Txhaum ntxiv : a . so b . yuav tau xa mus rau tsev kawm cov Txwj Laug hauv Tsev Kawm kom muab tshem tawm ntev txog ib xyoos Thov mus saib rau phab 46 tshab txhais txog kev Siv Yam Muaj Paus Ntsis thaum siv rau ib tug tub ntxhais kawm . Lus Cim : Kev siv lub cev los thab plaub rau ib tug neeg ua hauj lwm yuav raug muab tshem tawm mus kaum hnub tam sim ntawd thiab xa mus rau pawg tswj xyuas tsev kawm ntawv kom muab ntiab tawm hauv tsev kawm ntawv mus txog ib xyoos hauv daim ntawv teev sij hawm ( calendar ). Yog hais tias ib tug neeg ua hauj lwm raug mob thaum sim los thaiv kom lwm tus neeg txhob raug mob , tus tub ntxhais kawm ntawv uas tau ua rau raug mob ntawd los ntawm qhov nws ua ntawd los sis qhov tsis ua raws li tus neeg ua hauj lwm cov lus txib , tej zaum yuav raug muab tshem tawm thiab xa mus rau pawg tswj tsev kawm ntawv kom muab ntiab tawm hauv tsev kawm ntawv mus txog ib xyoos hauv daim ntawv teev sij hawm ( calendar ). Grades 6-8 ( cov kev ua txhaum ua ke tag nrho hauv cov xyoo kawm hauv tsev kawm ntawv theem nrab ) Txhaum thawj zaug : a . tej zaum muab tshem tawm , b . nrog niam txiv sib tham , c . kev pab tawm tswv yim nrog lub tsev kawm ntawv / cov neeg uas yog ib phaum li yus pawg neeg sib kho kom haum xeeb los sis nrog ib lub koom haum sab nraud , d . yuav qhia rau cov niam txiv thiab tus tub ntxhais kawm ntawv tias cov kev ua txhaum mus txuas ntxiv yuav raug muab xa mus rau Pawg Tswj Xyuas Tsev Kawm Ntawv kom muab ntiab tawm hauv tsev kawm ntawv mus txog ib xyoos hauv daim ntawv sij hawm ( calendar ), e . xa mus rau cov tub ceev xwm .
Ua txhaum zaum ob : a . muab tshem tawm tsib mus rau 10 hnub , b . nrog niam txiv sib tham , c . kev pab tawm tswv yim nrog lub tsev kawm ntawv / cov neeg uas yog ib phaum li yus pawg neeg sib kho kom haum xeeb los sis nrog ib lub koom haum sab nraud , d . tej zaum xa mus rau pawg tswj xyuas tsev kawm ntawv kom muab ntiab tawm tsev kawm ntawv , e . xa mus rau cov tub ceev xwm .
Cov kev ua txhaum mus ntxiv : a . tshem tawm mus kaum hnub , b . xa mus rau Pawg Tswj Xyuas Tsev Kawm Ntawv kom muab ntiab tawm tsev kawm ntawv mus txog ib xyoos hauv daim ntawv teev sij hawm ( calendar ) c . xa mus rau cov tub ceev xwm . Qib Kawm 9-12 ( cov kev ua txhaum ua ke tag nrho hauv cov xyoo kawm hauv tsev kawm ntawv theem siab ) Tus neeg tuav txoj dej num yuav siv nws txoj kev txiav txim siab los xyuas seb puas muaj kev ua txhaum hauv tsab cai txog kev siv lub cev los thab plaub . Tus neeg tuav txoj dej num , nrog kev pom zoo los ntawm tus neeg pab tus thawj tswj cheeb tsam tsev kawm ntawv , yuav siv tau nws txoj kev txiav txim siab los siv cov kev yuav tau txais uas tsim nyog ntxiv thaum uas tsim nyog kom muaj kev ruaj ntseg rau tag nrho cov tub ntxhais kawm ntawv . Yuav siv tag nrho nom tswv teb chaws thiab xeev cov cai hais txog cov tub ntxhais kawm ntawv tshwj xeeb rau cov txheej txheem hauv tsab cai no . Txhaum thawj zaug : a . tshem tawm mus tsib hnub , b . nrog niam txiv sib tham , c . yuav qhia rau cov niam txiv thiab tus tub ntxhais kawm ntawv tias cov kev ua txhaum mus txuas ntxiv yuav raug muab xa mus rau Pawg Tswj Xyuas Tsev Kawm Ntawv kom muab ntiab tawm hauv tsev kawm ntawv mus txog ib xyoos hauv daim ntawv sij hawm ( calendar ), d . xa mus rau tub ceev xwm , e . xa mus rau tus Thawj Saib Xyuas Cov Dej Num Ua Si ( Activities Director ).
Cov kev ua txhaum mus ntxiv : a . tshem tawm mus kaum hnub , b . xa mus rau Pawg Tswj Xyuas Tsev Kawm Ntawv kom muab ntiab tawm tsev kawm ntawv mus txog ib xyoos hauv daim ntawv teev sij hawm ( calendar ) c . xa mus rau cov tub ceev xwm .
Siv Tsab Cai : Cov Kev Taw Qhia rau Tub Ntxhais Kawm Ntawv Kev Hawv Cov Neeg Ua Hauj Lwm
Lus Cim : Tsab Cai Qhuab Qhia 506.0 hais txog tub ntxhais kawm ntawv kev hawv rau cov neeg ua hauj lwm . Nws hais tias : “ Anoka-Hennepin Cheeb Tsam Tsev Kawm Ntawv Zauv 11 yuav saib kev hawv yuav ua phem rau cov neeg los sis tsev kawm ntawv cov khoom , txawm tias yog ntawm cev , hais lus los sis sau ntawv , nrog rau kev hawv uas siv computer ua , tam li yog ib qho uas loj heev .” Cov txheej txheem qhuab qhia :
1 . Yuav tshem tawm tus tub ntxhais kawm ntawv tam sim ntwad thaum uas paub tias yog nws thiab tau qhia rau niam txiv / cov neeg saib xyuas . Yog hais tias yuav tau muaj kev nyab xeeb tam sim ntawd , yuav tshem tawm thaum nyob hauv tsev kawm ntawv , los sis yuav mus saib hauv tsab cai tam sim ntawd .
2 . Tus tswj fwm tsev kawm ntawv los sis tus neeg xais los sawv cev yuav tshawb xyuas txog qhov teeb meem los xyuas seb qhov kev hawv yog dab tsi , leej twg yog tus txuam rau hauv , yog vim li cas hos hawv , thiab seb puas muaj teeb meem loj hauv qhov kev hawv .
3 . Tus tswj fwm tsev kawm ntawv yuav qhia rau cov neeg ua hauj lwm txog qhov yuav siv tau tus tub ceev xwm txuas lus , tub ceev xwm hauv nroog los sis lub nras tus tub ceev xwm saib nroog los ua ib qho chaw muab kev pab .
4 . Thaum xaus hauv txoj kev tshawb xyuas tej zaum yuav muaj cov nram qab no :
A . Yog hais tias tus neeg ua hauj lwm pom zoo , yuav muaj ib lub rooj sib tham nrog tus tub ntxhais kawm ntawv thiab nws niam nws txiv , tus neeg tuav txoj dej num thiab lwm cov neeg uas tsim nyog hauv lub tuam tsev los sis cheeb tsam . Yuav kom tus tub ntxhais kawm ntawv piav seb yog vim li cas nws ho coj xeeb ceem li ntawd rau tus neeg ua hauj lwm , thiab yuav muab ib lub sij hawm rau nws los thov txim . Yuav muab ib lub sij hawm rau tus neeg ua hauj lwm los nrog tus tub ntxhais kawm ntawv thiab niam txiv tham txog qhov kev hawv ntawd . Yuav suav qhov xaus ntawm lub rooj sib tham no thaum los txiav txim seb yuav ua li cas tus tub ntxhais kawm ntawv thiaj li rov qab mus kawm ntawv tau , thiab cov kev yuav tau txais rau kev coj xeeb ceem phem ( teev nyob rau hauv nqe # 5 thiab # 6 ) los ntawm tus tswj fwm tsev kawm ntawv nrog cov tswv yim los ntawm tus neeg ua hauj lwm uas raug hawv ntawd .
B . Tus tub ntxhais kawm ntawv thiab tus neeg ua hauj lwm yuav tsis sib ntsib ; yuav tshem tus tub ntxhais kawm ntawv tawm hauv tsev kawm ntawv , tus tswj fwm tsev kawm ntawv yuav qhia rau niam txiv / tus neeg saib xyuas hauv xov tooj los sis hauv lub rooj sib tham txog qhov xaus ntawm kev tshawb xyuas , thiab yuav siv tau cov kev xaiv hauv nqe # 5 thiab / los sis # 6 .
5 . Cov kev yuav tau xaiv rau tus tub ntxhais kawm ntawv tej zaum muaj : A . Tshem tawm mus 1-10 hnub , B . Pom zoo kho kom zoo li qub los sis ua hauj lwm pab dawb , C . Hloov mus rau lwm lub tuam tsev hauv Cheeb Tsam , D . Kev taw qhia los ntawm Cheeb Tsam kom muab ntiab tawm , E . Tej zaum yuav teev ntawv nrog tub ceev xwm los sis tub ceev xwm saib nroog kom muab txim rau .
6 . Lub hom phiaj yuav rov qab tuaj nkag rau hauv lub tuam tsev uas kawm ntawv , los sis lub tuam tsev uas hloov tus tub ntxhais kawm ntawv mus rau , tej zaum yuav muaj :
A . Ib qho kev ntsuam xyuas txog lub hlwb los ntawm ib lub koom haum sab nraud ,
B . Ib lub rooj sib tham nrog tus tub ntxhais kawm ntawv , niam txiv / tus neeg saib xyuas , tus neeg pab tawm tswv yim / tus thawj ntawm tsev kawm ntawv / SSA , tus neeg tawm tswv yim txog kev tiv thaiv , tus tswj fwm lub tsev kawm ntawv thiab / los sis lwm tus neeg ua hauj lwm ua tsim nyog , C . Hloov tus tub ntxhais kawm ntawv lub sij hawm kawm ntawv , D . Ib qho kev cog lus tias tus tub ntxhais kawm ntawv mus koom hauv ib pawg muab kev txhawb nqa los sis hauv ib qho dej num txhawb nqa .
2021-22 Tsev Kawm Ntawv Phau Ntawv Qhia ahschools . us / policies 33