Ntaus Nqi Cov Txheej Xwm Ntiag Tug : Nyob rau tsoom fwv thiab xeev ob tsab cai lij choj , txheej xwm thiab ntaub ntawv ntawm ib tug uas hloov meej mom los sis hloov qhov thaum yug los xam tias yog cov ntaub ntawv ntiag tug . Tsuas yog cov neeg ua hauj lwm uas muaj kev paub txaus xwb thiaj muaj cai paub cov txheej xwm no txhawm rau ua lawv txoj hauj lwm thiab nkag tau cov txheej xwm no .
Cov tub ntxhais kawm uas hloov meej mom thiab tsis muaj meej mom tej zaum kuj txiav txim tham thiab qhia lawv tus kheej ncaj qha los sis tej zaum kuj txiav txim siab thaum twg , nrog leej twg , ntau npaum cas uas yuav qhia cov txheej xwm ntiag tug . Tsev kawm ntawv yuav tsum muab siab rau nrog tus tub ntxhais kawm thiab tsev neeg faib qhov phiaj xwm kom nws ua hauj hauj lwm rau ob tog tus tub ntxhais kawm thiab lub tsev kawm . Kev suav vam txheej xwm ntiag tug nws yuav xam raws lub hnub nyoog ntawm tus tub ntxhais kawm . Tej thaum cov tub ntxhais kawm uas hloov meej mom lawv tsis xav pub lawv niam thiab txiv paub los sis lawv tsuas xav hloov thaum nyob rau tsev kawm ntawv xwb . Qhovyuav ua li cas kom thiaj tau qhov nruab nrab tau kev txhawb tus tub ntxhais kawm los ntawm niam txiv qhov kev muaj cai paub txog tus tub ntxhais kawm cov txheej xwm yog ib qhov nyuab kawg thiab .
Niam txiv thiab tus tsom kwm muaj cai paub tus tub ntxhais kawm cov txheej xwm tshwj tsis yog tias tsev txiav txim plaub tau txiav txim tseg lawm tsis li ces tus tub ntxhais kawm yuav tsum tau thov tsis pub muab cov txheej xwm qhia leej twg . Tej zaum tsev kawm ntawv kuj yuav kom tus tub ntxhais kawm kos npe , sau ntawv thov tias cov txheej xwm tsis pub qhia leej twg thiab qhia paus ntsis tias vim li cas thiaj tsis qhia . Thaum tau txais tsab ntawv thov lawm , lub tsev kawm ntawv yuav tsum ntaus nqi seb puas txwv neeg nkag mus paub thiab seb puas yuav ua rau puas tsuaj los sis ua rau lub siab tsis tus .
• Tsis hais tus tub ntxhais kawm yuav loj txaus thiab muaj peev xwm qhia cov paus ntsis thiab to taub yam yuav tshwm sim yog cia lwm tus paub ;
• Tsis hais yog tsis pub lwm tus paub yuav ua rau pab tau tus tub ntxhais kawm xws li tiv thaiv nws los ntawm kev raug lwm tus thab tsis hais lub cev los sis txoj kev xav ;
• Tsis hais yuav ntseeg tias tus tub ntxhais kawm cov lus uas tsis pub lwm tus paub muaj tseeb li hais tiag ; thiab
• Tsis hais cov txheej xwm hauv cov lus nug yog yam yuav tau nthuav tawm rau niam txiv paub tseem yuav ua rau muaj qhov puas tsuaj rau lub cev los sis lub siab .
Feem ntau lawm , cov hauv qab no yog qee yam kev tsis pub nkag mus paub txog .
Feem saib xyuas tsev kawm puas muab vaj huam sib luag rau txhua tus tub ntxhais kawm . Tsis muaj ib tug tub ntxhais kawm twg uas yuav raug ciav cais vim tus yeeb yam , nrog rau meej mom poj niam / txiv neej . Feem saib xyuas tsev kawm tsis tau txwv kev nkag mus rau cov txiaj ntsim ntawm lawv cov tes dej num kev kawm . Feem saib xyuas tsev kawm muaj tus txheej txheem hais kev tsis txaus siab thiab ua raws txoj cai yog tias tus tub ntxhais kawm ho tsis zoo siab tias Feem Saib Xyuas Kev Kawm tsis ua ncaj ncees raws li cov Lus Qhia . Cov txheej xwm qhia txog tias yuav hais li cas yog tsis txaus siab thiab raug kev ua phem , quab yuam thiab ciav cais raws txoj cai nqe 413.0 thiab Daim Foos Qhia 413.0F Kev Quab Yuam , Ua Phem , Ciav Cais los sis Saib Tsis Taus .
Tiv tauj Dr . Keith Brooks , Tuam Thawj Pab Cuam Cov Tub Ntxhais Kawm 763-506- 1017 los sis keith . brooks @ ahschools . us yog muaj txheej xwm ntxiv .
Tsab Cai Txog Kev Zes , Kev Ua Phem , thiab Kev Ntxub Ntxaug , No . 413.0
Lus Cim : Tsab Cai Qhuab Qhia 506.0 los tseem hais txog kev zes thiab . Nws hais tias : “ Cov kev ua txhaum cai rau cov neeg uas tau sib txuas lus nrog los sis npaj sib txuas lus nrog tsis hais siv hom kev dab tsi li . Cov kev ua txhaum cai muaj xws li tiam sis tsis yog tas rau : hais lus thiab / los sis tsis hais lus thab plaub / hawv ; soj caum qab ; kev thaiv ; ua phem rau ; sib ntaus ; kev txhav los ua yug tug ; kev thab plaub , hais lus phem txog haiv neeg ; kev ua phem txog kev tsis taus ; kev hais lus phem txog kev sib deev / ua phem ; hnav khaub ncaws tsis raug chua ; kev ua phem kom nkag tau mus ua tswv cuab hauv ib pag pawg ( hazing ).” Nws yog tsab cai hauv Anoka-Hennepin Cheeb Tsam Tsev Kawm Ntawv Tus Zauv 11 los tswj ib cheeb tsam kawm ntawv thiab ua hauj lwm uas tsis muaj kev zes , kev ua phem los sis kev ntxub ntxaug raws haiv neeg , kob ntawm cev nqaij daim tawv , kev ntseeg , dab qhuas , yug lub teb chaws twg , poj niam los sis txiv neej , muaj txij nkawm los sis tsis muaj , tsev neeg zoo li cas , kev tsis taus , tau kev pab los ntawm nom tswv , poj niam nyiam poj niam los sis txiv neej nyiam txiv neej , hnub nyoog , kev so hauj lwm mus tu tsev neeg los sis kev yog qub tub rog uas muaj tiag los sis xav tias muaj tiag . Cheeb tsam txwv tsis pub muaj kev zes , kev ua phem los sis kev ntxub ntxaug raws qhov uas muaj tiag los sis qhov uas xav tias yog ntawm cov pawg neeg uas muaj kev tiv thaiv . Nws yuav yog ib qho txhaum tsab cai no rau ib tug tub ntxhais kawm ntawv los sis ib tug neeg ua hauj lwm hauv cheeb tsam los ( 1 ) zes ib tug tub ntxhais kawm ntawv los sis ib tug neeg ua hauj lwm hauv cheeb tsam los ntawm kev coj xeeb ceem los sis kev sib txuas lus ( piv txwv li , siv lub cev , hais lus , duab los sis sau ntawv ) los sis los ( 2 ) ua rau raug mob , hawv yuav ua kom raug mob los sis sim ua kom raug mob ; los sis los ( 3 ) ntxub ntxaug ib tug tub ntxhais kawm ntawv los sis tus neeg ua hauj lwm hauv Cheeb Tsam raws tus tub ntxhais kawm ntawv los sis tus neeg ua hauj lwm ntawd pawg neeg uas muaj kev tiv thaiv uas yeej muaj tseeb los sis xav tias muaj . Tsab cai no tseem siv rau cov kev coj xeeb ceem uas tsis yog ua rau ntawm tsev kawm ntawv thaj chaw uas ua rau muaj los sis hawv kom muaj kev cuam tshuam loj thiab kev cuam tshuam tej khoom ntawm tsev kawm ntawv , los sis cuam tshuam rau cov tub ntxhais kawm ntawv los sis cov neeg ua hauj lwm txoj cai uas tsis pub muaj kev sib ntxub hauv ib puag ncig ntawm tsev kawm ntawv thaum tsis muaj ib yam dab tsi yuav los txiav txim tau rau cov xwm txheej uas tshwm sim hauv tsev kawm ntawv thaj chaw thiab tsis yog tshwm sim hauv tsev kawm ntawv thaj chaw . Tsab cai no tseem siv rau cov kev coj xeeb ceem uas tsis yog ua rau ntawm tsev kawm ntawv thaj chaw uas ua rau muaj los sis hawv kom muaj kev cuam tshuam loj thiab kev cuam tshuam tej khoom ntawm tsev kawm ntawv , los sis cuam tshuam rau cov tub ntxhais kawm ntawv los sis cov neeg ua hauj lwm txoj cai uas tsis pub muaj kev sib ntxub hauv ib puag ncig ntawm tsev kawm ntawv thaum tsis muaj ib yam dab tsi yuav los txiav txim tau rau cov xwm txheej uas tshwm sim hauv tsev kawm ntawv thaj chaw thiab tsis yog tshwm sim hauv tsev kawm ntawv thaj chaw . Cheeb tsam yuav tshawb xyuas txog tag nrho cov kev tsis txaus siab txog kev zes , kev ua phem los sis kev ntxub ntxaug — txawm tias yuav yog raws kev raws cai los sis tsis yog raws kev raws cai , hais ntawm ncauj los sis sau rau hauv ntawv — raws tus tub ntxhais kawm ntawv los sis tus neeg ua hauj lwm ntawd pawg neeg uas muaj kev tiv thaiv uas yeej muaj tseeb los sis xav tias muaj , thiab yuav qhuab qhia los sis rau txim rau tus tub ntxhais kawm ntawv los sis tus neeg ua hauj lwm hauv Cheeb Tsam uas pom tias tau ua txhaum tsab cai no . Yuav muaj kev pab khiav dej num thiab neeg ua hauj lwm caum qab rau cov uas raug ua phem rau thiab cov uas ua phem ntawm kev zes , kev ua phem thiab kev ntxub ntxaug . Thaum uas tsab cai no hais txog kev qhia thiab kev teb rau kev zes , kev ua phem los sis kev ntxub ntxaug , cheeb tsam lees paub qhov tseem ceeb ntawm kev tiv thaiv txoj kev zes , kev ua phem thiab kev ntxub ntxaug ua ntej nws yuav tshwm sim los ntawm cov kev pwv xyaum tas li , cov kev pab cuam thiab cov kev cob qhia . Cheeb tsam yuav siv txoj kev tiv thaiv kev ua phem thiab kev qhia txog kev coj cwj pwm rau cov tub ntxhais kawm ntawv kom los tiv thaiv thiab txo cov kev ua txhaum txoj cai . Cov kev pab cuam no yuav muaj qhia txog kev coj xeeb ceem uas muaj xws li , tiam sis tsis yog tas rau , cov yam ntxwv zoo hauv tib neeg xws li tswm xeeb , kev ncaj ncees , kev hwm cov neeg muaj cai , kev rau siab , kev ris txiaj ntsim , kev qhuab qhia tus kheej , kev ua siab ntev , kev zam txim , kev hwm lwm tus , kev thaj yeeb , thiab muab kev pab . I . COV NTSIAB TXHAIS
A . Tus neeg ua hauj lwm hauv cheeb tsam . Rau kev siv hauv lub hom phiaj no , “ tus neeg ua hauj lwm hauv cheeb tsam ” yog cov tswv cuab hauv pawg tswj tsev kawm ntawv , cov neeg ua hauj lwm hauv cheeb tsam , cov neeg ua hauj lwm rau lwm qhov chaw , cov neeg ua hauj lwm pab dawb , cov neeg muaj ntawv cog lus tuaj ua hauj lwm / cov neeg muag khoom , los sis cov neeg uas tau kev saib xyuas thiab kev tswj xyuas los ntawm cheeb tsam .