Siv Tsab Cai : Lub Npav Thauj Me Nyuam Mus Kawm Ntawv Cov Cai thiab Cov Cai Tswj Kav Kev Qhuab Qhia
Cov cai thiab cov cai tswj kav nram qab no tau yuav los ntawm Anoka-Hennepin Cheeb Tsam Tsev Kawm Ntawv Koog 11 . Tau vam tias cov kev taw qhia no yuav pab muab kev thauj mus los ntawm tsev kawm ntawv uas ruaj ntseg rau koj tus tub ntxhais kawm ntawv . Cov tub ntxhais kawm ntawv yuav tsum tau nyob ntawm chaw tos npav tsib feeb ua ntej lub sij hawm npaj tos . Raws li Minnesota Tsab Cai 123B . 90 “ Kev caij hauv lub npav thauj me nyuam mus kawm ntawv yog ib lub meej mom , tsis yog ib txoj cai ”. Cov tub ntxhais kawm ntawv uas muaj lub hwj tsam los caij cheeb tsam tsev kawm ntawv cov npav thauj me nyuam mus kawm ntawv yuav caij tau tsuav lawv coj tus xeeb ceem tsim nyog thiab ruaj ntseg . Txoj kev xaiv los coj ib tug xeeb ceem uas yuav tsis tau mas yuav ua rau tsis pub caij npav lawm . Tus neeg tsav npav muaj txoj dej num los xyuas kom cov tub ntxhais kawm ntawv hauv lub npav muaj kev ruaj ntseg thiab kev qhuab qhia . Tus tswj fwm lub tsev kawm ntawv yuav pab tus neeg tsav npav thiab yuav txiav txim txog cov kev yuav tau txais ntawm kev coj xeeb ceem tsis zoo , thiab qhov yuav rov qab caij tau npav rau tus ( cov ) tub ntxhais kawm ntawv uas ua txhaum cai ntawd yog tias tsim nyog yuav tau muab nws tshem tawm tsis pub caij npav lawm . Kev muab tshem tawm yuav siv rau tag nrho cov npav tshwj tsis yog tias cov neeg hauv tsev kawm ntawv hos txiav txim lwm yam . Txoj kev saib xyuas tus tub ntxhais kawm ntawv los ntawm cheeb tsam mas yuav pib thaum tus tub ntxhais kawm ntawv nce rau hauv npav yav sawv ntxov thiab yuav saib xyuas mus kom txog thaum uas tus me nyuam tawm hauv npav thaum kawm ntawv tas rau hnub ntawd , los sis kom txog thaum uas tso mus rau niam txiv / tus neeg saib xyuas uas xwm yeem nrog li cov kev taw qhia txog kev tso cov tub ntxhais kawm ntawv mus .
KEV THAUJ COV KHOOM UAS MUAJ FEEM RAU TSEV KAWM NTAWV / COV KHOOM UAS TSIS MUAJ FEEM
Nyob rau hauv Cov Cai thiab Cov Cai Tswj Kav rau Kev Siv Lub Npav Thauj Cov Me Nyuam Mus Kawm Ntawv hauv Minnesota , nws hais tias “… tsis pub thauj cov khoom , nrog rau cov phom , cov uas muaj mos txwv los sis tsis muaj mos txwv ; cov thoob ntim roj , cov uas tsis muaj roj nyob hauv los sis muaj roj nyob hauv ; cov tsiaj los sis lwm cov khoom uas phom sij los sis cov nyom thaum uas thauj cov me nyuam yaus .” Txwv tsis pub siv xov tooj ntawm tes , nrog rau kev siv cov twj yees duab digital los sis cov koob yees yeeb yaj kiab thaum nyob nyob hauv lub npav . Cov twj ntaus suab paj nruag uas pub nqa rau hauv npav mas yog cov uas me txaus uas tso tau rau ntawm tus tub ntxhais kawm ntawv ncej puab . Muab cov twj tso tsis tau rau hauv txoj kev mus los sis ntawm qhov chaw uas tus tub ntxhais kawm ntawv yuav zaum . Cov pas ntaus hockey , cov pas ntaus lacrosse , cov pas ntaus golf , cov dab cab neeg , los sis lwm cov twj ua si uas yuav cov nyom mas yuav tsis pub nqa rau hauv cov npav uas siv li niaj zaus . Cov khau caij saum daus , cov khau log , cov daim caij uas muaj log , cov khau caij in-line , thiab cov pas ntaus pob mas yuav tsis pub nqa los rau hav npav tshwj tsis yog tias muab tso rau hauv ib lub hnab ntim cov khoom ua si los sis ntim rau hauv ib qho chaw uas muab tsis tau . Kev puas tsuaj rau cov khoom ntawm ntiag tug mas tsis muaj kev pov puag los ntawm lub tuam txhab npav uas muaj ntawv cog lus nrog / cheeb tsam qhov kev tuav pov hwm .
COV NPAV UAS MUAB RAU NWS XWB
Tau muab cov npav thiab cov chaw tos npav rau cov tub ntxhais kawm ntawv . Tsis pub hloov lub npav los sis chaw tos npav yog tsis muaj kev hloov hauv lub npav los sis chaw tos npav yog tsis tau kev tso cai los ntawm tuam tsev xyuas kev chaw thauj mus los . Cov neeg tuav txoj hauj lwm hauv tsev kawm ntawv yuav hloov tau mus ib ntus rau cov xwm txheej ceev uas tau kev tso cai xwb . Yog tsis caij lub npav uas tau muab rau mus los mas tej zaum yuav ua teeb meem rau txoj kev ruaj ntseg ntawm cov tub ntxhais kawm ntawv thiab tej zaum yuav tau muaj kev qhuab qhia .
Cov Kev Taw Qhia thiab Cov Kev Yuav Tau Txais Rau Kev Coj Xeeb Ceem
COV KEV UA TXHAUM HAUV PAWG I 1 . Nto qaub ncaug 2 . Ua suab nrov dhau heev lawm 3 . Coj tus xeeb ceem ua lwj ua liam / khib dwb / cuam tshuam 4 . Noj / haus / pov khib nyiab hauv npav
5 . Tawm ntawm lub rooj zaum / sawv ntsug yam uas tsis tau kev tso cai los ntawm tus neeg tsav npav 6 . Siv cov taub uas muaj kua tsis hais hom twg li 7 . Kev ua phem , hais lus phem , thab plaub , ua tej yam sis sawm saib los sis tau cov khoom uas tsis tsim nyog 8 . Qhia dag / tsis kam qhia seb tus kheej yog leej twg 9 . Caij hauv lub npav uas tsis tau muab rau nws los sis siv ib qho chaw tos npav uas tsis tau muab rau nws 10 . Qhib qhov rais dhau txoj kab ruaj ntseg 11 . Caij los sis sim caij ib lub npav thaum lub sij hawm muab tshem tawm lawm 12 . Tsis mloog tus neeg tsav npav / tus neeg qhia ntawv / tus neeg tswj cov npav hais 13 . Siv xov tooj ntawm tes 14 . Lwm cov kev ua txhaum raws li qhia los ntawm tus neeg tsav npav los sis tus tswj fwm tsev kawm ntawv COV KEV UA TXHAUM HAUV PAWG II 1 . Dai ntawm cov qhov rais 2 . Cuam / tua khoom 3 . Thab plaub thiab / los sis siv lub cev mus thab plaub rau ib tug neeg 4 . Hais lus phem / hawv ncaj qha rau tus neeg tsav npav / tus neeg ua hauj lwm 5 . Tau / siv luam yeeb los sis cov yeeb tshuaj 6 . Ua kom lub npav puas ( yuav tau kho kom rov zoo li qub ) 7 . Tuav los sis sim tuav tej yam sab nraum lub npav los sis ua txhaum txoj cai tias yog “ Cheeb Tsam Phom Sij ” 8 . Txhuam ntais ntawv , ntais los sis tej yam khoom los sis tshuaj uas cig hluav taws tau 9 . Kev nkag los sis tawm hauv npav uas siv lub qhov rooj tawm thaum muaj xwm ceev yam tsis tau tso cai / ua kom cov khoom hauv lub npav puas 10 . Tau los sis hawv uas siv riam phom / cov khoom tawg taus / cov khoom cig tau hluav taws 11 . Lwm cov kev ua txhaum raws li tau qhia los ntawm tus neeg tsav npav los sis tus tswj fwm tsev kawm ntawv 12 . Tau / siv cov mem uas muaj lub teeb ci laser los sis cov twj taw 13 . Cov kev ua txhaum hauv npav thaum lub sij hawm tsis yog thauj mus los ntawm tsev kawm ntawv ( mus ua si , tawm mus ua si sab nraud , thauj mus los rau ntawm ib qho chaw , lwm yam zoo li no ) yuav raug nplua raws li qhov tsawg tshaj plaws hauv Pawg II kev ua txhaum zaum ib .
Cov Kev Yuav Tau Txais los ntawm Kev Ua Txhaum Hauv Npav
PAWG I
Kev Ua Txhaum Zaum 1 : Kev Ua Txhaum Zaum 2 : Kev Ua Txhaum Zaum 3 :
Kev Ua Txhaum Zaum 4 :
PAWG II
Kev Ua Txhaum Zaum 1 : Kev Ua Txhaum Zaum 2 : Kev Ua Txhaum Zaum 3 :
Kev Ua Txhaum Zaum 4 :
Ceeb toom los sis tshem tawm 1-5 hnub Tshem tawm 1-10 hnub 1 . Tshem tawm yam tsawg 5-10 hnub 2 . Tej zaum yuav tsis pub caij npav kiag li lawm 3 . Sib tham ntawm niam txiv / tus tswj tsev kawm ntawv / nyob ntawm kev xaiv Tsis pub caij npav kiag li lawm
Tshem tawm 5 hnub Tshem tawm 10 hnub 1 . Tshem tawm yam tsawg 10 hnub 2 . Tej zaum yuav tsis pub caij npav kiag li lawm 3 . Sib tham ntawm niam txiv / tus tswj hwm tsev kawm ntawv / nyob ntawm kev xaiv Tsis pub caij npav kiag li lawm
Lub npav thiab chaw tos npav yog kev txuas ntawm hnub kawm ntawv . Cov kev yuav tau txais rau lub npav thiab qhov chaw tos npav mas yuav hloov tsab cai hauv cheeb tsam qhov chaw . Tus neeg tsav npav muaj cai los muab chaw rau cov me nyuam zaum . Tsab cai txog kev thab plaub txog kev sib deev / haiv neeg / kev teev hawm , tsab cai txog riam phom , thiab tsab cai txog kev thab plaub mas yuav tswj nruj hauv npav nrog rau tom tsev kawm ntawv tib si . Yuav siv tau cov koob yees duab hauv cov npav thauj me nyuam mus kawm ntawv .