsis hloov tshwj tsis yog tus tub ntxhais kawm tau mus hloov raug raws txoj cai lawm . Li cas los xij , thaum tsis siv lub npe raug kev cai lawm , raws li thov kuv hloov meej mom tus tub ntxhais kawm thiab lawv niam lawv txiv , tus tub ntxhais kawm lub npe uas nws nyiam yuav raug siv rau feem saib xyuas tsev kawm cov hom phiaj , xws li , kev sib hloov hauv chav kawm , hauj lwm kev lom zem , tub ntxhais kawm tus ID , thiab phau ntawv xyoo .
Restrooms and Locker Rooms : Feem saib xyuas tsev kawm yuav cia cov tub ntxhais kawm nkag mus nyob rau cov muaj meej mom sib thooj . Peb yuav ua twb zoo ua kom cov chav dej , chav rau khoom ntiag tug , chaw da dej , chaw tawmm rooj rau cov tub ntxhais kawm . Tag nrho cov tub ntxhais kawm , nrog rau cov hloov meej mom , cov tsis muaj meej mom , yuav tsum tso cai thiab siv tau tag nrho cov vaj tsev raws li lawv lub meej mom . Raws li qhov lawv thov ua tau , txhua tus tub ntxhais kawm uas xav ua txhawm rau nws qhov kev xav tau ntiag tug yuav tau npaj hloov tau lawv ( piv txwv ., cov chav dej nyob ze yuav tsum muaj qhov rooj , qhov chaw yuav tsum nws thaiv nws , Ib chav ua hauj lwm rau tus qhia PE nyob hauv chav cia khoom los sis cov chav dej nyob ze ) los sis yuav tsum sib hloov sij hawm siv . Cov tub ntxhais kawm uas hloov meej mom los sis tsis muaj meej mom tsuas yog yuav tsum tau siv ib leeg los sis tsis li nyias nyob nyias tsev yog txhua tus tub ntxhais kawm xav ua li hais . Lub hom phiaj yog sawv daws yuav tsum tau nyob ua ke kom ntau thiab muaj vaj huam sib luag rau sawv daws rau kev ua si sport , sawv daws muaj kev nyab xeeb , muaj kev yooj yim , thiab kev puas koob npe rau cov tub ntxhais kawm kom tsawg kawg nkaus .
Cov Hauj Lwm Txog Meej Mom : Meej mom yogi b yam uas siv coj los faib cov chav kawm thiab faib kev sib koom hauv chav kawm . Xws li cov hauj lwm tuaj yeem muaj kev nyuab los ntawm kev hloov meej mom los sis tsis muaj meej mom , tshwj xeeb yog tias lawv raug quab yuam kom koom xwb tab sis yam ua tsis yog lawv lub meej mom ua tau . Xws li , zam kev siv meej mom ua ib qhov chaw sib cais yog ua tau . Yog thaum pab pawg npaj los raws cov meej mom , cia cov tub ntxhais kawm lawv xaiv lawv pab thiaj hnov muaj kev lom zem . Minnesota State Cov Tsev Kawm Theem Siab Cov League tau kho txoj cai hais txog kev muaj cai txais uas yog poj niam txiv neej cov hloov meej mom los sis hais tias txhua tus tub ntxhais kawm tuaj yeem koom tau , uas yog nyob ntawm lawv lub meej mom los sis txoj kev nyiam , yuav tau tso cai koom rau kev sib tw “ ib ncig puav vij uas tsis muaj kev ciav cais ”.
2021-22 Tsev Kawm Ntawv Phau Ntawv Qhia ahschools . us / policies 35